|
|
 يا شباب بالله عشان الجهجه والباندويث وثقالة ود الصايم نفتح بوست واحد نعيد فيه على بعض وخلاص ؟؟
|
العيد يا شباب على الابواب ،اها واحد يفتح بوست نعيد فيه على بعض عشان ناس ود الصائم ونوبى واميرة الشيخ
وباقى الاوغاد ديل جنهم سلام وحضن التقول الواحد فيهم ياسر عرفات.
اقترح نفتح بوست واحد نعيد فيه على بعض الداير يجوعر زى طارق جبريل مافى
مشكله، الناس الكبكابات والمتدردقين يجو ياخدو راحتهم، ناس كسير التلج جيبو
حديدكم وتعالوا..
الحمد لله اله فكانا من عمر الفاروق كان جاء اتفلسف وحميدة الله شاغلوا فى روحه
اها كده انحلينا من اثقل اتنين، الباقيين عاقلين وسمحين.
وبعدين البفتح البوست ده ما يكون دكتور المعز ولا الخواض كلامن كبار
بحرجونا ما نعرف نرد يقعدو يقولو ليك ياطيور النوارس الحزينة التى ما اشبعت
شبق الحوائط العذراء عندما دقت مسمارا فى حجم شوكه بريه على طواحين
الهواء المتسلقه فوق ضفادع نقش الجفاف على ظهورها بطيخا.
يعنى زول عفين زى حمزاوى مثلا العربي فى تلتلة يفتح البوست يكتب كلمتين عيديه
والله عيدكم مبارك ويشتت.
كمان ما يكون ما بعرف كلو كلو زى غريبه والا محمد عادل يقلبوا لينا تعزية
ده اقتراح يا شباب هل من مثنى؟وكل عام وانتم بخير،،
|
|
 
|
|
|
|
|
|
|
|
Re: يا شباب بالله عشان الجهجه والباندويث وثقالة ود الصايم نفتح بوست واحد نعيد فيه على بعض وخلا (Re: ياسر بيناوي)
|
إخوتي المريخاب ..
عيدكم هذه السنة .. حزين .. تعيس ..
تملأ جوانبه .. هزيمة قاسية ..
لن تنسى بالساهل ...
أوجاعها مؤلمة .. حارقة ..
تسربلت في مسارب الروح ..
واحتلت التفكير والوجدان ..
أخوتي .. الهلالاب ..
دعونا نعمر قلوبنا بحب الوطن .. تجاه الحمر ..
تعالوا .. نقيم السرادق .. والخيم ..
لنجمع هذه الفلول الهائمة أثناء العيد ..
تعالوا لننشر الرحمة بيننا ..
الجميع فرحان وسعيد..
إلا .. هم .. أليس في قلوبنا ذرة من رحمة .. أليس نحن ببشر ..
العيد .. محبة .. أمل ..
رفقاً بهم .. ضموهم عليكم .. وأعطوهم من حنان الهلال ..
عله يقلل من حرمان الفوز .. وضياع الأمل ..
وهي دعوة لكل الهلالاب ..
أكفل مريخابي يوم العيد ..
تنال الأجر ..
والثواب ..
(( بتصرف من رابط إسفيري أعطاني إياه عمر الفاروق في حلم سي ليلة أمس )) 
................................................................................
كلو سنة وكل الناس بخير ...
| |
|
|
|
|
|
|
|
|
|
Re: يا شباب بالله عشان الجهجه والباندويث وثقالة ود الصايم نفتح بوست واحد نعيد فيه على بعض وخلا (Re: صديق الموج)
|
Quote: يعني حسي ما نعيد بوستك دا فتحت خشم عيدية
حليل العيدية البلا مصروف ولا دبحة خروف
يا زول خلي بكري بس اكتب بوستك دا
واريحنا وانزل البوست حق الكبير
بتاع كلو سنة بس بشوفوا اليومين
قاطع البكيات والعرسات زمان كان بجاملنا
وما بقصر .. انتو الفوركس دا دحين
حقو يا الموج ؟ عليك الله كلموا
يشيل الفانبير ابسنون دا سوا لينا كوابيس
!!!
ومقدما تصوموا وتعيدو بالف خير
انت يا لموج شندقاوي ولا رباطابي ؟؟ |
عشة بت فاطنة كل سنة وانت طيبة وربنا يحقق كل امانيك
وحاتك الفوركس ده انا محيرنى وقدر ما قلت افهم شى يخرب.
ولكن بكرى اظنوا متتفيد يا بت القبائل
انا شندطابى يا اختى
وحاتك انا جعلى الله والرسول لكن شندقاوى الهوى..
واتربيت معاهم وراضعين من اثداء ام درمان الحلوب
سواء ،يعنى اخوان فى الرضاع ،،،
| |
|
|
|
|
|
|
|
|
|
Re: يا شباب بالله عشان الجهجه والباندويث وثقالة ود الصايم نفتح بوست واحد نعيد فيه على بعض وخلا (Re: عماد الدين عبدالله)
|
Quote: إمام الخير في المنبر : الأستاذ صديق الموج
صوم مقبول وعيد مبارك
أسأل الله أن يفتح به على العالمين أبواب الطمانينية والخير والسلام.
وأسأل الله ان يفئي عليك وعلى أهلك وعلى جميع البشر صدقاً من طمأنينيته ومن خيره وسلامه بقدر
الكلم الطيب الذي بعثته والرأي الموضوعي الذي شيدته والفن الجميل الذي أشرقت به والأدب الكريم الذي نثرته أو ثبته في هذا الحيز
ولك ولجمهورك الفريد ، مع الود، كل السلام |
المنصور جعفر سلام
اول شكرا على التقريظ والله نشهد لا اظننا نستحقه ولا اريد ان امدحك
حتى لاتحسب هذه بتلك ولكن لطفك هو ما يجعلنا نبدو فى هذه المنزلة
التى اخجلت تواضعنا وجعلتنا نبحث عن ظفور نتوارى فيها بعد ان
قلمنا اظافرنا استعدادا لهذا العيد السعيد الذى كم نتمنى ان
يعود عليك بالف خير،ولك فيه من الامانى ما لنفسى ودمتم،،،
| |
|
|
|
|
|
|
| |
صديق الموج
حبيب نورة
abdulhalim altilib
Mustafa Mahmoud
ناصر جبريل
حيدر حسن ميرغني
abuguta
داليا الكباشى
معاوية المدير
ابراهيم بقال سراج
khaleel
ياسر بيناوي
عمران حسن صالح
عشة بت فاطنة
سفيان بشير نابرى
محمد عبد الماجد الصايم
البدري عبد الله
Elmosley
د.محمد حسن
اسعد الريفى
العوض المسلمي
وليد عبد اللطيف
طلال جبير جابر
ادم الهلباوى
قيقراوي
Maawya Hussein
JAD
أمين محمد سليمان
الطيب عثمان يوسف
khalid abuahmed
حسن النور محمد
فاروق أبوحوه
محمد عمر الفكي
عكود عبد القادر عكود
عبدالله السفاح
طارق جبريل
محي الدين جبريل
الطيب شيقوق
عماد الدين عبدالله
عبد الرحيم حسب الرسول
فادية اليمني
ابو جهينة
فيس بوك
تويتر
انستقرام
يوتيوب
بنتيريست