|
Re: ســــــــــــــــامي المغـــــــــــــربي .. (Re: humida)
|
مقتطفات من البوست السابق .. ســــــــامي المغــــــــربي ..!!
Rihab Khalifa
Quote: تسلم يا محمد سامي ده عندو قصه مع ناس مانشيستر، شيينه في حقهم، اول و اخر حفله احضرها هناك كان مفروض يعمل حفله والناس كلها اتلمت في عز الشتاء و شتاء مانشيستر شيييين، وكت الحفله جا و سامي ما جا، الساعه حداشر بالليل جات و هو ما جا، انا جيت مع مجموعه قعدنا اتونسنا و نسينا الحفله، بعد شويه نسمع ليك النقاش احتد بين الناس، ووينو؟ هو اصلو كده؟ ياخ ما ممكن ما جعنا احنا! يعني اصللله ما ممكن، شوف الشفع ديل نامو في الواطه كيفن بدون عشاء (انتو المطلعكم من بيتكم بعد الساعه سبعه شنو ما متعشيين)، والله انا كان عندي مواعيد و لغيتها، ياخ انا ضرسي قايم علي (الخفه و نكش التفه ليكم شنو ما دام ضرسكم واجعكم)، bla bla blaaa
المهم كميه من الكلام ما عاديه، بعد شويه جا زول قال سامي حصل ليهو حادث في طريق لندن مانشيستر بالعربيه، صبت في الناس دي مطره، بغم دي ما سمعتها، انا طبيت شنطتي و ووقفت اصله الدنيا امتحانات كانت، و انا في وقفتي جانا سامي داخل يا حليلو متكل و بي عكاكيزو crutches اظن عشان يوري الناس انه صحي حصل ليهو حادث، وهو داخل اول زول علي يده اليمين كان شايل مايكرفون طواااااااالي مداهو ليهو و قال ليهو اتفضل ادينا فاصل اها، احنا من اليوم داك بقينا شابكين بعض كان زول طلب من التاني حاجه ما في محلها ولا في وكتها
هاك، ادينا فاصل! |
Dania Elmaki
Quote: غايتو في عرسي بالغ رسمي ما قصر معاي تب حفله مبالغه كانت حديث فرجينيا و ما جاورها لزمن طويل و لغاية هسع في اي عرس يقولوا والله الحفله حلوه لكن عرس دانيه كان مبالغه و سامي ابدع اكويكم شويه ياالما حضرتوها فاتتكم, سامي بيغني من ثمانيه مساء لغايه ثلاثه صباحا و من ثلاثه لغاية سته و نص تحيه للعروس و ام العروس, الناس مرقت من الصاله سبعه صباحا و انا لغاية هسع رجليني مورمه. بالغ بالغ عديل كده لو بعرف انزل الاغاني كنت نزلها ليكم ممكن زول يوريني عشان احندكم شويه |
صلاح الفكي
Quote: سامي المغربي لأول مرة استمع اليه كان في عام 2003م عندما أهداني أحد الأخوة شريط كاسيت له.. وكان يحتوى علي حفل له .. به أغاني جميلة من ضمنهااغنية يقول في مطلعها .. أغالب دمعي واتحسر.. وقد استمعت له ولم أصدق أن هناك من يحفظ الزمن الجميل في فنه..خاصة أنه ظهر في فترة الانقاذ حينما توارى الفن خجلا وأسفا من واقع الحال .. الذي جعل الموصلي يهرب بذوقه حتى لا يمسخ .. وجعل الكبار يبتعدون من الانزلاق في الوعر.. |
ibrahim alnimma
Quote: كنت في صيف من ايام الخرطوم الحارة وانا اتهيأ للنوم فاذا به ينساب صوت هادي وجميل وعلي الرغم من ان الاغاني ضعيفة من حيث الكلمات الا ان الفنان قد اوهب صوتا عذباً جعلني اسهر بقية وقت الحفلة وهي للاسف الي الساعةالحادي ومنذ ذلك الوقت لم اسمعه لمدة سنتان لاني لم اكن اعرف اسمه ولكن في مرة وجدت بالصدفة صديقي يسمع في شريط وسالته ما اسم هذا الفان ؟فقال لي انه سامي المغربي والان اصبحت من مدمنيه .....رغم اني اتحفظ شويه علي بعض الكلمات المختارة ولكنه فنان يتمتع بقدرة عالية علي التطريب وتهذيب النفس .....من هنا اسجل لك شكري اخي حميدة وشكرا لسامي المغربي ... |
محمد الأمين موسى
Quote: شكرا أخي محمد حميدة على إتحافنا بصوت سامي، فقد كانت لنا معه أيام لا تنتسى في الرباط بقيادة المبدع عبدالسلام محمد صالح الحبر والمبدع محجوب البيلي وغيرهما... في الواقع إن سامي وإخوته يتسمون بأصوات مريحة وتتغنى غناء باسما حمولة الشجن والتطريب في أصواتهم لا تؤدي إلى الاكتئاب، كما أنهم يتغنون بطبقة صوتية مريحة ودافئة، ولهم بصمة يضعونها بين طيات الألحان وكأنهم استمدوا جيناتها من عائشة الفلاتية وأحمد المصطفى... وبسبب الروح الفرحة الباسمة التي تخيم على أدائهم ينجحون في تطريب المحتفين في المناسبات المختلفة... التحية لعازف العود في شريط القعدة، وهو ينقرش العود على الطريقة اليمنية. |
