|
كتب الكاتب الفاتح جبرا المتوفرة بمعرض الدوحة
|
|
 Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
اليوم داك في الجنينة يا أحمد بكل صراحة ماكنت شغالة بيك الشغلة تصدق ؟!
كنت بسمع في الفنان البغني بالعود صوته مبالغة جد !!
كنت شايفاك تعاين لي سااااااااي قلت في سري .. الولد ده رايح ليهو وش ولا شنو ياربي ؟!!
أحمد إنت كنت بتعاين لي كدا ليه اليوم داك بالجد كنت بتشبّه علي ولا شنو ؟!
أقول ليك حاجة ؟
عجبتني الحركة دي وإنت بتفتش في وشي زي الرايحة ليك ( شامة) وقلت كدي النشوف آخرتها
و
أحياناً يجد المرء مايتمناه في الدنيا بعد عناء وتعب
ولكن المدهش أن يضيع ذلك الذي وجده بكل سهولة ويسر ثم يبكي بعدها ويندم .. سبحان الله !!
| |
 
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: سيف اليزل برعي البدوي)
|
عملية عجيبة فعلاً !!
مالاقاني ولد غيرك حبّ ليهو بت وقام مشى طلب قلبها من رب العالمين بجلالة قدرو !!!
كبرت في نظري وحبيتك شديد يا أحمد يوم عرفت إنك طلبت (قلبي) من رب العرش العظيم بكامل عظمتو وجلال قدرو !!
مالاقاني ولد غيرك يحب ليهو بت ويقوم يقطع تذكرة طيران ويمشي بيت الله الحرام ويمسك بأستار الكعبة
ويقول لربنا العظيم : أنا بحب ريم يارب وطالب منك تحبب قلبها فيني !
لاحولا ولا قوة إلا بالله العلي العظيم !
في حب يا اخوانا أكتر من كدا ( على رأي الفنان) !!
حب ولا جهاد أكبر ده ؟!!
قلب حمل محبة الله بين الضلوع لا يمسه الشر باذن الله !!
| |
|
|
|
|
|
|
|
|
 Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: علاء الدين يوسف علي محمد)
|
الزول السمح
أخوي الكلس صاحب الإسم الطووووووويل
علاء الدين يوسف علي محمد
تحية بلون قلبك الأبيض من لبن شاي الصباح !
Quote: سلامات يا ناس يا راقين
و حلاة الطلّة المسّخت باقي خلق الله
(لا ضير مِن حبّة غزل)
أحمد دة ورِّيني ليهو عليك الله شان أفِك ليك فوقو المنحل كللللللللللللللو |
إنت طبعا الزول الوحييييد البتكيف لمن يكسر حبة تلج هنا لأنو عارفاك ( التلجة ) عندك بالشئ الفلاني وغالية شددددديد
ومابتطلعها إلا لزولة تعزها زي أختك وأنت أخوي الغالي البعزو شدددديد
بالمناسبة السعيدة دي مابترد على التلفون ليه ياخ قربت أسافر أنا موش كلمتك ؟!!
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: علاء الدين يوسف علي محمد)
|
علاء ؟؟
Quote: تسلمي يا أستاذتنا الغالية
نادية التي نُفاخِر بها الشمس صُبحاً و القمر مساءاً
فتغيب الشمس عِند وجودها قهراً
و يخفت نور القمر ليلاً
ليبكي نهراً و يصرخُ جَهْرا
رايِك شنو في النجِر الأخدر دة
بالله شوية شوية كدة ما ببقى مُستنير |
نجر أخدر ساي ؟!!
ههههههههههه
المافي شنو ؟!!
يازول أديتك رتبة مستنير بدرجة عمود كهرباء عديل ( وش مدردق من الضحك) بعملوها كيف الوشوش دي ؟!!
| Quote: ما تشوفي الضحكة دي واللهِ كلام من القلِب |
عارفة والله يسلم قلبك الأبيض أخوي القدرو سامي وعالي شدددديد
Quote: التلفون ياتو مع الشبكات المُتعدِّدة دي
برِن ليك أنا باكر صُبحاً ما بدري كان حِيينا |
بنتظر منك الو من تلفونك زي الضهر كدا لخطب جلل !!
خطب جلل دي عاجباني ساي قلت الصقها ليك هنا .. لقيتني كيف ؟ ( وش مخبوط خبط جلل ) !!
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
الصراحة العملية دي عجبتني شديد يا أحمد والله !!
قلت لنفسي يوم وأنا بعاين لنفسي في المرأية بكبرياء وبعض غرور !!
الواحد لمن يحب بت ناس بمشي يطلب ( يدها) من أهلها وخلاص توافق أو ترفض !!
لكن أنا الزول الحباني مشى طلب ( قلبي) من ربنا الخلقني بجلال قدرو وعظيم سلطانو !!
محظوظة بيك شديد يا أحمد أنت حبيب إستثنائي وجعلت مني حبيبة إستثنائية جدا !!
أنا الأولى عديل كدا !!
نعم قد لا تكون الأشياء هي الأشياء إلا حبك في قلبي فأنت قد دعوت الله في الحرم المكي أن يسكنك قلبي !!
إذن فحبك في قلبي أمر رباني .. قال له المولى ( كن) فكان !!
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: عبدالله ود البوش)
|
عبد الله ؟؟
إنت هنا من متين ؟؟
كيف ياغالي وكيف الوليدات طولنا ماسمنا منك وعنك
عساك وإياهم والوالدة بالف خير يامعنى الوفاء في الزمن الخائن !!
Quote: دائما تدغدغي الاحاسيس الميتة وتطليعها من قبرها
كما تنتظرين احمدك فاني انتظر عواطفي جنب حافة القبر
وكان ما طلعت بحجز جنبها واكنكش فيها تاني واخير لي من الحور
انت قابلة شنو مرات الوهم احق من الحقيقة |
إنت لسة وأقف في المحطة دي أنا موش قلت ليك لازم تغادرها عشان خاطر وليداتك على الأقل ؟!!
عبد الله
عليك الله لاقيني بهناك عايزة أطمئن عليك وعلى عيالك ماتقلقني بغيابك المتعمد ده سمح ؟
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: خالد عبد الله محمود)
|
أحمد حبيبي
عارف ؟
كل يوم بزيد حبي ليك وبتيقن إنك ( حبيب ) نادر في نوعك بالجد !!
مابنسى لما مشيت العمرة ومن وسط التهليل والتكبير بتاع المعتمرين
إتصلت بي وإنت بالقرب من الكعبة المشرّفة وقلت لي :
عايني ياريم
أنا ببعد التلفون من أضاني وبعلقو ليك في الهواء باتجاه الكعبة .. وإنتي أدعي بالإنتي عايزة ربنا يحققو ليك !!
عارف دعيت بشنو ؟؟
قلت يارب إنت عالم وأنا لأعلم لي بالغيب وماتخفي الصدور !!
يارب شاحداك توريني هل احمد الرجل المناسب لي ؟!
هسة ياتو راجل في الدنيا بفكر يفتح موبايلو لزولة بحبها
عشان تطلق الدعوات مباشرة وهي في (الجريف شرق) وزولها البحبها في بلد الرسول ؟!
موبالغة غايتو !!
الحب الممتع هو إدهاش متواصل من حبيب يبتكر أروع سبل التواصل وإثبات حالة الحب بشتى الطرق !!
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: وليد الطيب قسم السيد)
|
أحمد
أرجوك خليني أحس بإنسانيتي وأنا جنبك في أزمتك المالية !!
غض النظر عن العاطفة والحب النادر وقصة الريدة العجيبة الربطت بين قلبينا
إنت على المستوى الإنساني ياما وقفت معاي في كل أزماتي السابقة واللاحقة !!
تتذكر لمن أنا كنت في القضارف في مهمة عمل وأمي مرضت بالتهاب القولون والزائدة ؟!
كنت إنت جنب أمي أكتر من وليداتها يا أحمد !!
إنت زول رائع وإنسان حقيقي في زمن إنعدمت فيه معاني الإنسانية !!
طريق الحب ليس معتدلاً في كل حالاته وعلينا بتجاوز تعرجاته
والخروج من الأزمات أكثر حباً وتماسكاً وإيماناً بعظمة مابيننا من شعور نبيل !!
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: محجوب البيلي)
|
لا يا أحمد ماتقول كدا بزعل منك والله !!
ملعون أبو القروش الممكن تفرّق بينا !!
لا ماعايزة دهب ولا بيوت ولا سفر ولا أي شئ من متع الحياة وكفاية علي إنت متعة روحي الحقيقية !
القروش بتمشي وتجي حبيبي لكن وجودنا مع بعض هو الأهم من كل كنوز الدنيا !
وإنت كنزي الماببدلوا بكل متع وترف وكماليات الدنيا ولا حتى ضرورياتها !!
إنت أهم ضرورة لوجودي على قيد الحياة يا أحمد صدقني !!
اقول ليك شئ ؟
مالازم نعيش في (المنشية) تعال نرجع بيتنا الفي (أم بدة كرور) ومالو ؟!
لما ظروفنا تتصلح بنرجّع كل شئ زي الأول وأحسن المهم إننا نكون مع بعض سمح؟
بريدك يلا أضحك ياااااااااااااااا حمادة الغالي ,,
بإستطاعتنا أن نجمع مالاً فقدناه ونسترجعه أو لا نسترجعه !!
ولكن إن فقدنا الحب الذي في قلوبنا وضيعناه فقد ضيعنا معنى وجودنا وقيمتنا في الحياة وكامل إنسانيتنا !!
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: ايهاب اسماعيل)
|
الرائعة نادية
انتى بعد الكلام دة عايزة موسيقى تصويرية؟
| Quote: الحب الممتع هو إدهاش متواصل من حبيب يبتكر أروع سبل التواصل وإثبات حالة الحب بشتى الطرق !! |
صدقيني .. ومنذ اطلاعى على المعزوفة دى .. وانا في حيرة من أمرى .. كم عازف شركوا في الجوقة دي؟ .. ويا رب بشير عباس شارك .. والا المؤلفين كلهم أجانب؟ ..
دى لوحة عجيبة .. وغريبة .. ويخيل لى اذا شفناها من زاوية التشكيل بتحير الدكتور راشد دياب ..
شكرا لهذا الالق .. وهذا الابهار..
** حروف من ضيف جديد ..**
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: ELFATIH ABDELLA)
|
الراقي جداً
الفاتح عبد الله
الف مرحب بيك بينا في وطن شتات الأمة السودانية سودانيز أون لاين !!
Quote: صدقيني .. ومنذ اطلاعى على المعزوفة دى .. وانا في حيرة من أمرى .. كم عازف شركوا في الجوقة دي؟ .. ويا رب بشير عباس شارك .. والا المؤلفين كلهم أجانب؟ ..
دى لوحة عجيبة .. وغريبة .. ويخيل لى اذا شفناها من زاوية التشكيل بتحير الدكتور راشد دياب ..
شكرا لهذا الالق .. وهذا الابهار |
شكراً ليك إنت على الثناء العاطر وهو أكثر مما أستحق بكثير !
الكتابة هي متنفسي الوحيد عندما تضيق رئة التعبير عن مافي الدواخل !!
الكتابة نافذة مشرعة على الروح مباشرة تعمل على تنقية أجواء القلب والشرايين المرهقة بفعل الكبت !!
تسلم ياضيف جديد وجميل الروح والدواخل
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
ماتتخيل يا أحمد إبتسامتك دي بتفرحني قدر شنو والله !!
لما تبتسم إنت بحس إنو الدنيا كلها زي ( طوطحانية) كبيرة بتمرجح فيني
وأنا طفلة بلبسة العيد والشرائط الوردية !!
بالجد إنت زول خرافي حبيبي !!
أروع حاجة فيك صدقك ومنتهى رجولتك وشهامتك !!
عارف؟
أنا مابكره في الدنيا إلا الرجال الكضابين !!
في عرفي الراجل لمن يكضب بيفقد أهم معالم رجولته !!
كان ربنا مابحبني وأمي وأبوي ماراضين عني ماكان لاقيت زول زيك في دهاليز الدنيا الغشاشة دي يا أحمد !!
يآخ إنت زول زينا كدا ولا من كوكب الزهرة ؟!!
الحبيب الصادق في الزمن المنافق كالمعدن النفيس وسط كومة من القاذورات النجسة !!
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
كلامك صاح
الصبر مر زي الحنضل يا أحمد
عشان كدا ربنا من فوق سماواتو السبعة ذكر الصابرين وعلاّ شأنهم وقال : ( (( وبشر الصابرين الذين إذا أصابتهم مصيبة قالوا إنا لله وإنا إليه راجعون))
يلا نصبر على الابتلاءات حبيبي وربنا بفرجها علينا باذن الله
إنت موش طول عمرك بتقول لي ( المؤمن مصاب) ؟!!
وتيييب ؟!!
ههههههه
أيوة كدا أضحك ياخ ملعون أبو النكد والدبرسة !!
عليك الله الدنيا شن فيها ماياهو كتيرها رايح وقليلها رايح وآخرتها كوم تراب !!
شنو ؟
عايز ندفنك تحت رملة حمراء لمن تموت ؟!!
ههههههه
تبرى وتستبرى إن شاء الله بعد خرف حبيبي !
السعادة في الرضاء بقضاء الله وقدره وتحمّل إبتلاءاته !!
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
Quote: يعرسوا كيف وأحمد ( حرق) قلب ريم بلا ذنب ؟!!
تصدقي أحمد رغم كل حبه لريم ( فشل) إنو ينتصر لحبه يانعوم ؟!!
هو بيقول انه متمسك بي ريم وبحبها ومابستغنى منها لكن (بت الناس) تعبت من الكلام بلا أفعال !
ريم بتحب أحمد شديد يانعوم لكن قلبها ( ورم) من الجفاء والعذاب والمصائب الماليها يد فيها !!
تموت ريم يانعوم عشان يرتاح أحمد وكل السودان ده ؟!( وش منتحب) !! |
لا حولة بعد السناريو الخطير دا وقصة الحب العشناها ..
أحمد ادى ريم شاكوش ؟؟!!!!
انا لله وانا اليه راجعون ؟؟؟
لا حول ولا قوة الا بالله ؟؟
والله الشاكوش اخير منو الموت النصيحة لي الله (وش زعلان )
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
لمن أحمد خسر قروشه في البورصة ودخل في نفسيات وخذلوه أصحابوا وناسه !
ريم خلت شغلها في الدوحة وجات تجري عشان تكون جنب حبيبها أحمد !
خلت كل الدنيا وقالت مافي أهم من حبيبها الغالي !
قايلاهو يتلقاها بالأحضان ومايخليها تبعد عنه تاني آبداً !!
ريم ذاتا في قرارة نفسها جات تجري على أحمد وهي خاتة إنها ماترجع الدوحة تاني !
قالت لي أمها وأخواتها خلوا بالكم على بعض وأبقوا عشرة على العقاب أنا ماشة لحبيبي ومابفارقو تاني !
لكن ريم مالقت أحمد !
لقت حطام زول مابتعرفو!
حاولت تعيد ترميم نفسو وترجّع ليهو ثقتو بنفسو والكون من حوله ولكن !!
خسارة المال لا تساوي (جناح باعوضة) في مقابل خسارة قلب صادق في عشقه !!
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
ليه يا أحمد كدا ؟!!
وينها رسائلك الصباحية الحلوة ؟!
كنت بصحى من النوم على رسالة ( صباح الخير حبي ) !
وبعدها بشوية رسالة تانية فحواها ( أجهزي جاي عليك حبيبتي ) !
(أجيب ليك معاي شنو ) ؟!!
كنت بقول ليك عايزة ( سندوتش فول وبزيانوس) ومن غير ما أقول ليك عارفني بحب البزيانوس وبتجيبو معاك !!
بعد شوية رسالة تالتة ( مشتاق ليك حبي) !
بعدها رسالة رابعة( كان تخليني وتبعدي مني بموت حبي) !
ورسالة خامسة(نطلع نتغدى في المطعم اللبناني حبي بنحب شوربة الجداد بتاعتهم جاييك نمشي ليهم ) !
ورسالة سادسة
سابعة
عاااااااااااشرة
مليووووووووووووون
و
ثم ولا رسالة نهائي وبلا أدنى أسباب مفهومة !!
الأزمة ( المالية والنفسية) بتمنع الحب والحنية ؟!!
ليه كدا يا أحمد ؟
ليه كدا ؟!
لييييييييييييه ياخ ماحرام عليك ؟!!
| |
|
|
|
|
|
|
| |
د.محمد حسن
سيف اليزل برعي البدوي
علاء الدين يوسف علي محمد
saadeldin abdelrahman
مريم بنت الحسين
عبدالله ود البوش
abdalla osman
جمال السنوسي
انعام حيمورة
سجيمان
عفاف الصادق بابكر
ابو جهينة
خالد عبد الله محمود
انور التكينة
زهير عثمان حمد
وليد الطيب قسم السيد
نصر الدين عثمان
محجوب البيلي
مزمل خيرى
Alsa7afa_30
معاوية عوض الكريم
ايهاب اسماعيل
علي طاهر
احمد محمد بشير
فيس بوك
تويتر
انستقرام
يوتيوب
بنتيريست