|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: الشفيع وراق عبد الرحمن)
|
Quote: سبعة سنوات لو كان قاعد يتفرج من المسطبة ساي كان اتعلم أدب الحوار وضرورة احترام الطرف الآخر وعدم توجيه الاساءات وأنا أتكلم عن أفراد فما بالك بسب قبيلة كاملة وأي قبيلة
|
الشفيع ... يسعد مساءك ياحبيب القصة بتاعت الاستهتار بينا وبى اهلنا دى بقت زى موضة عند بعض الجماعة ومن كترة ما لاكوها بقت ليهم القصة ساهلة وماقادرين يتوقفوا عنها باعتبار منهجهم اللئيم وسياساتهم المتعفنة زى نفوسهم والهادفة لخلق هذا الجو من الاستعداء للقبيلتين ديل ... لكن الزول ده نحن نسكو كده لمايفهم هو وغيره انو الموضوع ده خط احمر وانو الناس اللى قاعدين يتناولوهم بالشتائم ديل ارفع واشرف منهم بالاف المراحل وانهم اقزام قدام العمالقة ديل ....
| |
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: AnwarKing)
|
Quote: المعنى يا عزام...أقدع ناس!
لووولز...أنت تريد...وأنا أريد...والله يكشف ما يريد |
الفكرة ياانور بسيطة وواضحة وهى انو المجتمع السودانى البسيط فى الاصل مجتمع تسوده المحبة ولكن وسخ السياسة من بعض انصاف المفكرين واصحاب فكرة الفصل بين القبائل كان ليها دور كبير فى خلق حالة من التوتر والاحتقان القبلى داخل المجتمع بالعديد من الافتراضات الخاطئة .... وبرضو ناس عزام ديل اجدع ناس ... وانا اريد وانت لا تريد ان تكشف عماتريد وفى النهاية الله يفعل مايريد ...
| |
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: AnwarKing)
|
AnwarKing
Quote: المعنى يا عزام...أقدع ناس! |
عِندي سبب وجيه جِدًا لِكَونِنا < أقدع ناس > السبب إنو نحنا < النوبِيين > القبيلة الشِمالِية الوحيدة في سودان اليَوم المُتصالحة مع رقبتا وما بِتشعُر بِأي دونِية تخليها تِتشعبط في عرق أو نوع أو فِئة ... أفتكِر < الجدعنه > أتت مِن هُنا ... ولا ايه؟ وحسب كلام أُستاذ مادة التاريخ بِجامعة الخُرطوم ومُديرُها (سابِقًا) الدِكتور / يوسُف فضل (الجعلي المشلخ H) قال ، فيما معناهو : كُل قبائِل شِمالِ السودان مِن الرِحِم < النوبي > ... وقريت برضو مرجع بِقول إنو الشوايقة لِقريبات أكانو بِناضمو بِاللُغة النوبِية ... < إتْ > قايِل < الجدعنه > بِتجي بِالهَيِن؟! بس < النوبِيين > ما فارقا معاهُم إنو يِأكِدو ليكُم الملعومات دي ... كُنا بِنقول لِقِدام الناس حتعرِف ... حتَوعى ... لامِن يِكبرو شِوية حيِكتشِفو كِده ... لكِن العِلم -الله يِفضحو- جاب الحقائِق وقال ماف في السودان عرب ... وإنو الناس البِقولو إنهُم عرب ، أقرب إلى قبائِل غرب السودان ... وشايِف بريمة محمد عمل ليهو هجمة عكسِية ، قال < المساليت > عرب ... نحنا يا جماعة < نِمشي الإسْم وكُل واحِد ياخُد حأوو هِناك >
| |
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: عزام حسن فرح)
|
AnwarKing
Quote: يا خالد احمد محمد... صاحب تاريخ التسجيل: 10-08-2009 ... أسمع يا عمنا...الفيك بدربو...
مُرّ وأقرا الإرشيف، موضوعك ده تكرار ... |
والله دي < نرجِسِية > مِنك ساي يا أنَور ... يعني لامِن واحِد يِشتِم < النوبِيين > أجري على < الإرشيف > وأبحِت فوقو ... وأبحِت ... وأبحِت ... وأبحِت ... دقيقة يا زول الشي فوقو سنين عددا ... وأشوف أكان زول < رد > على زول شتم < النوبِيين > أقوم أقول : الحمدلله ... ماف داعي أتصضالو وكتين في زول ( غيري )أدب زول ( غير الشتمني ) قبل تلاتة سنوات ... أها مفروض على كِده أي زول جديد ... يِجبِرو بكري أبوبكر إنو يِعمل < سنة تِبِحِت > في الإرشيف ، علشان ما يِكرر المواضيع والرُدود ...
| |
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: AnwarKing)
|
كتب الأخ الحبيب المنصور جعفر (ذو النون) سابقاً...
Quote:
الجعلي أيا ما كان جنسه الأصل أو نسبه هو في الأول والآخر هو نصير الضعيف وسند المحمول وركيزة المهمش وهو الحرية بذاتها وصفاتها من الضيم والإستغلال، لا يمكن أن يسند أخوه في غلط أو في ظلم أو في حقارة بالناس ولا في قمع وتعذيب وتشريد وقطع أرزاق وحريق قرى وإغتصاب وتهرب من المحاكم وجلب المسؤوليات والدمار لبلاده وأهله.
الجعلي يأكل النار ما بياكل حق زول أو ضعيف أو يتميم أو غبشان
الليلة في العيد نقوي أخوانا المستضعفين والمهمشين والغلابة من المتمة، وشندي، والمكنية، وكلي، وكبوشية، وطيبة الخواض، والسيال الصغير (سيال كريم الدين)، والسيال الكبير، والجيكيكة، والقبة، والكوموراب، والباوقة، والميسكتاب،والصلعة، والجريف، والجوير، والحفير، والجابراب، والعالياب ،والزيداب، والفضلاب، والبسابير، وودحامد، وحجر العسل، والعبيدية بكل أشرافها كان كمالاب أوكميلاب وناس الجهمية والمرغمابية،.وحجر الطير، والبواليد (أبراهيم البولاد) بلد أخوة فاطمة بت جابر (جدتي الأبعد)أم الكتاب ..إلخ ...ومع ديل نقوي معاهم أخواناالمستضعفين والمهمشين التانين في كل في مناطقهم من الجعليين أولاد العم ميرفاب ومناصير وجموع وشياقيي إلخ وساسنا النوبي ما بننساه يغرقوه لمصلحة المصريين وشركات الأتراك وكيلة الإسرائيليين، ونعاضد أهلنا في البطاحين والشكرية وعموم البجا وناسنا في الجزيرة وفي النيل الأبيض وفي النيل الأزرق وفي كل الجنوب وتب ناس دارفور الزرقة زغاوة وفور ومساليت وبرقو وتاما إلخ هم أخوانا في السودان وفي الإنسانية أكرمونا وضيفونا وسيدونا في بلدانهم تب ما بنقيف نعاين إلي حريقهم وحرق الحكومة لديارهم وأولادهم وسعيهم الفزع ليهم واجب علينا. يا إخوانا الناس إنمحنت في البيسووه الحكام ديل ، وفي كسرة رؤوس أحزابنا ولمن المحنة تخيم على البلد وتاذي الناس كبيرؤهم وصغيرهم ده الوقت البيظهر فيه الجعلي.
حرم الجعلي يأكل النار ما ياكل حق ضعيف أو يتميم أو غبشان أو يهين ولية شان، والجعلي ما بتفرج في محق أطفال في الدنيا تكاترت عليهم في المعسكرات البلاوي والعسكر قليل الشان، نحن تب ما نرضى الحقارة لإنسان والجعلي هوالحزم واللزم شان رفعة السودان.
والحق ينقال مهمتنا الأولى ضد أولياء الظلم الحاكمين بعزنا في الخرطوم وموالين الطوائف والطرائف في بحري وأم درمان، الناس التريانة من أكل السحت والباطل والقمع والتعذيب والإجرام في الأول نقوم روابطنا وهيئاتنا ونطلع أولادنا الظالمين والغلطانين من وسطنا ونتبرأ منهم ومن عمائلهم، ونرجع منهم الحق الأكلوه سحت في دولة السودان . جعليتنا ما إزيك يا فلان ومرحباً يا علان وإتفضل شاي يا علان، وأنفرد لسوطين يتعافن بزغرودة حسان جعليتناأنه الليلة مع هذاالظلم الفاشي الغاشي كل واحد في مجاله يكون فارس الخلا أب عجاج ضد كل ظالم. فالقبيلة في زمنا مو سلاماتاً ومعايش ومنتديات القبيلة ولو وهن الرابط هي أصلاًً وحتى في زمنا مواقف.
ركوز للحق
فلا تكتموا الحق وأنصروا المستضعفين المستغلين والمهمشين حيثما وجودوا وحيثما كنتم
وأشهدوا على الظالمين.... وقاتلواالظالمين ...
