|
Re: تجمع بورداب ود مدني (اللقاء الاول) (Re: اسامة الكاشف)
|
شباب مدني الله فوقهم مش في غنية ذي دي ....
ابارو سلام و حمدالله علي سلامة محمد الطيب ... انا عندي مأمورية مدني في الايام الجاية دي ... بس لو أتحدد التاريخ بقدر اظبط المأمورية في التنك .... و كدا الواحد يكون اصطاد حجرين بعصفور
شكراًً أبارو علي الإعلان و حضور لو الله كفانا شر خلقه
| |
|
|
|
|
|
|
Re: تجمع بورداب ود مدني (اللقاء الاول) (Re: حافظ حسن ابراهيم)
|
Quote: ابارو سلام و حمدالله علي سلامة محمد الطيب ... انا عندي مأمورية مدني في الايام الجاية دي ... بس لو أتحدد التاريخ بقدر اظبط المأمورية في التنك .... و كدا الواحد يكون اصطاد حجرين بعصفور
شكراًً أبارو علي الإعلان و حضور لو الله كفانا شر خلقه
|
هلا حافظ ومرحب بيك نحاول نختار وقت يكون كويس مع العصفور والحجرين
يسعدنا إنك تكون بيننا
| |
|
|
|
|
|
|
Re: تجمع بورداب ود مدني (اللقاء الاول) (Re: وليد عبد اللطيف)
|
Quote: ولا اسيبا مدني واجي اسكن حداك ( محمد مسكين ) ==== من ارض المحنه ومن قلب الجزيرة مدني :- الكاشف والديبه وامير حفره والباقي من نفس السلاله اولاد مدني حباينا وسبق كتب عن شبابها
بوست موفق |
مرحب بيك يا وليد في ود مدني نتمناك حضور إن أمكن
| |
|
|
|
|
|
|
Re: تجمع بورداب ود مدني (اللقاء الاول) (Re: abdalla osman)
|
يا زميل انا زعلان منك زعل ، ياخ نحن مدني دي مامنها ولا ماعندنا بيت فيها؟!؟! خليهو ده انت عارف انا زعلان منك كيف.. المهم انا ذاتي ما حاضر لظروف تواجد خارج البلد لمن نجي ونتفاهم... لو عملتوه بعد يوم 10/10 ممكن نحصلكم وبجيب معاي جبريل.. نتمنى ليكم لمة سعيدة..
التحايا النواضر...
| |
|
|
|
|
|
|
Re: تجمع بورداب ود مدني (اللقاء الاول) (Re: معتز تروتسكى)
|
Quote: يا زميل انا زعلان منك زعل ، ياخ نحن مدني دي مامنها ولا ماعندنا بيت فيها؟!؟! خليهو ده انت عارف انا زعلان منك كيف.. المهم انا ذاتي ما حاضر لظروف تواجد خارج البلد لمن نجي ونتفاهم... لو عملتوه بعد يوم 10/10 ممكن نحصلكم وبجيب معاي جبريل.. نتمنى ليكم لمة سعيدة.. |
يازميل شوف إنت مالك عن نفسي ما بدر مني ما يزعلك
علي كل مافي بين الاصحاب عتاب ياصاحب
ودام الود أحبك زميلي حبيبتك تريده تبادل زميلك سجارة وجريدة
نشوف المقترح بتاع 10/10 ده وكمان مقترح حافظ
وياريت لو جبت معاك ود جبرين عشان نضمن عينو
| |
|
|
|
|
|
|
Re: تجمع بورداب ود مدني (اللقاء الاول) (Re: اسامة الكاشف)
|
Quote: العزيز ممدوح التحية لك ولكل المداخلين وعبركم لمدني الحبيبة يا ريت لو كنا معاكم لكن القدم ليه رافع نحن بمسقط - سلطنة عمان لكن قلوبنا معاكم |
أسامة الكاشف رد الله غربتكم وجمعكم بمدني سالمين
إنت قاعد في مسقط بلد الناس الطيبين
الشاعرة الملكة الريحانة سمية الحسن طلحة
المستشار أبو بكر أبو القاسم
مولانا محمد المرتضي حامد
المستشار الطيب شيقوق (دا مسنوح أخير تختاهو بقتس حجرك)
التحية لكل بورداب مسقط من لم تسعفني الذاكرة بذكرهم
| |
|
|
|
|
|
|
Re: تجمع بورداب ود مدني (اللقاء الاول) (Re: ممدوح أبارو)
|
ممدوح تحياتي نحن من مغتربي مدني المخضرمين جدا اغتربنا مدني في عصرها الذهبي نحن جيل يتعارف نذهب الي الدباغة لبابكر الجيلي ود الشيخ الجيلي نذهب الي جزيرة الفيل لميرغني دريسة الاعب الفنان وعمر ادم في دردق لاعب النيل في القسم الاول السري بدوي وبعوية والمرحوم الجد والقسم الثاني منطق الثقل بمدني هاشم بطري ونادي النجوم الدرجة الاولى التاج اسماعيل مكي والفنان راشد دياب بعد رحولهم من القسم الثاني الي الدرجة -- الذيذفون والبسوبسة والحليب بالمكنة وسنترال وسندويشات اللسان وفول نادي الخريجين -- السكة الحديد والمرحوم علي قريش وعثمان حمورن واللاعب الفاتح الريشة--والمزاد مرتع الطفولة وبداية الشباب -- الفنان علي السقيد والخير السقيد وفردتي اللدود ادريس ارباب وفريق الدفاع والعاصفة والطلائع والوادي -- كان لدينا في كل حي من احياء صديق -- حينما اغتربت عام 1974 كان الوداع بالدموع وليس بالزغاريدكما حصل بعد ذلك -- مدني كانت القمة في الرياضة والفن والعلاقات الاجتماعية المتميزة -- تحياتي لكم جمعيا والحديث ذو شجون
| |
|
|
|
|
|
|
Re: تجمع بورداب ود مدني (اللقاء الاول) (Re: الفاتح يوسف العبيد)
|
هلا يا ممدوح وحباب مدني وحباب ناسها الحنان.. ياخ ده خبر جميل وكلام زي الورد كونكم كبورداب لمدينة مدني تجتمعو سويا... ومن حسع بالله احجزو لي خانة معاكم فالاجازة الجاية قربت وسنكون في الحضور
اصلا في الاجازة مدني الواحد ما بقدر يطلع منها شبر الا للمتاوقة مرة مرة في الخراتيم دي
| |
|
|
|
|
|
|
Re: تجمع بورداب ود مدني (اللقاء الاول) (Re: عبدالكريم الامين احمد)
|
Quote: هلا يا ممدوح وحباب مدني وحباب ناسها الحنان.. ياخ ده خبر جميل وكلام زي الورد كونكم كبورداب لمدينة مدني تجتمعو سويا... ومن حسع بالله احجزو لي خانة معاكم فالاجازة الجاية قربت وسنكون في الحضور
اصلا في الاجازة مدني الواحد ما بقدر يطلع منها شبر الا للمتاوقة مرة مرة في الخراتيم دي |
هلا بكيكي والجابك يجيب عصام جبرالله
وخانتك محجوزة يالحبيب
| |
|
|
|
|
|
|
Re: تجمع بورداب ود مدني (اللقاء الاول) (Re: الفاتح يوسف العبيد)
|
Quote: ممدوح تحياتي نحن من مغتربي مدني المخضرمين جدا اغتربنا مدني في عصرها الذهبي نحن جيل يتعارف نذهب الي الدباغة لبابكر الجيلي ود الشيخ الجيلي نذهب الي جزيرة الفيل لميرغني دريسة الاعب الفنان وعمر ادم في دردق لاعب النيل في القسم الاول السري بدوي وبعوية والمرحوم الجد والقسم الثاني منطق الثقل بمدني هاشم بطري ونادي النجوم الدرجة الاولى التاج اسماعيل مكي والفنان راشد دياب بعد رحولهم من القسم الثاني الي الدرجة -- الذيذفون والبسوبسة والحليب بالمكنة وسنترال وسندويشات اللسان وفول نادي الخريجين -- السكة الحديد والمرحوم علي قريش وعثمان حمورن واللاعب الفاتح الريشة--والمزاد مرتع الطفولة وبداية الشباب -- الفنان علي السقيد والخير السقيد وفردتي اللدود ادريس ارباب وفريق الدفاع والعاصفة والطلائع والوادي -- كان لدينا في كل حي من احياء صديق -- حينما اغتربت عام 1974 كان الوداع بالدموع وليس بالزغاريدكما حصل بعد ذلك -- مدني كانت القمة في الرياضة والفن والعلاقات الاجتماعية المتميزة -- تحياتي لكم جمعيا والحديث ذو شجون |
الفاتح يوسف العبيد
هلا ناس مدني المخضرمين
ربنا يرد غربتك
| |
|
|
|
|
|
|
Re: تجمع بورداب ود مدني (اللقاء الاول) (Re: يوسف الخضر)
|
العزيز يوسف الخضر حبابك في مدني
Quote: يا اخوانا في بورداب في مدينة وادمدني؟؟؟ لو في أظهروا لينا هنا .... |
وياخ ليك العتبي ففي الفترة التي وصلت بها لمدني وإنزالك للبوست
كنت غائباً عن المنبر لظروف مرض زوجتي
المهم إنك قاعد في مدني وحنتلاقي بإذن الله
| |
|
|
|
|
|
|
Re: تجمع بورداب ود مدني (اللقاء الاول) (Re: مازن الجمّال)
|
Quote: ممدوح ياخي مشتاقين كميات والله
وانتظرتك في الماسنجر لما كرعيني وجعوني كنت عاوزك في موضوع
عموما ياريت لو تنتظرونا وتعملوها بعد يوم عشرين عشان الواحد يستمتع بصحبتكم الحلوة |
وين يا ...........
ياخ أخوك المسنجر نسي بفتحوه كيف زاتو !!!
ظروف يا مازن ياخوي بس غرضك مقضي
يازول ومالو يوم عشرين نعمل ليك واحدة براك الماف شنو؟
| |
|
|
|
|
|
|
Re: تجمع بورداب ود مدني (اللقاء الاول) (Re: ممدوح أبارو)
|
الاخ ممدوح،،،، تحياتي الطيبات ،، وعسي الاولاد بخير.. اها طلعتو ولا لسة بالمستشفي؟ اسال الله العظيم رب العرش العظيم عاجل الشفاء،،، وبأذن الله اليوم معاكم كان هنا ولا هناك.. اها باقي بورداب مدني.. نوم شديد.. القصة شنو؟
| |
|
|
|
|
|
|
Re: تجمع بورداب ود مدني (اللقاء الاول) (Re: يوسف الخضر)
|
ابارو والاحبة بمدنى
جمعتكم مباركة ان شاء الله
حضور من على البعد بقلوبنا
بالله عليك ود الصائم عاوز قراصة
قول لية نحن ناس كسرة فطيرة او خميرة عصيدة او رهيفة
ولو سمحت سيل صورتو دى ههههههههههه وخت حاجة جميلة من مدنى شارع النيل او ام بارونة
تحياتى للجميع
يوسف ابو سنينه
| |
|
|
|
|
|
|
Re: تجمع بورداب ود مدني (اللقاء الاول) (Re: Yousif A Abusinina)
|
Quote: ابارو والاحبة بمدنى
جمعتكم مباركة ان شاء الله
حضور من على البعد بقلوبنا
بالله عليك ود الصائم عاوز قراصة
قول لية نحن ناس كسرة فطيرة او خميرة عصيدة او رهيفة
ولو سمحت سيل صورتو دى ههههههههههه وخت حاجة جميلة من مدنى شارع النيل او ام بارونة
تحياتى للجميع
يوسف ابو سنينه |
ود أبو سنينة كاروشة كان أكل خمير بنفقع ياخ
بعدين صورتو دي بنخوف بيها الهكر
ربنا يرد غربتك يا حبيب
| |
|
|
|
|
|
|
Re: تجمع بورداب ود مدني (اللقاء الاول) (Re: يوسف الخضر)
|
Quote: الاخ ممدوح،،،، تحياتي الطيبات ،، وعسي الاولاد بخير.. اها طلعتو ولا لسة بالمستشفي؟ اسال الله العظيم رب العرش العظيم عاجل الشفاء،،، وبأذن الله اليوم معاكم كان هنا ولا هناك.. اها باقي بورداب مدني.. نوم شديد.. القصة شنو؟ |
خرجنا صباح اليوم والحمد لله
شكراً يوسف علي السؤال ومرحب بيك
بالنسبة للبورداب علي قولك نوم شديد
| |
|
|
|
|
|
|
Re: تجمع بورداب ود مدني (اللقاء الاول) (Re: يوسف الخضر)
|
الأخ أبارو لك ولمدني ولأهلي التحية لمدرسة السلمابي الابتدائية التحية والتجلة والتقدير عبركم لمدرسة الأميرية (ياحليلها) التحية والتجلة والتقدير عبركم لمدرسة مدني الثانوية (آه آه من مدني الثانوية) التحية والتجلة والاحترام والوقوف والتقدير لكل شارع وكل بيت وكل زواية وكل زول في مدني تحية كبيرة تحية لنادي الأهلي سيد الأتيام تحية لنادي الثوار تحية لنادي الاتحاد التحية لجني لاعب النهضة الذي يرقد طريح الفراش التحية لكشك ولي ناس السوق ولي أبوي في السوق دكان عبدالرحيم الجاك الله يرحمو في شارع العناقريب والفحم.
نحن حاضرين معاكم بي قلوبنا
معتصم عيدروس كتب
Quote: اتمنينا لو كنا معكم |
إنت وين يا عيدروس؟؟؟
أبوفتحية (أبوالجاز)
| |
|
|
|
|
|
|
Re: تجمع بورداب ود مدني (اللقاء الاول) (Re: محمد الطيب يوسف)
|
اصلا في الاجازة مدني الواحد ما بقدر يطلع منها شبر الا للمتاوقة مرة مرة في الخراتيم دي Quote: اصلا في الاجازة مدني الواحد ما بقدر يطلع منها شبر الا للمتاوقة مرة مرة في الخراتيم دي |
من مدني للمطار يعني يا حبيب مفروض اللافتة خارج مدني وانت في طريقك الى مغادرتها يكتب عليها :أكتئب فانت ستغادر مدني
| |
|
|
|
|
|
|
Re: تجمع بورداب ود مدني (اللقاء الاول) (Re: عصام علي أحمد)
|
الأخ العزيز ممدوح وضيوفه الكرام،، تقبلوا مني السلام وفائق الود والاحترام.. في البدء نبارك للأخ الزميل ود الطيب سلامة العودة ونقول ليهو إن شاء الله السودان يرحب بيك ويرحب بكل الطيور المهاجرة في مواسم العودة.. أنا سعيد بأن شهدنا أخيراً قيام كيان لبورداب ود مدني العزيزة، ونتمنى أن يدوم التواصل وتستمر اللقاءات، ولولا الغربة اللعينة لكنا بينكم لنحتفي بمحمد الطيب يوسف ونقابل الزملاء الكرام ولكن نقول خيرها في غيرها وربنا يجمعكم على السمح والزين.. ومعاكم بقلوبنا...
| |
|
|
|
|
|
|
Re: تجمع بورداب ود مدني (اللقاء الاول) (Re: ممدوح أبارو)
|
Quote: أووو ناس الثورة (ما الانقاذ)
حبابك كيجا بس إنت أنوي البلد وشوف حنحتفل بي كيف
|
الثورة موبي ياحليله
نحن ناس البان
مع تحياتي ووين منتجع الكاسح دا والله بقين مسطحين في مدني
اهم حاجة التصـويـر وخاصة شارع النيـل
مع تحياتي ابارو
ابومصطفى
| |
|
|
|
|
|
|
Re: تجمع بورداب ود مدني (اللقاء الاول) (Re: محمد الطيب يوسف)
|
يا ود أبارو ياخى ما تتلمو و تهيصو و تبتهجو و كل زول يمشي ينوم في سكات في داعى لى تقليب المواجع ده؟ انا و الصادق ابو الجاز - ابوفتحيه - اولاد فريق واحد و دفرنا سوا , ناس فريق النصر مايو بالاربعين , تلقي الحاجات دى كلها اتلحست , غايتو الحاجات الواحد بسمعا و يقراها عن مدنى مؤسفه و محزنه .. اى زول يقول انها انتهت ... عزيزة قوم ذلت مر لى على ما تبقي من مكتبة الفجر و على عمنا التوم نمر
بنجيكم كان العمر طال
| |
|
|
|
|
|
|
Re: تجمع بورداب ود مدني (اللقاء الاول) (Re: ممدوح أبارو)
|
أخي عصام جبرالله
Quote: انا و الصادق ابو الجاز - ابوفتحيه - اولاد فريق واحد و دفرنا سوا , ناس فريق النصر مايو بالاربعين , تلقي الحاجات دى كلها اتلحست ,
|
صدقت, دفرنا ورشينا ناس نجوم مايو رش تقيل وعملنا معاهم مشاكل تقيلة أيام بدرالغلب وحسان حامد ابوزيد. وصاحبك ودالياس وعطا بابكر وحافظ فتح الرحمن ومحمد حسن كبلو.
الفريق دا كان فريق عجيب بعدكم يا عصام جبرالله جينا نحن الحوري ومعتصم جنا وعبداللطيف عبدالرحمن وابوالجاز
تحياتي
| |
|
|
|
|
|
|
Re: تجمع بورداب ود مدني (اللقاء الاول) (Re: الصادق صديق سلمان)
|
الأخوان تحايا من القلب ،، ولمة سعيدة يا أبارو..
عصام جبرالله كيفك ووإبن أختي الصادق ،، أنا الفايز فيكم تمكنت من برمجة نفسي بالتواجد في مدني في فترتين الإجازة السنوية وعيد الفطر ،، ونصيحتي لكم بذلك إذا كانت الظروف مواتية ،، ولها فوائد كثيرة جداً ،، وأسهل ما تكون ،، تعرف يا عصام مامون سيدأحمد سألني إنت لسه قاعد علماً بأن غيابي إمتد لثلاث أشهر ،، لمة جميلة أمام مكتبة الفجر بقيادة أحمد جريس ومعتز أحمد أبراهيم حمد وفيصل العمدة ،، كل الناس تمام وحركتهم تكتنفها بعض المصاعب إلا أن الدواخل كما هي والود والجمال تراه يتبادر لك ويحتضنك بلهفة ،،
فجأة إكتشفت بأن كيكي أحد شباب مدني الذين تتلألأ بهم المنابر وسماءات الدوحة ،، فهو إضافة للمدينة حقيقة .
عيدروس يا من أخفته كواليس الصحافة ،، تصور كنت بقرأ في جريدة العرب بحثاً عنك .. لك مودتي .
| |
|
|
|
|
|
|
Re: تجمع بورداب ود مدني (اللقاء الاول) (Re: ممدوح أبارو)
|
التحية لمدنى وكل عمالقة مدنى والتحية لك ياابارو لاهتمامك بلم شمل ابناء مدنى وحتى الضهب ناس عصام جبر الله والتحية للاستاذ عصام حسين وعندى ليه سؤال
Quote: فجأة إكتشفت بأن كيكي أحد شباب مدني الذين تتلألأ بهم المنابر وسماءات الدوحة ،، فهو إضافة للمدينة حقيقة .
