|
|
|
 Re: دعوة خاصة من بورداب الدوحة خاصة لبورداب الخرطوم (Re: ضحيه ابراهيم)
|
سلام ضحية ..
وألف مبروك للشاب محمد عبد الرحمن ..
كدي أول حاجة وصف لينا أربجي دي وين بعد داك نقرر السفرة من عدمها ، أساسا أنا في العيد دا رايحة لي سفرية ..!!
وأرجو ترسل لي تلفون العريس عشان التباريك والتنسيق وكدة ..
وما دام فيها دلوكة وبطان أكيد حا نكون حاضرين لو ربنا هون ..
أنا وأخوي الكاشف عمر صديق (عشان البطان وكدة) ..
| |
 
|
|
|
|
|
|
|
|
Re: دعوة خاصة من بورداب الدوحة خاصة لبورداب الخرطوم (Re: عماد الشبلي)
|
الكلام للبقارى ضحية
| Quote: الى اربجى ثالث ايام العيد ويوثقوا المناسبه دى بالتفاصيل والمسأله فيها سوط وبطان |
الكلام للشبه بقارى كيكى
Quote: يادوبك عرفت السبب الخلا بدرالدين الامير ما يمشي يحضر عرس ود خالتو ده..
القصة فيها سوط وبطان وكده....
|
بطان في اربجى يامتخلفين البطان عند جعلين الهامش ناس ناذر وهجو الاقرع وباقى الـ ..
تنهدات: (الزواج هو القرار السهل للذين يعيشون على هامش الحياة
وهو القرار الصعب للذين يشاركون في صنع الحياة)
| |
|
|
|
|
|
|
|
|
|
Re: دعوة خاصة من بورداب الدوحة خاصة لبورداب الخرطوم (Re: ضحيه ابراهيم)
|
***
**
*
وانااعيش بين ظهراني بورداب الدوحة
اتلمس خطواتى
استظل نهاراتها دوحة غنا
واتامل لياليها نورعلى نور
هنالك التقيته ..
من وين فى الاهل..
اربجى ..
R B G
انتفض قلبى
لا احب المدافع واصوات الرصاص
لعنت ذلك اليوم الذى جانا بها
والذى عرفناها وعرفنا الجهاد
والدفاع الشعبى وانا ماشى نيالا
يا هو دى..
لعنت ياهو دى ..
واليوم الذى لعلع فيه الرصاص ارجاء الوطن
ولعنت كل تار يخ المحن
ولعنت لعنت ما شاء اللة لى ان العن
سرحت .. سرحت..
ٍسرحت .. سرجت خيولى
استجمعت شتات افكارى
ف ليالى المنافى
قد شوشت صور التاريخ
واسماء المدن
وخرائط الجغرافيا
وصحوت
كانت امامى
تنام على كتف الازرق
تاريخ وحضارة
مملكة وملوك من ذلك الزمان
وهذا الحفيد سليل الاماجد
ينتظر دوره ليجلس امام الكيبورد
وانا احاول جاهدا ان اربط
بين هذا الزمان وذلك المكان
يريد الماسنجر
ليحدث المحبوب
اخذ فرصتة امام الشاشة الساحره
وذاد عليها حبتين
ومن رزاز الكلمات المتطائره
عرفنا السبب فبطل العجب
جلست الية بخبرة السنين
احاكية.. وجدته يحمل اربجيه
فى حدقات العيون
ويمتشق سيفا دمشقيا
ويلبس در من دروع كسرى
ويسعى الى حتفه بظلفه
وحزرناه...
لكن لاحياة لمن تنادى
سبق السيف العزل
واليوم جاكم يا اهلها
بالفال والعديل المنقى
فجهزوا له ما استطعتم
من سياط ورباط الخيل
وساوند يحت الجير
ونقرزان
ودلوكة
فالليلة سار
سار الليلةالى البحر
وقطع جرايد النخل
......
..
.
سعدت بمعرفته
له التهانى والامانى البرتكانى
وباقات حب ندى
وربنا يتم على خير..
*
**
***
| |
|
|
|
|
|
|
|
|
|
Re: دعوة خاصة من بورداب الدوحة خاصة لبورداب الخرطوم (Re: sumah)
|
| Quote: كدي أول حاجة وصف لينا أربجي دي وين بعد داك نقرر السفرة من عدمها |
ياناذر
انت عايش في ياتو كوكب
اربجي بوصفو بيهالانها
كاملة الاوصاف.
فعلا من شابه اصحابه ضحية وكيكى
ماظلم ومروفوع عنه القلم
تنهدات: الكلام لمكسيم جوركي
(من العظاء من يشعر المرء في حضرتهم بأنه صغير ولكن
العظيم بحق هو من يشعر الجميع في حضرته بأنهم عظماء)
وياناذر حا نمنحك تأشيرة زيارة لاربجي عشان تتحقق من
تلك الحقيقة بنفسك بس اوعك بعداك تطلب الاقامة
| |
|
|
|
|
|
|
|
|
|
Re: دعوة خاصة من بورداب الدوحة خاصة لبورداب الخرطوم (Re: بدر الدين الأمير)
|
سلام بدر الدين ..
صدق أر بي جي ما بعرفا ... لكن إتذكرت مرة وأنا ماشي علي مدني مريت بي لافتة مكتوب فيها الإسم دا ..!! وين ما متذكر ..!! غايتو أعتقد هي بين الحصاحيصا ومدني ..!!