محجوب البيلي
Quote: شكرا أخانا حميدة فقد أعدتنا لزمن جميل صحبنا فيه سامياً في الغربة. و شكرا لدكتورنا محمد الأمين (الغائب) شهدنا بداية (ولا أقول بدايات) سامي المغرب... في المغرب. وقتها كان كان طالباً مغرماً بسحر الغناء وسحر الموسيقى: الطرب. ألا رعى الله تلك الأيام! عبد السلام (الحبر) بكل هوسه بالعود، ورغبته المَرَضية في "الهرمنة" ولو على حساب اللحن، و"سينكوباته" المجنونة وقابليته لتلحين أي نص حتى ولو كان نشرة أخبار، وارتجال حفل بأي ثمن وفي أغرب الظروف. ووليد جيتار الشهير بوليد محمود. عضو الفرقة وملحنها الفاهم. والبروفات في شقتنا بأكدال. ألا رحم الله أخي وقرة عيني ورفيق دربي، الشاعر أبا مدين أحمد خليفة، الذي تعهّد سامي في بداياته ووجّهه ـ بصرامة ـ نحو أغاني الحقيبة والتراث، باعتبارها قاعدة أساسية لتكوين ذائقة فنية ناضجة في الكلمات كما في اللحن، وأداة حقيقية لتجويد العمل. وقد كتب له أغنيات على هذا النسق، ظن كل من سمعها أنها من أعمال سيد عبد العزيز أو البنّا. كما كتب له قصيدة "عزة" التي تحولت إلى أوبريت وضع ألحانه عازف الجيتار وليد محمود، وتم تقديمها في مهرجان الربيع للعام 1985 في قاعة وزارة الثقافة بالرباط، مع الفرقة: عبد السلام (كمنجة)، نادر (أكورديون)، محمد الأمين (الدكتور) إيقاع، والداعي لكم بطول العمر (كيبورد). وكثيراً ما كان سامي يطعّم فاصله الغنائي باغنية مغربية، وبخاصة أغنية "قطار الحياة" للمطرب عبد الهادي بلخياط (بالدارجة المغربية)، وهي من أشهر أغانيه وأكثرها شعبية. |
عزيز عيسى
Quote: ذكر خلال صيف عام 2004 جاء الى هيوستن الأخ الفنان سامي المغربي وبرفقته الأخ محمد بابكر عازف الأورغ البارع وقاما بإحياء حفل كان من أجنح وأجمل الحفلات التي أقيمت لدينا هنا في هيوستن حيث قضينا أسعد وأمتع اللحظات بالإستماع والإستمتاع بالأغاني التي أداها سامي المغربي.. حتى أهلنا الأثيوبيين كانوا في قمة السعادة والأستمتاع بتلك الحفلة. سامي المغربي صوته دافيء وآداؤه رائع ومتميز وذوقه راقي في إختيار الأغاني والموسيقى التي تطرب المستمعين.. ويعجبني فيه سماحة خلقه وتواضعه.. ومجامل لأبعد الحدود ويحفظ أسماء الأشخاص وملامحهم بسرعة.. جلست معه ووجدت فيه الإنسان المرح الشفيف الذي تتجلى فيه روح وصفات الزول السوداني البسيط ود البلد الذي يجذبك بالحديث إليه وكأنك تعرفه منذ فترة طويلة.. كما أنه طباخ ماهر يجيد طهي الطعام..(ياخي الزول دا دخل المطبخ وعمل لينا صينية سمك في بيت واحد أخينا إسمه كمال يوسف شيء لا يوصف.. أكلنا صينية السمك ومشينا الحفلة هيصنا).. يوم لن أنساه أبدا.. الأخ حميدة شكرا لك على هذا البوست الرائع الذي أتحفتنا به والتحية للأخ الفنان الراقي سامي المغربي |
|
|
|
|
|
|
|
العنوان |
الكاتب |
Date |
ســــــــــــــــامي المغـــــــــــــربي .. | humida | 10-06-09, 03:58 PM |
Re: ســــــــــــــــامي المغـــــــــــــربي .. | عمران حسن صالح | 10-06-09, 04:11 PM |
Re: ســــــــــــــــامي المغـــــــــــــربي .. | humida | 10-06-09, 04:23 PM |
Re: ســــــــــــــــامي المغـــــــــــــربي .. | humida | 10-06-09, 04:47 PM |
Re: ســــــــــــــــامي المغـــــــــــــربي .. | humida | 10-06-09, 05:54 PM |
Re: ســــــــــــــــامي المغـــــــــــــربي .. | humida | 10-06-09, 06:22 PM |
Re: ســــــــــــــــامي المغـــــــــــــربي .. | ashraf mukhtar | 10-06-09, 06:48 PM |
Re: ســــــــــــــــامي المغـــــــــــــربي .. | humida | 10-07-09, 11:28 AM |
