|
|
 Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: بشري الطيب)
|
خالص التحايا الجميع
مع هذا المسلسل المكسيكى..
ليس بكاهن ولا متنبئ
لكن كافتراض للواقع
اقراءهو كالتى..
اما ان يكون الباقر او اسماعيل فيهم غير صادق
او تشابة على السيد الباقر الشبه
او نقل السيد اسماعيل الخبر فيهو شويه زياده لم ينتبه انها ستكُشف بهذه السرعه..
يبقى فى هذه الاحتمالات
انا احدهم غير صادق..
اى ان احدهم على حق والثانى على باطل
وفى النهاية من خلاصة هذا الموقف هناك من يستر على الاخر
فى كون انهما اصدقاء
كما انه اجد من الصعوبه استنطاق بالراى الحق من الشرفاء
يعنى صعبه شويه حكاية فقدان مصداقيه للسيدين بخلاف محمد..
رغم ايمانى بان الحقوق لاتتجزاء..
اما بخصوص محمد جمعه عموما ايضا لااميل لتصديقه من تكذيبه لكن اجد نسبة التصديقه اكبر لاسباب ابحث فيها لذا لااريد ان اطلق جزافا اى تصريح ..
فقط ماذكرته هى احتمالاتى وليس اتهامات مع خالص ودى للجميع..
والتحايا النواضر..
*ملحوظه عزيزى بشرى احتاج ان اُقابلك لموضوع..
| |
 
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: معتز تروتسكى)
|
كتب محمد حامد جمعة الآتي:
| Quote: وكنت منذ الصباح وحتى منتصف اليوم فى المنبر .. |
وشغلك وينو وبتاخد ماهية من عرق الغلابى قصاد شنو؟؟؟؟؟؟
إلا يكونوا الجماعة فرغوك لمراقبة المنبر . وطبعا دي الأقرب.
عاد كان كدي النفك البيرك
بعدين أنا مستغرب فيك وفي الجماعة الناقين في إنك بتاع أمن.
أنا والله وفي تقديري أن من يطبل لهذا النظام الجائر أخطر من بتاع الأمن.
قبتاع الأمن قد يتمكن من أن يلحق الضرر بشخص أو شخصين أو أي مجموعة قليلة من الناس. أما من يطبل وفي كل وسائل الإعلام وبكل السبل الشريفة وغير الشريفة ، فهو أخطر بملايين المرات من بتاع الأمن حيث أنه يلحق الضرر بأجيال كاملة.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: shammashi)
|
Quote: والله انا العاجباني فيك يا محمد إنك الكلام البنقول فيهو دا كلو إنت ماجايب ليهو خبر. وبتسوي في الدايرو
لكن المحيرني الجماعة الحارقين رزهم وبيدافعوا عنك أكتر من دفاعك عن نفسك.
والعاجبني فيك إنك مقتنع بحاجة وبتعمل فيها وما داسيها
لكن المحيرني الجماعة الداسينها ديل .
ممكن توريني داسينها ليه؟؟؟؟؟؟
عليك الله أسالهم لي. |
انت لو كنت كانت شويه جمجمتك دى كبيره كانوقع ليك الكلام..
لكن نوضحوا ليك
اولاانا شخصيا منتظر المسلسل المكسيكى ده مستمتع بيهو بعدين افجر القنبله..
الشى التانى خوفا على اشراف مكه
محمد ده زول امنجى ومامهمه سمعتوا..
الشى التالت عشان الاسمها لنا ولسوانا ديك..
الشى الرابع
انت عمرك كم سنه؟؟
مابالضوروه تحدد بالسنه لكن قول لى فى ياتو عقد..
وابقى تعال شاهد باقى الحلقات..
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
ملاسي، العزيز
لا أحد يوزع صكوك وطنية هنا.
وأراكَ تخـلط الأمور عن عمدٍ هنا بغية مزيدٍ من التشكيك.
فمرة تتحدث عن منظمات حقوق إنسان، ومرة تتحدث عن توزيع صكوك وطنية مبرئة/غير مبرئة للذمة، ومرة تتحدث عن مصداقية ضائعة (أو مُـضاعة) وتحكم بهذا. بينما تـتـوهم، وبالتالي تعترض، على أنَّ شخصٍ ما يريد أنْ يدمغك بعدم الوطنية.
وإذا كانت الوطنية لا تحتاج لصكوك، وأتـفـق معك في هذا، فلماذا لا توضح لنا موقفك من الأحداث الجارية على امتداد الوطن وبالتالي تـظـل الأسئلة مشروعة في حقك:
| Quote: هل حدث أنك تضامنت مع ضحايا وأسر ضحايا أحداث بورتسودان الأخيرة، مظاهرات الطلبة، وانتهاكات حقوق الإنسان المتواترة في دارفور وفي كثيرٍ من مدن وقرى السودان؟ أم أنك ظللت على الدوام في التشكيك في كلما نُـقل؟ |
| Quote: أعطني مثالاً واحـداً لموقـفٍ إنساني نبيلٍ قمتَ به لنصرة قضية حقوق إنسانية ضد الظلم/القهر/الانتهاك الممارس في سودان اليوم. |
شيء أخير:
نعم، عُـلم، وربما يعلم الجميع أنك تـقـصد :
| Quote: الاستخفاف؛ و الاستخفاف جداً. |
فلا غرو.
قبل ذلك درتَ بسيارتك من شارع كذا، إلى شارع كذا، ثم دلفتَ إلى شارع كذا مروراً بشارع كذا. ثم أوقفت السيارة في مكان كذا ودخلت إلى عمارة كذا لتحضر اجتماع (غير معروف كَـذَّتـه!!!). ثم خرجت من ذلك الاجتماع واستـقليتَ السيارة مرة أخرى لتدور بها في الشوارع الكذوية. وكل ذلك لتشكك في وجود مظاهرة صغيرة، أكـدها الكثيرون، خرجت من جامعة كذا ووصلت قلب السوق الـكذا.
أرحمنا من استخفافاتك (خفيفة المكنة)، كثيفة الدخان المؤذي للبيئة*.
وفي انتظار الإجابة على الأسئلة (الوطنية) دون الولوج واللف والدوران في الشوارع الكذوية.
* بيئة الحوار.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
كتب ملاسي:
Quote: و انصحك - ان قبلت نصحي - بأن تحتفظ باسئلتك عن مواقفي الوطنية
لنفسك. لان تكرراها - الذي ربما تظن انه يحرجني - سوف لن يؤدي
لنتيجة. |
ظــن الحرج.
ليس على ملاسي حرج. ليسَ من حرجٍ على إنسانٍ ليس لـه موقـف من التضامن:
| Quote: مع ضحايا وأسر ضحايا أحداث بورتسودان الأخيرة، مظاهرات الطلبة، وانتهاكات حقوق الإنسان المتواترة في دارفور وفي كثيرٍ من مدن وقرى السودان |
ليس عليه حرج.
ليس عليه حرج.
ليس عليه حرج.
ومَـنْ لا يـشـعر بحرجٍ من مثل هـذا الموقف، ماذا يُـتـوقع منه؟
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
كتب إسماعيل التاج يوم 16 مارس 2005
Quote: الأمـنـوقراطيون الجدد New Amnocrats
بأدائه للقسم في 20 يناير 2001 صار جورج ووكر بوش الرئيس رقم 43 للولايات المتحدة الأمريكية. وبوصول بوش إلى البيت الأبيض تصاعدت حظوظ التيارالمحافظ المتشدد في الولايات المتحدة في تمرير أجنـدته اليمينية. وخلت الساحة تماماً لهذا التيار بعد أحداث 11 سبتمبر 2001. ظهر مع هذا الصعود المخيف للتيار اليميني المتشدد مصطلح "المحافظون الجدد" – New Conservatives - الذي دخل القاموس السياسي من أوسع أبوابه. ولقد صـبَّ الكاتب اللبناني جهاد الخازن على "المحافظين الجدد" في أمريكا جام غضبه من خلال عموده (عيون وآذان) في صحيفة الحياة اللندنية. وما فتيء، كلما لاحت له سانحة، يقول فيهم ما لم يقله مالك في الخمر، ويحملهم مسئولية ما يحدث في العالم.
وبوصول الإنقاذ إلى سدة الحكم في السودان تصاعد المد الأمني وطـغى على ما سواه. ذلك المد الذي لبس أقـنـعـة كثيرة ومتباينة ومتضاربة لحد الذهول. وبعد المفاصلة الشهيرة بين الترابي والبشير، وتصفية بعض الجيوب الترابية من الأجهزة الأمنية، أفرزت الساحة الأمنية مؤخراً ما يمكن أنْ أطلق عليه "الأمنوقراطيون الجدد" – New Amnocrats . وآمل ألاَّ يجد هذا المصطلح تـشـنـيـفـاً، بل قبولاً، حتى نستطيع الارتـقاء بمناهجنا من أجل التصدي لظاهرة "الأمنوقراطية" بدلاً من ( أو إضافةً إلى) التركيز على ظاهرة (الأمنجية) في إطارها الذي لا يسع التطورات اللاحـقـة.
يـعمل الأمنوقراطي على الظهور بمسوح الديمقراطي الحريص على قيم إنسانية نبيلة وسامية تتوافق مع إنسانية وكرامة الإنسان – ويحتج فقط بإختلاف المرجعية ولكنه يشكك فيها ويحاربها على هذا الأساس - بينما يكتـظ ويفتعل داخـلـه بالثوابت الأمنية البشعة والمخالفة لتـلك القيم والتي لا تعرف رادعـاً أخلاقيـاً أو إنسانياً ولا تعـتـرف بخطوط للتوقـف ومراجعة الذات.
برزت شريحة الأمنوقراطيين كنتاج للتحولات والتغييرات الإقليمية والدولية، خاصة ما يتعلق بمسألة المساءلة وعدم الإفلات من العقاب في شأن التجاوزات وانتهاكات حقوق الإنسان في ظل رقابة صارمة من المجتمع الدولي. تحاول هذه الشريحة – الإنقاذية الملامح - التـحـلـل من ورثة الماضي المـثـقـل بالفظائع، وتـبـنـِّـي خط جديد يخدم النظام القائم وفي ذات الوقت يـنـأى به (النظام) وبها (الشريحة) عن المحاسبة.
