|
|
|
 Re: حركة العدل والمساواة تعامل الأسرى بالحسنى وتضرب المثل الموجب للإحتذاء .. شكرا لهم (Re: مؤيد شريف)
|
| Quote: ولقد تابعت بنفسي تفاصيل هذه الحالة |
تابعت المسالة دي من كونك شنـو؟؟
صحفي واللا عسكري واللا في الاستخبارات ..؟ واللا زول ساااي ؟؟
بعدين الزول الاسير دا .. اتصل عليك شخصياً ؟؟
ياخ هي حركـة فوقه سيف مساعد وخضـر الطيب .. ديل ختهم في بـاقة واحدة .. تفتكر ممكن الواحد يصدق كلامك دا ..؟
غايتو انا ما بصدق ما لم .. يتم نقل النقيب سيف مساعد .. والمقدم اركنحب خدر الطيب .. إلى أي من الفصاسل الأخرى .. وينزلو ميدان .. إن شاء الله ميدان عقــرب .. 
طيب طالما إنت زول بتجيب الأخبار ..وعامل مراسل ميداني
عندي زميل دراسة .. تم قتله بعد الأسر .. رايك شنو بس اديك تلفون امو تتصل بيها بس توريها دفنوهو وين .. كويس معاك ..؟
| |
 
|
|
|
|
|
|
|
 Re: حركة العدل والمساواة تعامل الأسرى بالحسنى وتضرب المثل الموجب للإحتذاء .. شكرا لهم (Re: tmbis)
|
| Quote: ياخ هي حركـة فوقه سيف مساعد وخضـر الطيب . |
تمبس يا حبيب .. لغاية هنا وانا معاك ..
بالله سيف مساعد الحشّار دا أتاريهو عدل ومساواة ..!
يعني كوز متنكر لأصله وكاره ذاته يا قول الهطلة بشاشا وجاي شابكننا معارضة وبيدخل الخرطوم سبعة ايام بلياليها والناس نيام ..؟
قوم يا سيف مساعد لف .. وبعد تلف ارجع لف تاني .. وبعد تلف تاني اقيف وصدرك في صدري عشان اغني ليك:
هوي يا وليد ...
ــــ
تحياتي واحترامي يا مؤيد الشريف ولكن لا اوافقك حول حركة العدل والمساواة الفصيل المنقطع عن المؤتمر الشعبي وحركة الكيزان ككل .. فهؤلاء لم يحترموا حقوقنا ولن يحترموها طالما ظلوا هم انفسهم اولاد الترابي ..
| |
|
|
|
|
|
|
|
|
|
Re: حركة العدل والمساواة تعامل الأسرى بالحسنى وتضرب المثل الموجب للإحتذاء .. شكرا لهم (Re: HAIDER ALZAIN)
|
أخي الكريم المحترم حيدر الزين
مدى نسبة حركة العدل والمساواة لحزب المؤتمر الشعبي تظل مثار شك عظيم
ولا احد في راي يستطيع ان يقطع باندغام احدهم في الاخر بشكل كامل
وأذكر تصريحات كثيرة لقادة من حركة العدل والمساواة يؤكدون فيها بالتزامهم بقضيتهم حصرا والتعامل مع الحزب كأي حزب سياسي سوداني تربطهم بهم مفاوضات وعلاقات كجزء من حركة السياسة في السودان
وهذا حقهم
في ظني
.....
أعرف ان اوقات الحرب قد ترتكب الكثير من الانتهاكات من واقع الغبائن والفظائع وروح التئآئر المسيطرة على كل الأطراف
ولكني بصدد مثال واحد وقفت على تفاصيله وأستطيع ان اجزم بدقة استدلاله
وهذا لا يمنع ربما في فترة سابقة كان تعاطيهم مع الامر مختلفا
تحايا واحترام
| |
|
|
|
|
|
|
|
|
|
Re: حركة العدل والمساواة تعامل الأسرى بالحسنى وتضرب المثل الموجب للإحتذاء .. شكرا لهم (Re: مؤيد شريف)
|
عزيزي مؤيد الشريف .. المودة والتقدير ..
طبعاً الحادثة التي حكيتها انت لا استطيع نفيها لثقتي بك وانك اوردتها كما سمعتها ..
وقد تحصل لعدة اسباب - فنحن بنقول مهما حصل هناك اخلاق سودانية قد تأخذ الاطراف كلها في حالة العنف رغم الانتهاك ..
