|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: إني أعوذُ بنجمـــةٍ لا تُرضِع حليبك للمساء !! (Re: حبيب نورة)
|
صفقة ليمون دخلت ومرقت ... كاست للضو
في عيون مسطول
قالت معقول نفّسّك مشغول من روح زول ساكن طفّاية شوق في ضل صفقة ليمون
وحبّة ضو تاوق من شبّاك روح مفتوح !
زمنك مجروح .. مسروق من ضلفة باب حاضر أسود
زغلل عينيك نفسين مرقن من بين نهدين بنوتة حشيش !
شوية مزيكة تفتش في رقصة
وهناك بنوتة تكركِب بي رقصة ، وتسرق من خاطرك شبّال
مجدوع في ضل صفقة ليمون
دخلت ومرقت من بين ضلفة خاطر
وكلام شاعر بكتب بي خُدرة أنفاسو صفقة ليمون في دنيا عصير
أوراق شِدراً في الغابات ...سنبل هيمان
ومشاط نخلة وسلّة تمرات
تسريح النيل شعر القمحة
يشربوا فنجان حوضين برسيم في جروف سمحة
راجيين في النيل صفقة ليمون دخلت ومرقت سكنت في القيف
وقعت في المد .. ما بين ساحل شبّاك مفتوح
علي شارع موجة ونيل
خاتف لونين من تعبك
سارق خيتين من لهبك
في جيد صفقة ليمون تتمرجح بين العتمة وبين الضو
تتدلَّك من كبَريت الطين
!!!!
صفقة ليمون دخلت ومرقت
كاست للضو !!
| |
 
|
|
|
|
|
|
|
 Re: إني أعوذُ بنجمـــةٍ لا تُرضِع حليبك للمساء !! (Re: حبيب نورة)
|
حنطت حس الشوق مرق..
رسلت صدفات للبحر...
غرقت الموجات تلولي..
المويه..
في جوف حسك
المشيول سفر..
صنقر علي حس
شوقي ليك...
هفهف نسيم الريد حروف.
مكتوبه فيك.....
مقسومه لزول مغيب
ومن تلابيب الاقاحي
مارق عليك..
داخل علي شريان حنانك..
بس عشان تحنانوا
ما كان الاليك..
في حته جوة الخاطر
المزحوم جدائل.
يا خليط من عمق حس الجوة
بس داساهوا ليك..
من السفر..
جوة السفر حاجاتي
بس مختوته
باقات من وفاء..
مشيوله في حس الزهور
وجوة الندي رسمت
عبيرك اشتهاء..
باب انتماء..
ووطن حنون..
مليان تفاصيل بالامل
جوة المطر.
ظهرت تفاصيلك رذاذ..
ماالمويه عشراقه السماء
احساس ملاذ..
لواطه مخطوطه بغياب.
مرسال مجرتق بحراز
موال مغطغط بغيابك..
جوة اوردة العمر..
يا وردة في قلبي المودر..
واااانبضي لو ودرت فيك.
احلي الغنيوات.
شان تلحق الاوتار.
وتدخل من غياب الليل فجر.
وتودر احساسات هواي.
في صهيل المهرجانات.
اللي تتسال عن اللي.
خت القدرة فوق خلقه.
وشتت عظمه السواهوا .
فوق لامدقر..
وزرع فواصيلك معاي.
التحية للحبيبة الأخت رشيدة
وكل سنة وانتي طيبة
| |
|
|
|
|
|
|
|
|
 Re: إني أعوذُ بنجمـــةٍ لا تُرضِع حليبك للمساء !! (Re: حامد محمد حامد)
|
Quote: انت جيت يا ...حبيب يا اللى كلك منقة وزبيب وكمان حليب
ياخى على كيفى حليبى وحر فيه اسكبه فى اى واطة للسماء
رمضانك مبارك وكن بخير يا اصيل |
حامد يا إنت
هنا شامة
وهنا نقطة
وهنا إنت
وينك يا سيد الناس
قريبك الفاطر دة لي منو كم أذان ما شفتوا
باقي بقينا نحسب الأيام
بي الأذاذين
| |
|
|
|
|
|
|
|
|
|
Re: إني أعوذُ بنجمـــةٍ لا تُرضِع حليبك للمساء !! (Re: حبيب نورة)
|
مسدار المطرة الكبّت شو
ما دقت باب
ما قالت كو
المطرة مُلاح الباتن قو
ما قالت كيف
لا قالت لو
بس كبّت شو
بس مرقت شو
لا بتفهم ريح
لا بتعرف نو
لا خافت ليل
لا هابت ضو
من إيد الرب القالِك سو
مسدار المطرة الكبّت شو
بتمد للمحل البنبح هو
بتكيل للحر الساكن الجو
بي برقاً شالع
بضرب رو
خطبت
بي رعداً كاسر
بضرب كو
مسدار المطرة الكبّت شو!
نمّت نظمت مسدار قمحة
خطبت بالخير .. فاطمة السمحة
حضنت غابة وسقت الجو
فهمك للدنيا نخيل وخدار
رايك في النيل ما بتلولو
مشوار النور في شارع الضي
مسدار المطرة الكبّت شو
لا شحدت كسرة ولا صفقة
ولا طنُّوب من لبن الضو
مرقت حفيانة تقابل الضيف
قدلت بي سيف
مدّت ماعون .. وقدت كانون
كيل يا مكائيل .. وافر بالحيل
معطون في الخير
مسدار المطرة الكبت شو
ما دقت باب ما قالت كو
المطرة ملاح الباتن قو !!
| |
|
|
|
|
|
|
| |
حبيب نورة
rani
doma
JAD
حامد محمد حامد
ابو جهينة
وجن
nassar elhaj
salah almaleeh
عفاف الصادق بابكر
فيس بوك
تويتر
انستقرام
يوتيوب
بنتيريست