ومع التطور الأمنوقراطي لهذه الشريحة ينـبغي علينا أنْ نقـف عندها بـتروي لمعرفة وسبر كنهها وأهم مميزاتها. وهذا يعني مفارقة بائنة لمصطلح (أمنجي) الذي لم يعد يواكب التطور الحادث في هذا المجال من تلك الفئة التي تمارس ذلك العمل المخالف لقيم ومباديء إنسانية تمَّ التوافق عليها دولياً. إذ أنَّ وسيلة وإمكانيات ومستوى تفكير (الأمنجي) محدودة – رغم الأثر الضار الذي تتركه ممارساته على المواطن، خاصةً المستهدف لأسباب سياسية.
في السابق كان "الأمنجي" يستحي ويخجل من كشف هويته، لعلمه التام بتعارض ما يقوم به مع القيم الإنسانية وما تمَّ التعاطي معه على أساس أنه قيم سودانية مشتركة من مروءة ونجدة ضعيف وكريم خصال. أمـَّـا الأمنوقراطي الجديد فلا يأبه لهذه المسألة. يل يظل يكابر وينافح، وقد تأخـذه العزة بالإثم، فيكثر من التـبـجـح والتسافح. وتكون سبل المخارجة متوفرة للأمنوقراطي مسبـقـاً إذ يصعب على المدعي إثبات (أمنجية) ذلك الشخص، بـيـنما يكون من السهل إثبات أمنوقراطيته ومن ثـمَّ التعامل مع ذلك الشخص كـ "أمنوقراطي".
بينما يتحاشى (الأمنجي) الاختلاط مع شرائح معينة من المجتمع السوداني، يسعى الأمنوقراطي للتغلغل والاندماج في الأوساط الليبرالية والديمقراطية، ومؤسسات المجتمع المدني والأحزاب، بل ويتحدث لغة تلك الشرائح، وينافحها ويدخل معها في حوارات إلى أنْ يغلب عليه الطبع فينـزوي أو ينسحب.
يـتـقـاضى (الأمنجي) أجراً/راتباً منتظما على ما يقوم به. أمـَّـا الأمنوقراطي فيتحصل على فوائد مادية مباشرة و/أو غير مباشرة (رخص إستيراد عامة، إعفاءات جمركية، تسهيلات مصرفية، إنتداب، بعثات/إلحاق بسفارات .. إلخ)، مقابل الخدمات المباشرة وغير المباشرة التي يؤديها للنظام، وبذا قد لا يكون إسمه معروفـاً كـ (أمنجي)، ولكنه حتماً يـشـكـل أمنوقراطي.
يُـباعد (الأمنجي) نفسه - كخالِ ذهن - عن مجريات الأحداث التي ترتكبها الأجهزة القمعية في حق المواطنين، بينما يسعى الأمنوقراطي إلى إسماع صوت مؤازرة/مساندة/دعم ضعيف لا يتجاوز مخارج الحروف Lip service.
يسعى الأمنوقراطي إلى التشكيك في القيم الإنسانية الجميلة من تسامح، ومساواة، ومناهضة التعذيب، وقبول الآخر ومناهضة العنصرية بكافة أشكالها، تلك القيم النبيلة التي تتعارض مع مصالحـه الضيقة، بينما لا يخوض (الأمنجي) في مثل هذا الطرح الذي لا تستوعبه إمكانياته.
يسقط بل ينعدم التراتب الوظيفي في حالة الأمنوقراطي، بينما تـصح الرتب في حالة الأمنجي (نقيب، رائد، ...الخ). وبذا يتسع وعاء الأمنوقراطية الذي تـبـنـتـه الإنقاذ سلاحـاً لاستمراريتها. ويصح بالتالي التعامل الجاد مع هذه الظاهرة بحجم خطورتها.
يلتقي الأمنوقراطيون الجدد في السودان مع "المحافظين الجدد" في أمريكا في المقدرة الفائقة على إصطـناع وفبركة الأحداث التي تمهد لتمرير سياستهم المعدة مسبقاً، كما هو الحال في أسلحة الدمار الشامل في عراق صدام، مقابل الكشف المتواتر – لدرجة الملل - لمحاولات إنقلابية وأسلحة مخبأة في أطراف مدن العاصمة المثلثة.
ومثلما لـ "المحافظين الجدد" في أمريكا كوندوليزتهم، يسعى الأمنوقراطيون الجدد في السودان إلى إيجاد كوندوليزا خاصة بهم تصبح حال لسانهم في كثير من الاحايين. إمرأة أمنوقراطية قادرة على إيصال صوتهم بكل القبح الأمنوقراطي المختبيء فيه.
لذا وجب الحذر، ثـمَّ الحـذر من الأمنوقراطيين الجدد في السودان.
فهم هناك،
هنا،
وفي أي مكان. |
الأمـنـوقراطيون الجدد New Amnocrats
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: Hussein Mallasi)
|
كتبت يا مولانا:
| Quote: ودخلت إلى عمارة كذا لتحضر اجتماع (غير معروف كَـذَّتـه!!!). |
من قال لك - يا مولانا - ان الاجتماع غير معروف كذته؛
فكذة الاجتماع معروفة تماماً؛ و لا اظنها تخفى على ذكائك يا مولانا.
و كتب مولانا - ايضاً-:
| Quote: أرحمنا من استخفافاتك (خفيفة المكنة)، كثيفة الدخان المؤذي للبيئة*. |
سارحمك منها عندما ترحمنا من نقل اكاذيب السيد العفيف و الترويج لها؛
فان كانت استخفافاتي خفيفة المكنة فان اكاذيبكم لا مكنة لها و لا ساقين.
و ان كانت استخفافاتي مؤذية للبيئة؛ فان الاكاذيب التي تروج لها تؤذيك
و تؤذي مبتدعها قبل ان تؤذي الاخرين.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: Hussein Mallasi)
|
و كتب مولانا:
Quote: نــعــم، أثــقُ في الباقــر.
أثـقُ في مصداقيته، وأثـقُ في مقدرته على تدارك الخطأ. |
اما انا فلا اثق في السيد العفيف و لا اثق في مصداقيته و لا اثق في مقدرته
على تدارك الخطأ؛ لان من هو اهل للثقة و لدية ذرة من المصداقية و له مقدرة
على تدارك الخطأ؛ لا يكذب هكذا؛ بل و يؤكد على كذبة مرة تلو الاخرى في اصرار عجيب؛
و لكأنه يريد ان يكتب عن الله كذابا.
و كتب ايضاً:
Quote: من كان يبحث عن مصداقية فلــيــقــل ما هي مهنته وماذا يعمل
وكم يتـقاضي من الأجر ومن أي جهــة.
هـــذا هـــو الـمـحــك
هـــذا هــو الـفـيـصــل. |
لا اعرف ان كنت تقصدني - يا مولانا - بهذه العبارة ام تقصد الباحثين عن المصداقية
- و اظنك منهم؛ بل و على رأس قائمتهم - فأن كنت تقصدني فيمكنك ان تسألني سؤالاً مباشراً
و سأجيبك عليه؛ فلا شيئ لدي اخفيه؛ و لعلك قد لاحظت ذلك في اجاباتي على الاخ سيف خليل.
اما ان كنت تقصد نفسك؛ فلا اعتقد ان ستحصل على ادنى قدر من المصداقية ان ابنت لنا راتبك
و مهنتك و رب عملك؛ لانو بصراحة حالتك صعبة شوية؛ و لو قلبتا الهوبة برضو ما ممكن تاني يكون عندك مصداقية؛ دا اذا افترضنا - جدلاً - انو كانت عندك مصداقية في يوم من الايام.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: Hussein Mallasi)
|
استغرب في من يرددون ان الكذب في ان جمعة قد حضر الى المطار
و رافق الجثمان ليس هو جوهر هذا البوست.
فعنوان البوست هو:
Quote: الباقـر يروي حقيقة ما حدث عند وصول جثمان الراحل الخاتم:
محمد جمعة تابع الجثمان حتى نهاية الدفن |
فالجزء الاول منه و الذي يتحدث عن :
| Quote: الباقـر يروي حقيقة ما حدث عند وصول جثمان الراحل الخاتم |
فنده الاخ تمبس بما لا يدع مجالاً للشك.
اما الجرء الثاني و الخاص ب :
| Quote: محمد جمعة تابع الجثمان حتى نهاية الدفن |
هو ما اتحدث عنه هنا يوماً بعد يوم.
اذاً الكذب في ان جمعة قد ذهب الى المطار و رافق الجثمان
هو لب هذا البوست؛ و هذا ما لزم التنويه اليه.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
Who is the editor of SMC
سودانيزاونلاين.كوم
sudaneseonline.com
5/10/2005 9:15 م
Almidan Editorial Board
وزع مركز ال SMC (المركز السوداني للخدمات الصحفية) خبراً كاذباً جديداً فحواه ان الحزب الشيوعي اعفى الاستاذ سليمان حامد من جميع مسؤولياته الحزبية بعد ان منحه (اجازة علاجية) بعد خروجه للعلن، وان الحزب ايضاً يعد لحملة ضد الحركة الشعبية لتحرير السودان، وضد الدستور.
لا نستغرب سلوك (وكالة) ال SMC فقد وضحنا في عدد مايو 2003 انها ذراع من اذرع جهاز الامن منذ انشائها، كما ان اسلوب الشائعات منهج دائم لعقلية الانقاذ الامنية منذ قضية المتفجرات في بداية التسعينات التي كشفت حقيقتها الميدان في حينه، وبعد ذلك اشاعات تفجير البترول والتي اصدر الحزب إثرها بيان (هجمة وشيكة على الحزب) توضيحاً وكشفاً لمخطط الامن انذاك .
والآن نؤكد ان الاستاذ سليمان حامد في اتم صحته وفي حزبه، اما محاولة النظام لتمييع قضية رأي الشعب السوداني الداعي لحكومة ودستور قوميين التي انتظمت حملتهما كل الصحف، ومحاولة جهاز الامن البائسة بشغل الرأي العام واتباع اسلوب الاشاعة فانها مردودة هذه المرة الى نحره.
