|
Re: الـلـوتـري 2011 ... مـرحـبـا بالـجـمـيـع (Re: مؤيد شريف)
|
الاخ الخير تحياتي: اتابع ماتكتب ومن زمان بدقة واشكر لك تعاونك الجميل ومساعدتك المجانية ، اما بعد فلي تساؤل يتعلق بتقديمي لهذا العام بعد ان فشلت في التقديم العام السابق لان الموقع عاكسني في الفتح ربما بسبب الزحام او بسبب بطء النت عندنا فهل ارسل لك البيانات لتقوم بالتقديم نيابة عنا؟؟؟؟؟ ثانيا هل الصور التي اخذت العام السابق ستكون سارية ؟؟؟؟؟؟؟ ولك شكري وتقديري
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: وليد ابكم)
|
الخير وأخوانو.. سلامات..
أنا غايتو قدمت عبر الموقع الرسمي.. ومستف شنطي من هسع وجهزت ورقي ولميت حبوبي، واتفقت مع بتاع الأمجاد الحيوصلني المطار.. منتظر بس التلفون وقاعد على الرنة!!
ناذر يا أخوي تقعد جنبي في الطيارة كان متذكرني، وكان طول غيبتي عنكم نستك لي تقعد جنب ود الصايم
هههههههههههههههههههه
ســـلام
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: ايوب عبدالرحيم)
|
الاخ ابو لينا
سلامات
Quote: أرسلت لكم عدة رسائل بالبريد الإلكتروني أرجو تأكيد التقديم.
و لكم الشكر مسبقا... |
يا اخي وليد انا متاكد بانك لو قريت البوست دا كويس كان حا ترسل لي الشي المطلوب بالضبط ولكن يبدو يا اخي الفاضل ان هناك بعض العجلة في قراءة البوست... اشرت لانو اي زول متزوج مفروض يقدم لاولاده معاه الا اذا كان رافض انو يستقدم اولاده معاه وانت لم تراعي هذه المسالة. الشي التاني انت مرسل لي صورة غير صحيحة لان الوجه مغطي النسبة الاكبر من حجم الصورة ارجو العودة لهذا الرابط
http://www.dvlottery.state.gov/photo.aspx
تجد فيهو كل الصور الجيدة والغير جيدة... الرابط دا بتاع مكتب الهجرة الامريكي ارجو يا اخي وليد الاسراع بالتصحيح وساكون في انتظار مكتوبك.
مؤيد ايدك الله بحب من عنده يجمل عليك ايامك ... تسلم يا رجل
Quote: أشكر لك حسن استقبالك ومساعدتك في التقديم للاصدقاء |
الاخ ابراهيم النعيمة سلامات يا رجل
Quote: اتابع ماتكتب ومن زمان بدقة واشكر لك تعاونك الجميل ومساعدتك المجانية ، اما بعد فلي تساؤل يتعلق بتقديمي لهذا العام بعد ان فشلت في التقديم العام السابق لان الموقع عاكسني في الفتح ربما بسبب الزحام او بسبب بطء النت عندنا فهل ارسل لك البيانات لتقوم بالتقديم نيابة عنا؟؟؟؟؟ ثانيا هل الصور التي اخذت العام السابق ستكون سارية ؟؟؟؟؟؟؟ ولك شكري وتقديري |
معذرة يا اخي الكريم .. لا يبدو لي انك تتابع و( بدقة)- مثلما اوردت في مداخلتك عاليه- ما كتبته هنا وفي هذا البوست علي وجه التحديد... والدليل انك بتسأل عن امكانية التقديم لك ولاسرتك الكريمة بينما انا كررت في هذا البوست في اكثر من موضوع باني لا امانع في التقديم لاي شخص وهنا تحديدا ستجد ما كتبته
Quote: في كتير من الذين ينون التقديم بيسالني عن ما اذا كنت موافق للتقديم لهم ام لا وانا اصلا لا امانع في التقديم لاي شخص عضو في المنتدى او قارئ بس كل البطلبو انو الزول قبل ما يرسل لي في الايميل يقرا البوست دا براحة كدا واكيد بلقا الاجابة عن كل الاسئلة الداير يعرف اجاباتها بعد كدا يقوم يرسل لي بياناتو بنفس الطريقة القلناها قبل كدا ولو كانت كل البيانات + الصورة صحيحة. تاكد من اني حا اقدم ليك وباسرع فرصة |
وسؤالك الثاني كان عن ماهية سلامة استعمال صور العام السابق ... وانا ايضا اشرت لهذا في هذا الخيط وذكرت الاتي:
Quote: لا اشجع-اطلاقا- اي شخص بان يقدم بصور استعملها في التقديم السابق وذلك لسببين 1 ادارة الهجرة طالبة صور حديثة 2 حا يعرفوا مدة انتهاء الصورة في سبب تالت ودا ( من اندنا) هههههه وهو يا رجل صورة ما جابت حقها السنة او السنين الفاتت. اخير تختاها... ربما بها بعض من ( كج) ههههههه |
فيا اخي الكريم ارجو ان تقرأ البوست مرة ثانية بقليل من التروي والـ ( دقة ) ان احببت وستجدني ماد يد عوني لك ما امكنني ذلك.... لك خالص الود.
