|
|
 للـ إسـمها دانيـة المكـي دي..!
|
م الآخر كده
I'm a fan
كتاباتك من القلب يا بنية .. السهل الممتنع،
وكما قال تبارك محيّرني العربي بتاعك والله..
(نحن الطلعنا من بلدنا ما عمر 10 سنوات عربينا طال غيابه ..)
غايتو كتر خير هذا المكان اعاد بعض المفردات التائهة ..
(بس كله بى تمنو زي ما بقولوا.. وش مبتسم)..
التحية ليك..
ده الغرض الأول من البوست ده..
______
الغرض التاني،
دعوة ليك ولكل المهاجرات من بنات وطني .. والمهاجرين ..
لمن لايمانعوا في إشراك القاريء وسرد بعض تجاربهم في التعامل مع الغربة ومعطياتها..
بدلا عن التنظير والقيل والقال.. نسمع الكلام من مصادره الحقيقية..
سواء كان في الغرب، الشرق، الخليج وغيره من بلاد الله الواسعة..
للمعلومة، وابداء النصح للمهاجرين الجدد (وللعازمين على طرق ابواب الشتات)..
والمقاربة بين غربة وغربة في شتّى بقاع العالم..
هناك من خبروا دروب العمل.. أو قاعات الدراسة..
الفرح والشجن.. النجاح والفشل..
الفلس والهموم.. ومباصرة يوم ساعاته بخيلة
وطقسه لا يرحم..
وما بين هذا وذاك..
بعضهم انشا اسر وقام بتربية ابنائهم في الخارج..
وهناك من اصطحب اهلهم معهم .. الطيبين من كبار السن..
الكثير منها.. أسر أصبح الصبح عليها في عالم تاني..
فتحّولت من ناس بلد عارفين راسهم من رجلينهم،
لغريب الوجه واليد واللسان..
فكيف كانت الرحلة..
المحاور كثيرة..
وليس من رأى وتدردر.. كمن سمع..
______
وتحية خاصة لسمارت ومريم الحسين وكل ضيوفهم لخيطهم عن الأمومة (والأبوة)..
بوست فيه المعلومة، الطرفة، والونسة..
الإنجليزي والعربي.. وما بينهما..
الحقائق العلمية.. وونسة الأمّات والحبوبات..
شكرا للإلهام..
|
|
 
|
|
|
|
|
|
|
 Re: للـ إسـمها دانيـة المكـي دي..! (Re: عزاز شامي)
|
سلامات نجوان...
دانية فعلا دمها خفيف و تدخل القلب بسرعة.
حقيقى انا عاوزه نمرة تلفون امها عشان اعرف ربتها كيف فى امريكا دى عشان تطلع بتعرف عربى بالاضافة لكل الحجات الحلوةاللى فيها.
عزاز....شكرا للكلام الطيب فى حقنا...انتى -و الله- اللى بتفشينى كتير....كتير جدا. تسلمى
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: نجوان)
|
ازيكم..
خلعتيني يا نجوان وجيت جارية ادافع عن دانية
في البوست المعني بتاع بريمة دانبة كفت ووفت شديد..بسطتني شددديد لاني حسيت بانها بتدافع عني وعن نفسها وعن اخوات في الغربة القاسية دي عني يدي كانت بتحرقني اكتب مداخلة اجي القي دانية كتبت الفي بالي كلوووو وزيادة..والمنعني زيادة اني اصلا ما كان حيكون عندي طول اخلاقا دة..وتحية لكل من خط حرفا دفاعا عن المرأة السودانية في المهجر
ــــــــــــ
صفقة كبيررررة ليك يا دانية
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: سارة علي)
|
Quote: Quote: دانية فعلا دمها خفيف و تدخل القلب بسرعة
مضبوط..
ودوغرية شديد.. |
غايتو اقول ليكم النجيضة....
ست البوست والبشكروا فيها
ثغيــــــــــــــــــــــــــلات
وانا ما بريدن....
