|
|
 البركل ... الجبل المقدس .....
|
منذ الأزل كان جبل البركل على موعد مع تاريخ البشرية فكان أن قام الملك إسبلتا بنقل العاصمة من كرمة الى جبل البركل في عام 593 ق.م وإستمر حكمه حوالي 25 عاما.
وتتابع بعد ذلك الملوك في هذه المنطقة والتي إمتدت رقعتها لتشمل كل مصر في عهد الملك بعانخي والملك تهارقا ....
حاليا يضم البركل (البركل جنوب أو البركل تحت ويبدأ من الساقي 1 ساقية عيسى وحتى الكردي
والبركل شمال من ساقية بدوي وحتى الساقية 71 البركل)
فدعونا نستعرض إجازة العيد في البركل .....
|
|
 
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
مقام الشيخ ود الكرسني
وهو من قال فيه الشيخ حاج الماحي
شيل الله يا راجل البركل يا قايم بالليل ما بتفتر
يا عالم بالله توكل وقول لي الدود من بلدي إتفضل
ومن قال فيه الشيخ عبيد الله ...
ودحاج في الدويم وقبلنا ود الكرسني الفي جبلنا
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
مقام الشيخ عبيد الله شيخ الطريقة القادرية بالبركل وهو من قال فيه شيخ سليمان حبيب الله
نِعم نِعم الشافو وشاهد كف عبيد الله وعاهد
نعم نعم الشافو وعرفو عاهدو وبايع لي كفو
منو يا حيرانو أغرفو وأشربو لامن تتكفو
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
قرمبا ... يا صديق ..
ده كلام ده تجي البركل وما تديني خبر
أقلو كان نكرم وفادتكم من التمر وملحقاته ( ملحقاتو دي الضبيحة وما الى ذلك عشان ما في زول يمشي بعيد)
مامون التلب وإيميليا كانوا معاي كان تكون لمة عجيبة ....
وقدر الأثار الفضلت الله يستر عليها فقد كثر تجارها... مع العلم إن الجزء الأكبر ما زال في باطن الأرض..
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
شكراليك يابشرى على الصور الرائعة دى والله نقلتنا نقلة جميلة بالذاكرة لى بلد قاعدين نحبها ونحب ناسها وتمرها ووووو كل شى فيها ..... البركل عبق التاريخ بى اثارو الخالدة دى ... البركل ريحة الجروف وطعم المنقة اللا يوم الليلى غالبنا ننساهو .... البركل الناس الطيبين اللى يقابلوك والبسمة مالى وجوههم مهما كانت ظروفهم .... كتر من الصور يا الحبيب ونحن راجينك ....
| |
|
|
|
|
|
|
|
|
|
Re: البركل ... الجبل المقدس ..... (Re: Muna Khugali)
|
| Quote: شكراليك يابشرى على الصور الرائعة دى والله نقلتنا نقلة جميلة بالذاكرة لى بلد قاعدين نحبها ونحب ناسها وتمرها ووووو كل شى فيها ..... البركل عبق التاريخ بى اثارو الخالدة دى ... البركل ريحة الجروف وطعم المنقة اللا يوم الليلى غالبنا ننساهو .... البركل الناس الطيبين اللى يقابلوك والبسمة مالى وجوههم مهما كانت ظروفهم .... كتر من الصور يا الحبيب ونحن راجينك .... |
خالد سلامات...
وزي ما قلتها البركل تاريخ ... وحاضر
وبركلنا فوقو تنشرا غيمة تدلق دموعا وترويهو ديمة...
أما حديثك عن المنقة فده نضم براهو تكون جيت جمب المضرب وقعدت تحت الدقاقة ...
