كتب الكاتب الفاتح جبرا المتوفرة بمعرض الدوحة
|
Re: الرقصة القومية (Re: Tagelsir Elmelik)
|
هــالو تي أس ماليك..
كالعادة بتكتب عن حاجات بنمر عليها كلنا مرور الكرام وناخدها من المسلمات وعمرنا ما وقفنا فيها..
طبعا الليلة ذكرتني الرغيف باللبن أكلتنا المفضلة وإحنا صغار.. وكان لي منه سنين.. غايتو لو دايرنا نتعامل معاه كـ (ديزرت) في مطعم لازم نعمل ليه محسنات وإضافات زي الجوز واللوز واللذي منه مع دخيلو الفرن لمدة 5 دقائق حتى يسًمر الرغيف.. حقوق الوصفة للعبدة لله لو سمحتا .. أمي بتابع قناة إسمها (فتافيت) بتاعت طبخ.. فيها كل الطباخين أصحاب الأسماء: جوني أوليفر (ذا نيكيد شيف)، وأميرل أجاسي، وجيادا دي لورينتس (إيفري داي ايتاليان). أها معظم الأكلات البيعملوها وبدوها أسماء بتاعت لوردات وكونتيسات هي أكلاتنا البنعرفها وناكلها بأسماء تانية.. وحاتك بياكلو الكمونية زيهم زينا وبيزيدو علينا أكلهم للحم النًي. والعجب الحجارة (القواقع واللابوستر).. يعني إحنا لو ختينا الرحمن في قلبنا برااااحة ننافس بأم رقيقة الخفيفة الزي (ريالة الديك )، والتقلية بألوانها المختلفة (بني، برتقالي واخضر ).. .. ما عارفة. لكن حاجاتنا وأكلاتنا السودانية ما بتنفع إلا لينا.. وحتى وليداتنا الإتربو برة السودان ما بتتخارج معاهم. أنا الكبيرة دي بتصدم من طريقة أكل بعض الأصناف.. يعني ما تتخيل فضلت ليومين أستوعب كيف العصيدة والقرًاصة بيتأكلو بالإيدين؟!! وما حأقول ليك باكل الكسرة بي شنو..
عندك حق في إننا بنخجل من أكلاتنا. لأنك مهما حاولت تشرح بتتعمل كيف لزول أجنبي ما حتقدر. فبنختصر الطريق ونغيًر..
بالمناسبة زملائي المصريين الكانوا معاي في دارفور إتصدموا من إسم ملاح التقلية (بالدارجة السودانية).. وأصبح الإسم مادة للتندر خلًت العرق الجعلي يكون في حالة غليان مستمر.. أها نبقى في جنس ده..؟
لك من الود الكثير
راجا أبًاسي
|
|
|
|
|
|
|
العنوان |
الكاتب |
Date |
الرقصة القومية | Tagelsir Elmelik | 05-18-07, 03:47 AM |
Re: الرقصة القومية | Emad Abdulla | 05-18-07, 10:33 AM |
Re: الرقصة القومية | Adil Osman | 05-18-07, 11:01 AM |
Re: الرقصة القومية | غادة عبدالعزيز خالد | 05-18-07, 11:39 AM |
Re: الرقصة القومية | Ishraga Mustafa | 05-18-07, 12:32 PM |
Re: الرقصة القومية | Tagelsir Elmelik | 05-18-07, 09:20 PM |
Re: الرقصة القومية | Raja | 05-18-07, 02:42 PM |
Re: الرقصة القومية | Tagelsir Elmelik | 05-18-07, 07:34 PM |
Re: الرقصة القومية | Tagelsir Elmelik | 06-18-07, 09:45 PM |
Re: الرقصة القومية | ibrahim fadlalla | 06-19-07, 09:50 AM |
Re: الرقصة القومية | Tagelsir Elmelik | 06-19-07, 03:10 PM |
|
|
|