وما صاحباتى
ولا عندى معاهن شريعة
وكان (الافراح) ماشة عليك يمنعنها
وشنافات
وبس....وبث عليهن،،،،،
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: صديق الموج)
|
خجلتوني شديد
نجوان, عزاز, ساره, سمارت, مريم ما عارفه اقول ليكم شنو برجع ليكم بمهله بس انوم حمودي
عمو الموج شكلك شايت غلط, دي ما وجن دي نجوان, معليش يا نجوان انا و وجن مغصناه شديد ايام اغاني و اغاني و عرس افراح زاد المغصه.
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: Dania Elmaki)
|
Quote: عمو الموج شكلك شايت غلط, دي ما وجن دي نجوان, معليش يا نجوان انا و وجن مغصناه شديد
ايام اغاني و اغاني و عرس افراح زاد المغصه. |
فعلا يا نجوان انا اسف قريت الاسم وجن وماصدقت معليش امسحيها فى وش خالك
دانيا يا ثقيله ما تدخلى بين التفاحه وقشرتها..
لووووووول،،،
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: سارة علي)
|
| Quote: وتحية لكل من خط حرفا دفاعا عن المرأة السودانية في المهجر |
شكرا ليك يا سارة..
اتمنّى ان تأتي الأخوات هنا ليحكين عن ان الغربة كفاح وشقا، مش حديقة ملاهي ولعب ..
التحية لهن.. بنات وستات زي الفّل .. واعيات ومسؤولات..
| |
|
|
|
|
|
|
|
|
 Re: للـ إسـمها دانيـة المكـي دي..! (Re: Tabaldina)
|
Quote: اتمنّى ان تأتي الأخوات هنا ليحكين عن ان الغربة كفاح وشقا، مش حديقة ملاهي ولعب ..
التحية لهن.. بنات وستات زي الفّل .. واعيات ومسؤولات.. |
وده الكــــــــــــــلام الصاح
اكتبن و احكين ...
انقلن تجاربكن و كفاحكن...
التحية لكل نساء بلادي
المغتربات و غير المغتربات...
لكن كل الاحترام و التقدير....
دانيا المكي...
..
لك تعظيم سلام احتــــــــــرام...
واعتقد اول بوست لك,كان سؤالا عن صديق لوالدك...
علي ما اذكر!!
والله اعلم..
________
اتمني من الاخوات في ذلك البوست,نقلة الحوار (بوست بريمة) الي نقطة اخري,بدلا من الدفاع عن انفسهن
لماذا لا يتحول الي احتفاء بالمهاجرات السودانيات
وعمل توثيق لهن و وايضا تقديم نصائح و ارشادات للقادمات وكيفية نقد و تقويم الاخفاقات ومعالجتها..
من خلال التجربة و العلم ...وتبادل الافكار..
احترامي ..
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: doma)
|
مرافئ
سحب هذه المدينة شاحبة كقلبي
سماءها داكنة بالضباب
وقلبي داكن بسنوات الفراق
تتوغل هذه المدينة شارخة بوبوء روحي
وتثقب رئة قمر أشتهيه
يطل هناك
يحرضني أن أكتب من جديد بفرح القصيدة
يحرض مطر ذاك الريف الساكن حلمي
بأن يغسلني من قمة حزني حتى أخمص حلمي
ويعيدني
امرأة تنتمي إليها
وترقص حدادا على أغنية تبحث عن نساء هجرن المدينة
نساء روحي المتوهجات فى نبض حلمي
تماضر
أشول
الجندرية
حليمة
وابنوسة
نساء همن غناء حنينا لحلم رابض حزن الفقراء
علهن يعدن
علني أعود الىّ
إلى هناك
والتقيهن أجنحة لأغنية لا تحمل وجه المنافىء المريرة
جناح مثقل بالحلم النبيل
بالهم الجميل
التقيهن قصيدة عنيدة
وأغنيات تعيدنا إلينا
لمرافئ تحرضنا أن نغنى
أن نبوح بوجع تفاصيلنا
مرافئ تحرضنا أن نحلم من جديد دون انكسار
فيينا- يناير 2003*
وكانت مرافىء صغيرتى البالغة من العمر حينها بضعة اشهر محرضتى....