الصور جايي صبرا لي باكر.
| |
|
|
|
|
|
|
|
|
|
Re: البركل ... الجبل المقدس ..... (Re: Imad Khalifa)
|
بشرى العزيز
لو سمحت لى اقدم ليك اقتراح
انه الاثار دى تتصور فيديو وتنعمل ليها مدونة او ويب راسو عديل
لانه بالطريقة دى حنصبح يوم ما نلاقى منها ولا واحدة حايمة
خاصة وانك ذكرت انه فى تجار اثار
لفت انتباهى انه مافى حماية من قبل الدولة لهذه الاثار
يا لطيف
شكرا ليك يا جميل
| |
|
|
|
|
|
|
|
|
|
Re: البركل ... الجبل المقدس ..... (Re: سلمى الشيخ سلامة)
|
Quote: الماجد بشري الطيب
كل سنة وانت واهل البركل بخيرين وزيادة
وشكرا على الصور التى تحكي روعة وعظمة تاريخ هذا الوطن
والحمد لله ان أيادي الهوس لم تمتد لتلك الآثار في ايام لوثتهم
الاولى والتى دمروا خلالها (كما فعل نظام طالبان) الكثير من الاثار
المسيحية والوثنية بالمتحف القومي لطمس أهم معالم تاريخنا العريق.
لك التحايا
كسرة:
يا ريت تجيب لينا معاك شوية تمر (ان شاء الله من المزروع في البيوت) |
الأعز عماد خليفة سلامات ...
وكل عام وانت كما تشتهي
والصور يا عمدة الكاميرا خذلتني لأنها بتشتغل حجر وايام العيد كملن وما لقيت حجر ..
وبالرغم من أن أيادي الهوس لم تصل هناك ولكن أيادي اللهف قد وصلت والاهمال هو حالة المعبد ..
والتمر البلمنا فيك بي نجيبو....
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
Quote: بشرى العزيز
لو سمحت لى اقدم ليك اقتراح
انه الاثار دى تتصور فيديو وتنعمل ليها مدونة او ويب راسو عديل
لانه بالطريقة دى حنصبح يوم ما نلاقى منها ولا واحدة حايمة
خاصة وانك ذكرت انه فى تجار اثار
لفت انتباهى انه مافى حماية من قبل الدولة لهذه الاثار
يا لطيف
شكرا ليك يا جميل |
سلمى البهية.....
دايما سباقة واقتراحك جميل وياريت نقدر عليهو مع تفاصيل اليومي المملة والمرهقة...
وبالفعل ليس هناك أدنى إهتمام من قبل الدولة بهذه الآثار ولا أريد أن ألقي القول على عواهنه بأن الجهات المفترض تحمي تتواطأ ضد واجبها......
وشكرا ع المرور يا بهية الطلعة
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
الاخ بشرى
لك الشكر على هذه الصور الجميلة و التى هيجت كوامن شوق فى نفسى لبلاد عزيزة علينا
ونحن فى الصف الرابع المتوسط بمدرسة كورتى كانت لنا زيارة للمناطق الأثرية فى مروى ونورى و البركل لترسيخ مادة التاريخ
وعند زيارتنا الى جبل البركل كان بعض الزملاء يتحدثون عن فتحة وجدناها فى داخل الجبل قالوا انها طريق يؤدى الى دنقلا
فهل هذه المقولة صحيحة
بالله ما تنسى تاكل لينا معاك هين هينين من السبايط الخامى دى و لامن تندلى بى تحت اخد ليك جفة فى البحر واشرب من الموية العكرانة
وأكيد بنجى راجعين ان شاء الله
وتقبل تحياتى
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
الاخ بشرى
لك الشكر على هذه الصور الجميلة و التى هيجت كوامن شوق فى نفسى لبلاد عزيزة علينا
ونحن فى الصف الرابع المتوسط بمدرسة كورتى كانت لنا زيارة للمناطق الأثرية فى مروى ونورى و البركل لترسيخ مادة التاريخ
وعند زيارتنا الى جبل البركل كان بعض الزملاء يتحدثون عن فتحة وجدناها فى داخل الجبل قالوا انها طريق يؤدى الى دنقلا
فهل هذه المقولة صحيحة
بالله ما تنسى تاكل لينا معاك هين هينين من السبايط الخامى دى و لامن تندلى بى تحت اخد ليك جفة فى البحر واشرب من الموية العكرانة
وأكيد بنجى راجعين ان شاء الله
وتقبل تحياتى
الأخ حيدر بشير حبابك ... وأبقي داخل لي جوة....
وفعلا وحتى عهد قريب كانت المدارس تقوم برحلات لطلابها لجبل البركل ولمدافن الكرو ونوري وأظن ان هذا الامر قد توقف نسبة لتغيير المناهج..