انا شخصيا ماشي المسلمية في العيد والمسلمية طبعا جنوب الحصاحيصا .. غايتو لو ار بي جي قريبة نصل العرس وناخد لينا سوطين تلاتة وكم عرضة كدة ونرجع تاني ..!!
شنكل :
إنشالله في أر بي جي عندكم بتاعات ؟؟!
ولا نجيب معانا للضمان ؟؟!!
| |
|
|
|
|
|
|
|
|
|
Re: دعوة خاصة من بورداب الدوحة خاصة لبورداب الخرطوم (Re: عماد الدين عبدالله)
|
Quote: صدق أر بي جي ما بعرفا ... لكن إتذكرت مرة وأنا ماشي علي مدني مريت بي لافتة مكتوب فيها الإسم دا ..!! وين ما متذكر ..!! غايتو أعتقد هي بين الحصاحيصا ومدني ..!!
انا شخصيا ماشي المسلمية في العيد والمسلمية طبعا جنوب الحصاحيصا .. غايتو لو ار بي جي قريبة نصل العرس وناخد لينا سوطين تلاتة وكم عرضة كدة ونرجع تاني ..!!
|
ناذر
وصفك دا وصف زول ضهبان؟
Quote: إنشالله في أر بي جي عندكم بتاعات ؟؟!
ولا نجيب معانا للضمان ؟؟!! |
لضمان الشافك جيت تغنى:
الغوارير صرعى و الاباريق بتنا في إطراق
اربجى اشرقت بها كأس وجدى ...ماكضب
| |
|
|
|
|
|
|
|
|
|
Re: دعوة خاصة من بورداب الدوحة خاصة لبورداب الخرطوم (Re: بدر الدين الأمير)
|
| Quote: صدق أر بي جي ما بعرفا ... لكن إتذكرت مرة وأنا ماشي علي مدني مريت بي لافتة مكتوب فيها الإسم دا ..!! وين ما متذكر ..!! غايتو أعتقد هي بين الحصاحيصا ومدني ..!! |
هلا يا ناذر
ولو راجي بدر الدين يوصفك اربجي دي بوين
ياكا الطلعت في القضارف العيد ده
ما يشبكك تنهدات وقال ثم من..قال ثم من
الزول ده لمن اتخارج من البلد ديك (زلط مدني الخرطوم لسع ما عملو زااتو)..
اسمع وصف خالك كيكي
اربجي ما بين مدني والحصاحيصا وما بعيدة من الحصاحيصا شديد وبالقرب من قرية فداسي
وبالله ضروري ولدنا ده تبروا بجلدة جلدتين ولو داير البتاعات برضو حاضرين فممكن نعمل ليك توصيلة لناس ود ابوزهانة (حرم تقيف قرد) ههههههه
| |
|
|
|
|
|
|
|
|
|
Re: دعوة خاصة من بورداب الدوحة خاصة لبورداب الخرطوم (Re: عماد الدين عبدالله)
|
العزيز عماد الدين عبدالله
كل سنة وإنت طيب
والسنة الجايه على أمانيك
Quote:
جميع الاخوة المشاركين والزوار
لكم كل الود
تلفون العريس محمد في السودان هو
00249907129124 |
ياخ ده أجمل تلفون
والله من بدري منتظر الحاجه دي
والحمد لله ما قصّرت معانا
ربنا يكمّل لحبيبنا محمد عبدالرحمن على خير
ويسعده فى أيامه دنيا وآخره
| |
|
|
|
|
|
|
|
|
|
Re: دعوة خاصة من بورداب الدوحة خاصة لبورداب الخرطوم (Re: محمد خليل ساني)
|
Quote: يادوبك عرفت السبب الخلا بدرالدين الامير ما يمشي يحضر عرس ود خالتو ده..
القصة فيها سوط وبطان وكده....
|
بدر الدين ، رجل شجاع ، وقال ما عندو مانع يتجلد ، بس خايف علي البدلة تنشرط .....
---------------------------------------------------------
والسيجار يقع ، يقوم يقولوا عليه ما ركز
| |
|
|
|
|
|
|
|
|
|
Re: دعوة خاصة من بورداب الدوحة خاصة لبورداب الخرطوم (Re: رقم صفر)
|
طيب عشان نفرز الكيمان
اولا د قلبه يكونو لجنه وابنا ءالهامش يكونو لجنه
ورونا رئاسه اللجان من منو وكده
والخطه بتاعت كل لجنه
هل من اقتراحات
...........................................
يا عريس والله فشلتنا انحنا مخلينك ركازه لرابطتنا رابطه ابناء السرور عندك لحد تانى يوم العيد
ممكن تغير رايك وممكن نقبلك تانى بدون توقيع اى عقوبه ....
والا حا تبقى بعدين زى جرسه ناس فلان ........ وتكون مهروش وشمهروش زى نا س علان........
فى داعى لتفاصيل ولا نخليها مستوره يا ناس الدوحه ...........
قالو لى خليها مستوره ...وفيها رشوه عزومه عشاء كمان ...هاهاهاهاهاهاهاهاها
| |
|
|
|
|
|
|
| |
ضحيه ابراهيم
حمور زيادة
عبدالكريم الامين احمد
ناذر محمد الخليفة
محمد أبوالعزائم أبوالريش
عماد الشبلي
عبدالوهاب علي الحاج
بدر الدين الأمير
sumah
عماد الدين عبدالله
العوض المسلمي
محمد خليل ساني
رقم صفر
عمر سعد
معاوية الزبير
فيس بوك
تويتر
انستقرام
يوتيوب
بنتيريست