|
البطيخاب .. خلاص فضينا ليكم .... قصائد هدية ( بهدلني الصففاقسي وغيرها) ...ادخلوها بسلام ذاكرين
|
خلاص فضينا ليكم يا بطيخاب
وعلى قولكم رفعنا الفراش
وجيناكم بتاريخكم وقصايدكم
اربعاتكم وسبعاتكم وتلاتاتكم
ما تزعلوا
ما القصة مافيها عدم وطنية
الكورة كورة
والوطن غير
خلاص نحن معاكم
ونبدا الغنا
اها قولوا واجد
الرابط :
Re: الليلة وين يا ناسي .. بهدلني الصفاقسي (أغنية جديدة هدية لراكوبة ورفاقه)
Quote: الليلة وين يا ناسي بهدلني الصفاقسي ( جمال السنوسي – جدة) - - - - - - - - - - - - - - الليلة وين يا ناسي بهدلني الصفاقسي أربعة كسروا راسي رجعوا لي مآسي
######### جاب قونو بدري من أول دقيقة والتاني جابو فجأة بي نيران صديقة ياناس فهموني ووروني الحقيقة هل انا جوه تونس أم في بير غريقة ######### قالوا علي زعيم وكتبوا فوقي راية والصفاقسي اللئيم صدق بالحكاية من أول دقيقة علمني القراية هجومو كيف وجبنة وخلاني الوقاية ######### من خش قونو اول وتاني وحتى رابع ناس قلعت هدوما وما قدرت تتابع وناس تبكي تجعر وناس غرقت مدامع وانا والله خفت يوصل حدو سابع ######### أنا بالجد غلطت يا ناس اعذروني غشتني الجرايد غشامة ودروني قالوا علي كبير للصفاقسي قنطروني جابو(النفطي) لي مكنة ودوروني #########
أنا كشفت حالي وعذبت النفوس ناس كثيرة كضمت وناس حرقت كدوس هم عزالي قالوا يا الصفاقسي دوس عشق نمرة اربعة كسر لي تروس #########
في ناس لسه بتأمل في تونس ممكن أغلب وأنا خوفي تبقى حفلة واقوم اجقلب الصافقسي العنيد مواجع لا تقلب أنا لو كان علي من الاستاد اتلب #########
رجاء(ي) يا صفاقسي حن وأرأف بي حالي الكأس حقك إنت حقيقة من غير تعالي يا ناس يا عوازل انتوا مالكم ومالي إستادي إنشاء الله يبقى مخزن للطبالي #######
الصفاقسي العريس شغلك جد نضيف انت دفاعك مكرب وكل الهجوم حريف انت كنت التقيل وانا كنت الخفيف أنا قبلك (فريق) وبقيت بعدك (عريف)
#######
أرجوك يا الصفاقسي خلي عندك ضمير لمن أجيك في بلدك ما تغلب كثير نلعب نهائي حفلة وكل الناس تغير تكون فيها العريس وانا جنبك وزير #######
أنا كشفت حالي وعذبت النفوس ناس كثيرة كضمت وناس حرقت كدوس هم عزالي قالوا يا الصفاقسي دوس عشق نمرة اربعة كسر لي تروس #######
في ناس لسه بتأمل في تونس ممكن أغلب وأنا خوفي تبقى حفلة واقوم اجقلب الصافقسي العنيد مواجع لا تقلب أنا لو كان علي من الاستاد اتلب
|
|
|
|
|
|
|
|
|
Re: البطيخاب .. خلاص فضينا ليكم .... قصائد هدية ( بهدلني الصففاقسي وغيرها) ...ادخلوها بسلام ذاك (Re: حيدر بشير)
|
حيدر
Quote: ادهم فوق راسهم و فى انتظار قصيدة السبعات وما تنسى تلاتتنا |
عشن خلطرك يوم دفناهم في رمضان 11 سبتمبر 2009
Quote: الله ليا الوصيف طياشتو عليا يا ناس أنا
الله ليا ...... وهلالنا سيف بتار لله ليا ...... اساتذة مافي هزار الله ليا ...... واصلنا ما بنحتار الله ليا ...... من ديمبا ولع نار الله ليا ...... وبدينا دق الطار الله ليا ...... وطلقنا بخور الظار الله ليا ...... وهلالنا ما بوبار ما طيشنا زول خرخار في البحر قال في غبار يا ناس أنا لله ليا الوصيف طياشتو عليا يا ناس أنا