بالنسبة لحركة العدل والمساواة اعتقد علاقة خليل ابراهيم الدباب السابق واضحة وبينة .. وتلمذته علي يدي شيخه الترابي ايضاً واضحة ..
ــــــــــــ
العنف والانفلات دا اصدق مثال ليهو يا مؤيد في دخول ام درمان من قبل الحركة نفسها .. فقد شاهدنا على شاشة التلفزيون الكثير من الاتفلات من القوى الامنية السودانية نفسها رداً على انفلات العدل والمساواة ..
تقديري واحترامي
| |
|
|
|
|
|
|
|
|
 Re: حركة العدل والمساواة تعامل الأسرى بالحسنى وتضرب المثل الموجب للإحتذاء .. شكرا لهم (Re: HAIDER ALZAIN)
|
Quote: بالله سيف مساعد الحشّار دا أتاريهو عدل ومساواة ..!
يعني كوز متنكر لأصله وكاره ذاته يا قول الهطلة بشاشا وجاي شابكننا معارضة وبيدخل الخرطوم سبعة ايام بلياليها والناس نيام ..؟ |
يا حيدر .. عليك الله كبر نافوخك واضحك بس ..
البورد دا .. أحسن مكان ممكن يكون مسرح الرجل الواحد .. وممكن يكون دار أوبرا .. وممكن يكون سينما متنقلة ..
خدر الطيب يجي يقوليك بيان هام .. لابد من إنك تعتبرو بيان هام .. هو إنت دافع حاجة من جيبك .. يا كمان قاليك .. هسسسى اتصلو علي وقالو الشغاله جاية في المطار ..
سيف ميدان دا .. يجيك يقوليك انا كنت في الخرطوم .. تقول ليهم نعم كلنـا خرطوم كلنا سيف مساعد .. إنت خسران حاجة ..؟
لكن اللذيذة شنو إنت قايل .. صاحبك بشاشا الكوز .. نزل الخرطوم وعامل الود داسيها من ناس الأمن  شان ما يضايروهو .. يازول لما شاف المسالة ما جايبه حقهـا .. بااع القضية .. (دقـة سستم) ودخل ليهو في قميص بي اكمام طويلة مفتوحة من قدام .. وخشه ليهوفي سلسل زي بتاع ناس (اسنابدوق) وحلق خفيف .. وأول مزازيك في شارع النيل .. مشى يستعرض ورقص كصعلوك نبيل جدا .. كمشوهو ليك بالثابتة .. والكويسة إنو ما نكر إنو دا هو  .. ومن لحظته .. بقى شغال علاج بالصدمة بس .. يلقاك غير يا عـب ما بيزيدك ولا هلله .. بلع باقي كلامو كلووو ..
سيف وخدر ديل انساهم .. ديل سواعد بناء السودان الجديد .. ما تضايقم ولا تتضايق منهم ..
عجبتني فكرة البوست دا .. بيذكرني البوست بتاع حيدر بدوي دودح دل ..
يوم وفاة جون قرنق قال الناس تشيل صورة جون قرنق وتبروزه .. وتحوم بيها في شوارع الخرطوم ..
ياخ هو الوكت داك .. مافي نجار زاتو فاتح .. يبروزوها وووين؟ .. على الاقل لو قال شيلوها بدون براويز كان الواحد لقى ليهو تفسير منطقي .. لكن أنا ما عارفو مالو اصر على حكاية البراويز دي ..
| |
|
|
|
|
|
|
|
|
|
Re: حركة العدل والمساواة تعامل الأسرى بالحسنى وتضرب المثل الموجب للإحتذاء .. شكرا لهم (Re: tmbis)
|
Quote: لكن اللذيذة شنو إنت قايل .. صاحبك بشاشا الكوز .. نزل الخرطوم وعامل الود داسيها من ناس الأمن شان ما يضايروهو .. يازول لما شاف المسالة ما جايبه حقهـا .. بااع القضية .. (دقـة سستم) ودخل ليهو في قميص بي اكمام طويلة مفتوحة من قدام .. وخشه ليهوفي سلسل زي بتاع ناس (اسنابدوق) وحلق خفيف .. وأول مزازيك في شارع النيل .. مشى يستعرض ورقص كصعلوك نبيل جدا .. كمشوهو ليك بالثابتة .. والكويسة إنو ما نكر إنو دا هو .. ومن لحظته .. بقى شغال علاج بالصدمة بس .. يلقاك غير يا عـب ما بيزيدك ولا هلله .. بلع باقي كلامو كلووو ..
|
دي وقت كان ضارب صحن القراريص براس الاصابع ..
