|
|
 الشروق ونسرين سوركتى مافى شخص من المؤتمر الوطنى ده تستضيفوه غير كمال عبد اللطيف ؟؟؟؟؟توجد ثقالة
|
قناة الشروق فى رمضان هذا العام تقدم برنامج بعنوان خيمة الشروق.
بامكانيات مهولة نصبت خيام راقية جلبت اليها ارائك وحشايا ومطارف انيقة
وحشدت فيها من الرفاهية مالم يتثنى لقناة سودانية اخرى ان تفعل.
تابعت هذا البرنامج لعدد اربع حلقات.
ضيوف البرنامج فى الحلقات التى حضرتهاهم
محمد عثمان رزق ..حسن عبد القادر هلال...دكتور مالك حسين..د.كمال عبد اللطيف
(وده لقب اطلقه عليه الاعلامى بابكر حنين) سبحان الله...
خيمة تعطى دكتوراة فخرية..ماعلينا...
ومن الالقاب التى حبته بها الاستاذه نسرين سوركتى فى تلك الحلقة
العقل الذكى وملك المتابعة مع ان الرجل كان يستحق لقب بطل النينجا،او سيد
شباب اهل الثقاله وتقل الدم.او ملك ملوك البياخة.
لا اظن ان هذه مصادفة ان يكون ثلاثة من ضيوف الحلقات من المؤتمر الوطنى ومع يقينى
ان جماعة المؤتمر الوطنى اضراب يتطابقون مطابقة النعل للنعل فى الافعال
ولكنهم بينهم من تستحسن قوله على صعيد ثقافى او عندما يروى ذكريات.
واليكم وقائع الحلقه التى كان ضيفها الاستاذ كمال عبد اللطيف وزير الدولة
برئاسة مجلس الوزراء،ولا اغالى ان قلت عرفت انواع الثقالات والثقلاء طرا فلم
استمع طوال عمرى لمن هو اثقل من هذا الكمال ولم اشاهد منه اكثر غرورا.
الحلقه ابتدرتهاالاستاذه نسرين بسؤال عن سيرة شارعة،ولم تخلو السيرة كما رواها
من سخف حيث روى ان حياته العلميه ارادها ان تبتدى بمجلس الوزراء ولم يحالفه
الحظ وحاول العمل بلجنة الاختيار وظهرت له وظيفه بالجمارك ولكن المشئية
ارادت له العمل ببنك فيصل الاسلامى،مع ان كل الاسلاميين بدوا من هذا البنك الكارثة؟
وبدا الضيف يتنقل من خيمة لاخرى حسب طبيعة البرنامج ،حتى وصل خيمة
بداخلها الاعلامى بابكر حنين وهى خيمة كما يدعون تسقط فيها الحصانات
سال الاستاذ بابكر الضيف الخرافى بعد لولوة شديدة وتهرب عن مدى تقبل اركان الحكومة
للنقد من خلال الصحف؟ ولماذا تصادر وتوقف الصحف التى تنتقد الاداء الحكومى؟؟
ضيفنا التحفة بلع السبف متنى واجاب بحزم بالغ لم يحصل ان فعلت الحكومة
ذلك وحاول الاستاذ بابكر حنين ان يقنعه ان شى مثل هذا قد حصل
ولكن وزير دولتنا الهمام انكر ذلك جملة وتفصيلا بل تحدى بابكر ان ياتى بدليل..
ولما لم يجد بابكر حنين اجابة تروى غليله وترضى فضول مشاهده المسكين واحس
شراسة الضيف وحنقه عن السؤال قال المهم انا انتهيت من ذلك نتحول لسؤال اخر...
وبابتسامة باهته وفاترة ودع بابكر ضيفه متمنيا ان لا يكون قد اذى سعادته بالاسئلة.
وصل سعادته لخيمة بها شخص تربطه به علاقه، لاترى من ملامحه غير ظله،مسموح لك بسوالين
تكون الاجابه فيهم بنعم او لا ايماءا..وهنالك رسام مطلوب منه ان يرسم للشخص ملمحا يعين الضيف
على التعرف على الشخص الذى بداخل الخيمة..وهنالك تجلت مساخة سعادته ايما تجلى.
سال الضيف واظنه عرفه لاول وهله اسمك محمد؟ اجاب الضيف براسه نعم والسؤال الثانى
ابوك اسمه هاشم؟ اجاب الضيف بكتفيه ولكن الاستاذه نسرين ارادت للحلقه بعض تشويق
بعد ان افرغها كمال هذا من متعه او بسمه فتدخلت وطلبت من سعادته تغيير السؤال
هنا اتجه كمال الى الرسام ومطلوب منه رسم ملمح وطلب منه ان يرسم له وجه الشخص كاملا
تخيلت لسان حال الاستاذة نسرين والمقدم الاخر حاتم يصيحون يادى النيله!!!!!
وبعد ان تعرف على الشخص وصافحه لم ينسى ان ينتقد الرسام بطريقه فجه اخجلت مقدمى البرنامج.
اى ثقالة اضفاها هذا الكمال للبرنامج ؟حاولت نسرين بلطف شديد (يمكن عشان رعاة البرنامج)
ومن اجل خاطر المشاهد ان تجعل حلقة كمال هذه مبلوعة. ونشهد لها بانها بذلت كل ما تملك
من لطف وتبسم يعدل تبسم طقم مضيفات كامل ولم تخفى نواجزها طوال وقت الحلقة حتى لتحسبها انها كانت
تنفذ دعاية لمعجون كرست ،عسى ان تنتزع من الضيف بسمة او كلمة تبرد حشا الحلقة ولكنها
فشلت فى ذلك لان الضيف كان يضحك حين يكون الضحك نوعا من الثقالة وضربا من العبط.