اما عن النفق الذي يؤدي الى دنقلا فدي واحدة من الأساطير حول الجبل والغرفة التي رأيتم فيها الفتحة هي غرفة تتويج الملوك كما أن زوجة الملك كانت لا تخرج منها عندما يقترب ميلاد أحد من الأسرة المالكة... ولكن كان هناك نفق من هذه الغرفة يؤدي الى وسط المعبد وميدان الجند.
اما أكل التمر ومشية البحر ما محتاجة وصية..
تسلم
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
Quote: بشرى الطيب ..
كمل جميلك وروح ساقية الخلوة
بالبركل تحت وجيب لي صور بيوت
جدودنا الطيب الأمين و سيد أحمد
الأمين (أزرق) رحمهم الله ...
وكمان ما تنسى صورة الخلوة ذاتها ... |
محمد إبراهيم قرض ...عوافي ....
ناس ساقية الخلوة ... آل أزرق وآل النوش وآل الريح وآل الفقير والشيوخ والمركز الصحي والتعاون حباكم ألف وانتو أحد معاقل البركل التي يشار اليها بالبنان ...
كن بخير انت والاسرة الكريمة الهنا والهناك...
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
الاخوة الكرام
اعدتم لي ذاكرة ايام مضت
في سبعينات القرن الماضي ذهبت الى ( شبا ) ضمن رحلة لزيارةالاهل في تلك المناطق
وقام ابناء خالاتي ( ضمرة بغدادي ، جمال ) بعمل رحلة لي لجبل البركل
وكان معي في ذلك الوقت اخي مجدي ومصطفى
وكانت ايام ..........
ففعلا هذه المناطق في حاجةالى الانتباه والى دراسة متعمقة
وحراسةامنية للمتبقي من التراث
وشبا هي جزء من البركل ... حيث اقامت خالاتي سعاد وامنة زوجات بغداي عمر بغداي ومحمد عمر بغدادي
وابنائهم ( ابناء خالاتي )
الدكتور التاج بغدادي وضمرة بغدادي و عبد المنعم وجمال والمرحوم جللال بغدادي .....
وكل آل بغدادي في تلك المناطق
صلاح غريبة - من ابناء الزومة/ تنقاسي / الدهسيرة / فتنة / سمعريت / الرويس / شبا / البركل .. الخ
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
| Quote: وقام ابناء خالاتي ( ضمرة بغدادي ، جمال ) بعمل رحلة لي لجبل البركل |
دي نصيبة شنو دي يا صلاح غريبة
الناس ديل اولاد عمي عدييييييييييييييييل
يا ود الطيب كيفنك
النبي فيك ما مشيت لي شبا
ما مشيت ساقية القرونة عند اهلي
ما مريت من دكان ود تميم ود خالتي
ما شفت سيد احمد القروني ود عمي
ولا اولاد كرسني اولاد خالتي
وما مريتلك علي زول من البغاديد اولاد عمي
تليشة:
البركل يتكون من ثلاثة مناطق
البركل تحت
البركل فوق
والبركل شمال(شبا)
| |
|
|
|
|
|
|
|
|
|
Re: البركل ... الجبل المقدس ..... (Re: طارق جبريل)
|
أخونا بشرى
جيناك راجعين و الظاهر نحن بنجيب عنقريبنا ونجى نصنقر فى ضل التمر دا
بمناسبة صورة نادى البركل ود عمتى كان لاعب فى فريق البركل دا فى السبعينات حيث عمل بالسكة حديد فى كريمة اسمه سيداحمد ابراهيم ولقبه ابوضراع
الاخ طارق ولاد خالتك ما أصحابى شديد أخونا الباشمهندس عبدالقادر تميم زميل وصديق له ولك منى التحايا
| |
|
|
|
|
|
|
|
|
|
Re: البركل ... الجبل المقدس ..... (Re: حيدر بشير)
|
الأخ الكريم بشرى الطيب
هنيئا لك بهذه السياحة المباركة عند (الجبل المقدس) ... بركلنا فوقو تنشر غيمة
أشارك بقصيدة السر عثمان (آه يا بلد)
آه يا بلد
يا راقـداً قـدام عيونـي نهـر عسـل
وتـــرعــــة لــــبــــن
أنـا ليـك أشابـي وبـيـك أهـاتـي
وضـمـه مــا قـــادر أصـــل
حوريه من الجنه فـوق وجـه الأرض
يـا دي السماحـه ويــا الـعـرض
انـا قلبـي بـى دوب حبـك انــت
الـنـار تحـرقـو تــب نـجــض
لهـفـان علـيـك آه يـــا بـلــد