ان يكون لها وطنا رحيبا وان لا تحاصرها اى غربة كما فعلت بنا
شكرا يانجوان, ومحبة ليك ولدانية الدانية قطوفها بساطة ووعى ولتجريتها المثمرة
---------------
نشر فى مجموعتى- ومع ذلك اغنى- Trotzdem singe ich باللغة الالمانية من دار ميلينا النسائية فى 2003
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: Ishraga Mustafa)
|
خلعتينا
وانا اقول اختنا نجوان الزوله الدبلوماسية
صاحبة امتع بوست في رمضان (اغاني واغاني )
معقول تكون في شكله وقلبت الوش التاني
دانية المكي
في منبر سودانيز 10÷ 10
-----------------------
الف تحية ليكم الاتنين.. ودي تساوي دي
| |
|
|
|
|
|
|
|
|
|
Re: للـ إسـمها دانيـة المكـي دي..!ع (Re: وليد عبد اللطيف)
|
نجوان
سلام
شكرا ليك على البوست و اوعدك حاكتب بوستات قريب انشاء الله عن الغربه و الهجره و تجربتنا فيها الطفوله الى الامومه, و انا بدعوا كل الناس في اي مكان في العالم يكتبوا عن تجاربهم عشان الناس الجوا بعدهم او ناويين او مفكرين يستفيدوا من تجاربهم و يمكن يغيروا رايهم و يمكن يتشجعوا اكثر.
بخصوص العربي انا درست عربي اولى و ثانيه و في ثالثه درسته لكغه اجنبيه في تونس, من بعدها فارقت الدراسه العربيه لكن انا لاني بحب اللغه العربيه و بحب القراءه جدا من صغري, بابا و ماما كمان عشان كده من انا في صف ثاني كنت بقرا الجرايد و لمن بابا يجي من الشغل بعد الغداء بتلقى كل واحد فينا ماسك جريده, غير اني اي كتاب بلقاه لازم اقراه و لو ما خلصته ما بنزله من يدي, ده طبعا قبل احمد, كنت بكمل الكتاب في يوم, هسع ممكن اسبوع او اكثر, نصيحتي لكل الاباء و الامهات حببوا القراه لاطفالكم, انا شخصيها خلتني احافظ على لغتي العربيه شديد و انشاء الله ناويه اخلي احمد زيي, غير كده في البيت ما بنتكلم انجليزي ابدا لكن اخواني ما زيي في اللغه.
سمارت ماما قرات كلامك و بتشكرك شديد و انشاء الله نتعرف بيك قريب
عزاز اتمنيت انك تجي البوست بتاع بريمه
ساره انا زاتي نجوان خلعتني و قلت الليله خلاص قبلوا علي :)
حسين ملاسي, تبلديناو فيصل نوبي شكرا ليكم كثير, حسين لازم تلكنها :) لكن ما كرهوني الطب و الطبيب قدر ما اشرح ثاني نرجع للساقيه
هواري, بريمه ما فقد المنطق, لكن حارجعه ببوست ثاني قريب انشاء الله
دكتوره اشراقه منذ عرفتك في المنبر و انت قدوه لي و اتمنى ان اصل لما وصلتي له و لنا وسطاء النسمات رسائل انشاء الله
ماما دوما و وليد شكرا ليكم كثير و انشاء الله نرجع ببوستات هادفه
| |
|
|
|
|
|
|
|
|
|
Re: للـ إسـمها دانيـة المكـي دي..!ع (Re: Dania Elmaki)
|
ايون ، عرفتها ،
شُفت ليها مداخلة وشفت شرح المداخلة وشرح شرح المداخلة
في بوست كشف حال النساء والرجال في امريكا (التسمية من عندي)
u deserve it ya Dania
شكرا يانجوان علي اتاحة الفرصة للجمهور الكريم انو يعبر عن رأيه :)
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: هواري نمر)
|
شكرا كتير يا هواري..
وهذا ما نحتاجه بشدة: إحتفاء وفخر بما تنجزه الأخوات ..
البتشتغل دوام واتنين وتاخد بالها من البيت..
البتذاكر وتعافر بين الكتب..
القاعدة مع اولادها في البيت تراعيهم..
المساهرة تضاير في الفواتير..
ما بين رحلة البحث عن حياة ومستقبل أفضل..
أو بس مباصرة الدنيا بعزيمة وصبر..
ده كله يستحق التحية والتجلة..
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: نجوان)
|
دانيا، سلامات و شكرا على نشر تجربتك مع تعلم اللغة العربية في عمر صغير،
و فعلا تحبيب الاطفال في القراءة في عمر صغير وتعويدهم عليها مهمة جدا
لمستقبلهم الاكاديمي ....الـ family literacy ليها دور مهم في تطوير
مهارات التعلم عند الطفل و تحسن من فرصه المستقبلية المهنية، وقرأت قبل
فترة ان المتفوقين دراسيا أكثر نجاحا في حياتهم العملية و يرتقون سريعا
في سلم العمل ,,, في دراسة تناولت اسر من خلفيات مختلفة و بدراسة تجاربهم
في الطفولة مع التعلم و قصص ما قبل النوم، وجد ان الاطفال المعتادين على
القراءة او الممارسات المتعلقة بها اكثر قدرة على التحصيل الاكاديمي
و يمارسون ذات العادات مع اطفالهم في المستقبل ..
| Quote: عزاز اتمنيت انك تجي البوست بتاع بريمه |
بوست بريمة يا دانيا قريتو أكثر من مرة، ووجدت انو من الصعب مجادلة كاتب
البوست في وجهة نظره التي انطقلت من تجربة خاصة و امتدت و اتسعت لتصبح
عباءة تطوي في اعطافها كل النساء اللتي يتشاركن في ذات الحيز الجغرافي ...
وبقدر ما سعدت لحوارك انت و سمارت أنا و اقبال معهن بقدر ما حزنت لجهدكن
المهدر مع مخاطب لا يرى سوى الجانب الفارغ من الكأس ... التعميم مخل دائما،
و التشبث بالرأي يفوّت فرصة الاستفادة، ولكني انا استفدت و شعرت بالفخر بأن
هناك نساء سودانيات يدركن التحديات ولا ينظرن بدونية لمن هن أقل حظوة في علم
أو تجربة ... انتو كفيتو ووفيتو، وكلامكم كان من واقع تجربة طويلة وانا تجربتي
هناك لا تعدو بضعة اشهر تنقضي بلا مسؤوليات طويلة الامد من مورقيج أو تأمين صحي
أو التزامات اسرية ...
يديكم العافية ... تبردو القلب
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: عزاز شامي)
|
عزاز
الغربه مره, و لو ما الناس لقت زول يقيف معاها عنده تجربه في البلد بتتعب شديد
موضوع القاريه ده ليه رجعه لاني بشجعه شديد و نفسي في مشروع كتاب لكل طفل, هنا من عمر 3 شهور اي زياره للطبيب بيدوا حمودي كتاب مناسب لعمره, و من المستشفى بيشجعوا على انه الام تقرا لطفلها كل ليل قبل النوم و تعودوا على الكمبيوتر حتى لو بس يشوفها عليه و كمان سيديهات التعليم للاطفال مهمه جدا.
ابراهيم, والله شرح شرح شرح دي تعبتني شديد لكن في النهايه برضه غلبني, يديك العافيه
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: Dania Elmaki)
|
دانيه المكى
سلامات
وسلام لصاحبة البوست وكل ضيوفها...
يا دانيه فعلاً بتستحقى كل الإتقال فيك وأكتر...فاهمه ورقيقه وظريفه...وخفيفه على الألب...
وحتى لما (حاولو) يختوك فى كورنر يو هاندل إت ول....
_______________
Quote: بوست بريمة يا دانيا قريتو أكثر من مرة، ووجدت انو من الصعب مجادلة كاتب
البوست في وجهة نظره التي انطقلت من تجربة خاصة و امتدت و اتسعت لتصبح
عباءة تطوي في اعطافها كل النساء اللتي يتشاركن في ذات الحيز الجغرافي ...
وبقدر ما سعدت لحوارك انت و سمارت أنا و اقبال معهن بقدر ما حزنت لجهدكن
المهدر مع مخاطب لا يرى سوى الجانب الفارغ من الكأس |
سلام خاص يا عزاز
وإحترام أكيد
عارفه يا عزاز أنا فكرت نفس فكرتك دى قبل ما أتداخل...
لأنو بريمه رافع ضغطى ليه زمن...(وحسى ح يفرح إذا قرأ الكلام ده...!!!)
لكن فكرتا فى إنو الناس البتطرح طرح زى حق بريمه كتار لكن بى درجات متفاوته
وقلت عسى ولعل...واحد فيهم يتغير
تحياتى
وكل الود
إقبال
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: Dania Elmaki)
|
Quote: شكرا ليك على البوست و اوعدك حاكتب بوستات قريب انشاء الله عن الغربه و الهجره و تجربتنا فيها الطفوله الى الامومه,
و انا بدعوا كل الناس في اي مكان في العالم يكتبوا عن تجاربهم عشان الناس الجوا بعدهم او ناويين او مفكرين يستفيدوا من تجاربهم
و يمكن يغيروا رايهم و يمكن يتشجعوا اكثر. |
شكرا ليك يا دانية.. وفي انتظارك..
حقيقي تلقائيتك وشفافيتك مكسب كبير في هذا المكان..
______
حواء السودانية بخير..
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: نجوان)
|
عارفه يا نجوان اكثر شئ متعب في البورد ده انه الواحد لمن يكتب بيفكر الف مره الناس حتفهم كلامي من ياتوا زاويه؟ في ناس بتفهم اتجاه واحد و مهما عملتي ما حيفهموا كلامك و تشرحي و تشر حي الشرحتيه و تشرحي الشرح الشرحتيه الي ما لا نهايه لمن تقنعي و يغلبوك هم
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: نجوان)
|
| Quote: Quote: عارفه يا نجوان اكثر شئ متعب في البورد ده انه الواحد لمن يكتب بيفكر الف مره الناس حتفهم كلامي من ياتوا زاويه؟ |
بس يا دانية تأكدي بكتاباتك الرائعة دي ينطبق عليك قول المتنبيء...
أنام ملء جفوني عن شواردها... ويسهر الخلق جراها ويختصم...
يعني أنت تكتبي وأبلغ الكلام حمَال الأوجه...
سلمتي
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: Dania Elmaki)
|
لدي صديق عزيز يعيش في امريكاقابلته اسفيريا بعد 30 سنة وتحدثت معه تلفونيا لمدة ساعتين.
اسرته تعيش معه هناك من قولت تيت ولكن....
بعد كل سنتين تلاته بيمشو السودان يقضو عام دراسي كامل!! ثم يعودوا امريكا للمواصلة
اكبرهم اليوم ممتحن الشهادة من السودان ( طبعا توجد المدارس التي تناسب مستوياتهم).
المهم اتقنو العادات و اللهجات السودانيةبسبب ترددهم المتواصل للسودان.
ذكر لي انه اتصل عليهم قبل اسبوع وقابل البنية الصغيرة(9 سنوات) و قال ليها " والله لكن بقيتي فصيحة شديد" فردت عليه:
"امال نقدر نباري الشمارات كيف"
حقيقة تجربته تحتاج للوقوف عندها!
وممكن ناس كتيرين بتخوفو من الغربة يجربوها
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: Dania Elmaki)
|
Quote: دانيه المكى
سلامات
وسلام لصاحبة البوست وكل ضيوفها...
يا دانيه فعلاً بتستحقى كل الإتقال فيك وأكتر...فاهمه ورقيقه وظريفه...وخفيفه على الألب...
وحتى لما (حاولو) يختوك فى كورنر يو هاندل إت ول....
|
أقبال والله انتي فشيتيني و لولاك و باقي البنات يمكن كان جاتني جلطه
اها زغرد يا بريمه
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: khaleel)
|
الراقيه دانية المكي
بالجد تعظيم سلام وتحيه ملكية تليق بكل فكرة جميلة بتحاولي طرحها باسلوب شيق وموضوعي
عجبتني افكارك وطريقة طرحك الرشيقة من خلال ردودك البتعكس لينا بالتاكيد تنشئة سليمة ( يسلم والديك وتحياتي ليهم )
وبرضو الثقافه الثرة البتتمتعي فيها وافق واسع مطلع وكمية من التفهم للاخرين باسلوب رشيق
انتي فخر لينا كل السودانيات لانك بتعكسي صورة جميلة عن السودانية المثقفة والواعية العارفة بواجباتها والما بتتازل عن حقوقها
تابعت في احد البوستات ردودك وشفتا كميه الرقي البتتمتعي بيهو وطريقة مناقشتك الهادئة وكميه التحمل العندك
والكم الامتناهي من الصبر وطولت البال انتي وكل الاخوات المتداخلات اديكم الف عافية
الله يخلي ليك اسرتك الكبيرة والصغيرة وتشوفي حمودي في اعلى المراتب وعريس وتجرتقيهيو بس لو ما طلع بوست يشجب الجرتق
للزمن داك
الاميرة نجوان دايما كبيرة في مقامك ولفتة بارعة منك بياكد محبتك للناس وتقديرك للمبدعين لانك منهم ربنا يخلي ليك
اسرتك ويديك القدر نيتك يا ذوووووق
روما
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: نجوان)
|
الزولة الاسمها دانية المكي دي .. عجبني جدا رد فعلها في بوست بريمه، رغم انه كان في اكتر من محاولة لتنميط رد فعلها، لكن لأنه قلبها نظييييييييف، وقفت وردت للآخر.. دانية برضه ام رائعة.. ومثقفة بصورة مدهشة.. وطبعا ظهر الامر بصورة واضحه في البوست الخاص العملته صاحبتي سمارت ... زولة رائعة باختصار.. وبتخيل انه لو لاقيتها في الحقيقة ممكن نكون اصحاب شديد خالص خالص...
دانية احكي لينا عن علاقتك بابوظبي، كتبته في مره من المرات انك كنت راقده في مستشفى في ابوظبي...
مع تحياتي
مريم
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: Elsanosi Badr)
|
| Quote: محبط من طرائق تفكير المراه السودانيه تجاه اختها واندهاشي يكمن في ايجاد من يحتفل بذلك ... !!!!! |
سلام يا سنوسي..
كيف استنتجت ان سبب هذه الإحتفائية هو ما تسميه بـ "طرائق تفكير المرأة السودانية تجاه...."؟
دانية لم تكتب لأول مرّة في هذا المكان في بوست بريمة، عندها كتابات أخرى
وما ذكرته عن تلقائيتها وشفافيتها لا يقتصر على ذلك البوست..
دانية ربما خانها التعبير كما قالت ..
لكني لا افترض سوء النية بعد شرحها (الكتير على قول ملاسي)..
بعدين، هل "شرح" بريمة ما قاله أو اعتذر عنه؟
لا.. بالعكس اتى بقصص لا لامّة سما لا أرض..
مالكم كيف تحكمون!
أكبرت دفاع دانية عن أحوال المرأة المهاجرة
من واقع تجربتها وتعايشها مع سودانيي المهجر كونها من أسرة مهاجرة..
____
لا داعي للإستعجال وسحب "الإغتفار"..
الصبر في هذا المكان والموية تكضّب الغطّاس..
_____
مقام الفضلى والدتكم محفوظ، وكل نساء الوطن..