الأنساب والأعراق ودعاوى الشرف البيلوجي التاريخي هي خرافات وضغائن وهي منتنة ثقافية كما قال العلم الحديث حاضراً ومنتنة كما قال الرسول (ص) محمد عبدالله
http://sudaneseonline.com/cgi-bin/sdb/2bb.cgi?seq=msg&b...sg=1252646504&rn=113
|
| |
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: AnwarKing)
|
Quote: الجعلي أيا ما كان جنسه الأصل أو نسبه هو في الأول والآخر هو نصير الضعيف وسند المحمول وركيزة المهمش وهو الحرية بذاتها وصفاتها من الضيم والإستغلال، لا يمكن أن يسند أخوه في غلط أو في ظلم أو في حقارة بالناس ولا في قمع وتعذيب وتشريد وقطع أرزاق وحريق قرى وإغتصاب وتهرب من المحاكم وجلب المسؤوليات والدمار لبلاده وأهله.
|
Quote: حرم الجعلي يأكل النار ما ياكل حق ضعيف أو يتميم أو غبشان أو يهين ولية شان، والجعلي ما بتفرج في محق أطفال في الدنيا تكاترت عليهم في المعسكرات البلاوي والعسكر قليل الشان، نحن تب ما نرضى الحقارة لإنسان والجعلي هوالحزم واللزم شان رفعة السودان.
|
مشكور أخ/أنور نفهم إنو كلامك موجه لـNEWSUDANI وإن شاء الله يقرأه ويفهمو كويس
تحياتي
| |
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: الشفيع وراق عبد الرحمن)
|
لا حولا ولا قوه الا بالله العلي العظيم ...
أنتو المشكله الأساسيه شنو !
صاحب البوست عامل ليهو حوليه ويقرر أن ما ذكره نيوسوداني هو لأساءه للجعليين وللشوايقه .
ونسي أو تناسا أن أساس المشكله السودانيه هي مسأله الهويه وأصرار المسئولين السودانيين الحكموا السودان والتي صادفت مصادفه غريبه أنهم في أغلبيتهم من الجعلين والشايقيه , والتي تمثل الهويه العربيه والأسلاميه أرثهم الثقافى والذي حاولوا طيله الخمسين سنه الماضيه فرضه على بقيه السودانيين .
وهو فرض مرفوض عبر عنه في شكل حروب دمويه أستمرت وحصدت خير هذه الأمه السودانيه .
أنا سوداني مسلم ولست عربيا , ولا يشرفني في أنتمائي الثقافى الا ما خلقني الله عليه ولا شيئ غير ذلك بما ذلك الثقافه العربيه.
لغايه هنا في شنو!
نعم المحاولات التي تمت ومازلت تجري في أختزال السودان والسودانيين تحت لواء الثقافه العربيه وبسبه أرتكبت كل تلك الجرائم والحروب أمر لا يقوم به الا المتكبرين على بقيه خلق الله .
فهل وجود مجرمين في قبيله معينه هم الأكثريه ضمن مجرمين أخرين من قبائل أخرى يعني أن أفراد تلك القبيله جميعهم أشرار ؟! , بالتأكيد لا
المسأله هي الهويه .
ويا أعزائي المشكله دي أصلا ما بتثور الا في ظل الحكم الدكتاتوري حيث يحتاج الزعيم لتقريب أولى القربى خوفا على ملكه , وهو ما يجعل الأخرين يشعرون بالظلم .
لاحظوا في الأنظمه الديمقراطيه أنحصرت العنصريه في نطاق أجتماعي ضيق للغايه , مع أن تلك الديمقراطيات كانت ناقصه وكسلانه والحمد لله أنو الأن تكشفت الكثير من حقائق التاريخ لكل الناس فليه ما نستفيد من أخطاء الماضي ونبني دوله حقيقيه على أسس جديده تراعي التنوع الديني والثقافي !!!
ليه ؟؟؟ .
أما لو كان هناك من يرى أن من حق الجعليين والشوايقه حاملى لواء القافه العروبيه من حقهم فرض ثقافتهم على الدوله السودانيه دون مراعاه لبقيه الثقافات السودانيه فهذا نقاش أخر .
على العموم لو الناس سمت الأشياء بمسمياتها يكون أفضل
مودتي
| |
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: مجدى محمد مصطفى)
|
Quote: صاحب البوست عامل ليهو حوليه ويقرر أن ما ذكره نيوسوداني هو لأساءه للجعليين وللشوايقه |
وإنت رأيك شنو أخي مجدي هل تتفق معاه إنو "الشوايقة والجعليين جايين من خبث رحم سودانى" أم لا ترى أن هذا الوصف يرقى لمستوى كلمة "إساءة"
Quote: فهل وجود مجرمين في قبيله معينه هم الأكثريه ضمن مجرمين أخرين من قبائل أخرى يعني أن أفراد تلك القبيله جميعهم أشرار ؟! , بالتأكيد لا
|
ده هو نفس السؤال الذي سألناه للمسيءNEWSUDANI
Quote: أما لو كان هناك من يرى أن من حق الجعليين والشوايقه حاملى لواء القافه العروبيه من حقهم فرض ثقافتهم على الدوله السودانيه دون مراعاه لبقيه الثقافات السودانيه فهذا نقاش أخر |
منو القال كده؟ ومنو القال ليك الشوايقة والجعليين عرب؟ تحياتي
| |
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: AnwarKing)
|
Quote: ...وبالعدم موجّه ليك أنتا شخصياً!
|
أنا فاهم يا أخوي أنور ...........لكن بستعبط أنا قرأت كلامك التحت ده قبل ما تكتبو عشان كده استعبطت
Quote: نعمل الحاجة الدايرنها ونستعبط كيفما أتفق، |
Quote: عشان كدة نستعبط، نتلبط طالما أنو في عنتريات فارغة وفاضية هنا |
Quote: وأعتقد أنو الجعليين كجدود خرج من رحمهم الشوايقة، يجب أن يقدموا في العنوان على الشوايقة! لأن إبراهيم جعل "رائد النهضة الحديثة للسودان" منذ دخول العرب هو جد الشوايقة...وليس شايق!
|
قديمة يا أخوي ألعب غيرها!!!!!!
Quote: حقو كل زول يقول الداير يقولوا بنفسو...عشان ما نقوّل بعض كلام ما دايرين نسمعو أو نقولوا...
|
انا قلت ولم أقل "قلت" حقو كل زول يفهم الداير يفهموا بنفسو... تحياتي
| |
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: Mustafa Shogar)
|
يا اخوان سلاطين باشا برضو شربك اهلنا الشايقية ديل واحد يقرا كلامو ويجي يرد لينا عليهو باسلوب تاريخي جميل بالذات الاخوان المتبحرين في الحكاية دي
الزول دا كاتب كلام ما جميل في بداية كتابه السيف والنار وبتفهم علي انو الشايقية كانو جباة ضرايب وكانوا قاسين حبة علي ناس الوسط والجزيرة
وفي حتة تانية ما قادر اصيغة كويس بقول تم العفو عن كتير من ابناء القبائل الا الشايقية في فتح الخرطوم
المهم الكلام عنصري حبة واحد ممكن يرجع ليهو ومنو ممكن نفهم ليه الناس مفروض ما تنض طوالي للواقع الهس بس نرجع لاصل الاشكالات الذي دي
تستخدم الحكومة انو الحركات الدارفورية عنصرية ومن قبايل معينة .
وترد المعارضة المسلحة وغيرها بان الحكومة يسيطر عليها الشايقية والجعليين .
استخدم الكيزان نفس الاسلوب ضد القبايل حسب المنطقة شهدت جامعة الفاشر مواقف قمة في العنصرية اتجاه المعارضة ودفعت بوقود عنصري اتجاه ابنا البحر والان في الخرطوم وقع ظلم علي ابنا دارفور وانزلوا من المواصلات وضربوا امام اعين الناس فقط لسحناتهم
الامر سلبي في الاتجاهين لكن تلعب افكار الانقاذ دور كبير في تاجيج الصراع فيه تتمترس في الفترة الاخيرة خلف ميليشيات الامن والتي تشكل بصورة واضحة من ابناء مناطق معينة وهذه حقيقة
تطلق الحركات الدارفورية عليهم ابنا الحجرين (اسماء المناطق )
هكذا دواليك دوامة العنصرية القبيحة التي ادخلنا اليها بسبب نظام ديكتاتوري دفع الجميع للتخفي خلف القبيلة
انشقاق الموتمر الاخير في الجزيرة استخدم ضده ومعه اسلوب العنصرية فوصفت الحركة بحركة الكواهلة
استخدم نفس الاسلوب معنا في لجامعة ببيانات دولة قريش ووصفنا باننا الثالوث وكان وقتها الوالي هو ابراهيم السنوسي في كردفان
من المصادفة ان 6 من اعضا الكتب التنفيذي من مناطق الشايقية وكانوا يمثلوا احزاب المعارضة المختلفة الامر معقد اكثر من عنصرية او اساءة اتجاه قبيلتين او تلاتة
محتاج لنقاش واضح وحقيقي وتاريخي احسن من اننا ننبز بعض ساكت .
راي الاشكال البستاهل نقاش الامر في المنبر اذا امكن من الجميع اكثر من جزء انو منو كتب مداخلة نبز قبيلة معين دي من الغرب او داك من الشمال .
التفاخر القبلي موجود ومرات بصورة سلبية .
[
| |
|
|
|
|
|
|
|