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: الخير محمد عوض)
|
اخونا ايمن مبارك سلامات يا حبوب
Quote: فشلت محاولاتنا للتقديم من هنا، لذلك اتحملنا وراجع بريدك. جعل الله ما تقوم به في موازين حسناتك. |
في انتظار مكتوبك
ودكتورنا محمد الطاهر منورنا ودعاباتك اللطيفة مع الاخوين ناذر وود الصايم اضفت علي دارنا كثير من البهجةززز امنياتي ليك يا دكتور بكل التوفيق والعاقبة معانا باذن الله.
اخونا الكريم عبد الرحمن الحلاوي .. تحياتي... راجعت بريدك وارسلت لك الافادة تسلم يا حبوب.
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: الخير محمد عوض)
|
مرحب بيك انت يا ابوالخيرات..
سـؤال من أحـد أصـدقائي بالـخليج، فـقلت نـحيلوا لـخبير الـعلاقات اللـوترية الامـريكية الـسودانية بسـودانيز أون لاين.
الـزول دا قـال اللـوتري وقـع لـيهم بإسـم زوجـته وأدوهـم الـتأشيرات خلاس، ولكـن:
هـو عـاوز يـجي بـراهوا لامـريكا فـي الاول عـشان يـرتب الاحـوال وكـدة قـبال ما يـجيب زوجـته وأولاده.
وطـبعاً زوجـته هـي الـبرنسبل أبليكانت وقـد مايـسمح لـيهوا بالدخـول لامـريكا بـدون الـبرنيسبل أبـليكانت عـلى حـسب
تـنظيري الـخاص فـعشان كـدة قـلنا نـديهوا كـلام قـاطع بـعد مـشاورتكم...
مـاتتجاهل كـلامي دا عـشان مـا نزعل يالـخير..
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: Ahmed Alim)
|
يا احمد يا امين
تحياتي لك ولصاحبك اللي
Quote: عـاوز يـجي بـراهوا لامـريكا فـي الاول عـشان يـرتب الاحـوال وكـدة قـبال ما يـجيب زوجـته وأولاده |
.
ارجو ان تنصح هذا الصاحب بان ياتي بكل اسرته لامريكا, ذلك لان اجراء استلام القرين كارد اللهو الاقامة الدائمة ما قاعد يتاخر ( ما بين اسبوعين لشهـر) وبستلم القرين كارد اللهو الاقامة الدائمة بالولايات المتحدة الامريكية... وخلال اول شهر من دخولهم لامريكا ممكن برضو يستخرج اهم مستند امريكي اللهو ( كارد التامين الاجتماعي) social security card وبعد كدا ممكن اولادو يرجعوا الخليج تاني ويخلوه هو يكمل استعداداتو وباقي تجهيزات اقامتهم من ( اسئجار منزل + اثاث + سيارة + الاستقرار في عمل .... الخ )....هذه نصيحتي لصديقك اتمنى ان يتيسر له امر العمل بها....لك وله الامنيات.
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: Ahmed Alim)
|
Quote: حتى أنت يا أبوالخيرات!! |
يا سليل بني هامشير المفدى, عذرا.. فقد بدى لي اسمك وهو يحمل تمويهات السنين... وانت ادرانا باي اسم نحب ان نناديك. ارجو ان لا يعلم بهذا الامر اخانا الذي في رود ايلاند لئلا يظن بنا الظنون فما يفصلنا من الجنون هو شعرة اوهى مما يتخيل وتتخيلون.....
______________________________
تصبح علي خير وبطل ضحك
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: الخير محمد عوض)
|
احبابي وددت تذكيركم بانه
ونسبة للعدد المهول من الطلبات التي تنتظرني وحتى اتمكن من الارسال لجميع
من كاتبني ببريدي بانني ساظل مشرعا باب ايميلي للرسائل الواردة لفترة لا
تتجاوز الاربعة وعشرين ساعة من الان اي تنتهي بنهاية يوم 20 من هذا الشهر..
بعدها اتفرغ لاكمال ما تبقى لي من رسائل
ودي للجميع
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: haroon diyab)
|
Quote: The online entry registration period for the DV-2011 Diversity Visa lottery is between noon, Eastern Daylight Time (EDT) (GMT-4), Friday, October 2, 2009, and noon, Eastern Standard Time (EST) (GMT-5), Monday, November 30, 2009. Review the DV-2011 Instructions and this webpage
ثمانية ايام هي كل ما تبقى من فترة التقديم لهذا العام. كنت قد اشرت الى ان السيرفر بكون مذدحم في اخر ايام التقديم عليه يجب ان يراعي المتقدم لنقطة هامة جدا وهي: لما تنتهي من ملئ بياناتك ووضع صورتك تاكد من انك ضغطت مرة واحدة فقط علي ذر الارسال لانو لو ضغطت اكتر من مرة على هذا الذر بتكون اوتوماتكلي قدمت لي روحك مرتين ودا طبعا بسقط حقك في الاقتراع. يعني تعبك دل كلو بضيع بسبب هذه الضغطة الثانية علي ذر التقديم. السبب الخلاني انبه للنقطة دي هو انه كما ذكرت انفا بانو السيرفر بكون مذدحم جدا وعملية التحميل بتكون بطيئة فيظن الراسل بانه طلبه ما مشى ويقوم يستعجل ويضغط علي ذر التقديم مرة اخرى وبكدا الابليكيشن بتاعوا بكون تسسسسسسسسسس نفس ( بتشديد الفاء) ههههههه ______________________________________________________
اخانا الحبيب بوب
ارجو ان تبعث لي بايميلك للتشاور في بعض الامور... تشكر كتير يا صاحب على مد يد العون غايتو ارجى الراجيك ههههههههههههههه. _______________________________________________________
هارون الحبيب ( النجيضة) بديك ليها الليلة بذن الله
ودي للجميع
.
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: مجدي عبدالرحيم فضل)
|
نصيحة اخر اسبوع للتقديم نكررها مرة ثانية لاهميتها
كنت قد اشرت الى ان السيرفر بكون مذدحم في اخر ايام التقديم عليه يجب ان يراعي المتقدم لنقطة هامة جدا وهي: لما تنتهي من ملئ بياناتك ووضع صورتك تاكد من انك ضغطت مرة واحدة فقط علي ذر الارسال لانو لو ضغطت اكتر من مرة على هذا الذر بتكون اوتوماتكلي قدمت لي روحك مرتين ودا طبعا بسقط حقك في الاقتراع. يعني تعبك دل كلو بضيع بسبب هذه الضغطة الثانية علي ذر التقديم. السبب الخلاني انبه للنقطة دي هو انه كما ذكرت انفا بانو السيرفر بكون مذدحم جدا وعملية التحميل بتكون بطيئة فيظن الراسل بانه طلبه ما مشى ويقوم يستعجل ويضغط علي ذر التقديم مرة اخرى وبكدا الابليكيشن بتاعوا بكون تسسسسسسسسسس نفس ( بتشديد الفاء) ههههههه
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: أيمن مبارك أبو الحسن)
|
الوقت المتبقي الان هو (48) ساعة فقط
ارجو من متابعي هـذا الخيط ابقاءه عاليا فيما تبقى من وقت
كما ارجو من جميع الذين راسلوني ولم ارسل لهم باك ان يعاودوا
مراسلتي هنا او عبر الماسنجر الداخلي او عبر بريدي الاليكتروني
حتى يتثنى لي اكمال اجراءات التقديم لهم/ن.
--------------------------------------------------
ايمن.... استلمت ايميلك الجديد ستصلك الافادة-باذن الله- في هذا اليوم
او يوم غد على اسوأ الفروض.
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: haroon diyab)
|
اها يا ايمن كلو في السليم وللا لسا هههههههه
وهارون يا دياب اها اخوك قصر؟
ويا ناس يا حلوة فرد يوم الباقي لينا وتاني بنرجع ليكم
بالبشريات في منتصف شهر ابريل ودي في الغالب الفترة
البتظهر فيها نتائج التقديمات... ان شاء الله تفرحوا كلكم
وتفرحونا معاكم.
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: Abdalla aidros)
|
محمد الفاتح
سلامات يا حبوب... من هسي انا حاجزك لبوست السنة الجاية
( اللوتري 2012 .... مرحبا بالجميع) لانو بصراحة اخوك جاتوا
زغللة اجتماعية ههههههههه واهو غايتو الناس لبعضيها والكل لرب
العالمين.
Quote: نرفع البوست خيرا للجميع |
ترفعك عافيتك يا ملك.
______________________________________
عبد الله عيدروس
تسلم يا ا خي وعيدك سعيد والعاقبة زي ما داير
والناس القيافة الذايدين بوسطيني لطافة, باقي ليكم سويعات قليلات
وينتهي موسم التقديم لهذا العام .... امنياتي كيمان كيمان.
| |
|
|
|
|
|
|
Re: الـلـوتـري 2011 ... مـرحـبـا بالـجـمـيـع (Re: haroon diyab)
|
هذا ما اعلنه مكتب الهجرة الامريكية في الدقايق الفائتة
Quote: ELECTRONIC DIVERSITY VISA ENTRY FORM OMB Control Number: 1405-0153 Form: DS-5501 Expires: 05/31/2010 Estimated Burden: 30 minutes System Closed We're sorry, but the deadline for the online Electronic Diversity Visa Entry Form has passed. |
قد تم غلق السيستم قبل قليل واعلن عن انتهاء فترة التقديم لهذا العام
شكرا شكرا شكرا.اشكر للجميع حسن تعاونهم معي على مر الشهرين المنصرمين كما واشكر لكم طيب الدعوات التي حففتموني بها والاسرة كما وادعوا الله ان لا اكون قد اغفلت ارسال اي منكم وادعوه ايضا ان يوفق الجميع ويجعل الحظ حليفا لكل متني الاقامة ببلاد العم سام
والي اللقاء في ( اللوتري 2012.... مرحبا بالجميع)
لكم جميعا حبي.
| |
|
|
|
|
|
|
|