جــــاي مــــد ايــديـــك
جيـب حضنـك الـدافـي الحـنـون
ابــقــالـــي عــــــــون
انــــا مـــــا ولــيـــدك
خافـلـي يــا وطـنـي الجـنـون
الــبــعـــد عــــنــــك
ربى فى فكـري الهلاويـس والظنـون
مــا بـيـن شـجـون وشـجــون
وحاتـك كـل يـوم تـزداد شـجـون
متل العصيفير صرت وكت الريح تولول
تلقا حـاس مندسـي بينـات الغصـون
إن طــــــار يـــخــــاف
كيفن مصيرو مع الرياح باكـر يكـون
وان حــــــاول الـــنـــوم
تلقى نومو تملـى فـار مـن العيـون
آه يــــــــا بــــلـــــد
لــــــولا الـــظــــروف
والله فـرقــك مـــاب يـهــون
مامان
| |
|
|
|
|
|
|
|
|
|
Re: البركل ... الجبل المقدس ..... (Re: maman)
|
Quote: دي نصيبة شنو دي يا صلاح غريبة
الناس ديل اولاد عمي عدييييييييييييييييل |
خم وصر عاد يا ود جبرين...
Quote: يا ود الطيب كيفنك
النبي فيك ما مشيت لي شبا
ما مشيت ساقية القرونة عند اهلي
ما مريت من دكان ود تميم ود خالتي
ما شفت سيد احمد القروني ود عمي
ولا اولاد كرسني اولاد خالتي
وما مريتلك علي زول من البغاديد اولاد عمي |
مشيت والله بس الكاميرا خذلتني وحمتا جزيرة شبا كلها...
وحبابك وحباب شبا كلها....
Quote: تليشة:
البركل يتكون من ثلاثة مناطق
البركل تحت
البركل فوق
والبركل شمال(شبا) |
أي صح إلا نحنا ناس تحت عندنا شمال ووسط كلو بركل فوق.. من المحس ولي الساقي 71 بي العبدلاب وعوك والعرب وشبا
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
Quote: أخونا بشرى
جيناك راجعين و الظاهر نحن بنجيب عنقريبنا ونجى نصنقر فى ضل التمر دا |
حبابك ألف يا حيدر ولا تصنقر أخدلك تكية كمان...
| Quote: بمناسبة صورة نادى البركل ود عمتى كان لاعب فى فريق البركل دا فى السبعينات حيث عمل بالسكة حديد فى كريمة اسمه سيداحمد ابراهيم ولقبه ابوضراع |
اها كدي بتجيب لنا الكلام البركل تحت فريقو إسمو الجبل والبركل فوق فريقو إسمو البركل
| Quote: الاخ طارق ولاد خالتك ما أصحابى شديد أخونا الباشمهندس عبدالقادر تميم زميل وصديق له ولك منى التحايا |
ويا هلا بيك وبي طارق وأهلو جت
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
Quote: الأخ الكريم بشرى الطيب
هنيئا لك بهذه السياحة المباركة عند (الجبل المقدس) ... بركلنا فوقو تنشر غيمة
أشارك بقصيدة السر عثمان (آه يا بلد)
آه يا بلد
يا راقـداً قـدام عيونـي نهـر عسـل
وتـــرعــــة لــــبــــن
أنـا ليـك أشابـي وبـيـك أهـاتـي
وضـمـه مــا قـــادر أصـــل
حوريه من الجنه فـوق وجـه الأرض
يـا دي السماحـه ويــا الـعـرض
انـا قلبـي بـى دوب حبـك انــت
الـنـار تحـرقـو تــب نـجــض
لهـفـان علـيـك آه يـــا بـلــد
جــــاي مــــد ايــديـــك
جيـب حضنـك الـدافـي الحـنـون
ابــقــالـــي عــــــــون
انــــا مـــــا ولــيـــدك
خافـلـي يــا وطـنـي الجـنـون
الــبــعـــد عــــنــــك
ربى فى فكـري الهلاويـس والظنـون
مــا بـيـن شـجـون وشـجــون
وحاتـك كـل يـوم تـزداد شـجـون
متل العصيفير صرت وكت الريح تولول
تلقا حـاس مندسـي بينـات الغصـون
إن طــــــار يـــخــــاف
كيفن مصيرو مع الرياح باكـر يكـون
وان حــــــاول الـــنـــوم
تلقى نومو تملـى فـار مـن العيـون
آه يــــــــا بــــلـــــد
لــــــولا الـــظــــروف
والله فـرقــك مـــاب يـهــون
مامان |
مامان.. تسلم يا ذوق... والجبل المقدس يستحق الزيارة من الجميع ولست أدري كيف لشخص لم يزره ومازال عائشا....
