|
|
 بنشتاقك
|
بنشتاقك وانت هناك
ونشتاق ليكا زي اول
وما نقص البعاد نارك
وجمرك فينا كم طول
جراحك ساكنة يا غالي
وحنينك لوبيتاول
ما شلناكا في ذاتنا
وهواك جوان ما اتجول
***
بقولوا الغاب عن العينين
بعيد عن سكة الرادو
وانا بعادك بزيدني حنين
ودربك فيني ابعاده
بتفتّح فيني كون افراح
وشوق لي ناس بيترادوا
وعيون اديها كل عمري
واخضّر بيها اعياده
***
بنشتاقك اكيد واكتر
وانا الشايلك ملاذا لي
وادسك من عيون الناس
الاقي عيوني تغدر بي
اكون مفضوح وهو الحاصل
اذا الحاصل فضح ايدي
قروك في دمي كل الناس
وشافوا هواكا في عيني
عبدالله وداعه الامين
لندن - صباح الاحد
05.08.2007
|
|
 
|
|
|
|
فيس بوك
تويتر
انستقرام
يوتيوب
بنتيريست