|
|
 خوازيق البلـــــــــــــد كم ؟؟
|
والحال يغني عن السؤال !!
تذكرت مقولة التاجر الفلَس وبدأ يفتش في جيوب الملابس وكراس التلفونات أو الـ (Phone memory) ..
ضاقت بيهو قال ( نلملم ) ..
ان شاء الله ( حُترب ) **
أها نحن يا كافي البلى نلملم شنو ؟؟
( الحُترب ) زاتو ما نافع .. ده أصلاً لو كان في ( حُترب )
من يوما خوازيق وماشة زايده !!!
بلد مليانة خريجين من زمن حفرو البحر ، البحر زاتو حفروهو ( ماعونو ضيِق ) ..
تقوم تنزل مطره وتملأ الماعون ، ويفيض الماعون يكسِر باقي بيوت الزباله الساكنه جنبو !!
ويكسِر شارع الظلط ( التامنو ) مويه ..
خريجين في أيِ حاجة ، العلمي والأدبي والصناعي والتنظيري ..
المحسوس وملموس والليهو علاقة بالخيال والسما البعيده
يلا نعمِر بلدنا ، لافتة ( برضو من زمن حفرو البحر ) ..
والبلد تعميره يتم بمزيد من الخوازيق ..
كلما ظهرت لافتات ترحيب بافتتاح خازوق جديد ..
تأكد بأنه خازوق جديد .
وكلما ظهر (نشيد) جديد ..
تأكد بأن البلد فيها خازوق جديد ماسكـ رقاب الناس ..
ويلا حوالينو الناس الكانو ( متخوزقين ) زمان .. جايين يخوزقوالناس الكانوا مخوزقنهم .. وهاكـ يا خوازيق ...
كل يوم نظرية ( خوزيقية ) جديدة !! .
زمان الخوازيق تجي بالدس ...
يسمعوا بيها ناس الحله ..
ولامن تمشي لي ناس الحله التانية ويسمعو بيها ، يظهر خازوق جديد في حلة جديدة ... وتلف الخوازيق من غير خبر ..
حسي الخوازيق لايف وحصرية في كل قنوات الشمار .
ونحن طبعاً حيطة قصيره ، خوازيقنا ( يفلفلوها ) في الأخبار
وكان قلنا ( بغم ) يقولو لينا القصار طالوا !!
خلي مثلاً يكون عندنا ناس ( بدون ) مثلاً ... ما الدنيا الحولنا دي فيها بدون كتيرين !! ما تمشوا ( تفلفلو ) الخبر ده ؟؟؟
وهاكـ يا خوازيق
تنمية خوازيق !!
سياسة خوازيق !!
كوره خوازيق !!
أدبخانات خوازيق !!
غنا خوازيق !! ( الغنا الواحد ده !! الفيهو شعر وملحن ومزيكه !!
اتخيلوا غنا يكون خازوق .. حسي راجل المره دي ما خازوق ؟؟
رقشات خوازيق !!
أراضي خوازيق !!
إغتراب خازوق !!
وده كما خازوق عينه . تاكل وتشرب وتتغوط وتستحمى ويشيلوكـ باقي عمر تمشي تشحد حق كفنكـ
الناس يجوا يلموا حق العيشة ( البدون خوازيق) في وطنم ، يلموها لمة من عرف خازوق الجوع ...
ونحن ( نفرتكا ) فرتيك من لم يعرف خازوق الجوع ..
وهلمَ خوازيق .
|
|
 
|
|
|
|
|
|
|
 Re: خوازيق البلـــــــــــــد كم ؟؟ (Re: عمران حسن صالح)
|
عمران حسن صالح ..
تحيـــــاتى .
Quote: وهاكـ يا خوازيق
تنمية خوازيق !!
سياسة خوازيق !!
كوره خوازيق !!
أدبخانات خوازيق !!
غنا خوازيق !! ( الغنا الواحد ده !! الفيهو شعر وملحن ومزيكه !!
اتخيلوا غنا يكون خازوق .. حسي راجل المره دي ما خازوق ؟؟
رقشات خوازيق !!
أراضي خوازيق !!
إغتراب خازوق !!
|
يبدو أنها دولة متخوزقة
لا رجاء منها ...!!!