ومابين الحزب والحركة الشعبية تحالف راسخ، ينبني على الحوار والنديه، ومابين الحزب والسلطة وحزبها اطلاق الحريات والمحاكمة العادلة ولابد من صباح (ينكشف فيه المستور) ونكرر ما ورد في اعداد الميدان الماضية (اركزوا، وشكي العيال خلّو). ونورد هنا ما نشرناه عن المركز في العدد 1981، مايو 2003.
أضبط
اسموه (المركز السوداني للخدمات الصحفية) ويرمز له بالانجليزية بـ(smc) كتابة عن الجملة الانجليزية (Sudanese Media Center) . وهو ذراع أمني مكشوف ومفضوح، تأسس في ديسمبر 2002 ويهدف لفبركة الأخبار والمعلومات الأمنية، وتمريرها على الصحف ووكالات الأنباء، باعطائها طابعاً صحفياً، ولاظهارها كأنها أخبار مستقلة وحقيقية. وقد بدأ بالفعل تزويد الصحف المحلية بالأخبار والمعلومات الأمنية ولكن – يوم بعد يوم – بدأ ينكشف لأهل الإعلام والصحافة هدف هذا المركز المشبوه وهويته، لأن (الطبع – دائما – يغلب التطبع).
وللمزيد من "التمويه" ومحاولات ذر الرماد على العيون، واللعب على الدقون، استطاع المركز ان يحصل على موافقة بعض الأسماء المرموقة، ممن لا يشك الناس في نزاهتها ووطنيتها ومهنيتها، بوضع اسمائهم وموافقتهم على الانضمام لهذا المركز – تحت دعوى انه "مركز ذا شخصية معنوية" ومنحوا عضوية "مجلس استشاري للتخطيط والتوجيه العام" .. وللأسف فقد مرت الخدعة على نفر مرموقين من أهل الخبرة والدراية في الإعلام والصحافة والعمل العام. ولكن – وحتماً – لن تمر الخدعة الخائبة في الأخبار والمعلومات التي يحاول هذا المركز الأمني تمريرها على الرأي العام المحلي والاجنبي.
ولأن اهل الإنقاذ – كعادتهم – مقلدون، وسارقوا جهود الآخرين، وقطاع طريق، فقد سرقوا الفكرة وحتى الأسم Sudan Media Center (smc) (سودان ميديا سنتر) من مؤسسة صحفية، انشئت للعمل في الميديا في جنوب السودان وشماله بعد التوقيع النهائي على اتفاقية السلام ، في الفترة الانتقالية، ومن بين ألمع اسماء اعضاء مجلس ادارتها الأب كلمنت جندا ود. منصور خالد وأنيم ياك أتيم.
Almidan Editorial Board
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
الاخ/ملاسي
تحياتي
مرة تداخلت معك..في هذا البوست الذي بين ايدينا..وكتبت :-
Quote: *انتابني ..احساس ..بانو دمك خفيف..يعني ما زي دم قريبك..
|
وكنت حينها اقارن بينك ومحمد طه..مداخلاتك اللاحقة في هذا البوست..جعلتني ميالا لتغيير هذا الاحساس..
ازجو ..ان تحاول معرفة الباقر من جهة تثق فيها..واترك ما قلنا به ..انا ،اسماعيل ،معروف وكل معارف..اتركه جانبا..ستجد نفسك ..قد ظلمت هذا الرجل القامة
الاخ اسماعيل ..الاخ ملاسي
لو فرضنا انو محمد حامد دا في انسان بشبهو ..للدرجة التي تجعل انسان ..كالدكتور الباقر العفيف.. يغبو عن معرفته وتمييزه ..وشبه مثل هذا جائز وجوده في هذه الدنيا..لكن العلامة المميزة لمحمد حامد دي..شبيهو يكون جابا من وين..ما عارف محمد حامد ناسي العلامة دي ولا شنو..وكمان الجماعة البحامو ليهو ..ناس ملاسي..يا ربي يكون نسو انو محمد حامد عندو فلجة
ممكن ..نسأل الباقر..الزول الشافو في المطار دا عندو فلجة ولا ما عندو؟؟ لو الباقر ..قال عندو فلجة..حلفت عليك يا ملاسي ما تقول حاجة تب ..تصم خشمك وتسكت..
بالمناسبة..اتو يا ناس الانقاذ ..الفلجات دي بتجيبوها من وين؟؟شي فوق..شي بالجنبة..وشي زي حقت الجمل ..تحت ..زي بتاعة الطيب سيخة..بالمناسبة ..يا محمد حامد انت بتجيب الخبارات ..الجوة جوة ديك..والتحت تحت ديك ..عليك الله وريني الطيب سيخة ..ودا فلجتو وين؟؟..وبعدين ممكن تتعمل واحدة زيها للحبيب ملاسي؟
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: Hussein Mallasi)
|
كتب الاخ سيف خليل:
Quote: ارجو ..ان تحاول معرفة الباقر من جهة تثق فيها..واترك ما قلنا به ..
انا ،اسماعيل ،معروف وكل معارف..اتركه جانبا..ستجد نفسك ..
قد ظلمت هذا الرجل القامة |
صدقني يا سيف؛ لا رغبة لي في معرفة العفيف - و انا متأكد من انو الشعور بيننا متبادل -
انا لم اظلم هذا الرجل القامة او اقصّر من قامته؛ هذا الرجل القامة؛
قد ظلم نفسه بنفسه عندماادعى كذباً بانه قد شاهد السيد جمعة في المطار
و في التشييع.
و عندما طالبه البعض بأن ينفي خطل هذه الرؤيا؛
ابى و استكبر و ارسل التأكيد تلو التأكيد.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: Hussein Mallasi)
|
Quote: بالمناسبة..اتو يا ناس الانقاذ ..الفلجات دي بتجيبوها من وين؟؟
شي فوق..شي بالجنبة..وشي زي حقت الجمل ..تحت ..زي بتاعة الطيب سيخة..
بالمناسبة ..يا محمد حامد انت بتجيب الخبارات ..الجوة جوة ديك..
والتحت تحت ديك ..عليك الله وريني الطيب سيخة ..ودا فلجتو وين؟؟..
وبعدين ممكن تتعمل واحدة زيها للحبيب ملاسي؟ |
الحبيب سيف؛
اما بخصوص الفلجة التي اوصيت لي بها؛
فانا متنازل لك عنها؛ هكذا دون مقابل؛
اذ ان لدي شعور قوي بانك احق بها مني و احوج.
و لك ان تختار نوعها؛ فوق؛ بالجنبة او تحت زي حقت الجمل.
مودتي.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: Hussein Mallasi)
|
العلامة المميزة لمحمد حامد دي..شبيهو يكون جابا من وين..ما عارف محمد حامد ناسي العلامة دي ولا شنو..وكمان الجماعة البحامو ليهو ..ناس ملاسي..يا ربي يكون نسو انو محمد حامد عندو فلجة
ممكن ..نسأل الباقر..الزول الشافو في المطار دا عندو فلجة ولا ما عندو؟؟ لو الباقر ..قال عندو فلجة..حلفت عليك يا ملاسي ما تقول حاجة تب ..تصم خشمك وتسكت..
بالمناسبة..اتو يا ناس الانقاذ ..الفلجات دي بتجيبوها من وين؟؟شي فوق..شي بالجنبة..وشي زي حقت الجمل ..تحت ..زي بتاعة الطيب سيخة..بالمناسبة ..يا محمد حامد انت بتجيب الخبارات ..الجوة جوة ديك..والتحت تحت ديك ..عليك الله وريني الطيب سيخة ..ودا فلجتو وين؟؟..وبعدين ممكن تتعمل واحدة زيها للحبيب ملاسي؟
سيف خليل :
اقسم بالله ضحكت لمن الناس المعاى قالو محمد حامد جنى .....
يا راجل بالله دا كلام تقولو .....
الله يرحم الخاتم عدلان وحق والمهاجرين المناضلين كلهم كان دا كلامك
قلت لى شنو .... فلجة ...
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: محمد حامد جمعه)
|
يا ملاسي
أنا والله متابع المسلسل بتاعك دا من قولة تيت ونويت إنو ما إتدخل كلو كلو ...
لكن هسي قريت لي تعليق وداير أموت من الضحك وقلتا إلا أعلق ..
Quote: ممكن ..نسأل الباقر..الزول الشافو في المطار دا عندو فلجة ولا ما عندو؟؟ لو الباقر ..قال عندو فلجة..حلفت عليك يا ملاسي ما تقول حاجة تب ..تصم خشمك وتسكت..
|
يا سيف دي والله بالغتا فيها !!!
في مسرحية شاهد ما شفش حاجة القاضي كان بيسأل عادل إمام ..
عندو علامة مميزة ؟؟ عادل إمام ما فهم جا واحد يوضح ليهو ..
(علامة مميوة يعني طعنة مطوة ضربة شومة) وحاجات زي دي ..
أما موضوع فلجتك دي والله لو كان المخرج سمع بيها كان دخلا في المسرحية
يعني يا راجل داير محمد حامد ولا غيرو يكون في عزاء وفاتح خشمو عامل كدة عشان السيد العفيف يشوف فلجتو !!!!
بعدين هو داير يشوف محمد حامد ولا داير يعزل خروف من الزريبة يعاين في خشمو !!!
غايتو والله لو العفيف دا قال إنو الزول الشافو عندو فلجة يكون بالغ عديييل كدة ؟؟!!
إتزكرت لي غنية بتقول ...
عندو فلجة ما شفتو ؟؟!! بري بري ما شفنا ..
أبشر بالخير يا محمد حامد .. حاول أقلع ليك سنين تانيين عشان الفلجة تظهر كبيرة ..
يا ناس وين المنطق ؟؟!!!!!!!!!!!!
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
الحبيب ملاسي
كتبت:-
Quote: اما بخصوص الفلجة التي اوصيت لي بها؛
فانا متنازل لك عنها؛ هكذا دون مقابل؛
اذ ان لدي شعور قوي بانك احق بها مني و احوج.