غايتو بشاشا دا من الذ الناس هنا تفتح بوست فيهو عرب وتبعد منو يجني ينطط كدة اي قرفة عندك
تطلع وانت بتضحك عليهو .. اما سيف مساعد التاني دا اجمل شئ اهو اخرها طلع غواصة ما بيخجل (رغم انها متوقعة من اول )...
| |
|
|
|
|
|
|
|
|
|
Re: حركة العدل والمساواة تعامل الأسرى بالحسنى وتضرب المثل الموجب للإحتذاء .. شكرا لهم (Re: HAIDER ALZAIN)
|
جمالي سيد شهداء الهامش و المفاوضات
بقلم: الغالي شقيفات
[email protected]
في مثل هذا الشهر من صيف العام الماضي قرر خيرة من الرجال من ابناء دارفور وكردفان . كسر اسوار النمر الكرتوني واسطورته الامنيه في الخرطوم نهارا جهارا ليكتبوا واقعا جديدا في السودان والعالم اجمع .ووصلت الرساله للمؤتمر الوطني في عقر داره , واستغرب الناس كيف لدولة تدعي انها تتحدي العالم ان تهزمها قوه قوامها لواء ويزيد قليلا في اكثر من سبعه معارك من جبل عيسي في مناطق الميدوب مرورا بسودري , وفتاشه , بوادي سيدنا , والمرخيات ام درمان , النفق , والسلاح الطبي والمهندسين , والمقرن , والكبري الجديد , اللواء 48 راجمات , اللوء 50 انذار سلاح الموسيقي , والقطاع الاوسط دفاع جوي , كرري العسكريه , المظلات , اضافة الي ارتكزات الشرطه, انهم شباب حملوا ارواحهم فوق اكفهم وانها عزيمة الرجال والكل شهدا لهم بمهنية واخلاقية الحرب . وكيف انهم تجنبوا المدنيين وممتلكاتهم والوصول الي ام درمان في حد ذاته انتصار , لان المسافه من وداي هور الي المقرن الف وستمائه ك م . انها عدالة القضيه والوعي باهمية العيش في كرامه مهما كلف من
ثمن غالي , لعل اقدس الاثمان واشرفها هي الدماء الذكيه التي تسال في سبيل الوطن
وحريته وكرامته علي الدوام وفي وطننا السودان سقط الكثير من الشهداء في سبيل مبادئهم السامية ودفاعا وزودا عن قضاياهم العادلة ولعل ماحدث فى دار فور هو قضية شعب مكافح امن بالحرية والمساواة منهجا ومبداء ثابتا لاتستطيع قوى والظلامية مجتمعة ازاحته والشهداء الذىن رووا بدمائهم العطرة الذكية ارض الوطن الحبيب وبذلك زرعو اجسادهم الطاهرة لتنبت ازهارا فواحة ورايات عز وكرامة وقدمو اغلى ما يملكه الانسان وهى روحه فى اشرف وانبل معركة وان التاريخ سينصف بلا شك هؤلاء الشهداء الابرار الذىن ارتفعت ارواحهم الطاهرة الى بارائها فى اجمل عرس عرفته البشرية وهو عرس الشهادة هذه الشهادة التى لم يعرف لها القوشيين علاجا لها من اناس امنوا بربهم وعدالة قضيتهم وحقهم في مقاومة عدوهم وتلقينه درسا مهما لن تسطتيع الايام ولا السنوات من محو اثاره من زاكرة القوشيين الظالمين والمندسين وسط المدنيين ومن هنا نريد ان نتحدث عن رجل حمل لواء الشرف فى زمن العار ورفض المساومة ومشاريع التسوية ولبى نداء امدرمان وتقدم راكبا خيل الفاتحيين انه الشهيد جمالى حسن جلال الدين سيد شهداء الهامش ويعد المحامى الجمالى الذى ولد وتلقي تعليمه الاولى والثانوى فى شمال دار فور وتخرج من كلية الحقوق فى جامعة القاهرة فرع الخرطوم فى عام 1991 ويعد الجمالى ارفع مسؤل تقدمه حركات دارفور بعد الشهيد ادم كورتى وكان جمالى يشغل منصب امين شئون الرئاسة فى حركة العدل والمساواة وكنت قد التقيت الرجل بالقاهرة فى سبتمبر من العام 2006 واجريت معه حوار صحفيا لصالح جريدة راي الشعب وقدمت له شرحا عن رابطة اعلاميى وصحافيى دارفور فى اطار التبشىر بها الذى شمل كل القوى