|
|
 Re: عبدالمنعـم سليمـان ... تجليات صحفيـة رائعـة.. (Re: عبد المنعم سليمان)
|
RED]
• أنا سمعت أو قريت في الحقيقة في جريدة قوون انك كنت مواطن مثالي في قطر؟
• أيوة .. وكرمتني الدولة هناك والفيفا .. واختارتني بناء على ده جريدة قوون الشخصية المثالية السودانية سنة 1995..
• دي بقى قصة لازم نسمعها ؟
• سنة 1995 أقيم في الدوحة كأس العالم للشباب بدلا عن نيجيريا والناس كانت بتترقب نجاح الدولة القطرية في تنظيم الاحتفالية دي نسبة لضيق فترة الإعداد وباختصار شديد يا خليفة الحاجة العملتها أنا بفتكر إنك بتعملها وأي سوداني نزيه بعملها .
• اللي هي شنو ؟
• لقيت شنطة جنب عربيتي وفيها 600 ألف دولار ومعاها بطاقة صادرة من اللجنة المنظمة لكاس العالم للشباب باسم رئيس دولة شيلي وبعد دوران بالعربية لمدة نصف ساعة كان فيها حوار بيني وبين الشيطان إنتصرنا عليه في النهاية ـ وأنا دائما بغلبه ـ مشيت سلمت الشنطة بما فيها وفي فترة قياسية وبعد بلاغ رئيس البعثة بي 3 دقائق بس ، فاعتبروا ذلك سبب من أسباب نجاح دولة قطر في تنظيم كأس العالم للشباب ..
• ووصل كيف هنا ؟
• جريدة كان مراسلها الفنان محمد السني دفع الله من الدوحة وبعدما نشرت الصحف القطرية صورتي والتكريم عمل معاي لقاء ونشرتو جريدة قوون .... وطبعا نشرهم للحوار في حد ذاتو تكريم ..
• أنت الآن وسط مجتمع متحرك كيف تصنفه ؟
• أنا عندي قدرة على العيش في كل المجتمعات وبفتكر إنو الناس البرتادو أماكن المثقفاتية ناس ما طبيعين ..
• أشرح ؟
• مثلا يقولوا ليك في ندوة عن (تأرخة الجغرافيا وجغرفة التاريخ) أو ندوة (إشاعة الفضيحة في جسد النص) .. إنت فاهم حاجة يا خليفة ....
• طبعا أنا في البداية قلت علاقتي بيك بدأت بحوار مع د. آمنة ضرار إذا أنت سياسي رغم نكرانك لي ده في البداية ؟
• أنا علاقتي مع د. آمنة علاقة قرابة وجهة..
• وحزب ؟
• لا .. إقليم ..وآمنة بتعبر عن قضايا الشرق بشكل حقيقي ويعيبها المثالية والصدق كالصادق المهدي في زمن قلت فيه هذه القيم .
• إنت بتصر على إنك ما سياسي ؟
• أنا منتظر الحاج وراق يسلك أو يؤسس أو ينضم لحزب سياسي لأكون خليفة له ..
• الحاج وراق كان شيوعيا ثم أسس حق ولم تنضم إليه ؟
• كنت خارج السودان وأنا عرفت الحاج وراق قريب وعرفت جوانبه القيمية والأخلاقية وهو راجل وحدوي ومتدين جدا ويؤمن بالديمقراطية الاجتماعية وهذا ما ا}من به أنا ..
• وياسر عرمان صاحبك ؟
• يا سر ما صاحبي ، لكن أتمنى أن يكون كذلك ، صحيح اتقابلنا عدة مرات وهو برضو رجل وحدوي وشجاع وخلوق وحقق كل أهدافه في تحديه المجتمع وهو الآن في القصر رغم إنه المجتمع كلو كان ضدو ...
• رايك شنو في خروج ياسر الحالي ؟
• ياسر راجع .
• كيف ترى السودان مستقبلا ؟
• عندما يترك أهل الانقاذ معالجة الامور والقضايا الحقيقية بالطرق الأمنية ويتم الاعتراف بالآخر في ذلك الوقت سيكون السودان من أعظم دول العالم وأنا متفائل جدا بمستقبل السودان ..
• بتكره منو من السياسيين ؟
• بكره نيال بول رئيس تحرير (سيتزن) والطيب مصطفى رئيس مجلس ادارة (الانتباهة) ..
• ليه ؟
• لأنهم قاعدين يدخلوا مشاكلهم النفسية في انهاء حياة مجتمعية عريقة باثارة النعرات العنصرية والكراهية وسط الشعب السوداني السمح .
• وبتحب منو من السياسيين غير الصادق المهدي طبعا وآمنة ضرار ؟
• (سكت طويلا) أديني فرصة أفكر ..
• ملحوظة : إنتظرته طويلا شرب خلالها 2 شاي ولم يتكرم بالاجابة بعد وما زلنا ننتظر ..
• من أقواله :
• إنفقـوا من العمارات واللانكروزرات لتشملكم الآية (لن تنالوا البر حتى تنفقوا مما تحبون) .
• جون قرنق والحاج وراق ومصطفى سيد أحمد هي شخصيات عظيمة لن تتكرر في تاريخنا .
إنتهـى الحـوار ...
|
|
 
|
|
|
|
|
| العنوان |
الكاتب |
Date |
| عبدالمنعـم سليمـان ... تجليات صحفيـة رائعـة.. | حسين يوسف احمد | 02-04-07, 05:15 PM |
| Re: عبدالمنعـم سليمـان ... تجليات صحفيـة رائعـة.. | عاصم ابوبكر حامد | 02-04-07, 05:24 PM |
| Re: عبدالمنعـم سليمـان ... تجليات صحفيـة رائعـة.. | حسين يوسف احمد | 02-04-07, 05:31 PM |
| Re: عبدالمنعـم سليمـان ... تجليات صحفيـة رائعـة.. | حسين يوسف احمد | 02-04-07, 09:48 PM |
| Re: عبدالمنعـم سليمـان ... تجليات صحفيـة رائعـة.. | بهاء بكري | 02-04-07, 10:21 PM |
| Re: عبدالمنعـم سليمـان ... تجليات صحفيـة رائعـة.. | حسين يوسف احمد | 02-05-07, 10:30 AM |
 Re: عبدالمنعـم سليمـان ... تجليات صحفيـة رائعـة.. | lana mahdi | 02-05-07, 10:23 AM |
| Re: عبدالمنعـم سليمـان ... تجليات صحفيـة رائعـة.. | حسين يوسف احمد | 02-05-07, 10:47 AM |
| Re: عبدالمنعـم سليمـان ... تجليات صحفيـة رائعـة.. | عبد المنعم سليمان | 02-05-07, 01:17 PM |
| Re: عبدالمنعـم سليمـان ... تجليات صحفيـة رائعـة.. | حسين يوسف احمد | 02-06-07, 11:49 AM |
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حسين يوسف احمد
فيس بوك
تويتر
انستقرام
يوتيوب
بنتيريست