|
العوام مبدعون ..(جاب البن بفحمو ... وجاب الزيت بلحمو)
|
ــــ حبوبه حبوبه .. أمي قالت ليكِ تعالي أشربي معاي الجبنة إت جيت (تتبارك يا المبارك) تعال يا ود بطني تعالي النسلم عليك وأشم ريحتك _والله سلامها التقول تبلعك في بطنها زت هسعّ دي حبوبه إنت ريحيتك سجار.. سجار (جِدليّ تكبر تجيبو ليّ)
|
|
|
|
|
|
|
|
Re: العوام مبدعون .. (جاب البن بفحمو ... وجاب الزيت بلحمو) (Re: emad altaib)
|
ـــــ نادت ليّ وقالت لي ( ورح كاكا) بُووووشك معاي .
ومسكتني من يدي والله حبوبه قوية خلاص .
وبقت ماشه وأنا ماشي معاه وهي تدندن بكلام
ولدي الصديق ولدي وقت الضيق ولدي الفريد ولدي فوق عوض الجيد ولدي الفضل ولدي سيد العقل ولدي غاب وجاب وأكلني الكباب ولدي ختم القرآن ولدي أكرم الضيفان ولدي يقري في أم درمان ولدي سلموه السودان
وكلام كثير فيه من السجع إلي أن وصلت إلي البيت , وناولت أمي كورة رمضان كريم , وأخذت (الودع) في يديها .
| |
|
|
|
|
|
|
|