|
ناس الصحافة عيدكم سعيد ....
|
وانشاء الله كلكم تامين ولا مين وربنا يحقق كل الامانى الممكنة والمستحيلة
من 15 لييييييين 42
ابو عبيدة ، عيدروس حجر ، ابو الحسين ، معتز الامين ، طارق الامين عثمان سيداحمد ، عادل جبارة ، حيدر قاسم ، عمر التوم ، معاوية محمد احمد عجوز ، الموصلى ، فوزى عبدالفتاح ، علاء حيمورة ، عماد حيمورة انعام حيمورة ، اشراقة حيمورة ، جمال السنوسى ، منصور عبدالرازق مهند حيمورة ، الصحافة 30 ، غباشى ، عمر عبدالسلام و كبسيبة
ما اكون نسيت لى زول
وينكم انتو الطال غيابكم العيون تسألنى منكم والقليب بيقول حبابكم
|
|
|
|
|
|
|
|
Re: ناس الصحافة عيدكم سعيد .... (Re: كمال حسن)
|
اووووووه كمال
كل سنة وانت طيب وعيد سعيد
معليش نسيتك مع انك جارنا ( هيته بالهيته )
كمال يا حبيب رغم انو لينا سنين ما اتلاقينا لكن ليك مكانة خاصة فى القلب لانك صديق المرحوم اخى عبدالغنى سيداحمد من ايام الابتدائى شفت الدنيا دى ضيقة كيف .....
وبرسل تحياتى عبرك للاخوان امير وازهرى واسامة حسن على وياسر فضل وكللللل 22 وسلام خاص لصاحبك الخير محجوب
لسه بتقيف حارس ولا تركت الشغلانة
مع انو الفاضل الملك كان بقول عليك حارس تعبااااان ناس حاقدة تقول شنو بس اصو ناس الشبيبة كدا
ودمت ودام الود بيننا
| |
|
|
|
|
|
|
Re: ناس الصحافة عيدكم سعيد .... (Re: طارق جبريل)
|
محطة سبعة شنو بالله التراب يغطس الرجلين فيها شنو غير ريحة الجداد والباسـطة ...
كدي اشوف واحد من الامتداد قاعد جمب خور جانقى
عشان ارشوووو ليكم بموية المطره
كل سنة وانت والامتداداب بخير يا طارق
| |
|
|
|
|
|
|
Re: ناس الصحافة عيدكم سعيد .... (Re: طارق جبريل)
|
وعيدسعيد لكل القلتهم والما قلتهم عيد الامتداد البيبكى طارق جبريل يا ربى حا يعمل شنو فى عيد الصحافة الخلى عبد الدائم النضيف ينسى جارهم (الهيتة بالهيتة ) ما نفسكم فى زلابية بى شاى لبن فى محطة سبعة ولا صلاة العيدفى ساحة المسجد ولا فطور العيد الصباح بى عصائده وسكسكانياتو فى برش الصلاة كل سنة وانتو طيبين
| |
|
|
|
|
|
|
Re: ناس الصحافة عيدكم سعيد .... (Re: طارق جبريل)
|
الأخ عبد الدائم ياخي قلبت المواجع علي مجددا نسأل الله أن يعوض أخي عبد الغني شبابه الجنة ببركة هذه الأيام المباركة ولا نزكيه على الله فهو كان من المصلين في وقت ندر بين الشباب حينها من هم كذلك
Quote: وبرسل تحياتى عبرك للاخوان امير وازهرى واسامة حسن على وياسر فضل وكللللل 22 |
لي أسامه وصلتها حار حار التحايا لأنو إتصل علي قبل دقائق قليلة أما أمير طبعا في هولندا وأزهري إستقر في السودان ليه كم سنه كده وياسر طبعا مفروض يكون في بلدكم بس ماعارفو في جده والله الدمام والله الرياض
والله الخير لي زمن منو طويييل خلاص
Quote: لسه بتقيف حارس ولا تركت الشغلانة
مع انو الفاضل الملك كان بقول عليك حارس تعبااااان ناس حاقدة تقول شنو بس اصو ناس الشبيبة كدا
|
