|
بورتــسودان جمـال يتـجلى وسحر لا يٌقاوم !!!
|
سكانها الاصاله بكامل معانيها وقلوبهم كلها صفاء ...
ما يجمع اهل بورتسودان حبهم لها وانحيازهم الواضح تجاها قضاياها وايمانهم التام بقوة الترابط الاجتماعى
كسلوك انسانى وميزه حضاريه يندر وجودها ..
ولكنها بورتسودان الام الرؤؤم ارضعتهم من حنانها وغمرتهم بطيب الخصال فاصبحوا هادرين بالحق كهدير امواجها وشامخين
شموخ جبالها ....
فهذه دعوه لكم احبتى للتوثيق لهذه المدينه وظرفاءها وانديتها وابناءها البرره والمعالم التى تزخر بها ...
هلا اجبتم ابناء الثغر الحبيب ..
|
|
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: السمؤال بدرالدين)
|
سمؤل الحبيب
تحيات نديه
حقآ يا عزيز انها عروس البحر وفاتنته ..
اسعدتنى كلماتك فى حقها وانت ابن من ابناءها لذا وجب عليك يا عزيز ان تحدثنا عن سلالاب وسكانه الكرام وظرفاءه وانديته
وكذلك الحال بالنسبه للاستاذه اميمه مصطفى سند والدكتور الحصيف انور دفع الله كنغ ليسردوا لنا عن حى الشاطى ولطافة اهله
والجميل هارون دياب عن الديوم الجنوبيه وكوريا تحديدآ حيث يطيب الحديث عنها وعن سكانها
والعزيز جدآ محمد خليل سانى والفاضل خالد العطا للبر الشرقى وشغبه واجتماعياته الانيسه ..
والغاليه تراجى مصطفى امنياتى لها بان يفك الله اسرها لتحدثنا عن الاحياء الوسطى هى واميرة الشرق الاستاذه امنه احمد مختار فهما من رحم هذه المنطقه وخير من يكتب عنها ....
والجميل محمد جميل ليحدثنا عن روايته الضجه بر العجم التى تحدث فيها عن احد احياء بورتسودان مستصحبآ معه ظرفاء ذلك الحى
العريق ....
ختامآ نرجو شاكرين التوثيق لهذه المدينه التى نحملها فى احداقنا ...
محبتى واكيد تقديرى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
عاشق الثغر الباسم / عوضاي سلامات وحقا انت عاشق الثغر الباسم يااخي الواحد بحسدك علي حبك لبورسودان...... المهم ..... البوست ده لازم يكون فوق طوااااااالي ويفوت بوست العرس داكـ ...ههههههههه وطبعا .... حااجيك ناطي بي هنا كل يوم ولا كل ساعة حبي وتقديري واحترامي لكل حاجة فيكي يابورسودان
اما عن.....
Quote: والجميل هارون دياب عن الديوم الجنوبيه وكوريا تحديدآ حيث يطيب الحديث عنها وعن سكانها |
هاكـ باص ديم كوريا ده.....
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: osama dahab)
|
Quote: لاجلك يا مدينة المدائن لاجلكم رفاقى ولاجلنا جميعا فووووق مع اشواقى الكثيره اسامة دهب الزماااان وانشاء الله كلنا تامين |
قومندانا العزيز اسامه دهب
ياخ فرحانه بيك كل النجوم لا نام بريقها ولا انطفا .....
الغائب عن اعيننا الحاضر بدواخلنا وين انتاااا كميات شووووق مووووبالغه عديل ....
شكرآ لمرورك وكلماتك التى تبعث الدفء
لك ما تشتهى من الامنيات
( تلفونك قافل ليهو مده ؟؟؟؟؟؟
تقديرى واحترامى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
Quote:
حبيبنا انور كنغ استاذتنا اميمه سند ورونا الصوره دى وين |
هههههههههههههههههههههههههه
يا حسين قاصد شنو بالحاجه دي يعيني عايز تشحتف روح أنور كنغ وأميمه ولآ شنو غايتو إنت جننتني أنا عديييييييل كده وراجع ليك بروااااااااقه وراح تلقاني معاك فى كل وقت وزمان
مع عظيم التقدير والإمتنان.
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: haroon diyab)
|
اوووو الكلام جاب كلام
هارون دياب الرجل الارباب
واندلقت قوارير الطيب والمسك لتعطر ارجاء هذا البوست كرمانآ لفارس يمتطى صهوه الابداع امتاعآ ...