و لك ان تختار نوعها؛ فوق؛ بالجنبة او تحت زي حقت الجمل.
|
لا حرم..ماني دايرها..لا الفوقانية ..ولا البجنبة..ولا حقت الجمال ديك
بعدين يا خوي انت بتتنازل عنها ..كيفن الجماعة كلهم عندهم..انت هين ولا لين..والله ما بنرضاها ليك..سوي الموضات كلهن..وما تقصر..سوي السيارة الما خمج(ليلي علوي..علي عملات ناس السودان)..سوي الشال..واتزوج مثني وثلاث ورباع..وما تنسي(تخلف ليك شهيد ..في الاهل)..وكمان سوي ليك فلجة..محمد جمعة ..احسن منك في شنو..يا زول سويها والبس ليك بدلة سفاري زرقاء..والنظارة هدية مني ليك..عربون محبة واخاء..البلد بلدكم وانتو سيادا..اقدلو فيها..
والله ..انا خايف بعد كلامي الكتير دا..تكون عندك فلجة ..داسيها مننا..انت متصور بالجنبة ليه؟اتشدع وسوي ليك صورة فيس تو فيس ..ولا تنسي ..ابتسم..والله يستر ما تكون تحتانية..
لك المحبة
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: saif khalil)
|
سلامات يا سيف؛
كتبت:
Quote: لا حرم..ماني دايرها..لا الفوقانية ..ولا البجنبة..ولا حقت الجمال ديك
بعدين يا خوي انت بتتنازل عنها ..كيفن الجماعة كلهم عندهم..انت هين ولا لين..والله ما بنرضاها ليك..سوي الموضات كلهن..وما تقصر..سوي السيارة الما خمج(ليلي علوي..علي عملات ناس السودان)..سوي الشال..واتزوج مثني وثلاث ورباع..وما تنسي(تخلف ليك شهيد ..في الاهل)..وكمان سوي ليك فلجة..محمد جمعة ..احسن منك في شنو..يا زول سويها والبس ليك بدلة سفاري زرقاء..والنظارة هدية مني ليك..عربون محبة واخاء..البلد بلدكم وانتو سيادا..اقدلو فيها..
والله ..انا خايف بعد كلامي الكتير دا..تكون عندك فلجة ..داسيها مننا..انت متصور بالجنبة ليه؟اتشدع وسوي ليك صورة فيس تو فيس ..ولا تنسي ..ابتسم..والله يستر ما تكون تحتانية.. |
كدت ان اعلق على حديثك اعلاه؛
الا انني رأيته يعلق على نفسه؛
فشكراً ان كفيتني عناء الرد.
و تقبل مودتي.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
الاخ محمد حامد جمعة
تحياتي
كتبت:-Quote: اقسم بالله ضحكت لمن الناس المعاى قالو محمد حامد جنى .....
يا راجل بالله دا كلام تقولو .....
الله يرحم الخاتم عدلان وحق والمهاجرين المناضلين كلهم كان دا كلامك
قلت لى شنو .... فلجة ... |
-احسن اضحكك..ولا احسن ليك الزرزرة..البسوو ليك فيها دي..مشيت المطار ولا ما مشيت؟..كنت في ام دكة الجعليين ولا ما كنت؟كنت في المقابر ولا ما كنت؟ انا شفت تبرشك دا وما عجبني..والله انا كنت بكتب في مداخلاتي ..وكنت وين ما عارف..قلت احسن انجدك ..وكمان اضحكك..وتراكا ضحكت ..بس فاتتني الفلجة ..اكيد في حالة الضحك..بتكون حاجة تهبل!!
_الفقرة التانية من كلامك..(فيهو استخفاف..)..اكيد ما فهمت انا قاصد شنو..وما كنت قايل ذكاءك بخونك للدرجة دي..الجماعة قادننا محمد حامد بتاع امن وجستابو وشنو شنو ما عارف..لكن انا صدقتك خلاص..انت لا بتاع امن ولا الله قال!!..لانو الجماعة بتاعين الامن ديل بفهموها وهي طايرة(الا كان امن الانقاذ له طابع آخر)..لو كنت بعرف اسوي الحاجات البتضحك ديك كان سويتا ليكم..لكن وا مغستي..قلت الالباء بالاشارة يفهمون..لو كنت متابع لما اساهم به هنا..لعرفت ان ما افترعته هنا خروج عن النص..كترياق مضاد لتقالة الدم..اللياقة(بفتح اللام) واللزوجة..التي اراد البعض ان يطبع بها هذا البوست..
-المهم في الامر..انك زغت من سؤالي..الطيب سيخة ودا فلجتو وين؟؟
-ارجو ان تطمني ..انكم تعملو فلجة للحبيب ملاسي
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
الاخ ناذر
تحياتي
كتبت في مداخلتك:-Quote: أما موضوع فلجتك دي والله لو كان المخرج سمع بيها كان دخلا في المسرحية
يعني يا راجل داير محمد حامد ولا غيرو يكون في عزاء وفاتح خشمو عامل كدة عشان السيد العفيف يشوف فلجتو !!!!
بعدين هو داير يشوف محمد حامد ولا داير يعزل خروف من الزريبة يعاين في خشمو !!!
غايتو والله لو العفيف دا قال إنو الزول الشافو عندو فلجة يكون بالغ عديييل كدة ؟؟!!
إتزكرت لي غنية بتقول ...
عندو فلجة ما شفتو ؟؟!! بري بري ما شفنا ..
أبشر بالخير يا محمد حامد .. حاول أقلع ليك سنين تانيين عشان الفلجة تظهر كبيرة ..
يا ناس وين المنطق ؟؟!!!!!!!!!!!! |
قبل كل شئ ..نمسك مداخلتك من الفقرة التحت(زي الفلجة التحتانية)..(يا ناس وين المنطق)..انت وكت زول منطق ..حبابك..امهل لي نمطقك..أسأل ناس القانون ..بوروك انو الفلجة ..علامة مميزة ..وبعدين اقعد ..اتهكم ..وسوق المنطق..وانا قاعد في اول الصف متتلمذا..وبالتالي محمد حامد لا حوجة له ليخلع سنين ولا حتي سن واحدة..براها فلجتو كبيرة ما دايرالا ضوء..
بمناسبة الفلجة التحتانية دي..لما قامت الانقاذ ..وظهر الطيب سيخة في المسرح..سئل احد الظرفاء..رايك شنو في دكتور الطيب..فرد متهكما..بس(بكسر الباء)..دكتور شنو..اللا لادا(عربية الدكاترة)ولا عيادة..اب فلجتن تحت..والله ما شفتها الا فيهو هو والجمل..
_نشكرك علي الاغنية التي تذكرتها..ولا بد ان تحمد جميلتنا..اذ عدنا بك الي ..ما هو جميل..فما يستذكره الانسان..لا شك جميل ومحبب الي نفسه..
-والله لو العفيف قال انو الزول الشافو عندو فلجة..يكون بالغ عديل كدة..ما هو وجه المبالغة؟وضح..ابن ..افصح
-بعدين هو داير يشوف محمد حامد ولا يعزل خروف في زريبة..شوف يا خوي خروف دي انا ما قلتها..لكن الاخ المسافر قال(تشابه عليه البقر)..اها شن قولك..البقر عندو فلجة؟!!!
-داير محمد حامد ..يمشي عزاء ويقعد يفتح خشمو..لا والله انا ما دايرو يفتح خشمو..كمان انا ما دايرو ..يمشي العزاء اصلا..وفاتحتو بتصل من اي مكان..وشنو البمنع محمد حامد يفتح خشمو..كان قرا الفاتحة..ولا الاخلاص ساكت..حيتلعمط..وخشمو بنفتح..والفلجة بتظهر ..أها بتسوو شنو..هو زولك دا في الصورة فاتح ..خشمو..لمن في بيت البكا..والله الا كان يخيتو ليهو..
-بعدين حكاية المخرج دي ..ما فات شي..وصلا.. ليهو ..وليك اجر المناولة..
-موضوع الفلجة..زي ما اسميتها لمحمد حامد..كانت محاولة مني للخروج عن النص..اختراقا لخط اعلامي محدد..يسعي لتثبيت حقيقة محددة..بلزوجة،تقالة دم ولياقة(بفتح اللام)..وانت ايضا مثل محمد حامد..ما فهمت المقصود..بل جعلتها مادة للتريقة..وتريد ان تحاكمها (بدا منطق دا)..يعني عملتها كفر وداير تطلع فيهو..لكن ما عندك مشكلة..عليك ان تطمئن..الفلجة علامة مميزة..ومن ناحية ظهورها ..برضو بتظهر.. ومافي زول في الدنيا دي عندو فلجة الناس ما شافوها..ومافي زول بغطي اسنانو وهو بتكلم او بضحك..ولو كان صاحبا عامل ظريف زي زولك دا اكيد ..حتظهر للقاصي والداني..لانو بكون بوزع في الابتسامات..والباقر ممكن يكون لقط ليهو بسمة من احداهن..
-الاخ ناذر علي فكرة ..انت شايت وين؟خوفي تكون شايت يمين..
-وسؤال اخير ..ممكن تقول لي ..محمد حامد دا عندو فلجة ولا ما عندووووووو؟؟
لك مودتي
-
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: saif khalil)
|
ملاحظاتى لهذا البوست
1/ كاتبه وناقل الرواية مقل فى المداخلات والتفاسير وانصرف لعراك فرعى مع الاخ - احسن الزميل عشان ما نجيب شبه للراجل - ملاسى
2/ ثلة من رفاق الباقر يتحفوننا كلما سنحت لهم سانحة بتعديد كم مهول من مناقب الرجل الحميدة والتى = عندهم ان الرجل صادق ولو طارت ولا ركت حديه !
3/ اما الجديد فى البوست فهو الحديث عن (الفلجات ) وغض النظر عن الظرف او اللا ظرف الذى تسبتطنه فانها عندى شهادة ضد مجمل فكرة البوست وتؤكد ان معيار الاثبات قد صار هكذا علامات ...
سمح .... كدى النشوف اخرتا .... يمكن بكره تطلعو طلب يجيبو العدة بتاعة الشاى والموية الكانت فى الصيوان وتفحصو الـــDNA .... بتاعى عشان تشوفو شربت هناك وبالتالى كنت هناك وخلاص ....
الحمد لله الزول ما بيسف وما بتاع ود عمارى والا كان جات فى الوصف !...
بالمناسبة يا ابو خليل انا عندى شهود عدول كنت على اتصال بيهم فى ذات اليوم وفى ذات الساعات وقابلت برضو ناس بالصدفة - يمكن عشان نيتكم السوداء دى - وديل كلهم ما فيهم كوز ولا زول ضلامى .... وبالعربى كدا ناس مستنيرة وناسكم ومعروفين ومحل ثقة - رغم انو معيار الثقة عندكم مجوبك بدليل رواية شقيق الخاتم الداقين منها طناش -
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
الحبيب ملاسي
تحياتي
كتبتQuote: و اذا ما تجاوزنا امر الفلجات التي يهاتي بها
- لسبب نجهله - الحبيب سيف خليل.
نجد ان خلاصة الموضوع تقودنا الى ان السيد العفيف؛
و السيد مولانا انما روجوا لامر كاذب جملة و تفصيلا . |
اقول..والله لا مهاتي بالفلجات ولا حاجة..بس عجبتني فلجة صاحبك..وقلنا نشاغلكم شوية..ونوريكم انو الحكاية مافيها التباس..يعني لم يتشابه البقر علي الباقر..
(بالله شوف..البقر علي الباقر)..دا اسمو شنو في البلاغة؟!!! اوعي تقول لي ما ادونا ليها..
-اما خلاصة الموضوع تقودنا الي ان..محمد حامد ينكر امرا حدث بالفعل..وان ملاسي تركي اكتر من الاتراك..
لك المحبة
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
الاخ اسماعيل
تحياتي
لك العذر ..اني تلبثت بدياركم..وما كان تلبثي الا ..لاحساسي بأني لن اكون ضيفا ثقيل الظل..خاصة عندما يكون البيت لواحد من الاخوان..يعني عملت الحالة واحدة وقلت البيت بيتي ..وتراني قاعد
-احكي لك نكته..تحكي عن اهلنا بديرية كردفان..الذين اشتهروا بالشجاعة مضافا اليها شئ من الحمق..يعني حارين شوية..ناس دواس وكتال..
مرة ..واحد بديري ..راكب باص..والباص عمل حادث في الطريق..صدم حمارا يركبه رجل..مات الحمار ولم يصاب الرجل بأذي..اعتذر سائق الباص ..للرجل..وقبل الرجل الاعتذار..واعتبر الامر قضاء وقدرا..
لم يرق ذلك للبديري..ولم يفهم مبدأ العفو..وتنازل الرجل عن قتل حماره..
تقدم من الرجل قائلا:-..حمارك دا تبيعو لي..
يعني يريد ان يمتلك الحمار..حتي وهو ميت..تسبيبا لدواس يتمناه..
..اها يا خوي بوستك دا تبيعو لي..
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
الاخ محمد حامد جمعة
تحياتي
اخي كتبت:| Quote: بالمناسبة يا ابو خليل انا عندى شهود عدول كنت على اتصال بيهم فى ذات اليوم وفى ذات الساعات وقابلت برضو ناس بالصدفة - يمكن عشان نيتكم السوداء دى - وديل كلهم ما فيهم كوز ولا زول ضلامى .... وبالعربى كدا ناس مستنيرة وناسكم ومعروفين ومحل ثقة - رغم انو معيار الثقة عندكم مجوبك بدليل رواية شقيق الخاتم الداقين منها طناش - |
-بسسسساك..الشهود العدول ديل ..بمرقونا من كترة بين دي..وزمان انا قلت ليكم كدي..
-بعدين ياخوي..سواد النية الجابو شنو..والله انا نيتي بيضا زي الحليب..وزي البفته
-يا ود حامد..ناسنا ديل منو ..انت الليلة كلامك دا مجوبك كدي مالو..
-بعدين حكاية النوايا السودا دي شيلا من راسك..بعدين ..تختنا في بالك..والواحد ما قادر علي التلتلة..يمكن الظروف تجيبنا السودان..انا غايتو معاك ..لحدي ما ادفع الضريبة ،الزكاة،الخدمة الالزامية..رسوم المطار..والقناة الفضائية..واي عقوبات اخري ..او اي حركات ..انا ما بتنفع معاي ..واصلا مافي ليها داعي..عشان كدا صفي النية ..وخليك رياضي..
-ولا ..اقولك قولة..انت راجل حمال تقيلة..شايفك مسردب لكل الحاجات..القالوها..امنجي..انقاذي..وكونك تكون مشيت ام دكة الجعليين دي..ما اكعب من الفاتن..عشان كدي شيلها..وقول انا مشيت يا جماعة..عشان نقول ليك..سعيك مشكور،ولا اراك الله مكروها في عزيز لديك..وعشان تنهي حجوة ام ضبيبينة دي..علي الاقل نشوف ملاسي ..بتشربك في ياتو بوست
-بالمناسبة..هو قريبك؟ولا مالو حمصان ليك كدي..
-يا زول اخليك في وداعة الله..وليك كل المحبة ’المودة والمشاعر الطيبات
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: عمر ادريس محمد)
|
خالص التحايا
العزيز عمر
ياعزيزى كلامك هذا غير منطقى
Quote: سعادتك
يابهلوى امسك قوى
اوعك تقع
صادر من الليل النجم
اما بعد
عدم
حضورك
فى المطار
لايعنى غيابك عن الترتيبات
الا اخلاقيه التى قام بها جهازكم
لمنع الناس عن التعبير عن حزنهم وتشيع جثمان الاستاذ الخاتم بما يليق بمقامه.
لو قلت كلمه واحده عن
بيت القصيد اعلاه
تكون صحى كنت فى مكتبك فى تلك الاثناء.....وبتاكل فى فطورك من امواج . |
بعدنا كتير من الحقيقه
نقطه نقطه عشان مانمشى بعيد نحن الان بصدد محمد مع الجثمان والخ من تلك الاجرات
وليس بتاكيد انه امنجى وفطور وخلافه بعد ان نفرغ من هذه نبحث فى حتة امنجى وناسو دى (رغم انو بحثنا فيها سابقا وهكذا)
وهل كلامك هذا بانك تفترض امكانية حضور محمد لكن لابد من الصاق اتهمه باى شكل
(الحقيقة فوق العقيده والعدل قبل الاحسان)
وحتى سيف قلبها نكت وونسه
ياشباب وصولونا للحقيقه
ولا اقول ليكم
نواصل مشروع المسلسل ده
والتحايا النواضر..
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: معتز تروتسكى)
|
الاخوه المتداخلون
شكرا علي الهراء اعلاه ..
لا ادري حتي الان سبب اقحام اسم السيد
العميد امن جمعه ترافولتا في الامر !!
هل سيعفيه من وصمة عمله في مركز النظام الصحفي ؟
هل سيعفية من وصمه عمله بجهاز لامن ؟
لا اعتقد ان جهاز الامن يحتاج لكادر محروق حتي يشرف علي تأمين دفن
الجثمان دون ضجة ,, و من السهل ان يقوم بها كادر اخر و يتفرغ جمعه
للتشويش هنا او بتوصيل فكره جيده عن رجل الامن الانسان الذي يتضامن
مع مخالفيه في الرائ ساعة الترح و يقول بواجب العزاء و رفع البوستات
وربما ايضا كان الامن بهذا الغباء ,, فوجود جمعه من عدمة لا يعنينا
في شئ هنادعونا من هذه النقطه الغير مفيده
كماولا يساورني ادني شك في امانة الباقر العفيف و اعلن اني اعرف الباقر
لسنوات خلت لا اعتقدها كافيه ليتغير منهجه الحياتي نحو الكذب المتعمد
كما واعتقد ان اسماعيل لم يكن موفقا في اضافه جزئيه مشاركه العميد
في تشييع الجثمان ( التي افضل اعتبارها قد وردت عرضا في السرد الذي تفضل
به الاستاذ الباقر العفيف )
Quote: عند وصول الطائرة إلى مطار الخرطوم نزل الجميع من الطائرة
ليجدوا الاسعاف الذي أعدته أسرة الراحل الخاتم في الانتظار وحـولـه
عدد من رجال الأمن. |
Quote: أخيراً ظــهــر عدلان ليخطر
الجميع بأنَّ ناس الأمن أخرجوا الجثمان خارج المطار وأخذوه إلى شارع
مدني-الخرطوم بالقرب من عفراء مول وأنَّ ناس الأمن رفضوا السماح بإحضار
الجثمان إلى مكان تجمع المستقبلين بالمطار وأيضاً رفضوا السماح بأخذه
لجامعة الخرطوم حسب ما أعـدت اللجنة القومية لإستقبال وتأبين الراحل
الخاتم. |
حسب رواية العفيف اعلاه
جهاز الامن كان في استقبال الجثمان في المطار تحسبا لحدوث اي افعال او
اشكال دعائيه متوقعه من جموع المُعزيين و الذين بالضروره هم ضد النظام
و هو بالتالي ( الامن ) سيمنع تشييع الجثمان بجامعة الخرطوم و سينحرف به
الي حيث مثواه الاخير دكة الجعليين .
راجع الكلمات داخل الكوت بالبنط العريض
ايضا اذا قاربنا روايه العفيف (غض النظر عن صياغة الاخ اسماعيل ) و
رواية صديق شقيق الخاتم و رواية محمد المهدي سنجدهما متفقون حول ان
- الجثمان كان تحت سيطرة الامن التي لم ترد ان تمتلي صُحف الغد بأخبار
التأبين المهول الذي تبعته مظاهرات عارمه تحمل نعش الشهيد وهذا
طبيعي فرجل في قامة الخاتم عدلان سافرت افكاره و عبرت عقول كثيره
تنسمت في افكاره تلك عبيرا تشتهية ,, اتت مودعه له و مُعزيه للوطن
في مصابة
اذن الموضوع بأكمله تم بالتنسيق بين اسره الفقيد و جهاز الامن ( وهذا
طبيعي فالنعش كان لاحد قاده المعارضه ) لن يقبل الامن بأقل من ان يحرم
مُحبي الخاتم شرف وداعه في جامعه الخرطوم و له في ذلك اسبابه اعلاه
واسره الخاتم لم يكن لديها خيار اخر غير القبول
اعلاه انا اتحدث عن الثوابت .. فالفقيد قيمه سياسيه مُعارضه للنظام
و توقع رده فعل الامن طبيعيه .. قد تتباين الصياغات بين تمبس و اسماعيل
وقد تتباين الشهادات من اسماعيل او صديق لكن تبقي الثوابت
اذن لا اري داع لكل هذا الخلاف
فالنترحم علي الفقيد و ننعيه و نبحث عن دور لكل منا في اتمام او ايصال
افكاره
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: محمد حامد جمعه)
|
| Quote: انا عندى شهود عدول كنت على اتصال بيهم فى ذات اليوم وفى ذات الساعات وقابلت برضو ناس بالصدفة |
يا حسين يا حسين
يبدو لي الموضوع ده قاصدك عديل
وبس ناقص يقول شهودي (ياهو ديل- ياهو ديل) بحاوروا فيكم
ومتوقعك تحل الإشكال بالضربة القاضية...