ياخوي حارس شنو نحن بقينا لم نتفرج فيها ساكت نفسنا بيقوم تعرف الفاضل بالذات ما ممكن يكون قال كده اصلي كنت بقطعها ليهم في حنانهم وبعدين ناس الشبيبه ديل بالذات أنا كانت تماريني معاهم بي صوره شبه يوميه (ده بعد مشيت الخرطوم 3 ما زمن المشترى لأنو الحساسيات كانت شديده بينات الشبيبه والمشترى)
بالله ألقى عندك أخبار خالد إدريس والله تلفون ليهو في السعوديه
وتسلم ياحبيب
| |
|
|
|
|
|
|
Re: ناس الصحافة عيدكم سعيد .... (Re: Alsa7afa_30)
|
الأخ العزيز أحمد خـــ(د)ــــــر ويييينك يا مان، والله موشتاقييين يا ابو رزان شايفك قاطع الحركه كلو كلو، شكلك غنيييت يا غتيييت
Quote: يا كمال الحاله دى قبل ولا بعد ضعف النظر سلامات يا حبيب وعيدكم سعيد |
تعرف يا بوحميد النظر ده من الحاجات القلايل (بحمد الله ) الما إتأثر بالسنيوات يعني أنا نظري حديد بس والله اليومين ديل شكلي ناوي أجك مع فريق المدينه ساكِّينّي (شوفت كيييف ) قالو عندهم حارس واحد وما عندهم إحتياطي (شووف وصلنا وين ياخي) واصلو أخوك داير تمارين حركه لأنو حركه تب مافي البيت المكتب، المكتب للبيت عموما الله يكضب الشينه نقدر نتم التمرين في الأول
| |
|
|
|
|
|
|
Re: ناس الصحافة عيدكم سعيد .... (Re: كمال حسن)
|
عن اذنك يا صاحب البوكس
Quote: شايفك قاطع الحركه كلو كلو، شكلك غنيييت يا غتيييت |
عيان شديد اليومين ديل الام مزمنة فى الجيوب
كمال تحياتى لى ناس الصحافه البى طرفكم والبعاد اسامة وابو كرفتة والبقية
| |
|
|
|
|
|
|
Re: ناس الصحافة عيدكم سعيد .... (Re: ahmed khidir)
|
Quote: انشاء الله كلكم تامين ولا مين وربنا يحقق كل الامانى الممكنة والمستحيلة
|
عبدالدائم سيداحمد كل عام وانت بخير شكرا ليك عشان اتذكرت احبابنا في الصحافة الجميلة امنياتي لكل اهل الصحافة بطول العمر والتقدم وكل سنة والجميع بالف خير
| |
|
|
|
|
|
|
Re: ناس الصحافة عيدكم سعيد .... (Re: omer abdelsalam)
|
Quote: ابو عبيدة ، عيدروس حجر ، ابو الحسين ، معتز الامين ، طارق الامين عثمان سيداحمد ، عادل جبارة ، حيدر قاسم ، عمر التوم ، معاوية محمد احمد عجوز ، الموصلى ، فوزى عبدالفتاح ، علاء حيمورة ، عماد حيمورة انعام حيمورة ، اشراقة حيمورة ، جمال السنوسى ، منصور عبدالرازق مهند حيمورة ، الصحافة 30 ، غباشى ، عمر عبدالسلام و كبسيبة
ما اكون نسيت لى زول |
غايتو يا عبد الدائم اتلومت وسفيت التراب اسمي وين مع العالم ديل؟؟؟؟
Quote: ناس الصحافة عيدكم سعيد |
يعني مقالاتي دي كلها ما شفتها؟؟؟ (وش مقبوض للرقبة)
| |
|
|
|
|
|
|
Re: ناس الصحافة عيدكم سعيد .... (Re: Sidgi mattar)
|
حبيبنا النضيف ... تسلم وتتبارك, يا سلام عليك ياخ, جبت لينا سيرة حلوة وعطرة, إنها الصحافة الباذخة المنيفة, حاجة ما تخلص, قعدت فيها تمانية شهور وما أزال أشتاقها, فهي أمنا الرؤوم وحاضنة تاريخنا ونشأتنا وأنساق حياتنا وتفاصيلها المجيدة.
الصحافة تتجمل من ذاتها كل يوم وتنفح أريجها وتمد أيدها لكل محبيها وقاصديها. فلنفرح لكوننا من صميم أبنائها, فقد إزدانت هويتنا بصحافتنا... وترصعت أكتافنا بشرف الإنتماء إليها ... نياشين وأنواط جدارة وفرحا وحلما وحنوا ... فلتعش غراؤنا شماء.
شكرا أولاد وبنات الصحافة, فتواصلوا من هنا وكل سنة وإنتو طيبين.
مع عاطر مودتي
| |
|
|
|
|
|
|
Re: ناس الصحافة عيدكم سعيد .... (Re: HAYDER GASIM)
|
يا غباشى ترررم يا غباششششى ما للهوى بلدوو .... كل قلب فى حماهو الحب ... تررررم
زوول مبسووووط منك عشان عيدت فى الصحافة والله بختك اكل لي منقة عليك الله من السوق المركزى وما تكتر من الخبيز
يا ريت تكون قاعد لحدى العيد الكبير عشان تقابل
سلامى لاى زووول يقابلك فى السكة
| |
|
|
|
|
|
|
Re: ناس الصحافة عيدكم سعيد .... (Re: HAYDER GASIM)
|
الحبيب حيدر قاسم
اتعملنا من ريدك .... نحب الصحافة ونريدا
وما اصلو البزورو الريد حب الناس بزور قلبو
كل سنة وانت وعم قاسم والاسرة بالف خير وكل 23
اتاريك كنت مسجل شبه غياب عن المنبر فى الفترة الماضية وحلال عليك التمانية شهور ,,, وتسلم يا غالى
| |
|
|
|
|
|
|
Re: ناس الصحافة عيدكم سعيد .... (Re: عبد الدائم سيد أحمد)
|
Quote: وعيدية خاصة لأبناء الصحافة العظام من سبعة ولحدي الحزام |
ياعبودي الناس زمان تغني الليل الليل ياجمال الليل تحي الصحافة صحافة العظام من حد سبعة للحزام في خط سته لعبنا باص وجبنا القون شتتناهم زي الرصاص ولو اتقابلنا بسمعك ليها في شريط جلسه بجده مع اولاد الصحافة سنة 1996م وعطر الجلسه اخونا احمد عجوز بدرر الحقيبه ومن هذه الجلسه عرفت ان ناس الصحافه بتسمع غير عثمان حسين وناس بتسمع غير البلابل ..ها ها ها اولاد الصحافة ومُنذ بداياته شباب متفتح ومتجمع ومتفق على فعل الخير وماتنسى كمان ناسهم حلوين والجكس نضيف زي ماقال طارق جبريل وكنا نغني بقيادة فرفور بدلوكة في احدى مربعات الصحافه الحلوه اوصافها تقوم بينا العربيه تودينا الصحافة يالنضيف للما بعرف الصحافة الصحافة وتر (عمر حيمورة ) وكفر (طارق بشير وطارق كادوسه) كل سنه وانتم طيبين وبجيك صادي واتكلم عن حي الصحافه
| |
|
|
|
|
|
|
Re: ناس الصحافة عيدكم سعيد .... (Re: وليد عبد اللطيف)
|
عبدالدائم - كيفنك وكل سنة وانت وجميع اهل الصحافة بخير .. فقدت الصحافة قبل أمس .. عمي العزيز الغالي .. محجوب على بلال .. والد خالد الصحافة المبدع .. وضياء الدين .. ومحمد .. وجاءنا العيد والحزن يخيم علينا .. رحم الله عمي وجعله من اصحاب اليمين ..
بت الصادق
| |
|
|
|
|
|
|
Re: ناس الصحافة عيدكم سعيد .... (Re: عفاف الصادق بابكر)
|
الاخت العزيزة عفاف الصادق
البركة فينا وفيكم فى عم محجوب ،،، الصحافة مربع 17 وفعلا" فقد جلل وربنا يجعله اخر الاحزان
والتعازى الحارة للاخوان خالد وضياء ومحمد
خالد زميلنا فى الجامعة واخ وصديق عزيز من ايام الزقازيق
كل سنة انتى والاسرة طيبين وعيد سعيد والقابلة على امانيكم
| |
|
|
|
|
|
|
Re: ناس الصحافة عيدكم سعيد .... (Re: عبد الدائم سيد أحمد)
|
يا ويلى كلامك صاح المفروض انا اكتبك من ضمن القائمة انت عندك العضوية من زمن بيت بنى مالك وميدان التراب والبلدية وابراهيم شكب والتوم الشين وعيييييك
بالله تعال اكتب انطباعك الجميل ، اول ايام معرفتى بيك افتكرتك من الصحافة سألت الشباب ( ده من آآندينا ) قالو لي ديل ناس بحررررى
وبحرى طراوة
كل سنة انت والاسرة بالف خير
| |
|
|
|
|
|
|
Re: ناس الصحافة عيدكم سعيد .... (Re: عبد الدائم سيد أحمد)
|
يا أبو البنوت الحلوات ممكن أشــــارك؟
طيب شكــراً ليك يا عبدو و كل سنة وإنت وأسرتك طيبين و دايماً تامين و لامين....
أتقدم لكل الأهل بالصحافة بأحلى الأمنيات بالعيد السعيد...
و إن شـــاءالله فريق الصحافة السنة دي في الدرجة الثانية....
أقول.....
يا طويل العُمر....
والله مشــتـاقين....
| |
|
|
|
|
|
|
Re: ناس الصحافة عيدكم سعيد .... (Re: Haytham Abdulaziz)
|
الأخ عبد الدائم وكل الصحافاب الحلوين كل عام وأنتم والصحافة بألف خير
ما تقول لي دا أسامة الطويل ود 22 ??????
ياخي سلموا ليه عليه كتير السلام
حليل أيام اللمات الحلوة مع ناس 22 وصديقي الغائب اسامة سيد أحمد، تحياتي ليه أينما كان في بلاد الله الواسعة
التحية لكل ناس الصحافة
| |
|
|
|
|
|
|
Re: ناس الصحافة عيدكم سعيد .... (Re: Ishraga Haimoura)
|
اشراقة بت ناس حيمورة
كل سنة وانتى والاسرة طيبين وعيد سعيد وربنا يحقق الامانى ويلم الشمل
ياهو كمال ود 22 وهو الان فى الجيرمنى اما اسامة نسألك ليك منو اراضيهو وين
تحياتى لكل الحيموراب وخصوصا" يوسف الخال واسرته فردا" فردا"
واقول ليك شنو .... السنة الجاية حبوبة يارب ... شفتكم ومعاك البنيه فى افطار بورداب الخرطوم ربنا يحفظها ...
| |
|
|
|
|
|
|
Re: ناس الصحافة عيدكم سعيد .... (Re: عبد الدائم سيد أحمد)
|
الأخت إشراقه حيموره تحيه طيبه وكل عام وأنتم بخير أسامه طبعا هنا في فرانكفورت ، وإتصلت بيه قبل دقائق ووصلت ليه تحاياكم، وسعد حقيقة أيما سعاده ، وكلفني برد التحية نيابة عنه بأحسن من تحيتكم ويتمنى لكم دوام الصحة وكمال العافية ويرسل تحياته عبرك للأخت منى وطبعا أسامه سيد أحمد موجود حاليا بأمريكا، إنقطع الإتصال به قبل وقت ليس بالطويل ولا أملك له حاليا رقم تليفون عموما تحياتي أنا الخاصة للأخوان خالد وعمر حيموره وكل أهل الصحافة على أمل اللقاء بهم جميعا في عيد الأضحى ـ الله يبعد العوارض - لقضاء الإجازة بين الأهل وفي رحاب الوطن الغالي
كمال حسن علي
| |
|
|
|
|
|
|
Re: ناس الصحافة عيدكم سعيد .... (Re: كمال حسن)
|
يا كمال صباحك طله الياسمين
ده ت خالد ادريس 00966553457690
انا اتصلت عليهو من شوية ولقيت معاهو جمال الكنزى ( كجه )
وقلت ليهو حيتصل عليك زول عزيز وما حددت ليهو الاسم
ودمت بخير
| |
|
|
|
|
|
|
Re: ناس الصحافة عيدكم سعيد .... (Re: عبد الدائم سيد أحمد)
|
الاخ عبد الدائم سيد احمد
وكل ابناء الصحافة
عيد سعيد وكل سنة وانتو طيبين
واهدي ليكم اجمل قصيدة لمدينة الصحافة
انتي يادرب الاماني
ياغنيوات المسافة
يانهايات المواني
وياصباحات الثقافة
نحن منك بسمة تمسح عن بحيرات الجفافة
نحن منك نبني مجدك مهرجانك ياصحافة
غير متاكد من الشاعر ولكننا كنا نرددها في كورال علي السيد الثانوية 89 -92
جمال على حسن
من مواليد واولاد شرق 38 منزل رقم 90
الصحافة
| |
|
|
|
|
|
|
Re: ناس الصحافة عيدكم سعيد .... (Re: جمال علي حسن)
|
اهلا" بناس 38
جمال ازيك وكل سنة وانت طيب والجميع بخير
كورالك رائع ويا حبذا لو قالوه معاك بنات مدرسة محمد ساتى ولا العروبة ولا اقول ليك الصحافة ميرغنى لالالا ياخى على السيد بنات ...... حولالالا يا جمال ايام لها ايقاع
يانهايات المواني المقطع ده ذكرنى زحمة المواصلات والميناء البرى العملوه جديد وضيع علينا ملامح حافلات الصحافة الزمان .... الواحد فينا كان بركب من الخرطوم وحافظ كل الوجوده من نمرة 3 مرورا بالديم والامتداد ...
تحياتى للجميع يا جمال وخليك قريب عاوزين نعمل لينا رابطة فى النت
| |
|
|
|
|
|
|
Re: ناس الصحافة عيدكم سعيد .... (Re: عبدالله كع)
|
عبدالدائم سيد أحمد
اسعد الله اوقاتك بكل خير ،،
وكل سنة وانت وكل ناس الصحافات بالف خير ،،
لكن يبدو انو الناس شوية ( مركلسة) ، لكن في انتظارهم حتى يدب فيهم
النشاط المعروفين بيهو..
وخالص التحايا..
| |
|
|
|
|
|
|
Re: ناس الصحافة عيدكم سعيد .... (Re: ahmed khidir)
|
اخـــوى الصغير معتز
كل سنة وانت طيب وربنا يحقق الامانى والقابلة على امانيك
تصدق انا قايلك بره السودان لانى ما بصادفك فى اجازاتى رغم انى فى شارعكم مع ( البايرين ) اشرف وفخرى ومعاوية
جعفر بخير وحنكون عندكم فى عيد الاضحى
سلامى لطارق وكل 22 والمربع الحلو القصادكم
| |
|
|
|
|
|
|
Re: ناس الصحافة عيدكم سعيد .... (Re: عبد الدائم سيد أحمد)
|
يا احمودى شكرا لصورة ولدنا اسامة وهو مبتهج وده دليل انو ناس الصحافة اساد الشي زاتا ...
صاحبك الرشيد مره حضر معاى حفلة فى مربعنا بفنان تعبان كده .. الفنان بغنى وقال امى وابوى مانعنى وشوف ليك ريدة تانى ....
الرشيد قال ليهو عليك الله زول كبير كده يقول امى وابوى مانعنى
وشكرا تانى على الطلة
| |
|
|
|
|
|
|
| |