السياسية والحركات المسلحة الرافضة والموقعة والحكومة ورحمه الله كان معتز جدا بحركته وجبهة الخلاص وقت ذاك فهو ابهر الجميع بعطائه واخلاصه ومحبته للناس فاحبته القلوب وكان بمثابة شامة للعز فى جبين الوطن وراية للحقيقة وعنوان للتضحية والرباط والصمود فاصبح قائد ا محبوبا للجميع ومن الجميع ,جمالى حفر الصخر وصنع لنفسه تمثال لاتصل اليه عوامل التعرية ويبقى على مدى السنين حاضرا فى الاذهان تالقا وعبقرية مسيرة خضراء نقية تزيدنا تجربة وثباتا وعلما فى الوقت الذى يتقزم فيه العمالقة وتنحنى فيه الرؤس امام العواصف العاتية وتخبو عزيمة الرجال فى مواجهة الشدائد والخطوب والمحن ويتالق الرجال امثال جمالى كانهم خلقوا لاجل هذا وجبلتهم الطبيعة على العناد فى مواجهة الاعاصير لاتنكسر لهم هامة ولا تلين سواعدهم ولاتنكسر لهم راية عاش الشهيد حياة مرت كالبرق فى احداثها اربعة عقود ونيف خاض فى مشروعه الوطنى المقاوم بكل عنفوان وجسارة وهو قد تعرض للاذلال من قبل قوات المستعمرين الجدد وقرر كنس الظلم والباطل من ارض المحمل وكان وجهه الاسمر الذى ينم عن دماء اختلطت فى دار فور وجبينه الذى زينته سيما الصلاة يشع نورا وابتسامته المتمردة على الواقع المرير تتحدى الالام التى سسببها القتلة والظالمين بعد ان زرعو الموت فى انحا الوطن جمالي بكته النسوة فى دار فور وحزنت ولايات دار فور عن بكرة ابيها رحمك الله فنم قرير العين ايها القائد المحنك والفارس الصنديد حملت حلم شعب والم امة والشهداء هم من يحيون فينا الامل وهم صناع الاوطان ويجب ان يكون الثوار على قدر المسؤلية التى حملها الشهداء الذين ضحو بانفسهم واستشهدو وهم يحمون رفاقهم وكما كتبنا فى حوائط سجن كوبر < اليد التى الهبها القيد تشد على مقبض البندقية > <عرق الزنازيين ىوفر المزيد من دماء المعركة > والفريق سليمان صندل نموذج لذلك وهو رجل يعرف مع من تكون المعركة . والشهداء تركو خلفهم اغلى الامانات اطفالهم واهلهم وفوق ذلك القضية والحق والمنطق يقولان ان نظل اوفيا ء للمسيرة التى سلكها المياميين الاطهار وان لاياتى اليوم الذى نفرط فيه بدمائهم الحرة مهما كانت الاسباب والمبررات التى قد تدفع بالبعض الى التفريط بهذه الامانة كالتهافت واللهث وراء المفاوضات الواجب يحتم علينا ان نتذكر دائما هؤلاء الشهداء وان تظل صورهم الخالدة واعمالهم البطولية راسخة فى عقولنا وقلوبنا دائما وابدا وفى كل الامم الحضارية تحتفل الشعوب بذكرى شهداءها وتخصص لهم الايام الوطنية وتقام الاحتفالات لذكراهم وتقام الاحتفالات لذكراهم والامة التى تتنكر لتاريخها وشهداؤها هى امة ليست حرية بالعيش ان الواجب يفرض علينا ان نكون لهؤلاء العظماء الذىن اعطو اعز ما يملكون فى سبيل القضية والوطن والمجد والخلود لشهداءنا الابرار الميامين ويجب ان نعلم ان الاقتتال الداخلى هدر لدماء الشهداء والجرى وراء المفاوضات خيانة لدماء الشهداء والمراجعة الصريحة لتجربة الحركات الثورية وادرة الصراع واشكال المقاومة وفاء لدماء الشهداء ” حصر المعركة مع المؤتمر الوطنى وجهاز الامن وفاء للشهداء والابتعاد عن حديث الحواكير والاجندات القبلية وفاء لدماء الشهداء.
تعليقات حول الموضوع
حركة العدل والمساواة السودانية | © 2009-2010 جميع الحقوق محفوظة
| |
|
|
|
|
|
|
| |
tmbis
HAIDER ALZAIN
الغالى شقيفات
فيس بوك
تويتر
انستقرام
يوتيوب
بنتيريست