نشيد العلم

Quote: الحضور الكريم ود السني, الازهري2 وسيف مساعد والله انا من زمان في بالي انه العلم الحالي ما بتاعناوما بشبه السودان وفعلا انتبهت انه الشبه بينه والعلم الفلسطيني كبير لكن انا ما عارف فعلا ليه اتغير اصلا؟ وبعدين منوا ديل الاختاروه واستشاروا منو لمن غيروه ؟ الشعب كان عنده رايء ولا مافي حد هبب ليه اصلا كيف ومتي حدث كل ذلك بكل سهوله؟؟ اما النشيد القومي فاللحن جيد وقوي وحماسي لكن الكلمات حقيقه تحتاج الي اعاده نظر يعني مثلا جند الله طيب والمسيحيين ما اخدتوهم في النشيد ليه؟ والما عندهم دين خالص؟؟ التهمش ده اتاريهوا من زماااااااااااان اما علم الاستقلال فوالله العظيم اجمل منه مافي ياخي ده بيديك احساس بالاستقال وكفي لكن للاسف برضوا كان في شويه استغلال له في الاستعمال من قبل الاتحاديين والمراغنه باعتبار انتماء الزعيم الازهري للحزب فاصبح رمز حزب وشعار طائفي بدلا من ان يكون رمزا قوميا لي عوده للبدء في حمله اعاده علم السودان الاصلي واعاده صياغه النشيد القومي.....وما تنقطعوا