|
Re: اجمل سنينا راحت في غربة (Re: khaleel)
|
احسد البشير ود البدوي وهو يقود حماره الكامري ذاهبا للحواشات
حاملا معه الكسرة وياكلها بموية الترعة
ويعود المساء ويبيع اللبن من ابقاره
في دكان الحلبي ود محمد احمد
| |
|
|
|
|
|
|
Re: اجمل سنينا راحت في غربة (Re: khaleel)
|
شكرا أخى خليل فهذا لسان حالنا جميعا وان أختلفنا فى خواطرنا، لكن ماذا نفعل؟ ولقد كبر العيال وزادات طلباتهم، وكذلك الأهل مازالوا ينتظرون الدعم المتواصل رغم تغيير الظروف فى الغربة، أنه قدرنا ونتحمله بسعادة ، وربنا يرد الجميع سالمين وغانمين.
| |
|
|
|
|
|
|
Re: اجمل سنينا راحت في غربة (Re: هاشم محمد الحسن عبدالله)
|
Quote: شكرا أخى خليل فهذا لسان حالنا جميعا وان أختلفنا فى خواطرنا، لكن ماذا نفعل؟ ولقد كبر العيال وزادات طلباتهم، وكذلك الأهل مازالوا ينتظرون الدعم المتواصل رغم تغيير الظروف فى الغربة، أنه قدرنا ونتحمله بسعادة ، وربنا يرد الجميع سالمين وغانمين. |
هاشم تحياتي
فعلا
كما قال اهلنا العرب
قلة المال تمرقك من بنات واديك
| |
|
|
|
|
|
|
Re: اجمل سنينا راحت في غربة (Re: كمال علي الزين)
|
خلّي ...Quote: وهو يقود حماره الكامري ذاهبا للحواشات |
Quote: تتجمعون حول البوكسي وانتم ذاهبون للمستشفي
|
Quote: بنطون رفاعة وبنطون الهلالية وبنطون الجنيد |
Quote: نفتقد رحلة وانتظار بنطون الدويم
والصف طويل جدا وركوب النسيان قد وجع ظهورنا |
Quote: لوري عمر ود ابقرجة ولوري العبيد ود مصطفي |
ياخوي إنت عربي جزيرة ولاّ شنو؟
| |
|
|
|
|
|
|
Re: اجمل سنينا راحت في غربة (Re: Osman Musa)
|
والمناغمة من الطاقات ولا النفاج ولا الحيطة ـ يا فلانة ما عندكم صحين ملاح جونا ضيوف هسى دى ولا كان حبيبة رز حتى ان ما مطبوخة بسويها اجرى انت يا ولد لخالتك ام الحسين جيب لينا منها طرقتين كسرة مشتاقة متلك يا خليل لوقفة قدام النيل وقدام المسرح القومى بالتحديد وخمشة تسالى من محمد نور وساندوتش طعمية من عم خالد فى كافتيريا المسرح وضحكة صافية مع جمال حسن سعيد ومصطفى احمد الخليفة ومشوار تانى مع امنة امين ياخ امشى ياخ هسى ببكى تصوم وتفطر على خير
| |
|
|
|
|
|
|
Re: اجمل سنينا راحت في غربة (Re: أيمن دياب)
|
يا خل تحياتي وشوف المنظر دا المفتش الجديد قعد وسط المزارعين عامل فيها الجنا متواضع قام عمك ود اللغبش جاب ليهو لبن حار في كورة طابها بمركوبو هاك يا سيد اشرب اللبن الحار دا ...... اها السنة الفاتت لقيت فينا طريقة وطلبتنا لكن السنة دي علي الطلاق كان ظرت طوط ما تلقى فينا طريقة طلبة الصمد بلولة ود علوبة قام زعلان من ود اللغبش ومن المفتش ذاتو الوداهو اتفرجخ وسط المزارعين شنو استاهل اكتر من كدا
| |
|
|
|
|
|
|
