القنصل احمد يوسف بسفارتنا بالرياض يرحب بالدعوة الموجه له للاجتماع مع بورداب الرياض

Quote: وختاما انا موافق تماما علي ان اكون من ضمن من يلتقون بالقنصل فوظيفته رسمية تمثل قومية السودان وليس النظام الي ان نعرف منه ......حدود صلاحيته التنفيذية من اسئلة البورداب

السلام عليكم

يا موج سلامات اقرا هنا

Quote: على اثر اتصال وتنسيق تم بين ابو جهينة و محمد خسن طلب وشخصي قمت بالاتصال بالاستاذ احمد يوسف القنصل العام بالسفارة بالرياض فرحب بفكرة اجتماعه مع بورداب الرياض و الاستماع الى كل استفسارتهم ومقترحاتهم وتوصياتهم

Quote: إنت ما قريت أول البوست فوق ؟ بتنسيق من سماحة الرئيس أبو جهينة

اضيف لي كلام الاستاذابوجهينةانوالاقتراح ده من بدري جدا يا موووج مطروح من قبل السفارة وما كان محتاج لي انو الأستاذ صلاح غريبه يأكدو وبعدين انا عندي راي في البوست ده زاتو هل الأستاذ صلاح غريبه نزل البوست ده من تلقا نفسو والا بي توجيه من الأستاذ ابوجهينة والمعروف حتى في كتابة البوستات بيكون اعضاء اللجنة عندها خبر ومنو البيكتب البوست وفيهو شنو .. ودي من الاشياء الغائبة عن الاستاذ صلاح غريبه نسبة لإبتعادو كثيرا عن جو اللقاءات البتتم بيناتنا ... مافي مشكلة اي امور متعلقه بالسفارة او اي جهات تانية هو نشط فيها ليهو الحق انو ينزل بوست لكن طالما انها متعلقه بالمجموعة ... في جهات محدده يرجع ليها علشان ما تعمل لينا مشكلة زي كده .. .. الامر محسوم من بدري يا صديق بس اصبحت المشكلة انو كيف يتم التنسيق النهائي لانو زي ما عارف كانت هناك اشياء كتيرة مجمده لعدة اسباب ،،،

بعدين يا موج دقيقه
مصدق حسين قامت علي اكتافه العديد من الكراسي والراجل جمل شيل والله وقضاي كيفن تفطو ؟؟ ، خالد فضل ابوامنه ( جعفر بشير ) وان كانت ظروفو العمليه اصعب من الصعوبه ، ما ما ن ، احمد الشايقي ، دكين ، ما تنسي رجاء العباسي بوردابيه القاهرة الرياض وبالعكس ، شدو ، بوش ، عبد الرحيم ابوحراز ، عباس زول ساكت ، عماد بشرى ، قيسان ، العوض الطيب، وان كانت ظروفو العملية برضو ما بتسمح ليهو ، بناديها وظروفو العملية ايضا، وانا متأكد اني بكون نسيت وارجو انو باقي الاخوان يحاولو يتذكرو معاي
ما حبيت ااكدو هنا يا موووج انو معظم الناس الفوق دي بتكون مشاركه معانا في كل كبيرة وصغيره بالرأي والمشورة في كل تجمع لينا بالاشتراكات الماليه حتى وان لم يحضروا وآسف اذا كنت دخلت في المساله المالية لانها ما من اختصاصاتي لكن اقيف فيها كتير وانت سيد العارفين يا مووج .. لانو معظم التجمعات البتتم بيناتنا العامل المحرك الاساسي فيها الناحية المادية وإذا كان وليد 399 ومعتصم دفع الله مرو من هنا ياريت يورونا العجز المالي والمصاريف المعلقه القاعدين نتمها ما بيناتنا لما تقصر في كل الحالات واصبحت شبه إلزام انها تتم من جيوب محدده عندما ينفض الجميع والفاس تقع في الراس ..
استاذ حسن الملك.. مع احترامي لكل الكلام الكتبتو..
ارجو ان اوضح الاتي :

Quote: عشان كده جيئنا وارتضينا ولم اطالب ان نكون في لجنتكم التي لا نعرف لها اجتماع رسمي غير الاجتماع التاسيسي كان في منزل صلاح غريبة قبل سنتين ونيف ...ونعمل فيها بنكران ذات حتي ظهور بعض الممارسات التي تجعلنا نتسأل هل بسمنا تتم التتمات ؟؟؟

كانت هناك عدة اجتماعات وبي شكل فعال وكانت اجتماعات طارئة تتعلق بمواضيع تحتاج للمعالجة السريعة ومعظمه مالية وفي كل الاحوال كانت هناك بوستات بتنزل متتالية اما عن طريق الأخ معتصم دفع الله أو الخال ودقاسم وللاسف الشديد ما لمسنا ليك مشاكرة فعاله فيها..وصدقني يا استاذ حسن الملك كلنا بنعاني من مشكلة الوقت إذا كانت هي المشكلة الاساسية احيانا ظرف قاهر يجبرك حتى ان تتخلي عن ساعات من عملك احيانا بالاستئذان واحيانا بالخصم من الراتب حتى تقدر توفي بعمل خاص بالمجموعة أو تغطي فرقه.. اللقاء الاخير مع السيد الصادق المهدي في منزل البروفيسور عزالدين عمر موسي كان عل يبعد خطوات من مقر عملي ما قدرت اسرق عشرة دقايق .. لا انكر يا استاذ اننا قبل فترة اتلاقينا في منزلكم العامر لي امر ضروري والكلام قبل اكتر من سنة ولاحظت انو الوجود كان ضعيف نسبة للظروف العمليه .. احب اوضح أنو المسالة ما هي ابعاد شخص معين لعدم رغبتنا فيه لكن معظم الاخفاق بيكون لعدم المقدره علي توجيه الدعوة بشكل اوسع بين البورداب احيانا ، واحيانا لتخلف العضو المدعو باسباب هو اعلم بها...اخر مرة يا استاذ حسن الملك في احتفالنا بي صديق الموج طرحنا تسليم مهام دورة جديدة للاعضاء خلفا لدورة الخال ومحمد الشيخ ومعتصم ولما بدينا في الشروع في الانتخاب حصل الحصل .. من تعويم للمشروع واذكر انك كنت من المعارضين لفكرة الطرح في وقتها.. وارجو اني اوضح ايضا ان اي اجتماع بيتم وفيهو عدد كبير من العضوية بيتم التصويت والاحتكام للمجموعة المتواجده لانو اذا قلنا نجمع كل المجموعة ده من المستحيلات والدليل علي كده انتخاب الأستاذ ابوجهينة تمت الموافقه عليه من قبل المجموعة المتواجده في حفل دكتور سجيمان حتى انا ومعتصم ووليد لما وصلنا كان الامر منتهي لكن تاكيد الجميع وتأمينهم علي الاستاذ كان كافي ومقنع وليك حق الطعن إذا حبيت بس علي شرط تكون ملتزم معانا في كل التبعيات المتعلقه بالمجموعة..

Quote: لماذا لم تجلسوا وتكرموا صلاح قوش ؟؟؟ وهل كانت اللجنة التي قابلت العميد محمد حامد جمعة في الرياض مفوضة من قبل لجنتكم التي لم نسمع عن اعضائها البورداب؟؟ ام مقابلات شخصية ..بإسم البورداب ؟؟؟

يا استاذ جيب صلاح قوش وجيب موسي هلال وتعال اقعد معانا ونقعد معاهم كلنا واذا كانوا بقدروا علينابنكرمم عوجه مافي ...
اما ما يخص محمد حامد حمعه احب اشير إي انه المساله ما كانت ليها اي علاقة بالبورداب وتمت تحت ظروف مختلفه الاولي تتعلق بمؤتمر مكافحة الارهاب وقابلهو عدة اشخاص بناء علي طلب شخصي منو وانا ما كنت حاضر لضيق الوقت في المرة التانية كان الظرف عملية جراحية والد الأخ بدري واجتمعنا في بيت الأخ بدري وكان محمد جمعه حضور من ضمن المجموعة واصدقاء لإسرة بدري واصدقاء لنا من خارج البورد حتى الحوار البسيط البديناهو مع الأخ محمد حامد جمعة ما كان ليهو علاقة ببورداب الرياض وانما كان مجموعة من الاسئلة تتعلق بالظروف المتعلقه بالمرحلة نفسها وكانت هناك اتصالات من عدة اشخاص بورداب فيهم البنعرفهم وفيهم الما سمعنا بيهم الا من خلال البورد هنا وطلبو مقابلة الأخ محمد حامد إلا انو الزمن ما كان مساعد نسبة لظروف سفرو في نفس الليلة ، وكان طلب وقتها الأخ محمد حامد جمعه مقابلة بورداب الرياض في شكل مجموعة لكن الزمن ما اسعفنا أو بعض الاعضاء رفض الفكرة لاسباب تتعلق بيهو .. ومعليش يا استاذ حسن الملك غايتو المجموعه الحواليني من بورداب الرياض والتعددية الحزبية والافكار المختلفة ورجاحة العقل الفيهم .. وجدية خلق واقع افضل ..بعتقد انو مافي مانع انها تجتمع مع ( ابليس ) زاتو وتاني يوم بتلقي ابليس فاتح ليهو بوست فوق بيأكد فيهو انو ح يخلي الحاجات البيعمل فيها دي ..

Quote: وماذا نرمي من تكريم بعض القادة ؟؟ وهل هي ارساء قاعدة لكي نكرم كل من له علاقة ببورداب الرياض (مجاملة) ؟؟ او لسنا كلنا تحت مظلة بورداب سودانيزاون لاين... وهل سوف يبارك لنا الاخوان واهل البورد ان نكرم علي عثمان طه نائب الريس عند حضوره في الشهر القادم.. واذا كان ردكم ايجابا فانا ملتزم باحضار زعيم الجنجويد موسى هلال وتكريمة تحت مظلة سودانيز اون لاين ليس حبا فيه ولكن كراهية في تصرافات البعض من بورداب الرياض .. وختاما انا موافق تماما علي ان اكون من ضمن من يلتقون بالقنصل فوظيفته رسمية تمثل قومية السودان وليس النظام الي ان نعرف منه ......حدود صلاحيته التنفيذية من اسئلة البورداب

اتمنى انو الأستاذ ابوجهينة أو اي عضو اخر يجي يتم باقي تساؤلاتك لاني حاسس اني صرفت كلام اكتر من اللازم وإذا لقيت طريقة بدخل تاني ونكمل باقي الحوار..
محبتي للجميع

(عدل بواسطة tmbis on 05-07-2005, 04:06 PM)

Quote: اما عن االجتماعات التي ذكرتها فلم ادعى لها ليس هنالك دعوات توزع ولكن كل البحصل بنفتح يوست والناس تتنادى وتتجاوب مع البوست..هذا ما يحصل يا صلاح اما حديثك لاننا خارج سرب سودانيز اون لاين فمن اين اتيت بهذا الحديث اتيت به لانك لم تلبى اى نداء من كل الاحداث ولم تشارك فى اى من الفعاليات التى قام بها الاعضاء الملتزمين واجتمعنا وقررنا ذلك كمؤسسة،،،، اما عن التحدث باسم سودانيز اون لاين في المحافل فمن الآن تأكد باني ساتحدث باسم سودانيز اون لاين ما اراه مناسبا وهذا المنبر انا لم اقل لك لاتتحدث باسم سودانيز اون لاين ولكن لاتتحدث باسمنا نحن والغريبة ياغريبة انت لاتتحدث باسم سودانيز اون لاين والا لقبلناك معنا انت تتحدث باسم السفارة فى كل مرة .الا اذا كان هناك منصب مندوب دائم للبورداب يالسفارة ولنلتقي في نفس سياق الحديث لاحقا

Quote: والحقيقة نحن نبارك هذا ولو سماعيا ولم نحتج ابد ... وناسف حتى لو يوجد قصور في الناحية المالية مننا لاننا لم نطالب

Quote: الشيء الثاني: أي إشتراكات هذه التي لم التزم بها؟ إشتراك في شنو يعني؟

Quote: ((ومشكلتى يا حسن انا صريح لدرجة السذاجةيعنى اسمع انت وهاشم وغريبة وكرار رفضنا لكم لانكم غير ملتزمين خصوصا فى تسديد الاشتراكات والمال هو عصب اى حاجة))

Quote: بعدين خليك مهذب شويه في حكاية الفلوس ديه وبالذات مافيش حد رفض يدفع استحقاقاته من البورداب

Quote: والله أول مرة أعرف أنني نائب رئيس ،،، أنا اعتذرت عن دخول اللجنة نظرا لمشغوليات عديدة ، وقبل الاخوة اعتذاري ، ولا أعلم لم أدرج اسمي هنا كنائب للرئيس ،،، ومرة أخرى أكرر اعتذاري عن أي تكليف نظرا لأنني مشغول حتى آخر ثانية ، في الصالحية ، والملتقى السوداني ،،،،

Quote: وحسن الملك وهمّام

Quote: أجمل الأمنيات في لقاء القنصل.. بس ما ترجع بعدين تقول همشوني ! خليك رافع صباعك من هسه لغاية ما تدخل بيت أبو جهينة.. تحياتي

Quote: عرفت يا شاطر ليه رفضنا عضويتك فى التنظيم...

Quote: بعدين بخصوص (العضويات) يا صديق . معلوماتك بايتة خالص!!

Quote: العضويات:ده انجليزى يا مرسى،،،،،

Quote: عندما كنت اكتب في هذا البورد كان ود الموج يحمل مكرفون صغير ويخطب خلف مقابر العود لبعض الاحياء من اصحاب الدماء النوبية النقية (ارجع للبروفائل)!!

Quote: و بهذا الرد أعلاه يا صديق ، بقى ما عندك سالفة على قول أخوانا السعوديين... أي ما عندك إجابة على السؤال الأساسي للموضوع