نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 في شىء غلط ..
|
عشان كدا يجب على الاتحادين السوداني والافريقي لكرة القدم ان يعيدا
الموسم الكروي دا من جديد ..
يتبع ...
|
|
 
|
|
|
|
|
|
|
|
Re: في شىء غلط .. (Re: طلحة عبدالله)
|
ناس الهلال ذاتم ما مصدقين الحاصل للمريخ دا ..
وعلى حسب الشىء الشايفو احتمال كاس السودان ذاتو ما نلم فيهو ..
انا متاكد انو دا كابوس ..
يتبع ..
| |
|
|
|
|
|
|
|
|
|
Re: في شىء غلط .. (Re: طلحة عبدالله)
|
........... سلام طلحة
كلو عادي وطبيعي وما في غرابة !!
دوري السوداني دا ماركة هلالية مسجلة ; ستة مرات من اخر سبعة مشاركات!!
ودوري التمانية في بطولة الأنديةالأفريقية أصبح روتين هلالي !!
أما كأس السودان فدا حقكم ولو لعبتوا بالصف التاني!!
يازول مابتجيكم عوجة لو ختيتوا مزيلمة (مزمل) في علبوا وأبعدتوه من
من الوالي ومن شغل الإدارة!! ومن خداع الجماهير والشكاوي الفشنك!!
| |
|
|
|
|
|
|
|
|
|
Re: في شىء غلط .. (Re: طلحة عبدالله)
|
| Quote: في ذمتك انت مصدق الكلام دا ..؟ |
الكلام دا نتيجة طبيعية ومتوقعة جدا
ودا نتيجة التخبط والضعف الاداري الواضح
وبرضو نتيجة طبيعية لتسجيلات المريخ الغير موفقة :
1- اعادة تسجيل ايداهور والتغاضي عن تسجيل ايفوسا رغم الحوجة الملحة للثاني
2- تسجيل وارقو بعد مشاهدته في مباراتين فقط
3- تسجيل ريتشارد
كشف المريخ يعج بالكرور :
1- مجاهد
2- موسى الزومة
3- بلة جابر
4- الشقيل
لاعبون اصبحوا غير قادرين على العطاء :
1- فيصل عجب
2- امير دامر
عوامل اخرى :
1- اعلام المريخ (مزمل ابوالقاسم مثال)
2- انهاء عقد المدرب
3- الاعتماد على شراء الحكام (حكم هلال مريخ الاولى نموذجا)
المريخ يحتاج الى ثورة ادارية ويحتاج الى ابنائه الغيورين ما يحدث الان داخل اروقة نادي المريخ يعتبر مهزلة والناتج الانت شايفو دا وقاعد تبكي عليهو دا نتاج حتمي وطبيعي يعني ما كابوس يامستر طلحة
| |
|
|
|
|
|
|
|
|
|
Re: في شىء غلط .. (Re: محمد عبد الماجد الصايم)
|
سلام يا كمال عباس
يقيني انو المشكلة ما في مزمل
مزمل صحفي يهموا نجاح جريدتو
المشكلة في مجلس المريخ القدر ما قالوا ليهو اسمع كلام الببكيك ما تسمع كلام البضحكك
عامل اضان جلد وقال ما بسمع ليهو كلام قصير
كتار ناس عاقلين قالوا للمجلس ما تنشغل بالثانويات والهوامش وتهمل فريق الكورة لانو
نجاحك في نجاحو لكنه ما اعار الاقاويل دي حتى اذن طين .
المريخ يا عزيزي فقد بوصلتو بداية من بطولة سيكافا لان ادارتو انشغلت بكلام الهلالاب
عن انو سيكافا دي مفصلة على المريخ ( التقول ما سمع بالعارف عزو مستريح ) عشان
كدا الفريق بدا يغرق .
والغريبة بعد ما طارت سيكافا برضو مجلس الادارة ما اتعظ وتاني شغل نفسو بالاوهام وترك
الفريق يواصل الغرق لغاية ما رسي في قاع الفشل الكريه .
المشكلة في مجلس المريخ يا عباس وليس غيره .
| |
|
|
|
|
|
|
|
|
|
Re: في شىء غلط .. (Re: طلحة عبدالله)
|
يا وهبة كلامك نصو صاح وربعو التالت قريب من الصاح وربعو الرابع فيهو مبالغة .
صاح في حكاية القصور الاداري وانا معاك فيها زي ما معاك انو الاعلام المريخي جزء
من مشكلة ليس المريخ فحسب بل الكورة السودانية كلها .
والقريب من الصاح حكاية اللاعبين المنتهين ديل وان كنت اتحفظ على اسماء مثل
الشغيل والزومة والعجب .