Re: اجمل سنينا راحت في غربة (Re: Amira Elsheikh)
|
ود عمى البوست ده وقع لى فوق جرحا مسافر فى النسيج الحى بجيك راجع بمزيد من الحسادة انه اروع بوست يعبر عن النزاع بين الغربة والعيش فى الوطن بما تيسّر كأنك تقول لنا أنى خيّرتك فاختارى
| |
|
|
|
|
|
|
Re: اجمل سنينا راحت في غربة (Re: عبدالعزيز الفاضلابى)
|
Quote: ود عمى البوست ده وقع لى فوق جرحا مسافر فى النسيج الحى بجيك راجع بمزيد من الحسادة انه اروع بوست يعبر عن النزاع بين الغربة والعيش فى الوطن بما تيسّر كأنك تقول لنا
|
ود عمي عليك الله ما مشتاق لسفرة للعالياب بالقطار
وصوت البائع المتجول وهو يقول
طعمية وعيش طمعية وعيش
| |
|
|
|
|
|
|
Re: اجمل سنينا راحت في غربة (Re: عبدالله ود البوش)
|
Quote: اها السنة الفاتت لقيت فينا طريقة وطلبتنا لكن السنة دي علي الطلاق كان ظرت طوط ما تلقى فينا طريقة طلبة الصمد بلولة ود علوبة قام زعلان من ود اللغبش ومن المفتش ذاتو الوداهو اتفرجخ وسط المزارعين شنو استاهل اكتر من كدا |
ويا سلام يا ود البوش
لما المزارعين يصرفو الحساب الفردي
اليوم داك الخرج ملان
| |
|
|
|
|
|
|
Re: اجمل سنينا راحت في غربة (Re: أيمن دياب)
|
Quote: بالحيل.. والماسكن الجزيرة وشاف الدميرة في شهر تمانية ده سودانيتو ناقصة.. |
يا سلام علي الجزيرة وترع الجزيرة وهواء الجزيرة
وكسرة بملاح رقيقة ويا ريت الكسرة لو تكون من عيش قدم الحمام
| |
|
|
|
|
|
|
Re: اجمل سنينا راحت في غربة (Re: سلمى الشيخ سلامة)
|
Quote: والمناغمة من الطاقات ولا النفاج ولا الحيطة ـ يا فلانة ما عندكم صحين ملاح جونا ضيوف هسى دى ولا كان حبيبة رز حتى ان ما مطبوخة بسويها |
سلمي
ونحن لبت ود فضيل لما تشحد التوب من زينب بت علي عشان ماشة الخرتوم
| |
|
|
|
|
|
|
Re: اجمل سنينا راحت في غربة (Re: khaleel)
|
نفتقد سؤال الحبان في كل الاحوال
نفقتد عدم البرنامج الواحد الممل في السودان كل يوم مختلف عن اللي قبلو في كل شي
نفتقد ونسة مع اصحاب حقيقين لا يضمرون لك الا كل الخير
افتقد ونسة مع صديقة اعطيها كل ما عندي من اسرار وتشاركني كل شي
افتقد جلسة ونسة مع الاهل في مناسبة فرح
افتقد مشاطرة احبائي احزانهم بدل المشاطرة التلفونية
وكتير كتير ياخليل
| |
|
|
|
|
|
|
Re: اجمل سنينا راحت في غربة (Re: SHIBKA)
|
Quote: افتقد ونسة مع صديقة اعطيها كل ما عندي من اسرار وتشاركني كل شي
افتقد جلسة ونسة مع الاهل في مناسبة فرح
افتقد
|
شبكة
حليل بنات بلدي في افراحهم واتراحهم
حليل ستات الكجر
| |
|
|
|
|
|
|
Re: اجمل سنينا راحت في غربة (Re: khaleel)
|
يا خلي العيش حرام ( ولا ما بقولوها كدة )
حرام عيشتنا في الغربة التعيسة دي ما بين تكفى والحين وايش بك ... حليل آجنى ها ( قال ليهو متل التكنك شايتها واتكا جاي )
| |
|
|
|
|
|
|
Re: اجمل سنينا راحت في غربة (Re: khaleel)
|
هاني بي تحنان ربوعك
جيت افتش ليك برة
في الروادي الطيرة عجمي
في الجرائد المرة مرة
في عيون الجائي دابو ولسع ما ضاق ليهو مرة
في الشمس حين مرة تظهر والنهار ياخدلو حرة
في جناح طيرا مسافر كان يكون بنيلنا مر
| |
|
|
|
|
|
|
Re: اجمل سنينا راحت في غربة (Re: khaleel)
|
خليل شكلو صيوانك دا داير توسيع انا مستعجل الان برجع ومعاي بشكير لكن بختصر ليك راي انا لما كنت في السودان لما اشوف طفل بشحد دموعي بتسبق قروشي لكن للاسف اليوم لو شفته اختي بتشحد ما بحيرك فيني شعره معي اني متواصل معاهم جيد جدا
انا راجع تاني بس كتر المناديل
| |
|
|
|
|
|
|
Re: اجمل سنينا راحت في غربة (Re: khaleel)
|
Quote: والماسكن الجزيرة وشاف الدميرة في شهر تمانية ده سودانيتو ناقصة.. |
انا قصدت الجزيرة الّت أهل العوض ما امدرمان
Quote: ونحن لبت ود فضيل لما تشحد التوب من زينب بت علي عشان ماشة الخرتوم |
خلّي ... بت فضيل شحدت زينب توب إنت الحاني ليها شنو هنا ياخوي
| |
|
|
|
|
|
|
Re: اجمل سنينا راحت في غربة (Re: khaleel)
|
الرشيد نعم يعانون ولكنهم ماتو علي دينهم ولم يهربو لمدن مخدات الطرب
الرشيد معاه حق يا خليل إحنا الميتين نحن اتحجرت أحاسيسنا بقينا ما بنحن ما بنحب ما بنقدر نرجع اتقطعت بينا السبل
آه بس لو تحلنا
| |
|
|
|
|
|
|
Re: اجمل سنينا راحت في غربة (Re: وجن)
|
Quote: الرشيد معاه حق يا خليل إحنا الميتين نحن اتحجرت أحاسيسنا بقينا ما بنحن ما بنحب ما بنقدر نرجع اتقطعت بينا السبل
آه بس لو تحلنا |
الست وجن
شكلك مشتاقة لفول في جك من دكان البرقاوي ومعاهو زيت سمسم في كيس
وعيش حار من الفرن من قزازة بيبسي وبعد داك
انشاء الله الحكومة تنقلب
| |
|
|
|
|
|
|
Re: اجمل سنينا راحت في غربة (Re: كمال علي الزين)
|
فقدنا يا خلي التامل في كبار المشجعين اسحاق ابو قرن والجنيد وتمساح والمرحوم الخزين ومايكرفونه ومشجع مر سريعا واختفي كان يشجع المريخ يسمي ابو شاكوش لمن المريخ يجيب قوون بجري جرررررري علي السلك وبدق الشاكوش في الحديد كننننق كنننق
| |
|
|
|
|
|
|
Re: اجمل سنينا راحت في غربة (Re: عبدالكريم الامين احمد)
|
Quote: والمرحوم الخزين ومايكرفونه ومشجع مر سريعا واختفي كان يشجع المريخ يسمي ابو شاكوش لمن المريخ يجيب قوون بجري جرررررري علي السلك وبدق الشاكوش في الحديد كننننق كنننق |
يا سلام يا كيكي
علي الكورة والتقسيمة بين تيم المجتبي والرشيد ود حاج بابكر
واحمد ابعة من العتالة في اللوري والتمرين مباشرة
| |
|
|
|
|
|
|
Re: اجمل سنينا راحت في غربة (Re: khaleel)
|
Quote: يا جماعة فى الذ من نومه الحوش ، و السما فوقك طوالى و النجوم تلالاى !
|
محمد الامين
ايه رايك لما الدقاقة تدخل الحواشات وتحصد القمح والعيش
اجمل منظر
| |
|
|
|
|
|
|
Re: اجمل سنينا راحت في غربة (Re: أيمن دياب)
|
Quote: وقسم الباري محمد علي.. وهيبة المعلم والتعليم.. |
الله الله يا ايمن
مالك علي ياخ
انه هدية الله للدنيا انه الجسور الفارس المعلم المربي
انه جبل الكحل
انه في عليين عند مليك صدق مقتدر
| |
|
|
|
|
|
|
Re: اجمل سنينا راحت في غربة (Re: khaleel)
|
احسدك يا الخليل على بوستيك اللذيذ ده
واحسد حتى الذين يجلسون بشاطئي البحر ويرمون سناراتهم لاصطياد سمكة وان طلعت فاضية
واحسد حتى اللابس عراقي الدمورية ومرقوع في اكتافه
| |
|
|
|
|
|
|
Re: اجمل سنينا راحت في غربة (Re: الطيب شيقوق)
|
خليل الجمال شخصيا اجمل سنين العمر عشتها واعيشها في الغربة وجبران خليل جبران بقول: الجبل يبدواكثر وضوحا لمن ينظر اليه ممن يتسلقه ووطنك في عيون محبتك أكثر جمالا ووضحا وانت بخارجه من انت بداخله) ياخليل هذا الإجترار وتلك التفاصيل ما كانت استوقفتك لو كنت تعيشها داخل الوطن
| |
|
|
|
|
|
|
Re: اجمل سنينا راحت في غربة (Re: معتز مقبول)
|
لكل من يبكي علي ضياع أجمل أيام العمر ...
خليل وصحبه ...
قيل:
ثلاث يعز الصير عند حلولها ...... ويذهل عنها عقل كل لبيب خروج اضطرار من بلاد تحبها ...... وفرقة إخوان وفقد حبيب
لحظات الفجر الأخيره وطلوع الشمس وصوت القماري قطعا لحظات في الذاكره ...
أشاركك هذا الشجن والحنين ..
خلاص ياروحي ده المكتوب تقاسي وتتعبي وتبكي تسافري بعيد من الحبان براك في ليل أساك تمشي لا حنت عليك ظروف ولا من نار هواك تُبتي وده المكتوب ...
معاهم كانت الأيام بتمسح من حزنا دموع وبينم كنا بالأفراح نضوي الليل جمال وشموع أريتك مارحلتي بعيد وأريت الدنيا لو تجبر قليل من خاطرك المكسور وده المكتوب ... تصبري إنتي في الأيام عشان باكر مع الأخوان تلمك يوم ... وتسألي الله عز الدنيا بالحلوين عليكي يدوم إنتي الزي عيونك ديل حرام الشوق عليها يطول وده المكتوب ...
منو القايل بعد ماكنتي حب الناس تصابحي أمل وتماسي ورود تطل الجفوه في دارو وتصيبو عيون كفايه الجابتو الأقدار وكفايه هواك يعيش محروم أصلو مصيرنا زي قارب بسافر لي طريق مجهول أريتك مارحلتي بعيد وأريت الدنيا لو تجبر قليل من خاطرك المكسور وده المكتوب ...
| |
|
|
|
|
|
|
Re: اجمل سنينا راحت في غربة (Re: محمد الشابك)
|
الروس الروس حباب التروس من الدفسا للقطع نفسا اجيني القطع نفسا اجيك امحمد ود اللخدر من الطويل للقصير اجيني القصير اجيك كمال ود جرمة من اب ... للجن الكلكي اجيني الجن الكلكي اها جاك جاقوم دايرين ود عراك ولا دايرين التيوة واحتج ود عراك معناة المعنى البقع ليهو انا ما عندو التيوة فت تيوة ولينا حووووووووومرت واقلبو حولب لب كم في الخط مش خمسة شد واركب تركبكن الشعرانة ياحكومة الجن
| |
|
|
|
|
|
|
Re: اجمل سنينا راحت في غربة (Re: عبدالله ود البوش)
|
Quote: حووووووووومرت واقلبو حولب لب كم في الخط مش خمسة شد واركب تركبكن الشعرانة ياحكومة الجن |
ود البوش
وسيجارة برنجي بعد فطور رمضان لما السباتة تلف بيك
وبعد داك فنجان وسفة من تمباك الجمري
الله ياخ
| |
|
|
|
|
|
|
Re: اجمل سنينا راحت في غربة (Re: الطيب شيقوق)
|
Quote: واحسد حتى الذين يجلسون بشاطئي البحر ويرمون سناراتهم لاصطياد سمكة وان طلعت فاضية
|
ود شيقوق
وحينما لا يصطادون يقول مثلما قال العبيد ود عثمان حينما فشل في صيد السمك
(والله سمك الزمن دا الا تشرك ليهو بي شية)
| |
|
|
|
|
|
|
Re: اجمل سنينا راحت في غربة (Re: الطيب شيقوق)
|
ابو القوق انا جاى من البلد الخميس الفات لاول مرة اقعد فيها 47 يوم من يوم عرفت الاغتراب ولاول مرة اسافر برا على بالدين الحاجة الطلعت بيها من السفرة دى vaccine ضد الحنين للبلد يااخى دى فيها بوليس حركة سخيف سخافة والله كمية الحافلات والركشات والامجاد فى الشارع تنسيك انت ماشى وين
Quote: لوري محمل بالطماطم وبطيخ ام جردقة
|
الطماطم ام كيلو بعشرة جنيه (15 ريال سعودى) يازول انت جادى !!!
| |
|
|
|
|
|
|
Re: اجمل سنينا راحت في غربة (Re: احمد التجانى احمد)
|
و يا سلام لمن يكون السرير باااااااارد و تجى تديها رقده الله ياخ والله اتذكرتا ايام الهبوب الشديدة تقرب تقلعني من السرير قلع وانا ماشغالة بيها الشغله بعبي في ذاكرتي منها عارفه نفسي ماقاعدة ليها آخ ياخ التجاني عليك الله البوست دا طاااااااااااااعم ما تذكرنا تخلينا نرجع الأرض تاني نحن حلقنا مع الذكريات الحلوة ياخ كمل ياخليل كملوا يا حلوين
| |
|
|
|
|
|
|
Re: اجمل سنينا راحت في غربة (Re: أسامة عبد الجليل)
|
Quote: افتقد بنطون رفاعة وبنطون الهلالية وبنطون الجنيد |
دا بنطون رفاعة يا خلو أصبح ذكرى.
(أجمل سنينا راحت في غربة) الجملة دى واردة في أغنية للتاج مكي
ممكن تساعدنا يا خليل.
تعظيم سلام لحديث الذكريات.
| |
|
|
|
|
|
|
Re: اجمل سنينا راحت في غربة (Re: أسامة عبد الجليل)
|
Quote: التجاني عليك الله البوست دا طاااااااااااااعم ما تذكرنا تخلينا نرجع الأرض تاني نحن حلقنا مع الذكريات الحلوة ياخ
|
غصبا عنى والله ياست وجن الحاجة الشفتها فى بلدى خلال الاجازة بتجبرنى اكون قاسى شوية واخصم من طعامة بوست العزيز خليل وكمان لو فتحنا موضوع المطيرات التلاتة الخلت الخرطوم زى وادى حلفا بعد السد العالى – البوست ببقى جردقة عديل كدة
| |
|
|
|
|
|
|
|