كل الود
محمد كابيلا
| |
|
|
|
|
|
|
|
|
|
Re: خوازيق البلـــــــــــــد كم ؟؟ (Re: ismeil abbas)
|
| Quote: أحسن نرجع نقلل الخوازيق يا أبومحمد..واللا نزيد الخوازيق بهناك.... |
يا سمعه يا حبوب ..
البشيل خوازيق ناس ( بي هناكـ ) منو ؟؟
خازوق الإيجار القرَرب للمليون ؟؟
وخازوق الكهرباء العندها خازوق يحسبه ليكـ !!
وخازوق القراية البقت إلا تدفع كام ( خازوق ) في السنة عشان تتم !
وخوازيق تانية وتالته ورابعه ( لامن وصل سنه تامنه خازوق ) * 
_____________
ده خازوق التعليم كمان
| |
|
|
|
|
|
|
|
|
|
Re: خوازيق البلـــــــــــــد كم ؟؟ (Re: محمد كابيلا)
|
محمد يا كابيلا | Quote: يبدو أنها دولة متخوزقة |
المخوزقة منو يا محمد ؟؟
الإجابة عارفنها كلنا ..
كل من جاء وخاطبنا وقال : أيها الشعب السوداني البطل
ده كان أكبر خازوق .
الخوازيق بدوها العساكر ..
وزادوها ناس ( قفطاني ) كان لابسوا ود السيِد (وجلابيتي) بي جيبين
وتموها ناس المصافحة تبطل الصيام
عماد عبد الله صاحبي الجميل قال أجدعوها !!
الخازوق يجدعوها وين ؟؟
| |
|
|
|
|
|
|
|
|
|
Re: خوازيق البلـــــــــــــد كم ؟؟ (Re: عمران حسن صالح)
|
Quote: يا سمعه يا حبوب ..
البشيل خوازيق ناس ( بي هناكـ ) منو ؟؟
خازوق الإيجار القرَرب للمليون ؟؟
وخازوق الكهرباء العندها خازوق يحسبه ليكـ !!
وخازوق القراية البقت إلا تدفع كام ( خازوق ) في السنة عشان تتم !
وخوازيق تانية وتالته ورابعه ( لامن وصل سنه تامنه خازوق ) |
عمران ..
غايتو انا فهمت انك ما راجع عدييييييييييييييل ...
لانو لو دا حصل(مارجعت) ببقى اكبر خازوق
تحياتى
| |
|
|
|
|
|
|
|
|
|
Re: خوازيق البلـــــــــــــد كم ؟؟ (Re: Amira Elsheikh)
|
Quote: غايتو انا فهمت انك ما راجع عدييييييييييييييل ...
لانو لو دا حصل(مارجعت) ببقى اكبر خازوق |
أميره
أنا خازوقي بموت بيهو
المهم الخوازيق البي هناكـ البسدها شنو ؟؟
وده ما الهم فطالما الغربه مديانا وماشه بي هناكـ ساده خوازيق
الهم والله البلد ، مستقبله كلو خوازيق ..
نحن ما قدرنا نحصر خوازيق اليوم وجايانا خوازيق باكر !!
| |
|
|
|
|
|
|
|
|
|
Re: خوازيق البلـــــــــــــد كم ؟؟ (Re: عمران حسن صالح)
|
الخوازيق ما محسوسه لي كتير من أهلي الطيبين ..
مرات أدبخانه نضيفة في شارع نضيف بتخلي ود اهلي الطيب يقول ( الله يخلي لينا الحيكومة ) .
والله ما مقصرين ..
مسكين غير الحفرة ما شاف ..
أها نقوم نشيل مليون كل شهر ، مليون بشر ..
نوديهم أقرب مدينة خليجية ( أو شمال افريقية ) ونخليهم اسبوع في التراطيب الحايمة هناكـ ..
ونرجعم للبلد تاني ...
كده بيكون دخل الجو وعرف حجم الخوازيق الماكله ..
....
وتستمر الخوازيق
| |
|
|
|
|
|
|
| |
عمران حسن صالح
محمد كابيلا
Faris Mohamed
ismeil abbas
فيس بوك
تويتر
انستقرام
يوتيوب
بنتيريست