|
|
 افراح عصام الليله اتكشفت
|
اغنية مشوار كلمات الرائع سيف الدسوقى
غناء البلابل..........
تغنت بها اليوم افراح فى ختام البرنامج ووضح انها
متواضعه فى الصوت جدا والحان الاغنيه اكبر من امكانياتها الصوتيه
يعنى بصراحه افراح اتكشفت وقدمت الاغنيه بصورة باهته
شديد ولاشنو؟ وماعرفت تختار العيديه التودع بيها الناس
|
|
 
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
عيدكم مبارك ..العام الماضي عندما استمعت اليها في نجوم الغد اعجبني صوتها جدا ثم لم اتابع حتي اتي اغاني واغاني فوجدت ان صوتها صار خافتا واحيانا بالكاد ان تسمعه... الليلة رغم ان الاختيار كان حرا الا انها اختارت اغنية لا تلييق بصوتها وامكاناتها .. لست متخصصا في الاصوات ولكن يبدو ان صوتها اصابه الترهل بسرعة وربما استهلكته خلال الشهور الماضية في حفلات كثيرة ...الخ اكييد ليس هذا الصوت الذي استمعت اليه العام الماضي وسجلته في اليوتيوب ولله في خلقه شؤون...
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
.
من المفترض أن يختار الفنان أغانيه على حسب درجات وطبقات صوته
وهذه المعلومة لا أظنها خافية على من ورائها
إختيار غير موفق تماماً
كأغنيات كثيرة تغنت بها خلال البرنامج
كل سنة وأنتم طيبين
| |
|
|
|
|
|
|
|
|
|
Re: افراح عصام الليله اتكشفت (Re: عبير خيرى)
|
من بداية البرنامج ... وأداؤها كان باهتاً .. وصوتها ضعيفاً جداً
حتى أنه في بعض الأحيان لا يبين ... ولا نستبين ما تتغنى به إلا لأننا نحفظ تلك الأغاني
رغم مساندة عاصم البنا لها في كثير من الدويتو الذي تشاركاه أكثر من مرة
لكنها أخفقت تماما ... رغم حضورها الطاغي في برنامج نجوم الغد
وكما قال أستاذنا الكبير سعد الدين ابراهيم في عموده في جريدة حكايات
أفراح لسة مخلوعة
رغم هذا نتمنى ان تطور من مستواها ... وان تترك لصوتها الحرية لينطلق
| |
|
|
|
|
|
|
|
|
|
Re: افراح عصام الليله اتكشفت (Re: فاروق أبوحوه)
|
مدثر قرجاج كل سنه وانت طيب
انت عارف من دخلت البورد ده انا حاسى بيك انك قريبنا
لكن تصدق بكلامك ده اثبت لى انو حواء وادم ما بلمونا
وامى قالت لى ناس قرجاج ديل من قرطاج وعندهم حبوبة من غورزنى
ونحن ما عندنا شغله بى الجهات ديك..
اها من يوم الليلة ما اسمعك تقول لى ياخال
وانا ماعافى ليك سمح،،،،
| |
|
|
|
|
|
|
|
|
|
Re: افراح عصام الليله اتكشفت (Re: محمد عمر الفكي)
|
كل سنة والجميع بألف خير,
حقيقة شاهدت حلقة الأمس وكل حلقات رمضان من برنامج "أغاني وأغاني" وللأمانة تعتبر أفراح عصام صاحبة المركز الأخير عن جدارة ولا توجد مقارنة بينها وبين نجوم الغد الأربعة. بعكس الرائع شريف خالد الفحيل الذي أثبت بانه قادم بقوة إلي عالم الغناء والطرب.
| |
|
|
|
|
|
|
|
|
|
Re: افراح عصام الليله اتكشفت (Re: Elsamani A.Malik)
|
Quote: كل سنة والجميع بألف خير,
وللأمانة تعتبر أفراح عصام صاحبة المركز الأخير عن جدارة ولا توجد مقارنة بينها وبين نجوم الغد الأربعة |
السمانى والله لو ما الدنيا كانت عيد كان نبذتك نبذ
ياحاقد يا حاسد يا راصد يا ما عندك زمة
ياجبان يامولق يا كعب ياكـ.....
احى منك الدنيا عيد ماقادر
لكن اصبر لى خلى الايام ديل يفوتن وتعال حايم بى جاى،،،،،
| |
|
|
|
|
|
|
|
|
|
Re: افراح عصام الليله اتكشفت (Re: صديق الموج)
|
Quote: السمانى والله لو ما الدنيا كانت عيد كان نبذتك نبذ
ياحاقد يا حاسد يا راصد يا ما عندك زمة
ياجبان يامولق يا كعب ياكـ.....
احى منك الدنيا عيد ماقادر
لكن اصبر لى خلى الايام ديل يفوتن وتعال حايم بى جاى،،،،، |
العزيز ود الموج,
إنت خليت لي شنو أسي؟ تم نبذك ساي.
كل سنة وإنت طيب, وإنشاء الله السنة الجاية أفراح فنانة كبييييرة يارب
دمت بخير وعافية
| |
|
|
|
|
|
|
|
|
|
Re: افراح عصام الليله اتكشفت (Re: Dr.Elsadig Abdalla)
|
انا ماعارف نجوم الغد من مابدأ حتي الآن لم يقدم أستار بمعني أنو إضافة للفن والمطربين ماعارف السبب شنو العداد أم الظهور في الأجهزة الأعلامية وطلب الجكس لأنو زمان من قبل البرنامج الكل كان بيظهر عبر مراكز الشباب وكانت خامات مثل الخالدي وعصام محمد نور وفيصل عبداللطيف وعمار السنوسي وحتي جيل محمود وجمال و نادر وعاصم البناء أسرة فنية متجددة ،لكن بصورة عامة الأمر بقي كتير وفقد مضمون الخامات الفنية وضروب الفنون كثيرة بجانب الغناء وهنا نقول لبابكر ركز شوية علي الأُخري عشان البرنامج يعود لرسالته السابقة وعن أفراح أخي مدثر والمتداخلين هي مازالت غضه ويلزمها الكثير بعيد عن التلميع الغير مُجدي ولكم ولها نسأل التوفيق.
أعزروني أن خرجت عن المطروح ولكن الحالة محتاجة لوقفه لكل البرامج المقدمة عبر وسائل الأعلام وبالمرئ خاصة
،،،،أبوقصي،،،،
| |
|
|
|
|
|
|
|
|
|
Re: افراح عصام الليله اتكشفت (Re: مجدي عبدالرحيم فضل)
|
Quote: وعن أفراح أخي مدثر والمتداخلين هي مازالت غضه ويلزمها الكثير بعيد عن التلميع الغير مُجدي ولكم ولها نسأل التوفيق.
|
الأخ مجدي
كل عام وأنت وأسرتك الكريمة بخير
أصبت كبد الحقيقة
إكمالاً لما بدأته في مداخلتي السابقة فأفراح (إذا ما أرادت الإستمرار بنجاح) فهي تحتاج لمن يأخذ بيدها من أساتذتنا الأكاديميين المختصين في الأصوات الموسيقية لتدريبها على زيادة مساحات صوتها الغنائي وتقنيات أسلوب إطالة النَفَس في الصوت بالإضافة للمداومة على تمارين أخرى تكنيكية تساعد في إخراج الصوت من الأعماق بقوة كتمارين (الفوكاليز) والتدريب الصوتي على التون (الصولفيج).
بالعودة لأدائها لأغنية البلابل (مشوار) فهي لم يحالفها التوفيق في الإختيار ربما لأنه حسب معرفتي المتواضعة فإن طبقة صوت البلابل (مجتمعين) يمكن تصنيفها بين الآلطو(Alto) والكونترا آلطو (Kontra Alto) وهما من طبقات الصوت النسائية القريبة للصوت الرجالي - لذلك نجد أن طلال حلفا لم يجد أي صعوبة في التغني بأغنيات البلابل - على عكس طبقة صوت أفراح التي تقع بين السوبرانو (أكثر الأصوات النسائية حِدَّة) والميزو سوبرانو (Mezzosoprano) الأقل حِدَّة من السوبرانو.
| |
|
|
|
|
|
|
|
|
|
Re: افراح عصام الليله اتكشفت (Re: علاء الدين صالح)
|
Quote: يعنى بصراحه افراح اتكشفت وقدمت الاغنيه بصورة باهته
شديد ولاشنو؟ وماعرفت تختار العيديه التودع بيها الناس |
ياودقرجاج
يعني شنو ياما في ناس زيها مشت ومثلت السودان في الخارج
بعدين ديل البلابل ..البلابل وسبق صاحبي فرفور
عمل ليهم شريطين مع بشير عباس نفسه ولم ينجح
ولكن نقول
انا في شخصك بحترم اشخاص === وطبعا عندي احترامك خاص
وعشان خاطر الرجل الفنان صديق الموج ممكن نستمع ليها.
__________________________
ياقرجاج صاحبك وصل السودان وادينا الشمار اول بأول واكيد بكون رايح
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
| Quote: عيدكم مبارك ..العام الماضي عندما استمعت اليها في نجوم الغد اعجبني صوتها جدا ثم لم اتابع حتي اتي اغاني واغاني فوجدت ان صوتها صار خافتا واحيانا بالكاد ان تسمعه... الليلة رغم ان الاختيار كان حرا الا انها اختارت اغنية لا تلييق بصوتها وامكاناتها .. لست متخصصا في الاصوات ولكن يبدو ان صوتها اصابه الترهل بسرعة وربما استهلكته خلال الشهور الماضية في حفلات كثيرة ...الخ اكييد ليس هذا الصوت الذي استمعت اليه العام الماضي وسجلته في اليوتيوب ولله في خلقه شؤون... |
كل سنه طيبه.......
والله يااخوى الشغل الشفناهو ده ماداير متخصصين يعنى
لو بتستمع يس بتعرف الفرق وانت شكلك راجل سميع عشان كده
عرفت العله وين؟
مخبتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: افاداتكم كلها قد تكون في محلها بحكم المشاهدة والاستماع - عكس حالتي
بس بالله خففوا شوية عليها .. ربما تكون متابعة لهذا البوست
لا تنسوا انها اسعدتنا بصوتها الشجي كما قال الاستاذ ابوبكر في بواكير ظهورها
قد تكون هناك اسباب وراء هذا الاداء غير الطيب
لكن ذلك لا يمنع من الاشادة لما قدمته طوال الفترة الماضية
اتمنى ليها التوفيق والنجاح
وتجاوز هذه "العترة" |
كل سنه وانت طيب
والله ياريت لو قرت البوست ده ممكن تستفيد
اكتر من ماتتأثر عشان تعرف تختار ....
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: من المفترض أن يختار الفنان أغانيه على حسب درجات وطبقات صوته
وهذه المعلومة لا أظنها خافية على من ورائها
إختيار غير موفق تماماً
كأغنيات كثيرة تغنت بها خلال البرنامج
كل سنة وأنتم طيبين |
كل سنه وانتى طيبه
والله كلامك فى الصميم لو الزول فنان
بكون عارف مقدراتو وممكن يلعب فى ياتو
سلم عشان مايحرج نفسو ساكت
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: من بداية البرنامج ... وأداؤها كان باهتاً .. وصوتها ضعيفاً جداً
حتى أنه في بعض الأحيان لا يبين ... ولا نستبين ما تتغنى به إلا لأننا نحفظ تلك الأغاني
رغم مساندة عاصم البنا لها في كثير من الدويتو الذي تشاركاه أكثر من مرة
لكنها أخفقت تماما ... رغم حضورها الطاغي في برنامج نجوم الغد
وكما قال أستاذنا الكبير سعد الدين ابراهيم في عموده في جريدة حكايات
أفراح لسة مخلوعة
رغم هذا نتمنى ان تطور من مستواها ... وان تترك لصوتها الحرية لينطلق |
كل سنه وانتى طيبه
والله مخلوعه جنس خلعه مامصدقه بين يوم وليله
بقت نجمه حاجه تحير!!!! ونحن زاتو نتمنى ان
مستواها يرتفع ودايرين ليها الخير وعشان كده
لازم يكون فى ابداع حقيقى يضمن ليها الاستمراريه
مودتى
| |
|
|
|
|
|
|
|
|
|
Re: افراح عصام الليله اتكشفت (Re: Magdi Algorashi)
|
Quote: فين صديق الموج..؟؟؟!!!
تعال بسرعه ألحق الخشامه...!!!!
هسع يا مدثر فى داعى لكشف الحال ده..؟؟؟!!
وعلى قول خليل دعو الاشجار تنمو... |
حبيبنا كل سنه وانت بالف خير
والله ماكشق حال دى الحقيقه والله
نخن زاتو دايرين الاشجار تنمو لكن
بطريقه صاح عشان تكون قويه ولا شنو يااخوى
محبتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: قرجاج :
أمش قول الكلام دا لود الموج كان ما (مطرقَك.)
عيدك مبارك |
فاروق
كل سنه طيب
والله عارف لكن اعمل شنو؟
مجبور اقول الحقيقه ومنتظرين
العقاب من الخال وانا اتاخرت شويه
جيت لقيتو جاهز....
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: مدثر قرجاج كل سنه وانت طيب
انت عارف من دخلت البورد ده انا حاسى بيك انك قريبنا
لكن تصدق بكلامك ده اثبت لى انو حواء وادم ما بلمونا
وامى قالت لى ناس قرجاج ديل من قرطاج وعندهم حبوبة من غورزنى
ونحن ما عندنا شغله بى الجهات ديك..
اها من يوم الليلة ما اسمعك تقول لى ياخال
وانا ماعافى ليك سمح،،،، |
ياخال
كل سنه وانت طيب
من مافكرت فى البوست وانا عامل حساب
اليوم ده لكن مااتخيلت الحكاية يكون
فيها قطع ارحام عديل كده.. طول لى بالك شويه
نحن كايسين ليها المصلحه وعايزنها تتطور
وهى غلطت حاولت اشتغل معاها بنظام (اغلطوا
انتو ياالحبان نجيكم نحن بالاعذار ) لكن ماقدرتا
ودست على .... وقلت الخقيقه اها بعد ده كلو ماعافى
لى.........
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote:
ادين واشجب واندد بهذا البوست تضامناً مع عمنا.
اصله النيران دي ولعها الشايقي داك الله يسامحه.
كامل تضامننا مع صديق الموج.
|
كل سنه وانت طيب
حانشوف الاغلبيه وبعدين كان اكتسحنا
حانطالب الخال باعتذار رسمى للمجموعة
محبتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: استمعت
وانا اتحسر
عند المقارنة
مع اداء البلابل
وصوت هادية المنطلق يصدح
البت دى كا نها بتغنى لى جوه |
كل سنه وانت طيب
والله حسرة من النوع البهرد المصارين
والمقارنه منعدمه وغنت الغنيه وهى كاتمه نفس
عديل بس البقتنع منو وريهم ......
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: افراح صوتها جميل بس نفسها قصير شوية
وشكلها ما حافظة اغاني كتير ودا واضح
من مشاركاته القليلة في الغناء المنفرد
وعلى كل حال البت لسة في بداية المشوار
وينتظرها الكثير ونتظر منها الكثير بس نديها فرصة |
كل سنه وانت طيب
كلامك صاح فى موضوع النفس والحفظ ده
وانا بتفق معاك لكن بالصورة دى ماممكن
ننتظر شى الا اذا كان فى شغل تقيل جدا
مخبتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: الأخ العزيز مدثر
كل عام وأنت والجميع بألف خير
طبيعة صوت البلابل ذو القوة الثلاثية في أداء هذه الأغنية ومعظم أغانيهم تجدها من الصعب بمكان أن تتغنى بها أفراح عصام بطبيعة صوتها السوبرانو الحاد وهي في بداية الطريق.. فصوتها ما زال يعتبر RAW أي مجرَّد خامة صوتية تحتاج للتدريب والصقل عن طريق الدراسة الأكاديمية.. لذلك فأنا أتفق معك ومع معظم من استمع لها في تلك الحلقة الرائعة من البرنامج في أن إختيارها لأداء هذه الأغنية لم يكن موَّفّقاً ولعل الدليل على صحة تقديرنا هو عدم وضوح الكثير من مخارج كلمات الأغنية وأن كثير من مفرداتها خرجت وهي ميتة.
استمع إلى مقطع من نفس الأغنية بصوت طلال حلفا وستجد الفرق.
إليك رابط الأغنية بصوت طلال عبد الرحمن (حلفا) - وعذراً لأنني حاولت تحميلها هنا مراراً ولم أتمكَّن:
http://www.sudaniana.com/music/song_listen_5844_1
|
علاء الدين
كل سنه وانت بالف خير
وياسلام على كلامك الجميل الممرحل
وده غير العلميه الموجوده فيه وهو ده الكلام الصاح وياريت افراح تلقاهو
عشان تستفيد...مشكور على مجهودك المقدر
فى نقل الرابط وشى جميل والله....
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
| Quote: اتفق معك تماما ...وماعارف ليه ذكرتني بشروق أبو الناس ..يمكن لانو قناة زول هي نفس القناة التي تلمع في شروق ..والله أعلم |
يادكتور
كل سنه وانت طيب
والله كمان شروق ابو الناس ديك بترفع الضغط
عديل وبتصيبك بامراض القلب....
ومشكلتنا فى التلميع الساكت ده
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: انا ماعارف نجوم الغد من مابدأ حتي الآن لم يقدم أستار بمعني أنو إضافة للفن والمطربين ماعارف السبب شنو العداد أم الظهور في الأجهزة الأعلامية وطلب الجكس لأنو زمان من قبل البرنامج الكل كان بيظهر عبر مراكز الشباب وكانت خامات مثل الخالدي وعصام محمد نور وفيصل عبداللطيف وعمار السنوسي وحتي جيل محمود وجمال و نادر وعاصم البناء أسرة فنية متجددة ،لكن بصورة عامة الأمر بقي كتير وفقد مضمون الخامات الفنية وضروب الفنون كثيرة بجانب الغناء وهنا نقول لبابكر ركز شوية علي الأُخري عشان البرنامج يعود لرسالته السابقة وعن أفراح أخي مدثر والمتداخلين هي مازالت غضه ويلزمها الكثير بعيد عن التلميع الغير مُجدي ولكم ولها نسأل التوفيق.
أعزروني أن خرجت عن المطروح ولكن الحالة محتاجة لوقفه لكل البرامج المقدمة عبر وسائل الأعلام وبالمرئ خاصة
،،،،أبوقصي،،،، |
ابو قصى
كل سنه وانت بالف خير
والعيد مبارك عليك
والله كلامك جميل والمقدمه الابتدرت بيها حديثك
هى فى لب الموضوع لانو افراح واحده من افرازات
نجوم الغد ...وطبعا افراح مازالت فى بداية المشوار
لكن التلميع والنجوميه السريعه ربما يخل بكثير من
الموازين والنتيجه الحتميه الهبوط السريع جدا
محبتى الاكيده
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
يا مدثر ورفاقه...كل سنة وانتو طيبين وغير شنافين...
تنكشف في غنية ما حقتها...
هسي في ذمتك...كان جبت راشد دياب وكل فناني السودان
بيقدروا يرسموا الموناليز لليوناردو دافنشي...
صوتا خافت, وباهت شنو؟ انتو عايزنها تضوي اكتر من ضوها دا؟؟؟
ما تركزوا مع البنية دي بالطريقة الحاسدة دي...
يمين غناية غنا ...وصوتها زي جرس الكنيسة...
وهي بالمناسبة قاصدة ...عشان ما يقارنوها بالبلابل
او اي زول تاني...اسمعوها في شريطها الجديد
في عيد الأضحي القريب دا...
وأول زول حا ألقاك مشتريه يا قرجاج...
والله تسمع عندها جسمي المنحول علا تنشل واقف طولك
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote:
كل سنة والجميع بألف خير,
حقيقة شاهدت حلقة الأمس وكل حلقات رمضان من برنامج "أغاني وأغاني" وللأمانة تعتبر أفراح عصام صاحبة المركز الأخير عن جدارة ولا توجد مقارنة بينها وبين نجوم الغد الأربعة. بعكس الرائع شريف خالد الفحيل الذي أثبت بانه قادم بقوة إلي عالم الغناء والطرب.
|
كل سنه وانت طيب
كلامك فى الصميم ونظره ثاقبه تستحق
عليها التهنئة
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: ياودقرجاج
يعني شنو ياما في ناس زيها مشت ومثلت السودان في الخارج
بعدين ديل البلابل ..البلابل وسبق صاحبي فرفور
عمل ليهم شريطين مع بشير عباس نفسه ولم ينجح
ولكن نقول
انا في شخصك بحترم اشخاص === وطبعا عندي احترامك خاص
وعشان خاطر الرجل الفنان صديق الموج ممكن نستمع ليها.
__________________________
ياقرجاج صاحبك وصل السودان وادينا الشمار اول بأول واكيد بكون رايح |
ياوليد ربنا يحقق امانيك
والسنه الجايه فى احضان الوطن
الحارة والمولعه نار عديل ومافيها
اى دفايات
ياخى كان تلحقنا بكلامك ده من البدايه
عشان نعمل خاطر للخال صديق الموج لكن
شكلك اتاخرت والعلاقات اتدهورت شديد وتحت
تحت سمعت انو اهدر دمى داخل المنبر ورصد
جائزة مقدره لذلك لكن انا برضو ماقنعت لسه
ممكن الدم يحن....
.....................................
الباشمهندس وصل واستأجر سيارة الماخمج
وبعدين من ماجا لحدى هسه قاطع نص يعنى
لو مشيت ليه الساعه 12 بالليل تلقاهو نايم
وهو شاكى القميص ماعارف الحاصل شنو
وطبعا لو الشمار اتطور حااديك ليه بالماسنجر
الداخلى عشان مانشر الغسيل بتاعو
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
| Quote: أفراح عصام أو أفراح الشعب كما أطلق عليها الأستاذ السر قدور بلاشك أحرزت قدراً من النجاح فى أغانى وأغانى بشهادة أستاذنا قدور.. وكل أمنياتنا لها بالنجاح والتفوق !!!! |
كل عام وانت بخير
ماقلنا شى احرزت نجاح نسبى
لكن برضو خسرت غنية البلابل
يعنى هى مابتقدر تغنى اى غنيه
بنفس المستوى ....
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: الاخ قرجاج
عيدك سعيد
البت دي بتغني احسن من المرحوم الكاشف ذاتو
واحسن من المرحومة الفلاتية واحسن من البلابل
واحسن من ............
وشكرا لود الموج
وكل عام وانتم بخير |
مجدى
كل سنه وانت طيب
وعيدك سعيد
يااخوى روق شويه الجاب الكاشف والفلاتيه
والقامات الكبيرة دى شنو هنا ديل الكلام عنهم
فى البوست الفيهو افراح حرام ويمكن كمان تحاسب
تحت مواد القانون المسمى شن جاب لى جاب انت شكلك
كده قلبك قاعد يوجعك شديد ويااخوى مراية الحب بتاعتك
دى مش عميه وبس دى عميا بصر وبصيره وربنا يعينك وتتخلص
من حبك المن طرف واحده ده لانو من اصعب انواع الحب
محبتى الاكيده
| |
|
|
|
|
|
|
|
|
|
Re: افراح عصام الليله اتكشفت (Re: Saifeldin Gibreel)
|
| Quote: البت عنده حضور وصوت جميل، فقط ملاحظ اكثارها للمكياج واختيارها للفساتين غير موفق |
صافى
كل سنه طيب
شكرا انك جبت لينا دليل الاتهام
انا عكسك تماما شايف انها انيقه
والمكياج لايق عليها بس الصوت داير
شغل......
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
مدثر ... سلام
والله من اول يوم فى البرنامج دا كان رايئ بس قلت يابت اصبرى شوية
احتمال تكون مافى المود ولا مزاجها ما ظابط ولا الاغنية ما حاباها
اها فى نص الحلقات اكتشفت انو اداها فعلا عادى ...
او بالاصح ثلاثتهم ما كانو اتراكتف خالص على ااقل بالنسبة لى
احتمال ريماز مرات مرات كدا بتتفوق على نفسها ومنار برضو
مرات كانت كويسة ومرات كتيرة لا
| |
|
|
|
|
|
|
|
|
|
Re: افراح عصام الليله اتكشفت (Re: وليد عبد اللطيف)
|
والله يا مدثر يا اخوى لولا القسوة فى اطلاق الكلمة لقلت بانها جات بالواسطة وبس ...
عايزة شغل كتير جدا عشان تقدر تغنى وتطرب مش تغنى وبس !!!!!!
كامل تضامنى معك فى اهدار دمك ولكن من لم يمت بالسيف مات بغيره والعتبى لصديق الموج حتى يرضى
| |
|
|
|
|
|
|
|
|
|
Re: افراح عصام الليله اتكشفت (Re: نادر الفضلى)
|
مدثر عيدك سعيد لكن اقول ليك انا كرهت نص المتداخلين هنا
ماعدا ود اختى نزار حسين قال ليكم اسمعوا جسمى المنحول
كان ما انشليتوا وجاكم بهق كمان وحاتكم لما تقول:
الطرفو وقول بروق فى غيم والا در فى لمى
خدودك ام ازهار فى حقول سقانى غرامك صافى حمى
انى امنت بالله وكتبه وملائكته ورسله وبعض خلقه وفى اولهم البت دى،،،
| |
|
|
|
|
|
|
|
|
|
Re: افراح عصام الليله اتكشفت (Re: على محمد على بشير)
|
يا خال صديق الموج...
أما لو سمعتها قالت صاااافي حمي...
بتطلع منها نغمة صحن صيني انكسر تلات قطع
في بلاط فندق سبعة نجوم..
فلا عليك من تعليقات اغلب المتداخلين...
هم بيعلقوا وفي بالهم الدفاع عن منار وريماز...
بي فكرة...ليه تغلبهم غنا وسماحة...
واحد يقول ليك صوتها ضعيف...والتاني يقول ليك خربت غنية البلابل...
والتالت يقول ليك...افراح الشعب دي اشاعة...يعني عمكم قدور دا..
بيهظر؟؟
| |
|
|
|
|
|
|
|
|
 Re: افراح عصام الليله اتكشفت (Re: nazar hussien)
|
يا مدثر أخوي
العيد مبارك عليك ، وكل سنة وإنت طيب .
أول حاجة ، أفراح دي قالوا اسمها الصحيح
هو أفراح (الموج) .. لأنو غناها الطاعم ده ذاتو
بكون في شكل موجات طالعة وأخرى نازلة .
أها .. إنتو لأنو حظكم مش ولا بد ، أو لأنو حظكم
مهبب لذا لم تستمعوا لتلك الموجات إلا وهي نازلة
ومعروف أنه في حالة النزول والانخفاض يكون
الصوت باهتاً أو كأنه خارج من باب الدخول ،
لذا اعذروها والعتب على حظكم الهباب ؟!
وعشان كده ننصحكم بالاستماع لموجات صوتها
الرهيبة وهي طالعة من خلال شريط (جسمي المنحول)
مثلما ذكر ذلك أخونا نزار حسين آنفاً .
(( عالم حاقدة بس وحاسدة !! )) يا لطيف (وش مبتسم).
أخونا ود الموج ..
عيد سعيد وعمر مديد وأفراح متواصلة يا رب .
مودتي ،
( ليمو )
| |
|
|
|
|
|
|
|
|
|
Re: افراح عصام الليله اتكشفت (Re: Kamal Karrar)
|
| Quote: ود قرجاج قريبي.... كل سنة وأنت طيب... وجميع الأهل |
صديقي الصدوق ود السر كمال
كل سنة وانت والأسرة الكريمة بخير
نحنا صديق الموج وكل من يمت له بصلة ما بنلعب فيهم
دا انا رغم الزحمة ما بتداخل الا في امور ود الموج
والآن لجنة تسجيل الاعبين ببورد الدوحة واخوك رئيسها( وعضوية الفنان محمد السني دفع الله والاستاذ صلاح عبدالله ) شغالة .
وشايف هناك اجماع من بورداب الدوحة علي تسجيل ود الموج وحبيب نورة في فريق الدوحة.
بس الأمر الآن متوقف علي شروط التسجيل والمقابل
والمشكلة الآن أن مقابل التسجيل فاق ملايين رونالدو لاعب ريال مدريد.
هل ترغب في التسجيل
( ما تنسي عندك واسطة قوية ) ؟
ود الموج سيبك من كلام قرجاج
| |
|
|
|
|
|
|
|
|
|
Re: افراح عصام الليله اتكشفت (Re: Kamal Karrar)
|
يا ود قرجاج...
كدي وروني كود الغناء...عشان اندمكم علي بوستيكم دا...
واسمعكم كسير الصحون الجد...
صوت فيه مفتاح دوم لايت...تقول عليه خافت...
لا بتسمعوا ولا بتشوفوا...الا بي كشافات!!!
| |
|
|
|
|
|
|
|
|
 Re: افراح عصام الليله اتكشفت (Re: حسن طه محمد)
|
تعرف يا قرجاج اخوي
اول زول لفت الانتباه زميلنا سيف اليزل حسين , وكنت قد كتبت فيها ان افراح عصام تحتاج
الى توزيع قائمة متسلسلة بما ستغنيه ويتابع معها الجمهور قراءة صامتة يعني ...افراح
عصام دائرة صوتية محدودة جداً لا تستطيع الغناء الحرفي او الذي يحتاج الى دربة في التطريب
والتنويع في التنقل بين طبقات الصوت , اعتقد انها تحتاج الى الكثير وقد ظلمها ومن معها
من قذف بهم الى برنامج اغاني واغاني وذلك سيضر حتى بالبرنامج فهؤلاء الشباب يحتاجون قبل
الشُهرة الى كثير تدريب واستماع الى امهات الاغنيات ان جاز لي التعبير وكثير من المعالجات
ومعرفة خامة الصوت حتى يؤدى الواحد منهم/ن ما يتناسب وصوته وملكاته الخاصة .
نعم الاغنية دي تحديدا كشفت محدودية صوت افراح عصام ...
...........................................................................حجر.
| |
|
|
|
|
|
|
|
|
|
Re: افراح عصام الليله اتكشفت (Re: عبدالله كع)
|
Quote: ...افراح
عصام دائرة صوتية محدودة جداً لا تستطيع الغناء الحرفي او الذي يحتاج الى دربة في التطريب
والتنويع في التنقل بين طبقات الصوت |
عايز تنفتن فيها يا حجر...هسي مالك ومالا كتبت ليك
أ. فراح عصام
| |
|
|
|
|
|
|
|
|
|
Re: افراح عصام الليله اتكشفت (Re: nazar hussien)
|
ياود قرجاج
ياخي مره خليك مجامل
فيها شنو لو قلت البت دي بتعرف تغني
وانت فاكر الناس دي دراويش
وانت فاتح ليها بوست عشان تقول البت فشلت
ياخي السودان لسه بخيرو ولسه في ناس بتعرف تسمع
والصوت الجميل هو البفضل في الساحه
واصلا لو كان في نزاهه في تحكيم نجوم الغد البت ماكان ظهرت وجلست مع الكبار
لكن ياها كورتنا وياها غنانا
| |
|
|
|
|
|
|
|
|
|
Re: افراح عصام الليله اتكشفت (Re: وليد عبد اللطيف)
|
| Quote: طبقة صوت البلابل (مجتمعين) يمكن تصنيفها بين الآلطو(Alto) والكونترا آلطو (Kontra Alto) وهما من طبقات الصوت النسائية القريبة للصوت الرجالي - لذلك نجد أن طلال حلفا لم يجد أي صعوبة في التغني بأغنيات البلابل - على عكس طبقة صوت أفراح التي تقع بين السوبرانو (أكثر الأصوات النسائية حِدَّة) والميزو سوبرانو (Mezzosoprano) الأقل حِدَّة من السوبرانو. |
انت بتجيب الكلام ده من وين يا علاء ؟؟؟؟؟؟؟؟؟؟؟
الزولة دي فشلت فشل ذريع في الغنية دي بالذات ...,, الاختيار لا يناسب طبقات صوتها دي ما مشكلتنا
تحية لسيد البوست
| |
|
|
|
|
|
|
|
|
|
Re: افراح عصام الليله اتكشفت (Re: جمال الباقر)
|
Quote: انت بتجيب الكلام ده من وين يا علاء ؟؟؟؟؟؟؟؟؟؟؟
الزولة دي فشلت فشل ذريع في الغنية دي بالذات ...,, الاختيار لا يناسب طبقات صوتها دي ما مشكلتنا
|
دكتور جمال
الكلام دة مجرَّد سنبلة من حصاد دراسة في قسم الموسيقى بقصر الشباب والأطفال 82-83 وتخرَّجنا على يد أساتذة ما ساهلين أمثال محمد عجاج، الموصلي، علي السقيد، مستر كيم (من جمهورية كوريا الشقيقة)، أحمد حمو، أستاذة منى (Violin) وغيرهم.. فلهم التحية.
مداخلتي الأشِرتَ ليها هي تكملة لتحليلي الأول اللي كنت عايز أصل من خلالو لنفس كلامك وهو أن أفراح لم يحالفها التوفيق في أداء أغنية البلابل (مشوار).
أما مصطلح (فشل ذريع) فأنا بعتبرو مصطلح قاسي لا يتناسب مع كتكوتة زي دي.. يعني خلينا شنو لى ناس فيصل العجب وبدر الدين قلق بتاعينكم الشينين ديك؟
لك مودَّتي
| |
|
|
|
|
|
|
|
|
|
Re: افراح عصام الليله اتكشفت (Re: علاء الدين صالح)
|
Quote: مدثر قرجاج كل سنه وانت طيب
انت عارف من دخلت البورد ده انا حاسى بيك انك قريبنا
لكن تصدق بكلامك ده اثبت لى انو حواء وادم ما بلمونا
وامى قالت لى ناس قرجاج ديل من قرطاج وعندهم حبوبة من غورزنى
ونحن ما عندنا شغله بى الجهات ديك..
اها من يوم الليلة ما اسمعك تقول لى ياخال
وانا ماعافى ليك سمح، |
مدثرنا كل سنه وانت طيب
معقوله تزعل خالك صديق
افراح لو غنت دجاجي يلقط الحب برضو بنحبها
| |
|
|
|
|
|
|
|
|
|
Re: افراح عصام الليله اتكشفت (Re: عفاف الصادق بابكر)
|
Quote: مدثر ... سلام
والله من اول يوم فى البرنامج دا كان رايئ بس قلت يابت اصبرى شوية
احتمال تكون مافى المود ولا مزاجها ما ظابط ولا الاغنية ما حاباها
اها فى نص الحلقات اكتشفت انو اداها فعلا عادى ...
او بالاصح ثلاثتهم ما كانو اتراكتف خالص على ااقل بالنسبة لى
احتمال ريماز مرات مرات كدا بتتفوق على نفسها ومنار برضو
مرات كانت كويسة ومرات كتيرة لا |
اميرة
كل سنه طيبه وكل الامانى الممكنه
وانا زاتو زيك قلت كدى نديهم فرصه وماكان فى شى بيجذب الزول
بس الواحد بحب يسمع الاغانى القديمه عشان كده كنا بنتابع على امل
انو يكون فى شى يشدنى لحدى ماجات رصاصة الرحمه يوم العيد اكتشفت
انو افراح ماعندها امكانيات صوتيه عشان تغنى الاغانى الصعبه مع العلم
انو الفنان الجد بيغنى كل الاغانى بنفس المستوى عشان كده فى شى ناقص
والله يااميرة منار دى كويسه بس مالقت ليها زول يختار ليها اغانى جميله
عشان كده ماظهرت بالمستوى المطلوب
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: له يا مدثر يا اخوى لولا القسوة فى اطلاق الكلمة لقلت بانها جات بالواسطة وبس ...
عايزة شغل كتير جدا عشان تقدر تغنى وتطرب مش تغنى وبس !!!!!!
كامل تضامنى معك فى اهدار دمك ولكن من لم يمت بالسيف مات بغيره والعتبى لصديق الموج حتى يرضى |
حامد
كل سنه وانت طيب
وربنا يحقق الامانى
والله يااخوى هى الواسطه حاصله وبينى وبينك مامحتاجه لى واسطه كبيره كده
لانها لمن تظهر فى مكان ممكن كل الناس الفيهو يتسابقوا عشان يخدموها
والله محتاجه شغل لسنين عشان تقدر تكون مطربه حقيقيه ده اذا وضعنا فى
الاعتبار انها اصلا عندها حد ادى من الموهبة
الخال صديق الموج ممن يوزع دمى على اعضاء البورد المضامنين معاه واضيع
فى الرجلين ....
مودتى الاكيده
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: س ما تقولوا لى أغنية مشوار بالنظام الجديد البدعة .. البلابل ممنوعين يغنوها!
وغيرهم نا س الجاهز يتغنون بها .. وإن كانوا يتوهون فى ال مشوار! |
نادر
كل سنه طيب
بشتنة الغنيه ورقدته الواطه وطلعت من فوق ليها وداست عليها
اها تانى البلابل مفروض مايغنوها عديل
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: دثر عيدك سعيد لكن اقول ليك انا كرهت نص المتداخلين هنا
ماعدا ود اختى نزار حسين قال ليكم اسمعوا جسمى المنحول
كان ما انشليتوا وجاكم بهق كمان وحاتكم لما تقول:
الطرفو وقول بروق فى غيم والا در فى لمى
خدودك ام ازهار فى حقول سقانى غرامك صافى حمى
انى امنت بالله وكتبه وملائكته ورسله وبعض خلقه وفى اولهم البت دى،،، |
ياخال
عيد سعيد عليك وكل سنه وانت بخير
عارف كل الدخلو البوست هنا اضامنو معاى وحتى الما اضامنو
كانو خايفين منك عشان كده رجفو حتى ود اختك نزار تحت تحت كده
بكون زينا يعنى كان لقيت لى معاه طريقه ماسنجر ممكن يبوح بعدم اعجابو بيها
والله ياخال عاجبنى استماتك وقتالك الغير محدود من اجل افراح الانثى وده مافى
زول بقدر يحكمك فيه لانو القلب ده ليه احكام صعبه بعدين عندى صحبى كده قال
لى لمن الزول يكون هايم فى زول تانى كان جاتو قحه ساكت قلبو ده بيدق وكان يتكلم
ساكت ممكن التانى ينتعش ويبتسم بدون سبب طيب مابالك لو بقى يغنى كمان وكان زى
افراح دى يعنى قبلى مااعرف الغنيه حقت منو بكون يدردق بالواطه ودخل فى غيبوبة حب
وغيبوبة الحب بتخلى الزول يشوف افراح احسن من وردى وغنايه اكتر من الكاشف ولو لحنت
ممكن تضرب عبد الرحمن الريح ولو مسكت العود حاتقول لبرعى انت بتعرف شنو لو مسكت
الكمنجه محمديه حاينحنى ليها ويعتزل وفى الجمال ممكن تتخيل انها انجلينا جولى ماسكه المايك
كل هذه الاشياء لاتحاسب عليها كل القوانين مادام الزول فى حالة غيبوبه ...........
بالمناسبه ياخال افراح ساكنه على بعد تلت ساعه من دارنا يعنى بالواضح درنا نحن قريبه ليها
وهى مامجبوره علينا نحن مجبورين عليها.....
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: عاوز اقول رايى بصراحه شديده .. لكن خايف من صديق الموج
اطلب الامان من صاحب البوست عشان اجى راجع وادلى برايى ..
وفى انتظار الامان .. |
على
كل سنه وانت بالف خير
لك الامان والاطمئنان وقول قولك
انا عقدت جلسة مطوله مع الخال صديق الموج واتفقنا
على عدم محاسبه المتداخلين فى البوست شريطة ان يحاسب
صاحب البوست على كل متداخل ماعجبتو افراح وكان لازم اضحى
او انسحب من البوست عشان كده اطمن خالص وتعال صادى
منتظرنك
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: يا مدثر أخوي
العيد مبارك عليك ، وكل سنة وإنت طيب .
أول حاجة ، أفراح دي قالوا اسمها الصحيح
هو أفراح (الموج) .. لأنو غناها الطاعم ده ذاتو
بكون في شكل موجات طالعة وأخرى نازلة .
أها .. إنتو لأنو حظكم مش ولا بد ، أو لأنو حظكم
مهبب لذا لم تستمعوا لتلك الموجات إلا وهي نازلة
ومعروف أنه في حالة النزول والانخفاض يكون
الصوت باهتاً أو كأنه خارج من باب الدخول ،
لذا اعذروها والعتب على حظكم الهباب ؟!
وعشان كده ننصحكم بالاستماع لموجات صوتها
الرهيبة وهي طالعة من خلال شريط (جسمي المنحول)
مثلما ذكر ذلك أخونا نزار حسين آنفاً .
(( عالم حاقدة بس وحاسدة !! )) يا لطيف (وش مبتسم).
أخونا ود الموج ..
عيد سعيد وعمر مديد وأفراح متواصلة يا رب .
مودتي ،
( ليمو ) |
عبد الحليم ....ليمو
كل سنه طيب وكل الامانى الممكنه
والله ضحكتنى مووووووووووووووووت
وبالجد ياخى نظرية الامواج دى يمكن تكون صاح ونحن ماعارفين
خلاص انا بحاول ارجع واركز يمكن انا غلطان وماظنيت...
غايتو كلامك بريح الخال شديد وبخليهو يكاد يطير من الفرح
ومن افراح زاتو.....
محبتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
| Quote: ود قرجاج قريبي.... كل سنة وأنت طيب... وجميع الأهل |
ود كرار
كل سنه وانت طيب وكل اهلنا بصحة وعافيه
ليك مده مابنت الحاصل شنو ......
غيتو يا ود كرار الفى البوست ده بكا بفراشو عديل
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: يا ود قرجاج...
كدي وروني كود الغناء...عشان اندمكم علي بوستيكم دا...
واسمعكم كسير الصحون الجد...
صوت فيه مفتاح دوم لايت...تقول عليه خافت...
لا بتسمعوا ولا بتشوفوا...الا بي كشافات!!! |
نزار
عيد مبارك
والله الشوف سمح وشايفين هو غير الشوف
ده العملا فيكم شنو ..يااخوى حاول تسمع
افراح دى فى شريط كاسيت بدون ماتعاين ليها
عشان تميز الصوت كويس لا دوم لايت لا يحزنون
مودتى الاكيده
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: قرجاج
قالو : الما بتلحقو جدعو
ود الموج : نحن معكم قلبا وقالبا
وداون داون كولانيزيشن |
ياابو على
نلحقو كيف يعنى؟؟؟كان انتو لحقتو كلمونا
نحن برضو فى بورد واحد يعنى حق الاخوة
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: تعرف يا قرجاج اخوي
اول زول لفت الانتباه زميلنا سيف اليزل حسين , وكنت قد كتبت فيها ان افراح عصام تحتاج
الى توزيع قائمة متسلسلة بما ستغنيه ويتابع معها الجمهور قراءة صامتة يعني ...افراح
عصام دائرة صوتية محدودة جداً لا تستطيع الغناء الحرفي او الذي يحتاج الى دربة في التطريب
والتنويع في التنقل بين طبقات الصوت , اعتقد انها تحتاج الى الكثير وقد ظلمها ومن معها
من قذف بهم الى برنامج اغاني واغاني وذلك سيضر حتى بالبرنامج فهؤلاء الشباب يحتاجون قبل
الشُهرة الى كثير تدريب واستماع الى امهات الاغنيات ان جاز لي التعبير وكثير من المعالجات
ومعرفة خامة الصوت حتى يؤدى الواحد منهم/ن ما يتناسب وصوته وملكاته الخاصة .
نعم الاغنية دي تحديدا كشفت محدودية صوت افراح عصام ...
