النص الكامل للقصيدة التي نشرتها صحيفة الهلال اليوم بعنوان سيد البلد ... الوطن (بعدو) الهلال من خلقنا عرفنا اللـه ... والوطــن بعدو الهــلال زاهي فــوق كل النجوم ... مكسي بي لــون الجمـال تاريــخ مرصـع بالدرر ... في وصفه ابعد من خيـال دا الزعيم سيد البلد ... قاهر المحن قاهر الرجال صيته ذائع في البـلد ... في الجنوب او في الشمال وكل بـلاد الارض اجمـع ... ما بتصوم من غير هـــلال والهـلال لو ما ســطع ... يبقي برضو العيد محــال والعريس يـــوم جرتقو ... فوق جبينو نشوف هـــلال ولو مشينا علي المساجد ... في القبب نلقي الهـلال ######### وانتو يا شــماتنا غنو ... اصلو طبعكم الوصافــة ومهما انتو تقولو فينا ... تصريحاتكم ما بنخافـه طلعو الحـقد المدفـــن ... من قلوبكم في الصحافة نحن أبطــــــال البلد ... وغصب عنكم اعترافـــه نحن بينا الكـورة تفخر ... ونحن أسـباب اكتشافـه ######### تيمنا فنان في الملاعب ... تيمنا معروف تيمنا صفوة والحصل ما كان غريــب ... الحصل كان لينا هفـــوة وانتو بالسبعة اتعرفتو ... وجات عليكم انتو كفـوة ######### نحن ما اتسدت دروبنا ... الطريق قدامنـا لسـه نحن يانا اولاد هلال ... ولي فريقنـا المابننسي نحن شاربين المعزة ... والشعار كاسنينـا لبسة بالهـلال نحن بنغني ... لو بكلمة ولو بهمســـة ما بنقلل مستوانا ... وحتي لو غلبونا خمســـة ######### نحـن ارفـــع مســـتوي ... وكتير نشـوف كل ما نعيـش وياما شفنا كمان عجائب ... الورل قــام ليهو ريـــش نحن ما بنقبل هزيمـــة ... ونبقي للمجمــوعة طيـــش
كلمات : حسام الدين مصطفي يوسف جامعة امدرمان الاسلامية كلية الهندسة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبود عبد الرحيم
فيس بوك
تويتر
انستقرام
يوتيوب
بنتيريست