|
يعنى يااستاذ عصام فجاة اكتشفت دى كيف؟ انت رجل قانون وكل ادعاء يستوجب براهين فكيكى دة لو جاب لينا شهادة سكن من رئيس الحى عليها الختم الرسمى انا لا ارى مانع انكم تعتبروه من ناس مدنى لكن بالنسبة لى اناالشهادة دى زاتها لو كيكى بلاهاوشربها محاية الكلام دة برضو مابيكون مقنع
| |
|
|
|
|
|
|
Re: تجمع بورداب ود مدني (اللقاء الاول) (Re: احمد التجانى احمد)
|
Quote: التحية لمدنى وكل عمالقة مدنى والتحية لك ياابارو لاهتمامك بلم شمل ابناء مدنى وحتى الضهب ناس عصام جبر الله
|
ولك مثلها وأكثر أحمد التجاني
بالنسبة لعصام جبرالله حقيقةمدني كلها بتعرف الاستاذة ناهد جبرالله بس عصام ده ما سمعنا بيه
بالنسبة لكيكي فشقاوتو وفهلوتو حقت ناس مدني مافي شك
| |
|
|
|
|
|
|
Re: تجمع بورداب ود مدني (اللقاء الاول) (Re: يوسف الخضر)
|
Quote: الأخ ممدوح،،،، كلنا حضور وشوق لهذا اللقاء.. والدعوةلكل الببورداب البقدروا أصلوا وأنوروا سيدة المدائن.. أخبار الوليدات.. أنشاالله بلغوا العافية |
ود الخضر تحياتي
سيكون البرنامج مسائي حوالي الخامسة مساء تقريباً
يلا حددو مكان الانطلاق
الاولاد تمام والحمد لله
| |
|
|
|
|
|
|
Re: تجمع بورداب ود مدني (اللقاء الاول) (Re: عصام الدين حسين حسن)
|
Quote: يااستاذ عصام فجاة اكتشفت دى كيف؟ انت رجل قانون وكل ادعاء يستوجب براهين فكيكى دة لو جاب لينا شهادة سكن من رئيس الحى عليها الختم الرسمى انا لا ارى مانع انكم تعتبروه من ناس مدنى لكن بالنسبة لى اناالشهادة دى زاتها لو كيكى بلاهاوشربها محاية الكلام دة برضو مابيكون مقنع |
هلا يا عصام وحبابك يا ود التجاني ابو صلعة وسلام مربع لكل مدني وربوعها الجميلة.. وياعصام اخونا المهندس ابو صلعة ده دفعة وهو من اهل الضواحي وكراكير المناقل وطبعا حكاية انو كيكي يجي يتحكر في مايو اربعين ويتجدع في نواحي مدني مرة في ام سويقو مشتريا للاسماك وهي طازجة ومعانقا عبد الحق وبوش والتنابيك الما خمج ومستمتع بتمارين الاهلي والاتحاد والنيل وجزيرة الفيل ثم مختلطا في الاسواق مع جموع اهل الجزيرة المبتسمين في اسواق مدني الوريفة..ثم ضاربا ذات ليالي الافوال عند لندن واخريين.. ومتضهبا في ليالي الثقافة حيث الحديث عن عن الكاشف والمساح وابو اللمين وعركي .. وراقصا النبق في حفلات دردق حيث (زمراوي) مقلدا للجابري اروع ما يكون التقليد الحكاية دي كلها ما واقعة ليهو يا عصام .. وداير يعتقلني في الكنابو والكراكير البعيدة ديك ويمارس علي التهميش الشديد المفاجي
غايتو يا ابو صلعة تاني مدني دي الا تزورها باذن رسمي وشعبي من سلطان كيكي فخلاص الاندياح والانصهار حصل فهي مدينة قادرة بميكانيزمها وطيبة اهلها علي صهر المهاجرين اليها بكل سهولة ويسر
| |
|
|
|
|
|
|
|