أنا ألح إلحاحاً على تطبيق نظرية (( تشابه البقر)) لأنه شايف السكاكين كثيرة
لو بقت لا تتفق مع الأمور الحضارية خلونا نأخذ الفن ونمشي لأغانينا الجميلة
"" ياهو حبيبي ذاتو وقدلتو يا ربي واقف من متين .. لكن آه يخلق من الشبة أربعين""
طبعاً موضوع القدلة ممكن تستشيروا فيه الأعضاء الذين حضروا على هامش مؤتمر الجاسوسية ومطاردات عسكر حرامية..
وهذه النظرية أيدها لأني أعرف النسخة (39)
ومن يعرف زميلنا الدكتور ((أحمد حماد)) بفلجتو وجبهتو (الخالق الناطق)
ملاحظة: يمكنك ملاحظة تشابه الأسماء
"" شنو رأيك؟؟ دقش ولا ما دقش؟؟)
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
Quote: وحتى سيف قلبها نكت وونسه
|
الحبيب معتز تروتسكي
تحياتي
ابدا والله..ما كان القصد..لكن قل لي بربك ماذا افعل ..حيال اللزوجة التي اعترت هذا البوست؟..
الموضوع في غاية البساطة بالنسبة لي..الباقر العفيف اعرفه قبل خمسة وعشرين عاما..تربطني به صداقة وزمالة..رغم اختلافنا الفكري والسياسي..ولا املك الا ان اشهد له بالصدق والاستقامة..لا يرد عندي انه يكذب البتة..انتابني شك بان الامر قد التبس عليه..وكان شكا ضعيفا في نفسي..لمعرفتي التامة ..ولعل كل الذين يعرفون الباقر..لا يخفي عليهم ..حرص الباقر الشديد وتمسكه بالاستيثاق من كل شئ..وحرصه علي التجويد والاتقان..بل هذه الصفة كانت موضع تندر بين زملائه في الجامعة(مرة واحد زميلنا من الكيفييين بتاعين التمباك..قال:والله الباقر دا كان بسف.. تمباكو يكون صاموطي ومظبط بشكل)..واكد ما اعتمل في نفسي ..تأكيد الباقر الذي بعث به هنا..
في الجانب الآخر هنالك محمد حامد..الذي انكر ما ادعاه الباقر..وهو موضع ظن وشك..ومطعون فيما يسهم به هنا..لانقاذيته..ولاحتمال نسبه للاسرة الامنية للنظام..
-لن يحسم هذا الامر ..الا اذا قدمت ادلة مادية من احد الطرفين..الباقر توكيدا لما رواه..ومحمد حامد لما نفاه..
-ان لم يفعلا يظل الامر متروكا للتقييم الشخصي..وفي هذا تدخل ..معرفة القارئ باي من الرجلين..وانا اعرف الباقر ..واجزم بصدقه..
يجب الانتباه الي ان المسألة في تقديري..ليست هي ذهاب محمد حامد لام دكة الجعليين..وانما هي امر سياسي اعلامي..نوضحه كما يلي..
1-ادعي المعارضون ان الحكومة ..خطفت الجثمان..وحالت دون الاحتفاء به من قبل المشيعين والمعزين..وحالت دون وصوله لجامعة الخرطوم..مخافه استغلال الامر سياسيا..لاسقاط الحكومة او احراجها..
2-ان صح هذا الادعاء..تصبح الحكومة حكومة متهالكة وجبانة ..ترتعش من نعش احد معارضيها..هذا الهوان ..لا يرضي امن النظام ومشايعي الحكومة..لذا من الضرورة انكاره..تطفيفه اعلاميا..حتي لا يثبت في نفوس العامة والمعارضين ..ان الحكومة ضعيفة مرتجفة..
3-محمد حامد كان بالمطار..ذهب الي ام دكة الجعليين..لكنه رجل امن واعلامي..ولا بد ان ينفذ الخط الاعلامي المرسوم..لذا ينكر..تشكيكا في مصداقية المعارضة..وصرفا للانظار والعقول ..عن ضعف الحكومة وارتجافها..
4-يتبع محمد حامد في هذا الخط الاعلامي..مشايعين للنظام ..او طالبي رضاه..وهو كما تري ..خط اعلامي ..لزج دبق..يعمد الي تكرار جمل بعينها ..عهد بها الي متسكعين ..يقيمون في هذا البوست ..كما اقام عسيب..وبعضهم كان يافعا جاهلا..انحدر بمستوي الخطاب..كالقول بان ..الباقر كضااب ..اسماعيل كظاب..
5-في ما انتهجته من خط اعلامي مضاد..كان محاولة مني لتمييع هذه اللزوجة..واشارة للمتسكعين ..بان التسكع في البوستات امر سهل ..وبالامكان تثبيت عكس ما يريدون ..اعلاميا ..ومن خلال منهج مدروس ومنتقي..
6-يظل الباقر ..قامة لا سبيل الي الحط من قدرها من اي يافع كان..هو عالم..خلوق ورقم مهم ..ومن يريدون الحط من قدره ..يعفطون ..كما يفعل الضأن..
*لم يكن ما اجترحته ..باب من ابواب الونسة او الطرفة..وانما اشارة لمن حسبت انهم الباء..
لك مودتي،محبتي وكل المشاعر الطيبات
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
Quote: الثابت ان السيد العفيف قد كذب؛
و ان السيد مولانا قد نقل الكذب و روج له؛
و يبقى الاختلاف فيما اذا كان هذا الكذب متعمداً ام غير متعمد.
لان النقل و الترويج للكذب من قبل السيد مولانا لا يختلف بشر علي انه متعمد |
الحبيب ملاسي
تحياتي
الثابت عندي ان العفيف صدق..وان مولانا راوية يعهد اليه..وان محمد حامد غير صادق..وملاسي يروج لعدم الصدق هذا..وانتما ومن شايعكما..تودون ان تقولوا ان الحكومة ليست ضعيفة..وانها لم ترتجف من نعش..وهذا بيت القصيد ومربط الفرس..اليس كذلك صديقي عسيب؟؟؟
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
| Quote: فارجو على من ادعى ان يثبت والا فانه مسئول عن حديثه ودعونا من جدل الفلجة والنظارة والبدلة السفارى والكلام الفارغ دا ... الهراء |
الاخ محمد حامد
تحياتي
جدل الفلجة...هراء..اوعا تكون اتعقدت..ما تسمع كلام ملاسي دا..دا حماش نيران..يا زول فلجتك زينة وعاجباني..
بعدين ..هراء حتة واحدة كدي..دا كلام زعل ساكت يا جنابو..
ياخي ..انت مالك ما داير تسمع كلامي؟ انا قلت ليك ..شيل دي كمان وريحنا..اسمع كلامي ما تطنش..
شنو يعني لو مشيت ام دكة الجعليين..ان شاء الله تمشي الجكو..ولا البيبور ظاتا..شنو يعني ما البلد بلدكم وانتو اسيادا..
بعدين شبكتنا ..انا عندي الاتو ..انا عندي الاتو..ترانا راجنك..وتراكا سكت..مالك يا خوي ..بوشت ولا شنو..انا غايتو ما بعرف كتشينة ..لكن عارف انو الكلمتين ديل ..متلازمتين
لك ودي
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: محمد حامد جمعه)
|
ابو عمير
بالتاكيد ان يصبح الكلام غير منطقى ومنطقى كما هو الفيصل ليس بالغضب ولكن شهود..
اذا افترضنا ان كل بشهوده والى اخره من جرجرة المحاكم..
القانون غبى وبه ثغرات ولايحمى المغفلين...
لكن لابد من كاذب وصادق
بيد ان الامر هنا تتطور لااكثر من ذلك
من كاذب ومكذوب عليه ومروج ومتفرج وصادق وصدوق..
لاادفع عن محمد او فلجته الدليل..
لكن ابحث عن الحقيقه ..
المدسوسه فى بطن الكتب..
ولك التحايا النواضر..
ابو السيوف..
سلامات وعوافى..
اللزوجه ضاربه باصقاعه حتى النخاع
لكن الكلام الاخلاق..
والمابقول الحقيقه ما اظنك تكون عافى منو؟؟
وجايك للبقية
وزى ماقالو الخاينه جاسوسه
على وزن جاموسه
PASS
بجى بعدين المسلسل بدا..
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
الأخوان جمعــة/ملاسي
طبعاً لديَّ أشغالي الأخرى ولستُ متـفرغــاً للمنبر وأحاول أنْ أستفيد من وقت الذي يحاول أنْ يضيعه الآخرون بالمشاركة المتشابهة (أو التسكع هنا). وأقوم بتقديم تفسيرات في ماذا؟؟ الباقر يقول بأنه شاهدك، وأنت تقول أنك لم تكن هناك. الموضوع بالنسبة لي لا يحتاج لتفسير. الموضوع بالنسبة لي من أصدق؟؟ أنا أصدق الباقـر، فول ستوب Full stop .
أمـَّـا الأخ الذي تتحدث بأنني انصرفت له ياجمعة، لأنــه يحاول، كما قلتُ مراراً، باجتهاد يحسد عليه (الترويج) إلى وجود كاذب و(مـروِّج) له. ويا للعجب، ملاسي من يقول بذلك!!!!
لقد افترع الأخ ملاسي بوستين (أو أكثر) لتناول الموضوع ومحاولة تمريـره كـكـذبة وأشر الخ من التهويمات التي جاء بها. ثمَّ لما لم يجـد متابع لبوستاتـه جاء وتـحـكر هنا ليرسل سيل عبارات (الكذب) و (المصداقية). وعندما يتحدث شخص عن المصداقية أولي به أنْ تتوفر لديه أسبابها (أين يعمل، ... الخ الأسئلة التي طُـرحت عليه وتجاوزها بما يعتقد أنه حرفـنة).