وتشكر على رائعة الأستاذ السر عثمان... وإن جاتنا مطنبرة يكون خير
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
Quote: هي عاد نصيبة نصاااااااااااح ..
الزول طلع برضو قريبنا.. |
البدري سلامات....
تعرف في الإجازة دي الخور حمتو برضو .... وبيوتكم التحت طلعت ونزلت بي عندها وبيوت ولاد محجوب واولاد الفاضل واولاد الامين والأباريش لي عند الأزارقة وخلوة السلام عليكم والمترة ولي العباسية فوق
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
وهنا لا بد من أن نذكر أن البركل تحت (جنوب) يكاد يكون من القرى القليلة الواقعة على النيل ولم يتأثر بأي فيضان
بدءاً بفيضان سنة 10 و وتساب كم وأربعين و 88 و 94 و 98 .
ويرجع ذلك لتأمين المنطقة حتى تصبح جزيرة كاملة في الفيضان وتحاط بالماء من الجهات الأربعة وهنا تظهر روعة البركل الذي تتلاشي فيه الملكية ويصبح كل شئ ملك للجميع ...
ورغم أن فيضان 88 استطاع أن يدمر كل القرى على النيل ومن هم ابعد منا بالنسبة للنيل كبعض أحياء كريمي والبركل فوق إلا أنه لم يجد سبيلا الى البركل تحت
| |
|
|
|
|
|
|
|
|
|
Re: البركل ... الجبل المقدس ..... (Re: عبدالحافظ عثمان)
|
بشرى والجميع هنا
كل سنة وانتو طيبين
يا بشرى بلاي صورة للنيل من قمة الجبل (شايف طلباتنا صعبة كيف)
Quote: البركل تحت (جنوب) يكاد يكون من القرى القليلة الواقعة على النيل ولم يتأثر بأي فيضان
بدءاً بفيضان سنة 10 و وتساب كم وأربعين و 88 و 94 و 98 .
ويرجع ذلك لتأمين المنطقة حتى تصبح جزيرة كاملة في الفيضان وتحاط بالماء من الجهات الأربعة وهنا تظهر روعة البركل الذي تتلاشي فيه الملكية ويصبح كل شئ ملك للجميع ... |
بالاضافة إلى تفاني الأهل ... أظن أنّ علو المنطقة ساعد في حمايتها ,, وهو ذات السبب الذي تسبب في اختيار المنطقة لطلمبات جدولي الشركة والمقبول الذين أحاطا بالبركل من جهتين .
ولكنني أعضد ما ذهبت إليه أستاذتنا سلمى الشيخ سلامة
وأزيد : لماا لا تقوم جمعية لحماية الآثار من مواطني المنطقة والطلاب بكلية الآثار ... لإيقاف عملية بيع التاريخ !!
بحر من الود
| |
|
|
|
|
|
|
|
|
|
Re: البركل ... الجبل المقدس ..... (Re: maman)
|
الاخ بشرى لك التحايا
بالله الواحد قال ياخد ليه تعسيلة فى ضل التمرة دى قام مهجوم لقى البوست فى آخر الصفحة التانية
ياخى البوست دا مفروض طوالى يكون فوق
الاخ العزيز مامان
شكرآ لك على هذه الهدية القيمة و التى نحتاج اليها ونحن فى بلاد تموت حيتانها من البرد
بالله الجنى دا شوفه اكل المنقة دى كيف و الله يشهيك اكل المنقة
و الزول البيحش فى البرسيم دا يكون محصل ليه لعب بى فوق وسامع حس نقرشة الطمبور عشان كدة مستعجل
ربنا يديك العافية ان شاء الله و لك لافراد اسرتك التحايا
| |
|
|
|
|
|
|
|
|
|
Re: البركل ... الجبل المقدس ..... (Re: حيدر بشير)
|
Quote: الاخ بشرى
لك التحيه
كم هى جميله تلك الارض بالرغم من حر الصيف ورمضان عندماذرت تلك المناطق برفقة خالى (المهندس عثمان).
الذى كان يعلم كم هى ولعتى للتاريخ والاثار حتى ظن انه عندما ذهبت للدراسه باليونان ذهبت لدراسة الاثار هنا لان اى شبر يغرق فى قدم التاريخ. |
الأخ عبد الحافظ عثمان مرحب حبابك...
وفعلا تلك المناطق وبحكم انها صحراوية فصيفها ما بيتقابل وكذلك شتاؤها إلا الشتاء بنقدرو بي التمر والقراصة والصيف بالبحر ولكنها تتميز بهذا البعد التاريخي والذي يعطيها وضعيتها في مقدمة المناطق ليس على مستوى السودان فحسب بل على مستوى العالم
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
Quote: بشرى والجميع هنا
كل سنة وانتو طيبين
يا بشرى بلاي صورة للنيل من قمة الجبل (شايف طلباتنا صعبة كيف) |
صديقي وابن عمي جعفر كيفنك وقضروف سعد عموم ....
والصورة المن فوق الجبل دي دايرة الزول يطلع بي رواقة ويكون بره أيام العيد عشان الزحمة..
Quote: بالاضافة إلى تفاني الأهل ... أظن أنّ علو المنطقة ساعد في حمايتها ,, وهو ذات السبب الذي تسبب في اختيار المنطقة لطلمبات جدولي الشركة والمقبول الذين أحاطا بالبركل من جهتين .
ولكنني أعضد ما ذهبت إليه أستاذتنا سلمى الشيخ سلامة
وأزيد : لماا لا تقوم جمعية لحماية الآثار من مواطني المنطقة والطلاب بكلية الآثار ... لإيقاف عملية بيع التاريخ !!
بحر من الود |
وكما ذكرت فعلا البركل تحت مرتفع وقد ساعد ذلك في الحماية ...وقد ساعد أيضا الجدولين في هذه الحماية حيث شكلا ساس ممندل قام عليه الجسر وهما من أقدم المشاريع بالمنطقة حيث قام مشروع المقبول سابقا وجمعية ابناء البركل الزراعية لاحقا في العام 1938م وجمعية البركل التعاونية في عام 1946م.
وفكرة الجمعية مقترح جيد سنسعى في تنفيذه ... بالتنسيق مع آخرين
| |
|
|
|
|
|
|
|
|
|
Re: البركل ... الجبل المقدس ..... (Re: بشري الطيب)
|
Quote: أخونا بشرى لك التحايا
شكرآ لك على كرم الضيافة
و طالما مامان دا وصل اكيد بيكون فيها رنة طمبور عشان كدة عسكرنا معاكم تب |
يا حيدر اها مامان جاك بي براسيمو وبت خوجلي بي طمبورا البلد عامري
إلا مسعول من الخير زول مامان البحش في القش ده دحين مو في الدخلة العلي الكرو جمب البحر؟ وأللا يكون في الضيقة وانت داخل علي الكرفاب؟
| |
|
|
|
|
|
|
|
|
|
Re: البركل ... الجبل المقدس ..... (Re: جعفر خضر)
|
جعفر سلامات...
فكرت سابقا في بوست يشمل كل محافظة مروي من حوش الجروف وحتى الساب والهو بالضفة الشرقية ومن الحمداب وحتى أمبكول بالضفة الغربية ولكن بوست كهذا محتاج للكثير من الجهد حتى لا نكتب معلومات خاطئة وهي فكرة قد ترى النور...
سلامي وتحياتي لي الأصدقاء
كجول ووليد وكمبا وكل من معكم
| |
|
|
|
|
|
|
| |
بشري الطيب
HAIDER ALZAIN
Ibrahim Algrefwi
خالد احمد محمد
Muna Khugali
Imad Khalifa
سلمى الشيخ سلامة
البدري عبد الله
ghariba
طارق جبريل
maman
عبدالحافظ عثمان
فيس بوك
تويتر
انستقرام
يوتيوب
بنتيريست