صوت يملي المكان جمال و طرب بصورة نادرة و فريدة و متفردة، الغناء في مكان مفتوح بحتاج لتقنيات و تجهيزات صوتية ما متوفر عندنا.. اتوقع انه بعض الناس سوف يعتبرون ان صوت محمود ضعيف اليوم لكني اعتقد ان التسجيل صورة و صوت ضعيف لحد كبير.. هنا بنشوف اصغر الفنانين الهواة لا يغنون الا بمعدات متكاملة و توزيع مدروس للسماعات حسب نوع الصالة او المسرح المكشوف الذي يغنون فيه..
09-21-2009, 10:02 PM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
تعرف يا نصار لي ساعة بساسق عشان ارفع ليه بوست غني النت في السودان ما نافع بتعريفة كضب في كضب حودة بالجد فنان وفرصه ضايعة تتشل الايد الدقته يوم،ويسلم زولنا الجميل ده من كل اذي ولو في عيد حقيقي يبقي عودة حودة بشكله القوي ده تعرف لما غني بعد الغياب والسنين المرة حسيت بيه زاغ من دمعة ونحن ذاتنا زغنا وبعد الغياب عاد،عوداً حبيبا مستطاب هو سلطان طربه ده سلطان نصاح؟؟؟
بنحبه كدة وكجمهور ذنبه مغفور لينا مهما عمل
كل سنة وانت طيب نصار
09-21-2009, 10:55 PM
نصار
نصار
تاريخ التسجيل: 09-17-2002
مجموع المشاركات: 11660
العزيز قمر بوبا و انت طيب و سعيد محمود فنان فلتة من اروع الاصوات المرت علي الفن السوداني علي مر التاريخ مجتهد في فنه و ظاهر انه علاقته حميمة مع اعضاء فرقته الموسيقية تحس بيهم كأنهم هم اكبر معجبيه و بختوا احساس عالي جدا في عزفهم معاه حكاية جلده و مضايقاته هي استهداف واضح لانه محمود البلاقوهوا دا زول عنده موقف منهم رفض يبيع ليهم موهبته و يجير اعجاب الشباب بيهو لمصالحهم، و الا فلماذا يتم التركيز عليه من دون بقية الفنانين و غير الفنانين البعملوا السبعة و زمتها؟...
09-21-2009, 10:55 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
محمود ما قصرت .. لكن ...!!! ناس القناة الأولى ما عندهم طريقة لى مسرح صالة مغلقة طالما الصوت قام ( إتشتت) كده ..؟؟؟ صوت بقول إنو إشاعة تقدمنــا تظل في إفتتاحيات الصحف .. وهتاف ( النفعنجية ) ... مسرح البلد مافيهو ساوند وتقنية صوت حيث يتم التسجيل بصورة لا تظلم الفنان .. ....... وانت يا سيد ناجي أوعدكـ إنو نكوِن ليكـ لجنة من الناس ( البيعرفوا الحاجات ) .. من داخل الحوش ده !! ( وما تستهين بيهو ) .. أها ناس اللجنة ديل يقوموا يفتشوا ليكـ عن وظيفة تانية تاكل منها عيش لأنو والله حرام عليكـ .. الله بسألكـ عن راتبكـ البتاخد فيهو ( قلع ) ده !!! عليكـ الله طريقة معاملتكـ وأسئلتكـ لي محمود دي ما قلع ؟؟؟
>>
>> أستاذ نصـــار إزيكـ
09-22-2009, 05:37 PM
نصار
نصار
تاريخ التسجيل: 09-17-2002
مجموع المشاركات: 11660
مرحب عمران اها تالتة العيد التلفزون ما طالع من طوره و جايب سهر تقارب تايومين الاوائل؟ يا عمران اخوي ان سكتنا علي كلمة استاذ دي يوم يجوا يزرزرونا فيها زي زرة كرار التهامي لوووول نحنا ملح الارض اسع ما شايف المثقفين و الاساتذة الجد جد بترفعوا من سيرة محمود و بيروا فيها انها امر البسطاء؟
09-22-2009, 06:39 AM
انس التوم احمد
انس التوم احمد
تاريخ التسجيل: 10-25-2007
مجموع المشاركات: 336
مرحب بيك انس التوم احمد و كل عام و انتم خير الظاهر انك حامل لواء معجبي _حودي_ في المنبر فرحة الحضور في المعتلية وجههم في المسرح القومي انتقلت لينا عبر الاسير و جاتنا في منافين البعيدة محمود يميزه اضافة للموهبة النادرة انه ممكن يهمل في نفسه لكن انتاجه الكمي و النوعي يؤكد انه بيهتم بفنه
09-28-2009, 08:31 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
Quote: اسع ما شايف المثقفين و الاساتذة الجد جد بترفعوا من سيرة محمود و بيروا فيها انها امر البسطاء؟
وعشان أنا زعلان حقيقي انو ما سمعت محمود من زمان بحجج وأوهام ما ليها علاقة بالفن والجمال فوالله أتمنى من ناس كتار يجوا يسمعوهو .. خاصة ناسنا البرة السودان والما لاقين شرايطو واليوتيوب غير كافي .. تعرف يا نصار : عندي رغبة شديدة أقوم أختار أجمل ما غنى محمود من خلال الشرايط واحولوا إلى ملف كمبيوتري MP3 هدية عشان البحسوا بالموسيقى والصوت يلحقوا يسمعوا محمود . رايكـ شنو نشوف كيف غنى محمود غنا التانين :
_______________________________________________ رد متأخر بعض الشي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة