حذر خبراء اقتصاديون من أن اعتماد السودان على النفط كمصدر رئيسي للصادرات، يمكن ان يتسبب في تدهور المحاصيل الأخرى خاصة الغذائية منها التي أصبحت البلاد تستورد أكثر مما تصدر منها. وحث هؤلاء المحللون الحكومة السودانية على إعادة النظر في سياساتها الاقتصادية الكلية. ويمكن الناس شايفه انو الصادرات السودانية غير البترولية بتعاني من تراجع مضطرد مما جعلها تحتل مراتب متدنية في جدول صادرات السودان في السنوات الأخيرة الماضية مقابل النفط. في الوقت اللي شكل البترول في الفترة من عام 2000 حتى النصف الاول من العام الحالي ارتفاع كبيرمقارنة بالصادرات الأخرى اللي كان بيعتمد عليها السودان السياسات الاقتصادية فشلت في انها تضبط وتطور ثروات البلاد التانية وللا حتى تحافظ عليها، الشي البخلي من الصعب انو نتكهن بمستقبل السودان الغذائي في ظل تحولو من منتج لي مستورد مستهلك.(لاحظوا .. مستورد مستهلك).. والحاجة الغريبة الداير الناس تلاحظ ليها معاي .. (متوسط عائد صادرات السودان غير البترولية في الفترة من سنة 1994 إلى 1998 واللي جات قبل إنتاج البترول كانت خمسمائة مليون دولار سنويابعد داك انخفضت لي أقل من 350 مليون دولار في ال5سنوات اللي جات بعد ما طلع البترول) ودا تقرير لي بنك السودان يعني ما مني (بالمناسبة عندي نسخة من التقرير دا). والاغرب المضحك المبكي عليكم الله ياناس (سودانيز اون لاين) ابكو معاي(استورد السودان في العامين الماضيين (2007 – 2008) مواد غذائية بأكثر مما صدر بما قيمته نحو 951 مليون دولار). هي قضية اريدمنكم مناقشتها من خلال هذا المنبر .. (السودان يستورد غذائه وهو الذي كان يطلق عليه سلة غذاء العالم..... ويوما ما ساحدث عن المرض الهولندي وهو ان تستورد الدولة غذائها والمصابه بيهو نيجيريا وعدد من الدول)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة