|
Re: جلسة إستماع(هشام كمال+إيمان آدم+الفاضلابي) منبر الشباب الديمقراطي-مركز الدراسات السودانية.. (Re: تبارك شيخ الدين جبريل)
|
حبيب نورة حبيبو ازيك ياولد ، غايتو دي اتجليت فيها ، شايفك عامل ليك خيمة غايتو قالوا البعيش يشوف.. اسي كدي خلينا انا وحكاية فاطر معانا دي انت بينك وبين نفسك مقتنع انك صايم .. ياخ قوم لف.. بعدين عليك دينك رغم اني عارف ماعندك دين لو الود الابنوسي خش عليك بايميل ولا أي مصيبة قول ليهو تروتسكي عايزك ضروري ضروي.. تصوم وتفطر على خير (غايتو مجاملة ساي)...
تبارك شيخ الدين جبريل ازيك ياجن ... ياخ ليك وحشة وشوق.. بنعمل دراسات للمخلوقات الزيك ديل كده ... تقوم تقوم معاك نفس البشرية دي ، تقعد تحير العالم ده.. شفته الزيك ديل حنخصص فيهم .. ياخ لو كنت معانا كنا اديناك الجنسية السودانية.. انت المهم..
التحايا النواضر...
| |
|
|
|
|
|
|
Re: جلسة إستماع(هشام كمال+إيمان آدم+الفاضلابي) منبر الشباب الديمقراطي-مركز الدراسات السودانية.. (Re: humida)
|
هشام لكن عفوا ..ها اننى استرق السمع إليك من على ظهر المسافة ألان... لما الحواس بحلمبهن غبن من الجيه العصير قلبن بقن يجن الضهير
كلمات محمد عبيد الفاضلابى الحان وغناء هشام كمال التوزيع الموسيقى ذرياب دهب هشام يديك العافية ، أشكرك نابية عن الحضور بتجميل امسيتنا يا فنان..
إيــمان ...وعندما نُرتهن بهكذا الوعد الجميل فأنتي تضعين حبي في جوف مقبرة جماعية للأحلام البيضاء وذلك لأنني كنت متورط القوافي فيكِ حتى أخر الأنفاس وفي صحو الخواطر .. ولأنكي قد قدمتي أكثر من عمق وصدفه حدث مقيم تحت وسائدنا.. تسلمي..
---------------
humida ياعزيزي ، اخبارك وصحتك ، في اعتقادي ليلة كنا سكرانين بخمر هؤلاء ساعتها لو دقت صفارة القيامة ما اظن تكون في مبالاه... نحن كان وضعنا احرج يازميل ، فكل الذي اعلمه انه عندما احتوت العبارات انشوده طفلتين حزنتا صامتتين .. ساعتها..!!! انهمر المطر واهتز سلطان التورط في مقايس المسافة والبقاء ؛ حتى إذا كانت ارتقاءاتي مثلما هي كائنه لم يحرك فيها ساكنا عوامل دهرك.. حتى طلبنا من نداءات الشوق التي في متوننا أن تعلن عودتها إلى مقاعدها حافية.... تقول لي في احرج من كده، بس اشتهيناك معانا واشتهينا كل زول ...
| |
|
|
|
|
|
|
Re: جلسة إستماع(هشام كمال+إيمان آدم+الفاضلابي) منبر الشباب الديمقراطي-مركز الدراسات السودانية.. (Re: معتز تروتسكى)
|
الفاضلابي ... كم أهدرت احساسيسي ياولد حين كنت ابحث عن الطرب المطعم بالنشوة في نصوص الفراغ وحروف العبث وقوافي الخواء ... سمعتك ... هتفت ؛توضأت ؛ وحين ترعرعت لضرورة التكبير في مسافتك الميتة بالشوق وأضرحتنا العاطفية تجاه الكلام البعشرق.. لقد كنت شيخ طريقتك الوطنية الذي يعرف كيف يصوغ للحزن وطن وأين يجد للوطن جراح ومتى يخترع للجراح بلسما .. لك..الذوبان المتجانس الذي في مقدور المناسبة والتي تحملنا إليها دون إشفاق من فجاءة الرحيل من العتمة إلى الشروق ...
| |
|
|
|
|
|
|
Re: جلسة إستماع(هشام كمال+إيمان آدم+الفاضلابي) منبر الشباب الديمقراطي-مركز الدراسات السودانية.. (Re: معتز تروتسكى)
|
مسكه خِتام...
كانت الاقامه تتوخى دفء الاندمال فى مسام الروح والجسد انفلات وانفعال.. دعنى استجيب لاحذيتى التى ارهقها السفر فى تفاصيل المسافات على جغرافيتكم؛ وها نحن نختزن المواقف نفسها التى تضاجعها رغبة الاعتماد على قاعدة.... نُـحيكم... ولكن ليس للاخر فهو يمتلك بقيه نوفرها لفصل قادم من الاخبار.. نُـحيكم ...وكل امنية طروبه تراقصكم فى زاوية حانة ما ؛مع بسيمة صغيرة غيرت إنتهاء المنابع فى احضان المصب!!.. نُـحيكم ....وليكن التوفيق كائنا لايستحى من ان يداهمكم وتبقى الصحة دوما كما هى فيكم تعطيكم خطة للانتعاش او صدفة مليئة بالسحر والاشواق .. نُـحيكم ..قرنفل الاشياء يتناثر حولكم وثمة اشياء معلقة فى غموض التكوين واصرار الجسارة ؛ وثمة اشياء اخرى معفية من التطوع تدعونا لتناولها باسنان من حرير داخل مستودع الرهافه والجمال.. نُـحيكم ... هشام ؛ إيمان ؛ الفاضلابي؛ الحضور...
التوقيع: منبر الشباب الديمقراطي-مركز الدراسات السودانية.
| |
|
|
|
|
|
|
Re: جلسة إستماع(هشام كمال+إيمان آدم+الفاضلابي) منبر الشباب الديمقراطي-مركز الدراسات السودانية.. (Re: Elmosley)
|
Elmosley رب الفن ، ياخ انت ابو الشباب ذاتهم ، استمارتك اساسا مكتوبة جاهزة بس منتظرك تجي تباشر عملك.. هشام زول الحانو تقدر تقول عليها السهل الممتنع ، بعمل على تركيب لحن بسيط مع كلمات تبدو منتقاه بعناية يتخللها الطابع التراثي وده الجميل الفيها، في نفس الوقت تجد من الصعوبة ان يتعامل كل شخص مع الحان هشام واغانية ، لانقدر ان نقول عنها صفوية وهو ما يدخلها في خانة السهل الممتنع ..
اليوم كان خرافي ، بقصائد الفاضلابي وإيمان.. واللوحة اكتملت بهشام وسمفونياتو..
التحايا النواضر...
| |
|
|
|
|
|
|
|