لمرورك وضع خاص وبكم وبى انسكم يكتمل الألق ونجتر الزكريات فى حضره الباهيه الزاهيه بورتسودان ...
معزتى واكيد ودى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: انتصار محمد صالخ بشير)
|
Quote: الاخ عوضاى
السلام عليكم
بورتسودان مافى شك جميلة الا انها فقدت سحرها وفقدنا بالتغيرات الجديدة ذكريات طفولة مرتبطة ببعض الاماكن
من المحال دوام الحال |
انتصار صالح بشير
ينينا لوتنينا ... دبايتوا
منوره يا هندسه
رغم الالام يا عزيزه تبقى بورتسودان هى الدوحه الوارفه التى نستظل بظلالها ....
اكيد سيتبدل الحال وبكره اجمل ...
ودى واحترامى الاكيد
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
اخوى حسين عوضاى
شوق وعطش لسيل مدادكم العبقرى
يجتاح انحاء القلب والعقل وبعض اجزاء الذاكرة الهرمة
فتنشط بعبير الكافاب وضجيج السقاله ودفئ الجبنة
ودعوات المهمشين من اهلى وغناء الكله
واذكر ادروب يقف خلف مكيف الولاية مترقبا امتلاء الكوب من نقاط المويه الجايةمن مكيف احد الناس القيافة
اذكر صديقى الصغير يذاكر فى الشارع المنور للسواح
اما عن غيابى فانا فى ماموريه من 3 شهور فى الجنوب فلا تلمنى يا صديقى فانا قلبى جنوبى وجنوبى قلب سودانى حبيبى اشكرك وكل من سال عنى على افتقادى واشكر كل من لم يشعر بغيابى على كل شى وعلى لاشئ اسامة دهب
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: osama dahab)
|
Quote: واذكر ادروب يقف خلف مكيف الولاية مترقبا امتلاء الكوب من نقاط المويه الجايةمن مكيف احد الناس القيافة
|
انه قدره وقدرنا يا صديق اتى لنا بى اناس ليست لهم فى الانسانيه نصيب
ولكن ذلك لن يمنعنا من حب مدينتنا بل سيكون هو مدخلنا والباعث للتغير الحتمى انشاء الله ...
لك كل الاجلال لانسانيتك النبيله ......
كتير ودى
| |
|
|
|
|
|
|
(Re: حسين عوضاى)
|
الله ياحسن على البوست الانيق.... وليكم تحية خاصة من عبد الرحمن حسن شاعر عروس البحر. بالله كتروا الصور
| |
|
|
|
|
|
|
Re: (Re: كمال ادريس)
|
Quote: الله ياحسن على البوست الانيق.... وليكم تحية خاصة من عبد الرحمن حسن شاعر عروس البحر. بالله كتروا الصور |
الاريب الشفيف
كمال ادريس
ونظل نحلم ان نكون بقدر قامة ساكنى قلوبنا جمالآ وبهاء .....
شكرآ لمروركم الذى يثلج الصدور ويبث العبق ...
التحايا النديه نسوقها لكم ومثلها لشاعرنا الاكرم عبدالرحمن حسن
ونحن بانتظار ما يخطه يراعكم عن احياء طردونا والشرطه وكوريا وزكريات ما زالت بخاطركم ...
تقديرى واحتراماتى
| |
|
|
|
|
|
|
Re: (Re: حسين عوضاى)
|
يا ناس بورسودان انتو وين خلو البوست دايما فووووق فووووووووووووووووووووووق
| |
|
|
|
|
|
|
Re: (Re: osama dahab)
|
Quote: يا ناس بورسودان انتو وين خلو البوست دايما فووووق فووووووووووووووووووووووق |
ولتبقى انت كما انت مرفوع الهمه ولتبقى بورتسودان كماهى قلاده تزين صدور ابناءها ...
مدخل لظرفاء بورتسودان .....
العم الحبيب المغفور له بأذن الله جابر سعيد ملك الابتسامه وهو بلا شك من الذين ارسوا فن القاء الطرائف
والنكات كتغيير لنمط الاحتفالات وله فى ذلك باع كبير ....
الاخ محمد شله وفاكهة بورتسودان ملك التعليقات الانيه اللحظيه علاء الحسنى واخرين كثر سنأتى لزكرهم تباعآ
| |
|
|
|
|
|
|
(Re: حسين عوضاى)
|
يالله ياحسين عايز تفتح طاقة الذكريات في الزنقة دي مالك!! اوعدك بالكتابة عن هذه المدينة الام على الرغم من اتخاذي بحري مكانا للسكن... لكن اهل برؤت عندما يتصادفون تتدفق المحنة والحب لعبق البحر الممتد على خاصرة الارض .... الله ياحسن شهيتني الكتابة عن محبوبتي.
برجع ليك تاني
| |
|
|
|
|
|
|
Re: (Re: osama dahab)
|
(1)
في نهاية العقد الماضي ـ بالله بدون تعليق ـ كنا طلبة في مدرسة الشرقية الابتدائية وكانت حقائب الكتب والكراسات (خرتاية دمورية) ـ لتعريف الجيل الجديد ـ والطالب النظيف هو من يغسلها ويكويها كل جمعة لتكون في ابهى صورة لكن زيوت السندوتسشات وبواقي الطعمية تقف لها بالمرصاد ... في يوم عزمناعلى الفطور واحد زميل يسكن قريبا من المدرسة، كان الفطور عبارة عن قراصة حارة بملاح خدرة ... اكلنا أكثر من صحن... احدنا اقترح ان نحمل باقي الملاح لكن لم نجد مانحمله فكانت التفاتته نحو (الخرتاية) نظرة شيطانية ... وفي دفعة واحدة ملأنا ايادينا بالاخضر .... وهاك ياغرف الى داخل (الخرتاية) طبعا لكم ان تتخيلواالمنظر في الحصة التالتة ... نادى المدرس الناظر وطردنا من المدرسة واكتملت الفصول في علقة ساخنة في البيت.
الله ... ما اجملك يابورسودان
| |
|
|
|
|
|
|
Re: (Re: كمال ادريس)
|
Quote: يالله ياحسين عايز تفتح طاقة الذكريات في الزنقة دي مالك!! اوعدك بالكتابة عن هذه المدينة الام على الرغم من اتخاذي بحري مكانا للسكن... لكن اهل برؤت عندما يتصادفون تتدفق المحنة والحب لعبق البحر الممتد على خاصرة الارض .... الله ياحسن شهيتني الكتابة عن محبوبتي.
برجع ليك تاني |
تدفق ايها الجميل لتروى مساحات الجدب فينا....
حقآ يا عزيز لا يعرف الاحجار الكريمه الا امهر الصاغه لذلك انتم من تستشعرون الحرف وصلآ وتصيغون الكلمات ابداعآ
فى خالبة الابصار ومكمن الالهام بورتسودان التى لها ان تفخر بكم كما انتم تتفاخرون بها وتعشقون اركانها وتتوقون الى تنسم
شذاها فلكم الاندلاق ولنا ان نرتشف من ينابيع حروفكم ....
لك ما تشاء من الامنيات
محبتى
| |
|
|
|
|
|
|
Re: (Re: حسين عوضاى)
|
ومن ابناء بورتسودان وظرفاءها الاخ علاء الدين عبدالحميد ( كيس ) وهو الطرفه تمشى على قدمين وازكر من المواقف الطريفه
كنا قاعدين فى حيطة المدرسه الاهليه ببورتسودان انا والاخ الجميل محجوب النيل والعزيز فريد ابراهيم عبود والصديق وليد عبداللطيف
شله والحبيب علاء الدين والايامات ديك كان فى كشات الخدمه الوطنيه وعلاء الدين ما كان شايل بطاقته الجامعيه المهم انحنا فى ونستنا
ما جايبين خبر يحصل شغب فى سينما الخواجه وتجي كميه من الناس جاريه وعلاء الدين افتكرا كشات خدمه وطنيه وقام جارى والبوليس كان
قريب وقام ساكى ليك علاء الدين والطريف انو البوليس كان دفعه جديده يعنى لياقه فل اها علاء الدين جارى ويكورك اللغم قام بى
اللغم قام بى طبعآ اى زول فى الشارع قام جارى ....
تحياتى لكل من زكرت وسقيآ لذلك الزمن الجميل ....
| |
|
|
|
|
|
|
Re: (Re: حسين عوضاى)
|
"الكافاب" عبارة عن مقهى ذو خصوصية عند ناس بورسودان تتوسد صفحة البحر ويبدو أن عبابه يضرب في الحضور فتخرج القصص المشوقة والحكاوى المحببة التي تجتذب الناس للاستماع الى قصص البحر موانيئ الدنيا، كان عبقها يفرض جوا من الغموض والابهة في آن واحد ومرتاديها تستطيع ان تميز مهنهم من ملابسهم وحتى من وجوههم فالكافاب كانت حكاية في حد زاتها.... وكان يقال ان اكبر المكنات تصنع هناك ـ مكنات يعني كذبات كبيرة واكبرها طبعا مكنة الطيارة التي كان لها مختصين ـ احد المكنيكية ـ مع الاعتذار لاصحاب المهنة ـ قال : وصلنا الى ميناء هامبورج في المانيا وضمتنا جلسة مع عدد من الخواجات ولما جاء التعريف اتفقت تعريفاتهم بانهم جميعا ابناء جزر فهذا من نذر لاند والاخر من سويزر لاند وهكذا وعندما حان دور صاحبنا قال : انا من اوسوك لاند ـ اسم الدلع لسواكن.
آلمني كثيرا عندما سمعت بان يد التحديث طالت ذاك المكان وازالته.
| |
|
|
|
|
|
|
Re: (Re: كمال ادريس)
|
يا ادروب
سلامات
شكرآ نديآ لك وانت تتحفنا بصور بورتسودان .. بس كدى كمل جميلك ورينا الصوره دى وين غلبنى عديل !!!!!!1
كلام يا بورتسودان حتى الحمير بقت قيافه ( وش ضاحك ومبسوط للطيش )
| |
|
|
|
|
|
|
Re: (Re: حسين عوضاى)
|
ياسلااااام ياحسين ياخى والله أنا بورتسودان دى بحبها جداً ولى أصدقاء أعزاء من أبناءها .. اصحاب أخلاق رفيعه وأشهد لهم بذلك وعلى سبيل المثال .. شخصكم الكريم .. والأخ أشرف عبدربه .. له التحايا من على البعد.. واصلوا أبناء بورسودان وأكشفوا لنا المزيد من أسرار هذه المدينه الجميله
| |
|
|
|
|
|
|
Re: (Re: أسامه الكرور)
|
عوضاي ياحبيب اشواق مطر ....مطر ولغايت مااجيك الصورة دي مخستكه البوست اعمل ليها تعديل شيل الروابط من الاطراف
| |
|
|
|
|
|
|
Re: (Re: أسامه الكرور)
|
Quote: ياسلااااام ياحسين ياخى والله أنا بورتسودان دى بحبها جداً ولى أصدقاء أعزاء من أبناءها .. اصحاب أخلاق رفيعه وأشهد لهم بذلك وعلى سبيل المثال .. شخصكم الكريم .. والأخ أشرف عبدربه .. له التحايا من على البعد.. واصلوا أبناء بورسودان وأكشفوا لنا المزيد من أسرار هذه المدينه الجميله
|
اوووووووه قومندانا الوريف اسامه على
ونحنا كمان بنحب البيحب بورتسودان ياااخ ...
شكرآ لبهاء طلتك ونقاء روحك ونبل شخصك فنحن يا صديق لنا الفخر بمعرفة امثالكم كيف لا وانت تؤام روح الغالى المقيم بدواخلنا
طارق محمد احمد اسكنه الله عالى الجنان وجعل البركة فيكم وفى من احبه من افاضل الاخيار امثال الحبيب الطيب عثمان يوسف والعزيز جدآ
اسامه محمد ابراهيم والشفيف الحبوب عبدالرحيم فقيرى ( برعى ) له كل الشوق وكل الحب ...
ومعك نرسل جميل اشواقنا واكيد احترامنا لاوجه وجهاء بورتسودان الاخ الفاضل اشرف عبدالله عبدربه وجميع اخوته الكرام ...
اكيد ودى وكامل احترامى
| |
|
|
|
|
|
|
Re: (Re: حسين عوضاى)
|
مدرسة وسط المدينه النموزجيه ...
احدى منارات بورتسودان التى انهكها طاعون التعليم الخاص ...
التحايا والاجلال لكل المعلمين الذين تعاقبوا على ادارتها والتدريس بها الاستاذ الجليل جريس والاستاذ موسى والمربى الفاضل احمد باعشر
والسمانى والاستاذ حيدر واستاذ الاجيال حسن خليل .....
اها يا نادر الرضى مساحه للزكريات ...
| |
|
|
|
|
|
|
Re: (Re: حسين عوضاى)
|
Quote: بس كدى كمل جميلك ورينا الصوره دى وين غلبنى عديل !!!!!!1
|
معقوله إنت بعيد من البلد قدر ده يعني قوااااام كده نسيت المكان ده الحته يا أخوى قدام وزاره الصحه سابقا وبالجهه القدام كده فندق بلاس وبالجهه التانيه جامعة البحر الأحمر عليك الله يا حسين ما كنت عارف المكان ده وين
مع عظيم التقدير والإمتنان.
| |
|
|
|
|
|
|
Re: (Re: محمد خليل ساني)
|
Quote: معقوله إنت بعيد من البلد قدر ده يعني قوااااام كده نسيت المكان ده الحته يا أخوى قدام وزاره الصحه سابقا وبالجهه القدام كده فندق بلاس وبالجهه التانيه جامعة البحر الأحمر عليك الله يا حسين ما كنت عارف المكان ده وين
مع عظيم التقدير والإمتنان. |
والله ما عارف يا سانى
لكن بى كلامك ده معناهو ده بيت ناس امير عبدالسلام عبدالقادر الخبير وعلى فكره الزول ده كان اول دفعتنا واول البحر الاحمر
كل التحايا له وللصديق حسام بشرى احمد المصطفى ... زمن يا سانى يااااخ
| |
|
|
|
|
|
|
Re: (Re: Alsa7afa_30)
|
حسامو ابداع..... والله لو شفته بورسودان دي تاني ماترجع الدوحة....!!! عوضاي الليلة في سيرتك مع العريس مشتاقووووووووووووووووووووووون
| |
|
|
|
|
|
|
Re: (Re: haroon diyab)
|
سحرتني بجمالها
زرتها في يناير 1985 ومعي طلبتي بمدرسة الخرطوم الجديدة الثانوية تم استضافتنا بمدرسة بورتسودان الحكومية وكان مديرها الراحل الاستاذ حسن عبيدي,والله الكرم عندكم يا اهل الشرق,عزمنا عمنا علي عيسي رحلة في صندقةسودانلاين ذبح لينا خروفين وجاب لينا الفنان ادروب والطاهر والفكاهي المرح جابر,اقمنا ليلة ساهرة بنادي الثغر واخري بنادي الاتحاد وغني فيها الطالب خالد محجوب الفنان المحبوب الان خالد الصحافة.شكرا للعم علي عيسي وابنه حسن وبوفادني واسرة نادي الثغر والاتحاد وايضا حي العرب والهلال عزمونا لكن كنا علي سفر. شكرا ليكم اهل الثغر- يا اهل الثغر ان ثغركم باسم.
سيف الدولة كامل نيويورك
| |
|
|
|
|
|
|
Re: (Re: سيف الدولة كامل)
|
استاذنا سيف الدوله كامل
اولا مرحبآ بك فى هذه الظلال الوارفه امنياتنا ان يطيب لك المقام ...
و شكرآ جميلا لمرورك المقدر وشهادتك التى نعتز بها لبورتسودان وابناء بورتسودان .......
كن بالف خير
| |
|
|
|
|
|
|
Re: (Re: haroon diyab)
|
هااارون دياب الجميل
الشوق فاض بينا يا عزيز
Quote: عوضاي الليلة في سيرتك مع العريس مشتاقووووووووووووووووووووووون |
العريس زااتو وينو زولك غاطس جنس غطسه ...
تحياتى
| |
|
|
|
|
|
|
Re: (Re: Alsa7afa_30)
|
العزيز حسام
تسلم يا أمير ..
وبورتسودان وناس بورتسودان يرحبون بك يا جميل .......
شكر يليق بكم
| |
|
|
|
|
|
|
Re: (Re: اميمة مصطفى سند)
|
أميمه ازيك
ياخى بالجد بورتسودان اتغيرت ..
المحيرنى انو بكون متواجد كتير فى المكان ده اضافه لى كده فاتح على بيت ناس الزميل والصديق العزيز سهيل صلاح خليل معقوله
انا طاشى من البلد قدر ده ...
عارفه جهجتنى المحلات القدام الفى الشارع دى ما كانت موجوده بعدين الشارع زاتو زى الحصلت ليهو توسعه كده ...
لكن طلعتى بورتسودانيه النشأه والهوى ...
تحياتى لك وللعزيز الاستاذ محمد رشاد ولديم الشاطئ عامه ....
احترامى
| |
|
|
|
|
|
|
Re: (Re: حسين عوضاى)
|
عزيزي حسين عوضاي ... تحياتي بوست رائع وبديع ، لمدينة الثغر الحبيب . وخصوصا للذين غابوا عنها خلال السنوات الأخيرة من أمثالي مودتي محمد جميل
| |
|
|
|
|
|
|
Re: (Re: محمد جميل أحمد)
|
الجميل محمد جميل
مرحبآ والف مرحب وانت تتحفنا حضورآ وتزين هذا البوست بتوقيعك الانيق .........
وبانتظار كلماتك واحرفك الرائعه عن بورتسودان ..
دم باهيآ يا عزيز
تقديرى
| |
|
|
|
|
|
|
Re: (Re: حسين عوضاى)
|
بورتسودان هذه النغمه الجميله التى ابدع ملحنها فخرجت للوجود بهذا الجمال ......
ففيها تلاقت الحضاره والبداوه وصارت مزيجآ رائعآ بين القصور والخيام ......
تزخر بورتسودان بحكم موقعها كميناء مطل على شاطئ البحر الاحمر بعدة جاليات منها اليمنيه بحسبانها اكثر الجاليات تواجدآ واسهامآ
فى مختلف اوجه الحياة وخاصة الاقتصاديه منها .....
الجاليه الهنديه وهى من الجاليات القديمه التى استوطنت ببورتسودان ولهم نادى خاص بهم وكذلك مدرسه ولهم اسهاماتهم ايضآ
ومن من ابناء بورتسودان يجهل خواجه سنكات او رسمي او مستر بيكا كما يحلو له وسنأتى لطرائف هذا الشخص وروحه الجميله لاحقآ
وهو اكثر الاشخاص تنكيدآ ومداعبه للجميل محمد خليل سانى وخير من يرفع ضغطه ويصيبه بالدوار من جراء تعليقاته الساخره ..
الوجود الاغريقى فى بورتسودان كانت هنالك عدة عوائل اغريقيه معروفه ببورتسودان حتى انه اصبح لهم حى يسمى باسمهم وهو حى الاغاريق
وهو الحى التى تسكن به زميلتنا بالمنبر العزيزه تراجى عمر ابوطالب ومن اشهر قاطنى هذا الحى لؤلؤة الشاطى وعبق البنفسج
الاسطوره الحقيقه جورجيت لقد رايتها وهى تهيم وتجيب شوارع المدينه بشعرها الغجرى الذى يتدلى على اكتافها ويداعب وجهها حينآ لافت الانتباه الى ذلك الجمال الذى لا يريد عينآ فاحصه لمعرفته رغم قساوة الحياة التى كانت تجابه ذلك الجسد النحيل ....
جورجيت كنا نداعبها ونحن فى ذهابنا الى المدرسه فتتفوه بكلمات سودانيه بلكنه اغريقيه واضحه ...
وسنأتى الى سرد قصة زهرة الياسمين جورجيت كما يتداولها اهل بورتسودان ......
| |
|
|
|
|
|
|
Re: (Re: حسين عوضاى)
|
وتبقي هي ملاذنا وامنا والحضن الدافئ الذي كلما احسسنا بجفاف الحواس نهرع لها لنجد الراحة والاحساس بالوجود. لا اظن ان احدا يحسد نفسه في شي لكني احسد نفسي في حبها. اتسأل دائما .... ماهو السر......؟ حتما سااعود وسااظل مرابطا هنا مادام في العمر بقية في معيتنا بالدوحة هذه الايام المبدع الرائع محمد شيلا.... اتمني ان استطيع ان استخرج منه بعضا مما يسرنا.
مودتي ياجالب الافراح ....عوضاي
| |
|
|
|
|
|
|
Re: (Re: haroon diyab)
|
العزيز هارون دياب
حتمآ بكم وبوصالكم تشرئب اعناقنا .....
تسلم وبا نتظار الجميل محمد شله وما سيورده ....
تقديرى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
ياسلام يا حسين ياخوي .. فتحت سيرة جميلة ... فجيت أيامنا فج ورجعتنا لسنين مابتتنسي ..أيام كنا لب هذا الكون والباقي قشور...لما كنا وياما كنا ولو ماخايف الكذب أعتقد إنو غناها حيدر بورسودان قبل المرحوم مصطفي سيد احمد ..رحمه الله ورحم تلك الايام الجميلة ..كنا في المدرسة الصناعية في دار السلام وما أدراك ما هي حينذاك ... قهوة الملتقي في موقف الباصات وألعصائر الباردة التي ترد الروح مع أجمل ألأنغام من إستريوهاتها .. وردي وود الأمين وحيدر بورسودان ومن تشاء مخبازة ديم سواكن وشيات كافتريا جنة الشاطئ .. حيث كنا زبائن غير نزيهين عندما نرطب أفرنجي واحد وقول إتنيين تلاتة بلدي ..حدثت يوما خطيبتي حينها بأننا سنستقر في بورسودان ثم كان ما كان لا لمينا في بورسودا ن ولا حتي السودان ذاتوا... الله يجازي الأيام ... ياسلام
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: الشفيع محمد صادق)
|
مرحبآ والف مرحب بك عزيزنا الشفيع فى رحاب سيرة ام المدن بورتسودان
شكرآ جميلا لكم وانتم تستصحبون هذه الزكريات الجميله لهذه المدينه الحبيبه ........
التحيات نبعثها لك ولكل اساتذه وطلاب المعهد الفنى بدار السلام على مختلف الحقب والاعوام ولاهالى دار السلام قاطبه ..
غرزه
قلتا لى جنة الشاطئ.. لاحولا ولا حولا ............
جزيل شكرى واحترامى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: سيف الدولة كامل)
|
Quote: سلامنا الكتييييييييير لحبايبنا في بورتسودان
العم علي عيسي واسرته, استاذنا الجليل
عبد الله محفوظ صالح وا سرته, ميرغني تاج الدين
واسرته, الصديق منوج الهندي, عادل عبد الرحمن
بلال والاسرةولكل حبايبنا اهل الشرق دبايوا |
ونحنا بنقول ليك ينينا لوتنينا يا سيف الدوله ..
ومعك نرسل جميل تحايانا لكل من زكرت ...
كن كما تشتهى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
شكرا كتير ياحسين على ابقاء البوست منورا. بمناسبة الجالية الهندية اذكر دواركداس دانجي وجنو دخلوا في شراكة مع الوالد في اول مصنع للملابس الجاهزة في بورسودان لكن للاسف مات المشروع اثناء التجهيزات بسبب قرار اصدره الرئيس نميرى يمنع استيراد الاقمشة او المواد الخام لهذه الصناعة. في جولة لي في سلطنة عمان ناداني هندي في الفندق الذي كنت انزل فيه ....وسألني ان كنت سودانيا وقال لي انه من بورسودان لم يقل انه من الهند وكان ذلك الاخ احد ابناء الهندي جنو... وحملني رسالة لاهله في بورسودان... وموقف آخر صادفته في مصنع سالومي للسيراميك في بحري وجدت احد ابناء الجالية الهندية في بورسودان فترك عمله ودخل معي في قصص محببة عن عروس البحر. ابناء الجالية الهندية كانوا يحرصون دائما في مشاركتنا نحن اعضاء رابطة طلاب البحر الاحمر بالجامعات والمعاهد المصرية في احتفالاتنا وبرامجنا التي كنا نقيمها في بورسودان... لقد اسس هؤلاء تاريخا في الصداقة بين الشعوب بطريقة متميزة حتى قبل ظهور مجلس الصداقة الشعبية بسنوات عديدة .... لهم كل التقدير والمحبة.
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: كمال ادريس)
|
الحبيب كمال ادريس
شووووق يا وريف لمدادكم الآسر
حقآ ما اشرت اليه من روح الاخاء والموده التى تسود ابناء الجاليه الهنديه ببورتسودان لاهل بورتسودان .. كما لا ننسى قلب بورتسودان
النابض الاخوه الحضارمه والاخوه اليمنيين كافه وما قدموه وظلوا يقدمونه للشرق ولبورتسودان على وجه الخصوص فلهم منا جزيل الود
وعميق الحب ...
رغم ان شهادتى مجروحه فيه فمن منا لا يعرف ما قدمه ابن السودان البار المرحوم محمد عبدربه محمد واخيه رجل البر والاحسان المرحوم
عبدالله عبدربه فقد ظل وفيآ لهذا البلد واهله فليرحمه الله ويكرم نزله بقدر احسانه وعطاءه الممدود ...
وكذلك ابناءهم الافاضل فهم بالقلب قبل ان نستنطق الحرف لزكراهم لهم الود المقيم واجل التقدير ...
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: هاشم نوريت)
|
بورسودان ياجنة ...ياقبلة وطنا مازلت ازكر اول يوم تطاء فيه قدماى ارضها كان فى العام 96 لظروف الدراسة , وكان شهر نوفمبر وماادراك مانوفمبر فى بورسودان ام المدن يابورسودان وبما اننى امدرمانى النشاه هالنى جوها البديع وطيور النورس والغمام الذى يظللها , كنت اضحك لوحدى فرحا بجمالها ومن يومها عشقتها حد الثماله . اقمت بها عشر سنوات ولم استطع فراقها , واليوم عندما قررت مغادرة السودان زرتها لثلاث ليال لا لشئ سوى اننى ماكنت لاسافر من السودان دون ان تكتحل عيناى بسوق هدل وقهوة هبرو والكيلو والكميلاب التى ضاعت وسط التوسعه كم كنت فرحا بشكل الكورنيش الجديد وكم كنت حزينا لفقد موسى كربن وعلى كيتا حسين عوضاى لك التحيه فقد اوحشتنى ولا مااخاف الكضب انت كنت شغال فى الخطوط اليمنيه , وكنت بشوفك مع ناس شريف وناصر قدام البوتيك لو كنت نفس الشخصية فلك منى الشوق , ولو لم تكن فلك منى التحيه على هذا البوست , وبحق النادى العائلى , وجمال بنات بورسودان الساحر وطيبة اهلها التى لم ارى لها مثيلا فى العالمين ,وبحق هنودها وحضارمها واقباطها ويمانيتها , وتكارينها , وشوايقيتها, وادروبها وبنى عامرها بحق كل هولاء لو كنت فى بورسودان , عايذ منك تحضر لى كورة فى الساحه , وتمشى تشرب جبنه فى سوق ديم مدينه , وبعدها امشى الشاطى وقوليه , مافرقنا منك الا الشديد القوى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: عمار عوض)
|
Quote: حسين عوضاى لك التحيه فقد اوحشتنى ولا مااخاف الكضب انت كنت شغال فى الخطوط اليمنيه , وكنت بشوفك مع ناس شريف وناصر قدام البوتيك لو كنت نفس الشخصية فلك منى الشوق , ولو لم تكن فلك منى التحيه على هذا البوست , وبحق النادى العائلى , وجمال بنات بورسودان الساحر وطيبة اهلها التى لم ارى لها مثيلا فى العالمين ,وبحق هنودها وحضارمها واقباطها ويمانيتها , وتكارينها , وشوايقيتها, وادروبها وبنى عامرها بحق كل هولاء لو كنت فى بورسودان , عايذ منك تحضر لى كورة فى الساحه , وتمشى تشرب جبنه فى سوق ديم مدينه , وبعدها امشى الشاطى وقوليه , مافرقنا منك الا الشديد القوى |
العزيز الوجيه عمار
ياخى اخبارك وامورك ومنور والله ومرحب بيك كتير فى هذه الظلال الوارفه .....
ومرحبآ بك عابد وناسك فى محراب ام المدن ...
عمار لا حولا انتا وين يا شقى لكن زاكرتك الف يا قومندان شووووق ما ليهو حد لك ولكل الاساتذه ناصر اسماعيل شريف عبدالرحمن حاج موسى
محجوب على النيل مولانا ضرار والنقيب الكارب عادل احمد عبدالله ...
التوق يا وريف للنادى العالمى وايامه وزكريات الانس بمعية نفر كريم معادنهم لا تصدأ اناس كالمسك لاتجد منهم سوى الطيب ...
وده تلفونى يا عزيز 00966505271517
كامل تقديرى
اها يا عمار انا مافى بورتسودان لكن غالى والطلب رخيص جبنا ليك قهوة هبرو زاتو وكمان صحبك عثمان تكرونى وهو يكب السكناب ..
بكاميرا الحبيب عمار بورتسودان
| |
|
|
|
|
|
|
|