والبالغت فيهو عديل كدا دا ايفوسا
ايفوسا دا ممكن يصلح مهرج واللا اراقوز ينطط واللا اية حاجة لكن كورة دي ما
شفتها ليهو ابدا حتى ولو سجل هدف كما احرز هدف اقجي ..( اوتذكر اقجي يا هذا ..؟ )
ايفوسا لاعب كلو مساوى يا وهبة اخوي .
| |
|
|
|
|
|
|
|
|
|
Re: في شىء غلط .. (Re: أحمد ابراهيم عثمان)
|
كدي يا تنظير فهمني دي Quote: المريخ يا عزيزي فقد بوصلتو بداية من بطولة سيكافا لان ادارتو انشغلت بكلام الهلالاب
عن انو سيكافا دي مفصلة على المريخ ( التقول ما سمع بالعارف عزو مستريح ) عشان
كدا الفريق بدا يغرق . |
يعني لو كانت الادارة ما انشغلت بي كلامنا كنتو حوشتوا الكورة المن ووين ما تخش ولاّ كيف يعني
ولاّ كانت الادارة ح تخش تجيب قوون الدرون مثلا
يا عم روح بلا تنظير معاك
| |
|
|
|
|
|
|
|
|
|
Re: في شىء غلط .. (Re: طلحة عبدالله)
|
الاخ العزيز جرجير الشهير بود البشرى
انشغلت ادارة المريخ بهرف مشجعي الهلال في الجرايد والمجالس والمنابر عن انو بطولة سيكافا
فصلت على المريخ لمجرد ان النادي استضافها وتكفل بمنصرفات منافساتها
وبدل من ان يتعامل المريخاب مع كواريك وافتراءات الهلالاب بمبدا (القافلة تسير ) وينصرفوا لاعداد
الفريق نفسيا وبدنيا وفنيا بعزل اللاعبين عن هذه الأجواء المسممة حقدا وحسدا جاروا الهلالاب
في غيهم وسخروا زمنهم وجهدهم وفكرهم للرد على هذه الاساطير تاركين الفريق يتخبط في وحل
الفوضي والعشوائية واللا انضباط وهو ما اورده مورد الضعف الذي جعله يتأقزم في مواجهة اتراكو
الرواندي الذي لا يملك ثمن امكانات المريخ .
خسر المريخ من اتراكو في سيكافا وتعادل مع الهلال في الجولة الاولي من مسابقة ابطال افريقيا
لانه لم يكن مهيأ للفوز بسبب الاهمال الذي عاناه من ادارته وهو امر طبيعي جدا ينطبق على اي
فريق في العالم اذا لم يجد العناية والاهتمام .
اذا تم اعداد المريخ الاعداد المناسب لمثل هذه المنافسات لكان له شأن مختلف تماما عن الواقع
الذي نعيشه ونعايشه حاليا.
| |
|
|
|
|
|
|
|
|
|
Re: في شىء غلط .. (Re: طلحة عبدالله)
|
السيد تنظير الشهير بطلحة
من بعد ازجاء التحايا و الاحترامات وما الى ذلك
ياخوي انتو اصلو ما عندكم قولة اتغلبنا كورة الله و الرسول دي او التيم التاني لعب و اجاد احسن مننا
ولاّ تيمنا كان كعب او حارسنا اليوم داك ما موفق او اي شي من الاعذار المنطقية
لازم شماعة يعني كان الحكم كان الادارة كان جمهور المنافس كان غيرو
ياخي ببساطة اتغلبتوا وفي الميدان كورة عديل كدا
البرازيل بتتغلب ياخ
ما تملونا فقر عليكم الله برانا زهجانين
هذا مع وافر التقدبر و الاحترام
| |
|
|
|
|
|
|
|
|
|
Re: في شىء غلط .. (Re: محمد البشرى الخضر)
|
مبتدع أدب الجرجرة رائد ثقافة التنظير العزيز الغالي ود البشري
ارجو ان يهل عليك العيد السعيد وانت واهلك واحبابك ترفلون في ثياب الصحة والعافية
وبعد
انت يا زول بس عايز تشبع نهم حلقومك الغليد دا بالكواريك والنقة الفاضية من منطلق
(أنا بكورك وبجوط إذن أنا موجود) واللا الفلم بتاعك دا شنو ..؟
هسع عليك دينك وايمانك انا من قبيل قاعد اتكلم بلغة الاسكيمو..؟
قلت المريخ كعب عشان كدا اتغلب ...
وطبعا كونو يكون كعب دي عندها أسبابا زي ما كويس عندها أسبابا..
كعوبية المريخ حصلت لأن أهلوا أهملوه وإنشغلوا عنو بسفاسف الامور
وسفاسف الامور العارفا أنا هي خطرفات الهلالاب بتاعت انو سيكافا مفصلة على
المريخ .
وأقول ليك حاجة كمان يا مواطن ...
أشك في أنو خبثاء الهلال الفوا المسرحية خصيصا عشان يلهوا بيها المريخاب
ومايهتموا بفريقكم وبالتالي يجيب كاس خارجي جديد ..
بعد كدا يا عزيزي المحترم اللا أجيب لي موس وأزين شعرك وأفتح نافوخك دا وأكب ليك
فيهو الكلام دا .
أخيرا وليس آخرا
لك مني وافر الإحترام والتقدير .
| |
|
|
|
|
|
|
|
|
|
Re: في شىء غلط .. (Re: عبدالوهاب علي الحاج)
|
يا وهبة
انا كزول وطني يهمني الهلال كونو بمثل البلد المكنوبة دي خارجيا عشان كدا بحذر الهلالاب
من مغبة الاعتماد على ايفوسا المهرج
برضو ابقوا زي ناس المريخ راسكم قوي وما بتسمعوا كلام الخبراء لحدي ما الرماد
يكيل الخياشيم ..
أقول قولي هذا ولسان حالي يردد :
لاعذر لمن انذر .
| |
|
|
|
|
|
|
| |
طلحة عبدالله
عبدالوهاب علي الحاج
كمال عباس
معاوية عوض الكريم
محمد عبد الماجد الصايم
رغيم عثمان رغيم الحسن
أحمد ابراهيم عثمان
محمد البشرى الخضر
فيس بوك
تويتر
انستقرام
يوتيوب
بنتيريست