...........................................................................حجر |
الرفاعى
كل سنه وانت طيب وكل الامانى الممكنه
ياخى كلامك حلو وجبت لينا خلاصة البوست
ده كلو فى اسطر جميله جدا شفت ياالرفاعى
يااخوى المحدوديه القلتها دى المقصوده بالضبط
ودى مشكله كبيرة وشكلها ماانتبهت للحته دى ولا كان
بتعاند ماعارف؟ وغنت مشوار وانكشفت وبينى وبينك افراح
دى بتكون عنيده وعامله فيها بتغنى كل الاغانى وطبعا الناس
ادته حجم كبير خلاها تاخد ثقه اكبر من الامكانيات العندها
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: قرجاج - ربنا يحقق الاماني "
" البت زي الفخفخينا "
صراحه ما عندي كلام اقول غير كذا !! |
عبد الله ولدنا
كل سنه وانت طيب وكل الامانى الممكنه
والله ضحكتنى مووووووت انا غايتو الفخفخينات
الفى راسى كتار ماعارف انت قاصد ياتو واحده
عموما فخفختنا معاها البت دى وربنا يورينا
يوم فخفختا....
محبتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: ياود قرجاج
ياخي مره خليك مجامل
فيها شنو لو قلت البت دي بتعرف تغني
وانت فاكر الناس دي دراويش
وانت فاتح ليها بوست عشان تقول البت فشلت
ياخي السودان لسه بخيرو ولسه في ناس بتعرف تسمع
والصوت الجميل هو البفضل في الساحه
واصلا لو كان في نزاهه في تحكيم نجوم الغد البت ماكان ظهرت وجلست مع الكبار
لكن ياها كورتنا وياها غنانا |
ياوليد ياخبيبنا
كبفنك
والله كلامك سمح بس فى ناس كده خاشين فى حالة غيبوبه
حبينا نرشهم بحبة مويه عسى ولعل يفوقو لكن شكل كده
فى غيبوبات لذيذه الواحد بكون ماداير يقوم منهابراهو
والبقاء للمبدع الحقيقى طبعا..............
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: الزولة دي فشلت فشل ذريع في الغنية دي بالذات ...,, الاختيار لا يناسب طبقات صوتها دي ما مشكلتنا
تحية لسيد البوست |
جمال الباقر
التحيه ليك وكل سنه طيب
بالتاكيد فشلت فشل زريع
مودتى
| |
|
|
|
|
|
|
|
|
 Re: افراح عصام الليله اتكشفت (Re: مدثر قرجاج)
|
Quote: مدثرنا كل سنه وانت طيب
معقوله تزعل خالك صديق
افراح لو غنت دجاجي يلقط الحب برضو بنحبها |
وانت طيب ياعصام وربنا يحقق الامانى
والله ماكنت قاصد لكن اسوى شنو
وبينى وبينك لو بس كانت قاعده ساكت
بتعجب ودجاجى منها مابتكون كعبه
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: قرجاج .. يا دفعة ..
كل سنة وانت طيب ياخ ..
تعال بعيد شوية من الموج عشان اقول ليك ..
صدقته والله .. ده كان رأي كل الحضور معاي ..
الليله والليله صديق الموج جاءكم |
عفاف الصادق
دفعتى
كل سنه وكل امانيك ممكنه وطيبه وبخير
ماتخافى يابت الصادق صديق الموج اداك الامان
بس قال حايقاطعكم كلكم ...والله ياعفاف الحكايه
كانت ظاهرة ماعارف ناس ديك بفكروا كيف ؟ ياربى
كانوا موطين الصوت وبعاينوا ساكت ؟ فى ناس بتشوف ومابتسمع
احتمال وارد برضو
بعدين كل زول بسمع بضميرحايقول نفس كلامنا .....
وشيلى شيلتك مع الخال......
مودتى
| |
|
|
|
|
|
|
|
|
|
Re: افراح عصام الليله اتكشفت (Re: مدثر قرجاج)
|
Quote: مدثر ورفاقه...كل سنة وانتو طيبين وغير شنافين...
تنكشف في غنية ما حقتها...
هسي في ذمتك...كان جبت راشد دياب وكل فناني السودان
بيقدروا يرسموا الموناليز لليوناردو دافنشي...
صوتا خافت, وباهت شنو؟ انتو عايزنها تضوي اكتر من ضوها دا؟؟؟
ما تركزوا مع البنية دي بالطريقة الحاسدة دي...
يمين غناية غنا ...وصوتها زي جرس الكنيسة...
وهي بالمناسبة قاصدة ...عشان ما يقارنوها بالبلابل
او اي زول تاني...اسمعوها في شريطها الجديد
في عيد الأضحي القريب دا...
وأول زول حا ألقاك مشتريه يا قرجاج...
والله تسمع عندها جسمي المنحول علا تنشل واقف طولك |
يانزار انا مداخلتك دى مارديت ليك عليها انا اسف شديد شديد
انا فى انتظار شريط الكاسيت عشان اشوف البحصل شنو
وعليك الله يانزار اسمع الشريط ده بدون اى مؤثرات خارجيه
يعنى مثلا ماتتخيل وتسرح وكده اسمع بضمير وشوف ..وعشان
اكون واضح معاك فى اغنيات كده اى زول ممكن يغنيها زى الحان
احمد المك البلحن لى افراح وفى فنان متمكن وفى فنان بيطربك يعنى
يانزار يااخوى الغنا خشم بيوت ....ومن ناحية هى مضويه ده مافى كلام
مضويه ومشرقه دايما وماليه الشاشه رقه وانوثه ودلال وعندها ابتسامة حالمه
لكن هل يكفى هذا لتكون فنانه....طبعا وابدا لا كشفناها كشفناها
ومودتى
| |
|
|
|
|
|
|
| |
مدثر قرجاج
عمران حسن صالح
ناصر احمد الامين
abubakr
حيدر حسن ميرغني
khaleel
عبير خيرى
نهلة محكر
Adam Mousa
فاروق أبوحوه
صديق الموج
محمد عمر الفكي
Elsamani A.Malik
mohmmed said ahmed
عبدالله السفاح
اسعد صلاح البدري
علاء الدين صالح
Dr.Elsadig Abdalla
مجدي عبدالرحيم فضل
وليد عبد اللطيف
محمد الامين محمد
nazar hussien
Saifeldin Gibreel
نادر الفضلى
على محمد على بشير
abdulhalim altilib
حسن طه محمد
Kamal Karrar
الرفاعي عبدالعاطي حجر
عبدالله كع
جمال الباقر
عصام علي أحمد
عفاف الصادق بابكر
الطيب شيقوق
فيس بوك
تويتر
انستقرام
يوتيوب
بنتيريست