كتب الكاتب الفاتح جبرا المتوفرة بمعرض الدوحة
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: doma)
|
Quote: افطار ناس المغرب 80 في الميه .
افطار بورداب السودان غايتوا بجاملكم لانه بشبه العرس اكثر بديكم 78 من 100 عشان زغروده بت اب كشوه
مشترك كل من ناس ايرلندا وامريكا 75 في الميه
ناس الامارالت 74 في الميه
ناس ماليزيا 65 في الميه
افطار السعوديه 63 في الميه عشان شيشه ود الصايم
افطار الكرمبا 30 في الميه لكين عشان عيون شرحبيل احمد نديكم 50 في الميه
تاني منو ؟؟ ناس الصين رسوب .
|
ينصر دينك يا دوما نحن معترفين بي لجنة دوما دي الخردة داك ما لينا بيه شغلة
| |
|
|
|
|
|
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: Adam Mousa)
|
Quote: الامارات البرامج الترفيهية....13 نقطة ("""""""20""""""")
|
يا كوستاوي لم يكن هناك برنامج ترفيهي بالمعني الترفيهي ولكن كان هنك برنامج مصاحب وهو: ما يمكن نقديمه للزميل عبد المجيد صالح وأتفقنا على كتابة مذكرة موجهة للواء محمد عطا مدير جهاز الأمن واتفقنا أن تكون بلغة القانون و أسلوب متوازن بعيدا عن الهتافية و الاساءة و التجريح وخرجت الرسالة كما تمنيناها.... ونالت قبول واستحسان معظم الأعضاء وقاموا بالتوقيع عليها ولازلنا نأمل في تأتي أكلها
ولو خرج افطارنا بهذه الرسالة فقط لكفته يعني ال 13 بتاعتك دي شوية علي البرنامج المصاحب بتاعنا
يا خردة
| |
|
|
|
|
|
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: ALGARADABI)
|
Quote: وأتفقنا على كتابة مذكرة موجهة للواء محمد عطا مدير جهاز الأمن واتفقنا أن تكون بلغة القانون و أسلوب متوازن بعيدا عن الهتافية و الاساءة و التجريح وخرجت الرسالة كما تمنيناها.... ونالت قبول واستحسان معظم الأعضاء وقاموا بالتوقيع عليها ولازلنا نأمل في تأتي أكلها
ولو خرج افطارنا بهذه الرسالة فقط لكفته يعني ال 13 بتاعتك دي شوية علي البرنامج المصاحب بتاعنا
|
*** كوستاوى : كل سنة وانت طيب .
*** عدل النتيجة دى بسرعة بالله .. أو ( قوم أخد ليك لفه ) .............................................
.... الأحترام و التقدير محفوظين
| |
|
|
|
|
|
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: ناذر محمد الخليفة)
|
Quote: شرطتو عينا يا ناس الرياض ..!!
بتاكلو كيف كنتو ؟؟!!
الشرفنة العليكم شنو يا ود الموج ؟!!! |
ناذر عيدك مبارك والاسرة الكريمة حقك علينا لكن نسوى شنو اذا بورداب الرياض ديل كلهم ضحايا نزوج وحروب ومن العاصمة انا وتمبس وحميدة ومصدق فقط. الباقى كله من ام طرقا عراض ولى قدام. عرب جزيرة وشمالية ومناطق مهمشة وهاك التفصيل: ابوجهينة وعزاز شامى وحمزاوى وولياب وحبيب بلدو وود الصايم وحسين حسن وطارق نقد يادوب علمناهم العربى السنة الفاتت دى. شتات ومعتصم دفع الله ومحمد الشيخ وحليمة محمد عبد الرحمن وعبد المنعم عمر ومصدق مصطفى ومهدى الصادق وبت العزازة ديل لى قريب ده كانوا ماسكين مويه فى اب سته واب عشرين وعلاقتهم بالعاصمة المطار. خالد الارباب وود الباوقه وطارق شريف ديل اهلك ناس عرضه ودلوكة وبطان ساكت. ادريس علم الهدى وود وراق ويوسف السمانى ديل من بحر كـ..... الانت عارفه داك. ادم الهلباوى وعبد الرازق الطالب وعبد الله داش والدخرى وهارون اسرم ديل من دار ريح وجانجويد. مزاحم الضوى وطارق ميرغنى ديل جو الخرطوم بقرود. خالد المحرب وعفاف ابوحريرة جمالهم لى هسه باركات فى ابو دليق اها نحن نعلم منو والا منو لووووووووووووووووووووووووول،،،
| |
|
|
|
|
|
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: صديق الموج)
|
سلامات كوستاوى والمتداخلين وعيدكم مبارك. بوست شيق ودمه خفيف خالص واضحكتونا كتير. لكن من غير تحيز ظلمتو ناس المغرب شديد (( بارغم من قلة عددهم مقارنه بالاخرين )) لكن فطورهم كان رهيب. اما صديق الموج وقع في الخلق تصنيف وترتتيب : شي من الجزيره وشي من الشماليه ... انا نفس أعرف دا تبرير لللاداء المتدني بقرار اللجنه حيالكم و لاعاوز تشيل حال أصحابنا بتاعين الرياض ساى؟ ناس الخرطوم ما دام فيهم ناس منظمين ومرتبين بالشكل اللي ظهر دا مفروض يكون الاوائل .
| |
|
|
|
|
|
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: Kostawi)
|
Quote: بورداب الدوحة 79 نقطة
تجهيز..........7 نقاط (من أصل 10 نقاط) الأكل و آدابه.....21 نقطة (من أصل 30 نقطة ) اللبس............19 نقطة ("""""""20""""""") البرامج الترفيهية....15 نقطة ("""""""20""""""") المشاركة(الشباب/النساء/الأطفال..الخ 18 نقطة ("""""""20""""""")
79 نقطة من مجموع 100 نقطة |
كوستاوي اللذيذ كل سنة وإنت طيب وتسلم كتير على كل هذا الألق
غايتو حسابك غلط يا جميل المجموع الكلي 80 نقطة ما 79 كدى راجع الحته دي وبعدين ممكن نتكلم فى النقاط التانية تسلم على مجهودك الجميل يا حلو
| |
|
|
|
|
|
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: Kostawi)
|
ود الموج :
Quote: ابوجهينة وعزاز شامى وحمزاوى وولياب وحبيب بلدو وود الصايم وحسين حسن وطارق نقد يادوب علمناهم العربى السنة الفاتت دى. شتات ومعتصم دفع الله ومحمد الشيخ وحليمة محمد عبد الرحمن وعبد المنعم عمر ومصدق مصطفى ومهدى الصادق وبت العزازة ديل لى قريب ده كانوا ماسكين مويه فى اب سته واب عشرين وعلاقتهم بالعاصمة المطار. خالد الارباب وود الباوقه وطارق شريف ديل اهلك ناس عرضه ودلوكة وبطان ساكت. ادريس علم الهدى وود وراق ويوسف السمانى ديل من بحر كـ..... الانت عارفه داك. ادم الهلباوى وعبد الرازق الطالب وعبد الله داش والدخرى وهارون اسرم ديل من دار ريح وجانجويد. مزاحم الضوى وطارق ميرغنى ديل جو الخرطوم بقرود. خالد المحرب وعفاف ابوحريرة جمالهم لى هسه باركات فى ابو دليق اها نحن نعلم منو والا منو لووووووووووووووووووووووووول،،، |
نفشت ريشم لكن ..
طيب حميدة ود أمدرمان العامل فيها مقطعا دا الحاصل عليهو شنو ..!!
| |
|
|
|
|
|
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: Kostawi)
|
Quote: بورداب رابطة الأطباء - المنطقة الغربية - السعودية 70 نقطة
|
Quote: تجهيز..........9 نقاط (من أصل 10 نقاط) الأكل و آدابه.....25 نقطة (من أصل30 نقطة ) اللبس............18 نقطة ("""""""20""""""") البرامج الترفيهية...6 نقطة ("""""""20""""""") المشاركة(الشباب/النساء/الأطفال..الخ 12 نقطة ("""""""20""""""")
70 نقطة من مجموع 100 نقطة |
يعني يا كوستاوي لو كان في حبة نشاط في البرامج الترفيهية كان جينا الاوائل لكن عاد نشاط وين مع البورفات والعمم بتاعتهم دي .. ماكان تفوت حتة البرامج الترفيهية دي ما دام الباقي درجاتة سمحة كدي
| |
|
|
|
|
|
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: Kostawi)
|
الأخ كوستاوى وبقية اللجنة العالمية كل سنة والجميع بخير
أولاً يا كوستاوى فطور بورداب الخرطوم ما كان يجب قبوله لأنو اعاده للفطور الأول - حيث لا يمكن أن تخسر المباراة الأولى ثم تطلب الاعادة وتدخل المنافسة مرتين ثانياً فطور بورداب الرياض لدينا اعتراض على مسألة الشيشة فى رمضان والغرض ليس الدخول فى فتوى عن الشيشة ولكن يجب أن تضع اللجنة فى الحسبان المسائل الروحانية حيث يمكن أن ترسل مسألة الشيشة دى رسالة خاطئه خاصة للأجيال الجديدة وأظنك توافقنى فى أن الشيشة مضرة للصحة ولا تتماشى مع الروح الرمضانية الروحانية وعليه ندعو اللجنة اعادة النظر أو على الأقل اعطاء هذه الملاحظات حظها فى السنوات القادمة وما تخلونا نعلن عن لجنة أخرى المرة الجاية هاهاهاهاهاهاهااهاه مودتى ودعواتى للجميع أبوعلى من نيويورك
| |
|
|
|
|
|
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: عماد الدين عبدالله)
|
Quote: اللبس............19 نقطة ("""""""20""""""") |
تدي ناس الرياض 19 من 20 في اللبس ؟؟؟؟؟
عليك الله دا كلام ... انت ما شفت شبط تمبس ؟؟؟ ما شفت فنيلتو الشينه ؟؟؟ والله لو ما لونها احمر كان قلنا كلام تاني .... لوووول
ما شفت ود الايم خاشي في حاجه كده بالكحلي لا عرفتها عبايه , لا عرفتها جلابيه باكستانيه .. كاااااك .. العجب حميده بالتي شيرت الرمادي داك تقول مشتريهو من الحراج ... لووووووول
غايتو في 9 نقاط نديهم لعمو صديق الموج لانو قميصو قيافه ... الباقي دا حق حرام ساااااااي ...
| |
|
|
|
|
|
|
Re: النتيجة النهائية في منافسات الإفطار لبورداب سودانيز في دول العالم المختلفة (أمسكوا الخشب) (Re: كمبورة)
|
مبروووك بورداب الدوحة مبرووك ضحية ومبرووك هارون والاخوة في البث المباشر "عماد الشبلي وصديق القاعد بعيد في الخور "لا علاقة لخور صديق بخور بكري ولا خور فكان" والاخ ساني .. والشكر لفيصل الزبير الغائب في مهمة من اجل تأهيل ورفع كفاءة بورداب الخرطوم..والشكر لمصطفي عكر.... وشكر خاص للنساء "بوردابيات |أسر البورداب" فقد صنعن هذا الفوز....
ويا نصرالدين ياخ نحن كلمة بكري "سيد الشي زاتو" -الحقوق محفوظة لنازر خليفة- الكلمة دي براها بتدينا ال20% الباقية...
| |
|
|
|
|
|
|
|