Re: ســــــــــــــــامي المغـــــــــــــربي .. | humida | 10-07-09, 11:48 AM |
Re: ســــــــــــــــامي المغـــــــــــــربي .. | humida | 10-07-09, 12:07 PM |
Re: ســــــــــــــــامي المغـــــــــــــربي .. | humida | 10-07-09, 12:19 PM |
Re: ســــــــــــــــامي المغـــــــــــــربي .. | abdalla osman | 10-07-09, 12:51 PM |
Re: ســــــــــــــــامي المغـــــــــــــربي .. | humida | 10-07-09, 12:54 PM |
Re: ســــــــــــــــامي المغـــــــــــــربي .. | humida | 10-07-09, 01:35 PM |
Re: ســــــــــــــــامي المغـــــــــــــربي .. | humida | 10-07-09, 02:06 PM |
Re: ســــــــــــــــامي المغـــــــــــــربي .. | اليسع نورين | 10-07-09, 02:13 PM |
Re: ســــــــــــــــامي المغـــــــــــــربي .. | Mohd Ibrahim | 10-07-09, 06:35 PM |
Re: ســــــــــــــــامي المغـــــــــــــربي .. | طارق جبريل | 10-07-09, 06:47 PM |
Re: ســــــــــــــــامي المغـــــــــــــربي .. | abdalla osman | 10-07-09, 07:46 PM |
Re: ســــــــــــــــامي المغـــــــــــــربي .. | humida | 10-08-09, 10:57 AM |
Re: ســــــــــــــــامي المغـــــــــــــربي .. | Faisal Elrasheed | 10-08-09, 11:07 AM |
Re: ســــــــــــــــامي المغـــــــــــــربي .. | بكري الخير | 10-08-09, 02:31 PM |
Re: ســــــــــــــــامي المغـــــــــــــربي .. | humida | 10-11-09, 09:21 AM |
Re: ســــــــــــــــامي المغـــــــــــــربي .. | Faisal Elrasheed | 10-11-09, 01:24 PM |
Re: ســــــــــــــــامي المغـــــــــــــربي .. | humida | 10-13-09, 09:36 PM |
Re: ســــــــــــــــامي المغـــــــــــــربي .. | humida | 10-10-09, 07:57 AM |
Re: ســــــــــــــــامي المغـــــــــــــربي .. | humida | 10-10-09, 10:08 AM |
Re: ســــــــــــــــامي المغـــــــــــــربي .. | humida | 10-10-09, 10:12 AM |
Re: ســــــــــــــــامي المغـــــــــــــربي .. | humida | 10-10-09, 03:53 PM |
Re: ســــــــــــــــامي المغـــــــــــــربي .. | سيف الدولة كامل | 10-10-09, 06:39 PM |
Re: ســــــــــــــــامي المغـــــــــــــربي .. | طارق جبريل | 10-10-09, 11:42 PM |
Re: ســــــــــــــــامي المغـــــــــــــربي .. | اليسع نورين | 10-15-09, 10:26 AM |
Re: ســــــــــــــــامي المغـــــــــــــربي .. | وليد محمد المبارك | 10-15-09, 10:51 AM |
Re: ســــــــــــــــامي المغـــــــــــــربي .. | وليد عبد اللطيف | 10-15-09, 12:11 PM |
Re: ســــــــــــــــامي المغـــــــــــــربي .. | omer osman | 10-15-09, 12:35 PM |
Re: ســــــــــــــــامي المغـــــــــــــربي .. | omer osman | 10-15-09, 12:38 PM |
Re: ســــــــــــــــامي المغـــــــــــــربي .. | وليد عبد اللطيف | 10-15-09, 12:55 PM |
Re: ســــــــــــــــامي المغـــــــــــــربي .. | humida | 10-15-09, 07:50 PM |
Re: ســــــــــــــــامي المغـــــــــــــربي .. | محمد عثمان | 10-16-09, 09:56 AM |
Re: ســــــــــــــــامي المغـــــــــــــربي .. | mekki | 10-16-09, 11:12 AM |
Re: ســــــــــــــــامي المغـــــــــــــربي .. | Alsa7afa_30 | 10-16-09, 11:27 PM |
Re: ســــــــــــــــامي المغـــــــــــــربي .. | humida | 10-18-09, 12:10 PM |
Re: ســــــــــــــــامي المغـــــــــــــربي .. | اليسع نورين | 10-19-09, 02:16 PM |
Re: ســــــــــــــــامي المغـــــــــــــربي .. | ashraf mukhtar | 10-24-09, 01:20 PM |
Re: ســــــــــــــــامي المغـــــــــــــربي .. | humida | 12-22-09, 02:07 PM |
|
|
|