يا بت تماطيق السمر ،،،

Quote: أنا بالي فيك ،، مشيّت عليك ،، خطاوي الريد مستفة بالحنين سايقاني ليك ،، صبحت دروبي ملانة شوق ،، تريانة بتفتش تجيك ،، كل الأماني الحلوة ديك ،، صبحت موشحة بالظلال تندهـ عليك كل الشوارع و البيوت الفي الخيال مرسومة شان تشبه وشيك ،، كل المطارات و المواني الزرتها مشتاقة ليك ،، كل المدن جغرافيا بتفتش تضاريسك عشان يشبه مناخا ،، سكون عينيك لكني ما طشيت عشان يوم اوصلك عارف مداخلك ، و سكتك أنا ما زماااان ولدوني فيك ،، أنا ما زمان غسلوني من موية البحر أصلو البحر منك و ليك ،،