|
Re: يوم بالقنصلية السودانية في دبي (Re: عبدالدين سلامه)
|
وقبل أن أكمل ضحكتي ران لمسمعي صوت والد يتحدث مع ولده صوت أب يتحدث مع إبنه البالغ من العمر أحلى سنينه في المراهقة وكان الصوت منتحلا صفة وقار الأبوة ممزوجة بنبرة نصائحية تتخذ شكلي العدوان والحرص في آن تغلفها مرارة مبطنة في إهدار الوقت وما يمكن أن يدفع من مال ومؤكدا سلطة الامتلاك بوثيقة الأبوية الواثقة :- ياولدي مشكلتك إنك مستعجل في كل شيء ... حتى في جيتك الدنيا دي نطيت من السبعه وما رضيت تقضي مع أمك الشهرين الباقيات أو تخليني ألحق ألملم حق الوضع والسمايه براحتي .... كل شي فيهو مستعجل ... هسي ياولدي إنت بقيت كبير .... أركز شويه وانتبه فانتفض الابن بنبرة حملت ذل المملوكية الأذلية وكأنه أحس بذاته رقيق أمام سيده ولكنه من النوع الذي لا يرتضي ولا يملك رغبة التحرير عنه من الرق ممزوجة بنبرة تأكيد العكس في النطاق المقبول بفير ما تعد على المقامات :- يابوي ... أنا ما كنت فاكر الأمور بتعمل كدا ... أنا ما غلطت لكن هو قدر يقنعكم وانحازت لهجة الأب قليلا نحو العواطف التأكيدية ممسكا بحبال خيط الحديث الأساسي حتى لا ينحرف عن الخيط :- الفات مات ياولدي .... لكن من هنا وقدام إنت حاول تقدر لرجلك قبل الخطو موضعها .... حاول تتغلب على الاستعجال لأنو بيضيع عليك كل شي ... إنت شاطر في المدرسه وذكي وأخلاقك كويسه ومعاملتك مع الناس حلوة وكل شي بس عيبك الاستعجال .... خلي الاستعجال عشان تقدر تحافظ على انطباع الناس عنك ونظرتهم ليك عجبت وتعجبت بهذه اللغة الحوارية العالية وكدت أذهب لتهنأتهما لولا حيائي .... نظرت لهما ولم أسلم عليهما حتى لا أقطع بينهما حبل هذا الحوار الجميل الذي اندمجا فيه وعاشا أجوائه واتجهت دون شعور مني يقودني حدثي الصحفي للجلوس على مقاعد المنتظرين ونواصل ......
|
|
|
|
|
|
|
العنوان |
الكاتب |
Date |
يوم بالقنصلية السودانية في دبي | عبدالدين سلامه | 10-16-09, 09:03 PM |
Re: يوم بالقنصلية السودانية في دبي | عبدالدين سلامه | 10-16-09, 09:19 PM |
Re: يوم بالقنصلية السودانية في دبي | عبدالدين سلامه | 10-16-09, 09:23 PM |
Re: يوم بالقنصلية السودانية في دبي | عبدالدين سلامه | 10-16-09, 09:34 PM |
Re: يوم بالقنصلية السودانية في دبي | عبدالدين سلامه | 10-16-09, 09:44 PM |
Re: يوم بالقنصلية السودانية في دبي | عبدالدين سلامه | 10-16-09, 10:03 PM |
Re: يوم بالقنصلية السودانية في دبي | عبدالدين سلامه | 10-16-09, 10:15 PM |
Re: يوم بالقنصلية السودانية في دبي | عبدالدين سلامه | 10-16-09, 10:19 PM |
Re: يوم بالقنصلية السودانية في دبي | عبدالدين سلامه | 10-16-09, 10:25 PM |
Re: يوم بالقنصلية السودانية في دبي | عبدالدين سلامه | 10-16-09, 10:50 PM |
Re: يوم بالقنصلية السودانية في دبي | عبدالدين سلامه | 10-18-09, 11:45 PM |
Re: يوم بالقنصلية السودانية في دبي | عبدالدين سلامه | 10-20-09, 08:34 AM |
Re: يوم بالقنصلية السودانية في دبي | عبدالدين سلامه | 10-21-09, 00:50 AM |
Re: يوم بالقنصلية السودانية في دبي | عبدالدين سلامه | 10-21-09, 10:25 PM |
Re: يوم بالقنصلية السودانية في دبي | عبدالدين سلامه | 10-22-09, 08:33 AM |
Re: يوم بالقنصلية السودانية في دبي | عبدالدين سلامه | 10-25-09, 10:16 AM |
|
|
|