ومعروفـة مساعي الأخ ملاسي ، الدائمة وفي أي بوست، ولا أريد أنْ أجعلها موضوعاً هنا.
وأنا كما قلت منـذ البداية أنني أصدق الأخ الباقـر، وهذا موقـفي ولا يحتاج منى لزيادة. وكما قال الباقر أنه يشهد بما رى ولا يمـلك إثباتــاً أكثر من ذلك.
الأخ سيف
لا تحتاج لإذن وشكراً لمداخلاتك وتواجدك هنا.
الأخ معتــز
الرابط ليس لكَ يالطبع. هو لمن لم يقرأه، أو لمن قرأه ولم يستوعبه. أنا احترم الأخ ياسر الشريف، كما احترمك، ولا مشكلة عندي في منهجـهـه وفي اتباعـه. والحقيقة تكمن في من تصدق.
الأخ خدر
شكراً على المداخلة. مع تأكيدي بأنْ الجزئية المتعلقة بالأخ محمد جمعة جاءت في سياق السرد المتكامل. ولكن بالطبع لك أنْ تحكم بأنها موفقة أم لا. ويحـق لملاسي أنْ يغضب من مداخلتك فهو هنا بعد أنْ عـزف عن بوستاته التي افترعها في ذات الموضوع ولم تجد قبولاً من الكثيرين. وبالتـأكيد له مبرراتـه التي لا يستطيع أنْ يفصح عنها. كما أنه لا يعترف بالثوابت التي تتحدث عنها لأنه مسكون بتلك الثوابت التي ظللنا نسمع هرطقتها 16 عاماً.
الأخ المسافر
تشكر على المرور.
الأخ محمود (أبو صوفي)
أين مختفي، يا رجل؟؟؟؟ لقد كبر صوفي ونحن ما زلنا نراوح المكان الذي يريدوننا أنْ نتوقـف عنده ولا نتجاوزه. المكان الذي يريدون أنْ يسجنوا فيه الوطـــن إلى الأبــد. وما تـزعـل على قراءة البوست، على الأقل خلاك تكتب وخلانا نشوف صورة الملاك الصغير (حفظه الله).
تحياتي لك ولصوفي
= = = = = = = = = = =
أعتقد أنَّ الكثير من المداخلات جاءت كتحليل أو تعقيب متبادل. ولكن معذرة إذا لم أرد على مداخلة هامة.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
الحبيب تروتسكي
تحياتي
كتبتQuote: ابو السيوف..
سلامات وعوافى..
اللزوجه ضاربه باصقاعه حتى النخاع
لكن الكلام الاخلاق..
والمابقول الحقيقه ما اظنك تكون عافى منو؟؟
|
ما تداخلت هنا ..الا من اجل الحقيقة..ولا شيئ آخر اتغياه..اصحاب الامر ..هما الباقر واسماعيل من جهة ..محمد حامد من الجهة الاخري..عليهما بابراز الادلة ..لاثبات ادعاءاتهما..ان لم يفعلا..لنا مطلق الحرية ..في من نصدق..فهذا الذي ورد خبر..والخبر يتلقاه الناس ..ما بين مصدق ومكذب..
اشكر لك مداخلتك..ولك مشاعري الطيبة
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
بسم الله الرحمن الرحيم
الأخوة والاخوات الله يرحم المرحوم
ومع احترامي لكم جميعا هذا نقاش لاداعي له ولافائدة منه ولا ادري ماذا سنستفيد ان كان الاخ قد شاهد محمد جمعة لم لا او انا كلن محمد جمعه قد رافق الجثمان ام لا ده كله كلام لادعي له ومع احترامي لكم جميعا كلام فاضي.
محمد جمعه قال هو ماكان هناك خلاص صدقوا، لانه لو كان هناك ولا لا الفرق شنو ماهم الامنجية كلهم محمد جمعه وناس الامن رافقوا الجثمان اها تفرق شنو لو كان الأخ محمد جمعه معاهم ولا لا الزول ده هو ماداسي نفسه ومعرف نفسه انه امنجي ومعترف. خلاص بعد ده قصت انه كان مع الجثمان وماكان ونفي واثبات وفلان كذاب وفلان صادق كله تحصيل حاصل. صدقوا الراجل واترحموا علي المرحوم دي الحتنفعوا مش غلاطكم ودايما انحنا دي مشكلتنا السودانيين انه بنتمسك بي توافه الامور ونسيب الموضوع الأصلي.
يا جماعه ماتزعلوا مني ده راي بصراحه والعفو والعافية واحترامي لكم جميعا.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: حنين للبلد)
|
سلامات يا مولانا؛
Quote: لقد افترع الأخ ملاسي بوستين (أو أكثر) لتناول الموضوع ومحاولة تمريـره
كـكـذبة وأشر الخ من التهويمات التي جاء بها. ثمَّ لما لم يجـد متابع
لبوستاتـه جاء وتـحـكر هنا ليرسل سيل عبارات (الكذب) و (المصداقية). |
اوعك بس - يا مولانا - تكون قايل انو البوست دا بتاعك انت !!
لو كان لاحد - في الدنيا - ان يندم على رواية ملفقة؛
لكان السيد العفيف.
و لو كان لاحد في الدنيا - ان يندم على نشر و ترويج رواية
ملفقة كنت ان يا مولانا.
لا اظن ان احداً ندم من قبل على بوست كتبه كمثل ندمك على
كتابتك لهذا البوست؛ و قطعاً لو عاد بكم الزمن للوراء لما
قمتم بنشر اخبار كاذبة و مختلقة جداً.
و طبعاً لولا خشيتك من مما سوف يكتب في حقك - و انت اصلاً ما ناقص -
لكنت - انت - قد توسلت للسيد بكري ليقوم بسحب هذا البوست الانتيكة.
الا ان العزة بالاثم و مكابرتك من ان تعتذر عن امر كاذب "جداً" روجت
له هو ما يمنعك من فعل ذلك.
نعم تحكرت هنا و اكثرت من عبارات الكذب و المصداقية لانكم كذبتم
و فقدتم المصداقية - التي كنتم تتمتعون بها -
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
السبت 14 مايو 2005
| Quote: دا تعسف يا مولانا .! |
الأخ جمعة
أرجو ألاَّ تـنـظر إلى الموضوع من الناحية دي. ولا تنسـى إني أعبر عن رأيي فقط، وآسف إذا كان رأيي ينحاز في اتجاه آخر. ولم أكنْ متعسـفـاً معك يوماً ما. تمامـاً مثلما يمكنك، كصحفي، أنْ تـقـف مع ما تـنـقـله، أو أنْ تعتذر عنه إذا تبين لك خطله حسب المصدر الذي تستقي منه المعلومات. ولا يمكن أنْ يكون ذلك تعسفاً منك بقدرما هـو تبيان لوجهة نظرك. وكثيراً ما نفحتونا، أيها الإعلاميون، بعبارات: أفاد مصدر وثيق الإطلاع أو أفاد مصدر موثوق به، أو أفاد مصدر قريب من دوائر كذا وكذا.
المهم باختصار، كل شيء إلاَّ التعسف والذي أوصل بلدنا لمفتـرق طرق خطير قد يعصف بوجوده وكينونته.
المسافر/سيف خليل
شكراً لكما على المرور مرة أخرى.
حنين للبلد
شكراً على المرور، وتأكدي أنْ رأيك لا يغضب أحد، أو بصورة أكثر دقـة لا يغضبني أنا شخصياً. بل احترمه.
تسلمي
كتب ملاسي:
| Quote: اوعك بس - يا مولانا - تكون قايل انو البوست دا بتاعك انت !! |
أبداً، كلما عنيتـه أنك فشلت في الترويج لما تعتقده في بوستاتك التي قمتَ بكتابتها، لذلك أتيت إلى هنا متحـكراً. هذا لزوم التوضيح.
Quote: لو كان لاحد - في الدنيا - ان يندم على رواية ملفقة؛
لكان السيد العفيف.
و لو كان لاحد في الدنيا - ان يندم على نشر و ترويج رواية
ملفقة كنت ان يا مولانا. |
لو صدق ما قلتَ، من أنها رواية ملفقة، لتداركتُ ذلك بالاعتـذار العلني، ليس للأخ جمعة بل لكل من اطلع على هذا البوست من الزوار. الاعتراف بالخطـأ والاعتذار عنه، محمدة وليستْ سُـبة.
Quote: لا اظن ان احداً ندم من قبل على بوست كتبه كمثل ندمك على
كتابتك لهذا البوست؛ و قطعاً لو عاد بكم الزمن للوراء لما
قمتم بنشر اخبار كاذبة و مختلقة جداً. |
كما أعلاه.
Quote: و طبعاً لولا خشيتك من مما سوف يكتب في حقك - و انت اصلاً ما ناقص -
لكنت - انت - قد توسلت للسيد بكري ليقوم بسحب هذا البوست الانتيكة.
الا ان العزة بالاثم و مكابرتك من ان تعتذر عن امر كاذب "جداً" روجت
له هو ما يمنعك من فعل ذلك. |
كما أعلاه، بإضافة بسيطة، ماذا سوف يُـكتب في حقي وماذا تعني بـ (أنتَ اصلاً ما ناقص)؟؟؟؟
Quote: نعم تحكرت هنا و اكثرت من عبارات الكذب و المصداقية لانكم كذبتم
و فقدتم المصداقية - التي كنتم تتمتعون بها - |
إنْ كنا نتمتع بمصداقيةٍ ما ذات يوم، خير من الذين لم يدخلوا في مضمارها أبداً أبداً أبداً، ولن يُـكتب لهم.
أخيراً ملاسي، العزيز
وفي سياق البوست ومساهمتك العملية، تستحق على مجهوداتك هذه بونَـص Bonus كبير جداً.
وأتمنى أنْ أراك كثيراً في ذاك البوست، الأمنوقراطيون الجدد، متجدداً جداً، دوماً كما أنتَ.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
سلامات يا مولانا؛
Quote: أبداً، كلما عنيتـه أنك فشلت في الترويج لما تعتقده
في بوستاتك التي قمتَ بكتابتها، لذلك أتيت إلى هنا
متحـكراً. هذا لزوم التوضيح. |
هل تعتقد - فعلاً - انني قد فشلت في الترويج لما اعتقده !!