الله ليا ...... وسيدا سيد الذوق الله ليا...... واهداها للفاروق الله ليا ...... صاروخو كان خاذوق الله ليا ...... وده الفرتق الطايوق الله ليا ...... وطيشنا طار بي فوق الله ليا ...... مرحومنا ما مخنوق الله ليا ...... وصيفنا مات مفلوق داناتنا الجن بي فوق يا ناس أنا لله ليا الوصيف طياشتو عليا يا ناس أنا
الله ليا ..... و فرقتنا يا حلاتة الله ليا ...... وايفوسا فرقاطة الله ليا ...... وختاها في الواطة الله ليا ...... وركزها ما جاطا الله ليا ...... الاتنين بقوا تلاتة الله ليا ...... ميدانا بقى سباته الله ليا ...... فرقتنا حواتة اولادنا جابو الصيد طياشة بي حركاته يا ناس أنا لله ليا الوصيف طياشتو عليا يا ناس أنا
الله ليا ...... وهلالنا سيد أسياد الله ليا ...... زي فرحة الأعياد الله ليا ...... وبتجلي في الاستاد الله ليا ...... ووطيشنا خم رماد الله ليا ...... زين هدومه سواد الله ليا ...... اصلو الوصيف معتاد الله ليا...... بياخد تلاتة غلاد
وبيحب العدد إفراد بالسبعة الكانوا شداد يا ناس انا لله ليا الوصيف طياشتو عليا يا ناس أنا
الله ليا ...... جيناهم زي السيل الله ليا ...... ودفنا كان بالليل الله ليا ...... ورمضان شهر جميل الله ليا ...... دعواتو ما بتميل الله ليا ...... هلالنا جمل الشيل الله ليا...... قلع الصدارة عديل الله ليا ...... وفرح المليون ميل ابطالنا مافي مثيل في هلالنا ده ياناس أنا لله ليا الوصيف طياشتو عليا يا ناس أنا
مع الاعتذار للقصيدة الاصلية
|
| |
|
|
|
|
|
|
Re: البطيخاب .. خلاص فضينا ليكم .... قصائد هدية ( بهدلني الصففاقسي وغيرها) ...ادخلوها بسلام ذاك (Re: جمال السنوسي)
|
ودي قي سيكافا
Quote: بتجيب الحمام جتى الجداد اكوام غشيت البلد ومليتها بالاوهام وينك ما بقيت قدام
تيمك من العصر انصاره متلمين في الصف الالوف الكانوا مغشوشين صفقة وهتاف ديل قابلوا التسخين من اول هدف سكتوا التقول نايمين
تيمك في الاصل انصاره عارفنوا في اخر لعب بالرشوة تاهمنوا اتلموا الحمام ليهم مرق جنوا مازمبي العنيد طار النصر منو
تيمك في الاصل جاب الحمام للعوم الصرف التقيل من جيبوا خاتي اللوم في يوم الختام ما عرفتوا طعم النوم اتراكو العجيب خلاكم تكدوا الدوم
الحكم اتفلق والسبب كان جمهور لصقولو الجرح لبس اللصق قنبور اضافي الزمن وكان الحكم مجبور الفوز بالغصب مازمبي خسر مقهور
الحكم اتفلق ومليتوا راسو حجار والجمهور رجم تقول بيضرب نار ود الوالي كان ود الوصيف البار من جيبيه عيييك كم شبعن صفار
اللعب انتهى واتجرس المزنوق بي عيني بشوف اتراكو طالع فوق كان لو بالمراد واليمين مطلوق احسن تشتروا سيكافا من السوق
اللعب انتهى واتحسبت اقوال فليق الحجار مكتوبة في الافعال قدر الله الحصل وضاعت الامال وصيف اصلي تاني برضو باهمال
|
| |
|
|
|
|
|
|
|