ويا سيدي وفر الحساسية الزائدة..
| |
|
|
|
|
|
|
|
|
|
Re: للـ إسـمها دانيـة المكـي دي..! (Re: نجوان)
|
خليل
سلام و انشاء الله نكون قدر المسؤوليه و عند حسن الظن
مريم عبدالله و أنعام
شكرا ليكم كثير و ماما بتقول ليك شكرا يا مريم, حقيقه انا ما بحب انهزم بسهوله و لا انسحب, لكن بصراحه في البوست اياه غلبني :) نحن ما زلنا وراء شديد و ما قدمنا اي حاجه لحواء السودانيه, حقيقي انا بديت احس اني ما ما قدمت ي حاجه و انه دوري الحقيقي حيكون يوم اقدر افيد اخواتي السودانيات سوى في السودان او هنا في الغربه بحاجه و لو بسيطه, بفكف جاده في سنتر او منظمه طوعيه لتوعية النساء في المهجر بحقوقهن (ما قصدي يجيبوا البوليس يا بريمه).
وها انتم بنات حواء تحتفلون بها لانها كانت تعير المراه الريفيه ثم تتنكر للاتهام وكل نظريتها مبنيه علي ان المراه كائن ضعيف ويسهل انجراره وتعليبه كما حوجة الرجل ...
السنوسي ده رايك و رايك انا بحترمه و بقدره جدا, انا لا اسمي هذا البوست احتفاء و حتى لو كان احتفاء اعتقد كل زول حر و دي اراء الناس و هم حرين فيها زي ما انت حر تماما في ما تفكر و تقول و ما كتبت عني و عن غيري. في البسوت المذكور اياه انت طلبت مننا عدم شخصنة الموضوع, طيب انت هسع بتشخصن في الموضوع ليه؟؟ يعني عشان كلامي ما عاجبك الناس لازم تتفق معاك؟؟ ولا عشان انت ما راضي عن كلامي الانا شرحته الف مره معناها تحجر على الناس ارائهم, غير كده هسه امي و خالتي و حبوبتي الجابهم شنو.. و على العموم مرحب بيك و رايك بتحترمه بس حاول تطلع من الشخصنه و لا تنهي عن فعل و تاتي بمثله. لوالدتك و غيرها الاحترام و التقدير و حتى ان لم تقدم حواء السوادنيه شئ يذكر و لا كانت مواكبه و لا متطوره, يكفي انها انجبت من يحاور و يحارب للنهوض بالمراه في مجتمع ذكوري
حسين ملاسي ما تخليني اشرح شرح شرح شرح الشرح مره ثانيه لانه الظاهر برضه كلامي ما واضح :)
| |
|
|
|
|
|
|
|
|
 Re: للـ إسـمها دانيـة المكـي دي..! (Re: نجوان)
|
أنا بتفق يا جماعة مع الرفيق صديق الموج
دانيا إنسانة ثغيلة جدن جدن
وشنافتن وشيالة حال
وخرّابة عامرة
وكراعا حارتن بصورة أصلوا ما معقولة
دخلت علينا بي كراعا الحارة
فرتقت الرابطة
وخشت علي صديق الموج بالساحق والماحق
عشان كدة أصلوا ما بنكسر ليها تلج بتاتن
ـــــــ
يا جماعة دانيا زولة جميلة
ربنا يديها العافية
وكمان نجوان
ووجن دي خلوني منها
لكن ما بطّالة لو ختتنا أناو الموج
| |
|
|
|
|
|
|
| |
نجوان
smart_ana2001
سارة علي
صديق الموج
Dania Elmaki
وجن
Hussein Mallasi
فيصل نوبي
هواري نمر
doma
Ishraga Mustafa
وليد عبد اللطيف
Ibrahim Algrefwi
طارق جبريل
Egbal Elmardi
Kamal Karrar
MOHAMMED ELSHEIKH
khaleel
مريم عبد الله
مريم بنت الحسين
انعام عبد الحفيظ
Elsanosi Badr
حبيب نورة
فيس بوك
تويتر
انستقرام
يوتيوب
بنتيريست