Quote: لو صدق ما قلتَ، من أنها رواية ملفقة، لتداركتُ ذلك بالاعتـذار العلني،
ليس للأخ جمعة بل لكل من اطلع على هذا البوست من الزوار. الاعتراف بالخطـأ
والاعتذار عنه، محمدة وليستْ سُـبة. |
اول من يستحق اعتذارك - يا مولانا - هو اسماعيل التاج؛
كما ان اول من يستحق اعتذار العفيف هو العفيف.
Quote: إنْ كنا نتمتع بمصداقيةٍ ما ذات يوم، خير من الذين
لم يدخلوا في مضمارها أبداً أبداً أبداً، ولن يُـكتب لهم. |
مش مهم؛ المهم انك قد روجت لامر كاذب جداً؛
و يبدو انك قد بدأت في التفكير في الاعتذار لانقاذ
ما يمكن انقاذه؛ و هذه خطوة في الطريق الصحيح
اشجعك عليها كثيراً- يا مولانا - ؛ الا التفكير اعياني
في معرفة الشيئ الذي يمكنك انقاذه.
Quote: أخيراً ملاسي، العزيز
وفي سياق البوست ومساهمتك العملية، تستحق
على مجهوداتك هذه بونَـص Bonus كبير جداً. |
يبدو ان الذكاء لا ينقصك - يا مولانا - فقد نلت؛ فعلاً؛
Bonus جراء مجهودي في هذا البوست؛ و وعدت بترقية؛
الا انني لا اثق كثيراً بالوعود التي تأتي مِن مَن هم على شاكلتي.
Quote: وأتمنى أنْ أراك كثيراً في ذاك البوست،
الأمنوقراطيون الجدد، متجدداً جداً، دوماً كما أنتَ. |
جداً - يا مولانا - ستراني كثير جداً في ذلك البوست؛
و يبدو ان ذكاءك قد خانك في فهم مداخلتي الاولى فيه؛
لذا كتبتها مرة اخرى؛ عسى ان تدرك مغزاها.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: Dr.Mohammed Ali Elmusharaf)
|
الاخ اسماعيل :
انا حينما اشرت للتعسف ارتكز فى مقالتى تلك على عدة اسباب :
اولا : مساهاماتى فى البورد فى يوم ولحظات التشييع تثبت اننى لم اكن فى المطار او ام دكة الجعليين وتوقيتات ومواقيت المنبر تشهد بذلك
ثانيا : املك الشهود على اننى كنت بمكتبى فى ذلك اليوم ولم اغادر الخرطوم
ثالثا : انا لا اقود سيارة - وفى الرواية اننى كنت اقود عربتى - وذلك لاسباب صحية وتتعلق ان يدى اليسرى يومها كانت مصابة بجرح غائر لا يمكننى من القيادة ثم المفاجاة الاكبر اننى اصلا ما بعرف اسوق سواقة محترفة لدرجة الوصول الى الكلالكة ناهيك عن قرية فى الجزيرة
والاهم من كل هذا ثقتى المطلقة - مش لو قال العفيف او غيره - فى اننى لم اغادر مكتبى
وبالمقابل انت يا اسماعيل تتحدث عن رواية شخص - بعيدا عن مناقبه واسمه - قال انه شاهدنى بالمطار وفى عفراء وفى مجلس العزاء ولم يشر اليه احد اننى محمد حامد لكنه عرفنى من الصورة والتى قد تكون قديمة وليست حديثة ولكنه عرفنى بمعنى انه ترك مصابه وفجيعته وركز فقط فى شخصى مع مراعاة ان الحدث كبير والساحة تكتظ بمئات الذين يمكن للباقر ان يسعى للقائهم والبحث عنهم عوضا عن شخصى الضعيف
ويا سماعين انت تنادى هنا - واناديك انا - باسم بعبارة (مولانا ) يعنى انت حقوقى وقانونى ولكن وبمقارنة ما ادفع به ويدفع به الباقر فاننى اتحدث عن اثباتات منطقية وانتم تتحدثون عن اثباتات معنوية وانشائية من شاكلة انه صادق وحسن الاخلاق والسيرة وهل يعنى هذا مثلا ان جاءك شخص صادق واخلاقه حسنة وقال لك ان فلان هذا سرقنى او ضربنى ستحكم على خصمه لمجرد ان الراوى (زول كويس ) هل هذا منطق وعدالة يا مولانا .... ام انه تعسف ومنطق يجافى ادنى اسس العدالة التى يتساوى فيها الجميع
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
كتب ملاسي:
Quote: سلامات يا مولانا؛
Quote: أبداً، كلما عنيتـه أنك فشلت في الترويج لما تعتقده
في بوستاتك التي قمتَ بكتابتها، لذلك أتيت إلى هنا
متحـكراً. هذا لزوم التوضيح.
هل تعتقد - فعلاً - انني قد فشلت في الترويج لما اعتقده !!
Quote: لو صدق ما قلتَ، من أنها رواية ملفقة، لتداركتُ ذلك بالاعتـذار العلني،
ليس للأخ جمعة بل لكل من اطلع على هذا البوست من الزوار. الاعتراف بالخطـأ
والاعتذار عنه، محمدة وليستْ سُـبة.
اول من يستحق اعتذارك - يا مولانا - هو اسماعيل التاج؛
كما ان اول من يستحق اعتذار العفيف هو العفيف.
Quote: إنْ كنا نتمتع بمصداقيةٍ ما ذات يوم، خير من الذين
لم يدخلوا في مضمارها أبداً أبداً أبداً، ولن يُـكتب لهم.
مش مهم؛ المهم انك قد روجت لامر كاذب جداً؛
و يبدو انك قد بدأت في التفكير في الاعتذار لانقاذ
ما يمكن انقاذه؛ و هذه خطوة في الطريق الصحيح
اشجعك عليها كثيراً- يا مولانا - ؛ الا التفكير اعياني
في معرفة الشيئ الذي يمكنك انقاذه.
Quote: أخيراً ملاسي، العزيز
وفي سياق البوست ومساهمتك العملية، تستحق
على مجهوداتك هذه بونَـص Bonus كبير جداً.
يبدو ان الذكاء لا ينقصك - يا مولانا - فقد نلت؛ فعلاً؛
Bonus جراء مجهودي في هذا البوست؛ و وعدت بترقية؛
الا انني لا اثق كثيراً بالوعود التي تأتي مِن مَن هم على شاكلتي.
Quote: وأتمنى أنْ أراك كثيراً في ذاك البوست،
الأمنوقراطيون الجدد، متجدداً جداً، دوماً كما أنتَ.
جداً - يا مولانا - ستراني كثير جداً في ذلك البوست؛
و يبدو ان ذكاءك قد خانك في فهم مداخلتي الاولى فيه؛
لذا كتبتها مرة اخرى؛ عسى ان تدرك مغزاها. |
ملاسي، العزيز
لا أعـتـقد أنك فشلت في الـتـرويج لما تعـتقده. كادت استراتيجتك أنْ تـنجح. لدرجة أنكَ أوشكتَ على اقـناعي أنا شخصياً أنني فعلاً ( قد بدأت في التفكير في الاعتذار لانقاذ ما يمكن انقاذه؛ ).
ولـكـنك - خـربـتـها - بما تلا من قول: (الا التفكير اعياني في معرفة الشيئ الذي يمكنك انقاذه.).
وعندما أعرف الشيء الذي يمكن انقاذه سوف أعاود (التفكير في الاعتذار لانقـاذ ما يمكن انقاذه). ربما تحتاج الاستراتيجية لشوية تعديل.
وصراحة لم أفهم مغزاك من مداخلتك الأولى في ذلك البوست.
الأخ جمعة
سوف أعود لك في وقت متأخر من اليوم، فمعذرة.
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: إسماعيل التاج)
|
خالص التحايا
إسماعيل التاج
فى ناس شافت الموضوع ده بقى مهزله وسخف ولعب على العقول
انا شخصيا ماكان فارق معاى ومستمتع جدا عشان قالوا الكضاب وصلو الباب..
لاانت لاالباقر لاغيرو حتى محمدزاتو لدى معهم اشياء شخصيه..
بس فى شئ مؤمن بيهو اسمو
*الحقيقة فوق العقيدة .. والعدل قبل الاحسان
بالمنطق ده ونسبة لانى فى زحمة من امرى وكمان رافة ورحمة بالعالمين دى...
ياعزيزى اسماعيل
سؤال
ماذا لو تم وضع امامك دليل برائة محمد جمعه على هذا البوست وموثقه ماذا سيكون كلامك وتعليق عشان ننهى المسلسل ده ؟
داير اجابة لو ياعزيزى
نقدر نتخارج بها من الموضوع ده
لانو قدر ما حاولنا نجد مخرج للاخرين فى ان ينتهى الموضوع بسلام الموضوع الا ماشى زايد..
فتك بعافية
وربك يدى الجميع الصحه..
والتحايا النواضر..
| |
|
|
|
|
|
|
|
|
|
Re: الباقـر يروي حقيقة ما حدث عند وصول جثمان الراحل الخاتم: محمد جمعة تابع الجثمان حتى نهاية ال (Re: معتز تروتسكى)
|
كان تروتسكي قد كتب في يوم 10 مايو 2005
في نفس هذا البوست في الصفحة الثانيةالاتي نصه:
Quote: Kostawi
ما اعتقد بانو ملاسى او غيرو واقفين مع محمد جمعه حبنا
فيه لكن الشعلانه كل زول بنظر ليها بمنظور اقرب لى التصديق
بمنطقوا.. وفى النهاية لابد من ظهور الحقيقه..
فقط اعلم الخوف بعد داك تبقى عليكم حكاية
بقال الكلكم قلبتو عليهو كلكم مره واحده..
انا شخصيا منتظر المسلسل المكسيكى ده
مستمتع بيهو بعدين افجر القنبله.. |
و يبدو ان رصاصة الرحمة - قنبلة الرحمة - قد ازفت.
| |
|
|
|
|
|
|
| |
معتز تروتسكى
Hussein Mallasi
Kostawi
إسماعيل التاج
خدر
محمد حامد جمعه
Amin Elsayed
saif khalil
ناذر محمد الخليفة
عمر ادريس محمد
المسافر
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست