|
ِشنْ َطعم الكلام النَىْ بعد عِرض البلد ينداس ملحمة السد
|
اهدا الى والدى الطيب يس رائد تعليم القريه فى قبره بالشيخ ابشر ابو بشريه بقرية فتوار الى اخى وليد شريف كنت قد جهزت هذه المداخله فى بوسته نعم ستغرق الباوقة وستظل احقادنا نورثها لابنائنا ضدكم مدى الحياة ولكن انسحبت قبل ان تطالنى ْْْاساءة اخري
|
|
|
|
|
|
|
|
Re: ِشنْ َطعم الكلام النَىْ بعد عِرض البلد ينداس ملحمة السد (Re: عبدالرازق الطيب يس)
|
ِشنْ َطعم الكلام النَىْ بعد عِرض البلد ينداس شن داعى النبيح يا خى اذا ما الفاس وقع فى الراس ما داعى الوجود ياجنى اذ طين الهويه اتماص شن داعى العشق للنيل اذ ما فرتك اجناس كم غرّق جناين يانعات كم طمس هوية ناس قبل دا اتيتمت حلفا منارات شالن الغواص حضارة تزلزل التاريخ تفتر ريشة المحاص تحوى سوالف الامجاد ماضى عريق قيم و تراث غابت من وجود الكون ضاعت زى خيال وسواس
| |
|
|
|
|
|
|
Re: ِشنْ َطعم الكلام النَىْ بعد عِرض البلد ينداس ملحمة السد (Re: عبدالرازق الطيب يس)
|
عشان عشق الارض ياسيد خلى حكمنا يبقى قصاص
زي ما انت داير سو نحنا ارضنا ما بتنداس
عشقنا نخيله و ُظلمة ليله نيلن فى الجروف ميّاس
نهاره و جنة الرضوان ضفافا غنى فوقه دباس
ما تعيشنا عيشة الطير علينا الحادى يتمرد
عشان حب البلد بنموت و نمشى معاك اخر حد
من قال بدرى بايعناك الليله يقول نقص بيعتنا كش نرتد
ونقول ليك قرارنا دحين اخر صيحه و اخر رد
نيلنا فخور وصوتنا جهور لا للسد لا للسد
| |
|
|
|
|
|
|
Re: ِشنْ َطعم الكلام النَىْ بعد عِرض البلد ينداس ملحمة السد (Re: عبدالرازق الطيب يس)
|
ونبقى تحت جناح عصفور جزاه الموت عشان غرد
عشمنا نموت قبال ما نشوف جنازة حبنا الامرد
تقوم الساعه ما بنقوم تقوم الساعه ما بنقوم ولا جفن الوطن غمض
نعيش بلبونيه بالشلوت و ِقبل الدنيا تتسدد
نموت و نموت و تانى نموت و تانى جلودنا تتجدد
قسم بالله ما بنفوت حد ما النيل هنا ممدد
سوى سواتك انت دحين خلى رهيفتها
قسم بالله ما بنفوت حد ما النيل هنا ممدد
| |
|
|
|
|
|
|
|