وحين يكون غير مطلوب،بل كان يتجهم ببلاهة غريبة ويعزى ذلك لتربيته العسكرية وبئيته التى نشأ فيها، وان
ظروف عمله تحتم عليه ذلك وكانه مطلوب من المسئول التجهم طوال حياته ،حتى وان كان ذلك فى برنامج
تلفزيونى قصد منه اضفاء نوع من البهجة والمتعة لمشاهد لا ذنب له غير انه بضغطه على الريموت
ادخل مثل كمال هذا الى بيته.
المهم انتهت الحلقة السمجة والتى بلا شك زهدت الكثيرين وانا منهم من التسمر امام قناة
الشروق ونحن فى هذا الرمضان وبه ما به من مشقة الصوم والعناء.
نصيحة اخيرة للاستاذ بابكر والاعلامية الرائعة نسرين ان يختوا استضافة الثقلاء لان مثل
هولاء ومهما حاولت من تحسين صورهم فبلا شك انت خاسر،لان حتى الاستعداد الفطرى للتحدث
بعيدا عن عنجيتهم والتى وصلوا لها بدبابة غير متوفر البته.وبفتكروا انهم سوف يكتبون
الصفحة الاخيرة فى تاريخ السودان الذى ابتلى بهم،
يا ناس الشروق السودان فيه اكثر من منصور خالد وحسن ابشر الطيب والحبر يوسف نور الدائم
وادريس البنا وعبد القادر الرفاعى ويوسف بدر وكمال عبادى وصديق كدودة وعمنا ضرار صالح ضرار
والف شفيف و مليون ظريف وعالم ومبدع يستحقون مثل هذه الاضواء.فارحمونا من مثل كمال هذا واضرابه
والذين لا ينفكون يملاؤن الاعلام سخفا وعنتريات ويشوهون وجه السودان النضير البهىء.
والله من وراء القصد،،،،
|
|
 
|
|
|
|
|
|
|
|
Re: الشروق ونسرين سوركتى مافى شخص من المؤتمر الوطنى ده تستضيفوه غير كمال عبد اللطيف ؟؟؟؟؟توجد ث (Re: أحمد الصديق)
|
Quote: سيدي هذا هو الإعلام الموجه
لمسح ومسخ كل ماهو جميل في السودان
إنه إغتيال الشخصيات ودفنها. لكن لن ننسى
أن هذا الوطن كان ومازال في خزانته أمثال
ماذكرت وأكثر .
التحية لك . |
احمد اخوى كيف حالك
بالله الكاميرا بتاعتهم الحايمه الدنيا دى كلها
كان استضافت فرانسيس دينق،وحاورته فى كتاب
طائر الشوم او حكاية رجل اسمه دينق ماجوك
ما كان اخير من الضيوف الثقلاء ديل..
لاتجربه سياسية ولا اجتماعيه الواحد قام من
نومه ولقى كومه..بس انتماء لحزب السجم ده وهوب تطلع،،،
| |
|
|
|
|
|
|
|
|
|
Re: الشروق ونسرين سوركتى مافى شخص من المؤتمر الوطنى ده تستضيفوه غير كمال عبد اللطيف ؟؟؟؟؟توجد ث (Re: وجن)
|
Quote: بالغت ياخى !!!كيف ماسمعت بيه
ده ياخى ما عندو مرجعية
والمقدده وبتاع الامن ودباب كبير
ويحتل منصب وزير دولة برئاسة مجلس الوزراء
اى رئيس وزراء السودان بل اكبر من كده بى كتير..
ياخى ده من شدة روحه ماعاجباه وما مفترى...
ما بضحك الا كل تلاته شهور مرة..
وفى حضرة البشير فقط..
يعنى ما ممكن يبتسم لاى وزير،،،، |
صديق والله ده حراق روح واحد عطشان ساي..
ياخي تعاينو في الفيل وتطعنوا في ضلو...
عليك الله هسة كلامك الفوق ده كلو البعيب فيهو شنو؟؟؟
يعني اخير اجيبو كمال ولا السر البعاتي ده؟
شنو الماعاجبك؟
راجل فاهم ومتواضع ومتعلم ودقري وماعندو لف ودوران
وبيشغل موقع مهم وليهو علاقة مباشرة بينا كمغتربين..
ولا عشان ما جا لابس ساعة ذهبية وعمة تسعة متر
ومص خشمو وقعد امثل فيها ظريف وهاهاهاهاها وكده؟؟
والله ياصديق لو كل المسئولين من المغتربين..
بقوا مساخ ودقريين زي كمال ده كده
كان حالكم اتعدل وطلعتوا بي حاجة..
أنا شخصيا والله وبعيد عن اي ميول او كسير تلج..
من اشد المعجبين بهذه الشخصية..
تزعل ترضي علي كيفك..
ده الحقيقة الانا شايفها..
انا ماشي اودي امي تفطر في سيدنا الحسين وبجيك بعدين.
اشوفك نضمك الكتبتو شنو.
| |
|
|
|
|
|
|
| |
صديق الموج
أحمد الصديق
محمد إبراهيم علي
بابكر التوم
mohmmed said ahmed
Deng
عمر عبد الله فضل المولى
ابو جهينة
abubakr salih
باسط المكي
جلال جبريل
د.محمد بابكر
وجن
يوسف الخضر
فيس بوك
تويتر
انستقرام
يوتيوب
بنتيريست