|
رابطة لمعجبي منار صديق برئاسة عبد الدائم النضيف ..
|
Quote: شاهدتها قبل عامين غنت لعائشة الفلاتية اغنية ليه يا مرادى .. فاجادتها ثم فى كورال الاحفاد وكانت متميزة جدا" فى الاداء الفردى
وظهرت حاليا" فى برنامج اغانى واغانى باداء جميل ومتوازن وارى انها الاجمل صوتا" ولكن يبدو ان للفن مقاييس اخرى مع كامل احترامى لافراح عصام ورماز ميرغنى لكن يا منار انتى مظلومة مظلومة حتى الان ولا بوست اعجاب واحد ها انا اول المعجبين بك ..... وحاراهن عليك الى نهاية برنامج اغانى واغانى وبعده .... |
منار صديق ..... مظلومة مظلومة !!
و هذا البوست خطه يراع أخونا و صاحبنا و زميلنا في البورد / عبد الدائم سيد أحمد ، المعروف ( عالمياً ) بـ عبد الدائم النضيف ..
|
|
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: عصام دهب)
|
حينما كان طلبة في الزقازيق كان لدينا أتنين عبد الدائم أو عبدي الدائم ، و مع ذلك يمكن لمن هم من أصول رطانية أو من عندنا أن ينطقوها ( أبدو الدائمين ) و لا ( هرج ) .. واحد من هذين الإتنين ـ الله يطراهو بالخير ـ كان زول ( راستا ) و ( دشن ) فأسموه عبد الدائم الوسخان .. و التاني هو عبد الدايمنا أو عبد الدائم سيد أحمد بتاع المنبر الواحد دة ..
و كان ـ عبد الدايمنا أو النضيف ـ و لا زال زول وجيه و قيافة و مجيّه و منظم وزول غنّاي و سميع و نضيف و عشان كدة سموه النضيف ..
و حقيقة حق الإسم ..
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: عصام دهب)
|
كثير من ناس الزقازيق و غيرهم لا يعلمون أن ( النضيف ) هو لقب لعبد الدايمنا .. و على صعيد شخصي ربما لم أعرف أسم أبيه إلا قريباً .. و حتى أنني حينما قابلت السيد والده يحفظه الله .. يوم زواجه ـ عبد الدايمنا طبعاً ـ قربت أقول ليه ( أبشر يا عمي النضيف ) .. أها .. عبد الدائم زول سمح سميع غنا .. و في الغنا السمح دة أسألو منو الزول الغائب الجميل / لؤي شمت ..
و يا لؤي ياخي كل سنة و أنت طيب و رمضان كريم و هابي بيرث داي و عيد مبارك و كل الحاجات الحلوة زي طلتك .. ياخي رداً يطمئن ساكت ..
اها ..
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: حيدر حسن ميرغني)
|
حيدر يا حنين .. الله يبارك فيك و يعود عليك و العيال بكل خير .. و من هسع دي العيد مبارك عليكم و يعود عليكم بالخير و البركةإن شاء الله ( بلدكم بعييدة ياخي )
Quote: يعلم الله منار دي ماسمعتها او شاهدتها لكن النضيف ده مابيرمي الكلام ساكت نضيف واضانو نضيفة وان قال كده.... فمنار في العلالي |
و الله يعلم يا حيدر ما قلت إلا الحق .. البت منار دي صراحة حاجة تانية خاااااالص .. أقول ليك حاجة ..
خليك معانا و أسمع براك ..
هسع دي واحد ود حلال كدة حيقوم ( على جنو ) و يجيب لينا حاجة لي ( منار ) ..
و الله إقتناع عدييييل كدة !!
ـ بس اليقنع ( الديك ) منو ؟؟
ـ حيدر أظهر ياخي ..
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: عصام دهب)
|
حقيقة يا عصام إنت راجل فنان بحق وحقيقة وأضانك نضيفة كنظافة صاحبك النضيف عبدالدائم.
فعلا منار فنانة رائعة وصاحبة صوت جميل ملئ بالشجن ومن أروع الأصوات النسائية التي سمعتهامؤخرا
ومن هناأسمح لي أن أسجل أسمي ضمن رابطة معجبي منار صديق.
شكرا لك أخي عصام على هذا البوست الجميل في حق الفنانة القادمة بقوة منار صديق ، وكل سنة وإنت
طيب .
تحياتي ... حسن خليفة.
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: حسن إبراهيم خليفة)
|
حسن خليفة .. يا فنان يا رائع .. أزيك ياخي و إن شاء الله دائماً بخير ..
و رغم وجود منتصر ـ و د عمك ـ و إبن الراحل المقيم الفنان الرمز / سيد خليفة في حلقتين من برنامج ( أغاني و أغاني ) خصصتا للراحل لكني و الله تذكرتك يا حسن و قلت في نفسي ( يا ريت يا حسن لو كنت معاهم.. ) كنت بقيت ( الدهشة ) زاااتا .. يديك العافية يا فنان يا مبدع ..
Quote: فعلا منار فنانة رائعة وصاحبة صوت جميل ملئ بالشجن ومن أروع الأصوات النسائية التي سمعتهامؤخرا |
دي شهادة من يعرف لمن يستحق .. و الحقيقة أنا سمعت منار قبل كدة في برنامج مسابقات أعتقد كان فيهو إيمان توفيق و عزة عبد العزيز داؤود و منتصر سيد خليفة و كمية من الشباب المبدعين و غنت أغنية ( يجوا عايدين ) و الله يا حسن موبااااالغة ..
منار تحتاج لدعم و تشجيع كل من يعشق الطرب الراقي الأصيل ..
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: Tabaldina)
|
تبلدينا لقيتك ( نقاش ) صاح رماز اول امس كان ماسكة الزمن برجليها
ناس يوصفو فى الحواجبين وناس فى الرجلين يا اخونا الصيام بالنهار بس ولا شنو
فى برنامج نجوم الغد المغنى بيختار الاغنية المناسبة لصوتو وبيتدرب عليها كتير الى ان يظهر بها للمشاهدين اما فى برنامج اغانى واغانى مافى طريقة للاختيار كل واحد حسب مقدراتو الصوتية وهنا ( المطب ) الحقيقى لكل المشاركين فى البرنامج
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: عصام دهب)
|
.. .
Quote: تبلدينا لقيتك ( نقاش ) صاح رماز اول امس كان ماسكة الزمن برجليها |
خليك من الزمن .. العجب القعدة ياخى دى بتقعد زواية 90 درجة .. رغم انى حاسس انو المسألة دى بتحتاج مساج شديد بعد الحلقة .. ماشاء الله _______
يا دهب عارف الشبة بين ريماز وعازف البنقس ماسك شنو !!؟ انو جزمة ريماز فى اليوم داك كانت لونها كبدى والبنقز فيها طبلتين بنفس اللون ..
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: عبد الدائم سيد أحمد)
|
سجلوني معاكم في رابطة معجبي منار صديق ... والله الزولة دي في صوتها نداوة وطلاوة وحلاوة مبالغة أستمتع جدا بالاستماع اليها حين تغني اي اغنية
واي اغنية ادوها ليها تغنيها اجادتها اجادة تامة وفي جانبها رماز وافراح مجرد كومبارس
اتمنى ليها التوفيق والنجاح في مشوارها الفني وارجو انها ما تموت وتنتهي بمجرد نهاية البرنامج وانها تلقى الرعاية الكافية من اصحاب الشأن ليصير لها شأن في دنيا الغناء في السودان
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: نهلة محكر)
|
Quote: وحاراهن عليك الى نهاية برنامج اغانى واغانى وبعده .... |
لقد كسبت الرهان فعلاً صوت متمكن اتمنى ان تعيد منار صديق اداء كل اغاني عاشة الفلاتية و منى الخير و عبدالعزيز داؤد لجيلها كافضل صوت و بذلك يتحقق التواصل بين الاجيال . حقيقة منار هي الفنانة و اجزم بانها الافضل من كل المشاركين بما فيهم عاصم و فرفر و نادر رماز ميرغني صوتها جميل في بعض الاغنيات اما افراح عصام تنفع عارضة ازياء في موريتانيا .
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: الصادق ضرار)
|
عصام دهب كل عام وانت نغم طروب والله منار دي حقيقي صوت من ذهب واشاركك الاحترام والاعجاب بها وانا كنت مداوم على هذا البرنامج وكل لحظة اتمنى ان يطلقوا العنان لصوتها الصاروخي لتطربنا بهذه الحبال الصوتية النديه بعبق الفن الاصيل تفردت في صوتها القوي وثقتها من ادائها تجردها من المحسنات البديعية التي لا علاقة لها بالأداء احترامي يا منار كل التحايا النواضر
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: امير بشير حمد)
|
كل عام وأنتم بخير والعيد مبارك عليكم شكراً ليك يا عصام على فتح هذا البوست لإنصاف الفنانة المظلومة منار في رأيي الشخصي أن منار صديق هي صاحبة أجمل وأعذب صوت بعد عشة الفلاتية ظلت تتألق في برنامج أغاني وأغاني وتألقت بشكل لافت في في حلقة السر دوليب.. أعلن انضمامي بكل فخر وإعزاز إلى هذه الرابطة.. تحية خاصة لزميلنا عبد الدائم سيد أحمد الشهير بعيد الدائم النضيف.. وكل سنة وإنتو طيبين..
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: Nasruddin Al Basheer)
|
الاستاذ عصام دهب تحية وتقدير وكل عام وأنتم بخير
صدق صديقك الرجل النضيف ذو الأذن النضيفة وقالها كلمة حق في حق منار ذلك الصوت الدافئ الملئ عذوبة وشجن فأعادتنا الى أيام الراحلة عائشة الفلاتية بقوة واصرار تحسد عليها
وان كان اعلامنا منصف لكان لهذه الفتاة شأن كبير , وما زال المستقبل أمامها بطوله وعرضة , ولكن يبدو أن للغناء مقاييس أخرى غير طلاوة الصوت وحسن الأداء .
---------------------------
بره موضوع منار أخي عصام دهب لم تشأ الظروف أن ألتقيك في افطار البورداب لظروف طارئة حرمتني الحضور , على الرغم من حرصي الشديد ( وأرجو أن تكون الجايات أكتر من الرايحات ) , وقد ألتقيت عدد من البورداب في افطار جمعية المحاسبين وأتمنى أن ألتقيكم جميعا أخوتي بورداب جده .
التحية لك وللأخ عبد الدائم النضيف
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: امير بشير حمد)
|
أمير بشير و كل عام وانت بألف خير و صحة و ععافية و إضنينك زي الفل ..
Quote: والله منار دي حقيقي صوت من ذهب واشاركك الاحترام والاعجاب بها وانا كنت مداوم على هذا البرنامج وكل لحظة اتمنى ان يطلقوا العنان لصوتها الصاروخي لتطربنا بهذه الحبال الصوتية النديه بعبق الفن الاصيل تفردت في صوتها القوي وثقتها من ادائها تجردها من المحسنات البديعية التي لا علاقة لها بالأداء احترامي يا منار |
و حقيقي كل ما قلته في هذه البنت الجميلة ( منار ) .. و هي تستاهل كل إشادة و تشجيع و إطراء .. منار من سيمفونيات الماضي الجميل و الغد الأجمل إن شاء الله تعالى ..
ولك التحايا البهيجة ..
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: الصادق ضرار)
|
الصادق ضرار عيدك سعيد وربنا يحقق الامانى
لو لا الاستعجال فى تسجيل حلقات البرنامج كانت منار اطربتنا كتير ,,,, مش ملاحظ انها غنت مقاطع صغيرة فقط اتمنى ليها كل التوفيق
فى اعوام 88 و 89 تقريبا كان يوجد شريط كاسيت جميل فى الاسواق غناء الفنان المرحوم حيدر حدربى و سمية الشيح من مركز شباب السجانة رماز لو ركزت شوية وسمعت الشريط ده كانت استفادت منو كتير
بس عامل السن ليهو اثر ...
تسلم يا صاح
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: عبد الدائم سيد أحمد)
|
الأخ عبد الدائم ... كل سنة وإنت طيب يا رب وربنا يخلي ليك الحلوين ديل
فعلا أنا كنت في إفطار الأكارم بورداب القاهرة .. واللي صادف تواجدي معاهم هناك .. لكني عدت إلى قواعدي في الخرطوم الآن
أما عن منار فهي حكاية والله ... ورماز برضو صوت حلو جدا ومتميز لكن منار تفوقها في أشياء كثيرة .. وصوتها أجمل وأحلى وأكثر تطريباً وشجناً
أما عن شريف .. فدة عندو رابطة و أنا معجبة بصوتو والله وحيكون ليهو شأن لو ما صابو الغرور واتجه الطريق الخاطيء في اختيار الاغاني زي شباب الزمن البيغنو هسي ديل
عاطر الود
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: عفاف علي ميرغني)
|
Quote: شاهدتها قبل عامين غنت لعائشة الفلاتية اغنية ليه يا مرادى .. فاجادتها ثم فى كورال الاحفاد وكانت متميزة جدا" فى الاداء الفردى
وظهرت حاليا" فى برنامج اغانى واغانى باداء جميل ومتوازن وارى انها الاجمل صوتا" ولكن يبدو ان للفن مقاييس اخرى مع كامل احترامى لافراح عصام ورماز ميرغنى لكن يا منار انتى مظلومة مظلومة حتى الان ولا بوست اعجاب واحد ها انا اول المعجبين بك ..... وحاراهن عليك الى نهاية برنامج اغانى واغانى وبعده .... |
يا دهب يا صافي زي ما قال حيدر حسن ميرغني حاجة يقولا زول زي عبد الدائم دي نبصم و نحن مغمدين لن على عكس حبيبنا حيدر انا سمعتها و طربت ليها اكتر من اي واحد/ة تاني كان معهم - مع احترامي للجميع - و تقدير لسماحة جمل الطين طبعاً
باللاي سجلنا في الغرام صف عاشقين
ممكن تدونا رقم عضوية مميز باللاي - نحنا واسطتنا حبيبنا " النضيف " شخصياً و ارشحك يا عصام " مستشار " للريس النضيف قلت شنو ؟ شيلني و اشيلك زي ما بقولوا المصريين و لا كيف ؟
------------------- المدام قالت لي الزولة دي غناية خالص . . . قلت ليها الكان ما غناية و خالص كان جابوها هنا ؟
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: عبد الدائم سيد أحمد)
|
Quote: لو جيت فطور بورداب جده كان لقيت عصام دهب قاعد جمبى ما انا ســـنيرو ...
وعليه نقول ليك فاتتك جلسه ما منظور مثيله .... جلسه ما منظور مثيله والاغنية اهداء للرفاعى حجر بصوت منار |
الأخ النضيف تحياتي مجددا التزاماتنا ومواعيدنا كلها ملخبته مع ناس العمرة البجوا واقعين ( بردلب ) ديل . بعد نويت الجية للافطار وسجلت وشاركت في البوست , ويوم الافطار يجيني تلفون من الجماعه : دايرين مجيك وما عارفين ونحن في باب شريف . توكلت على الحي القيوم وقلت السترة والفضيحة متباريات , والبورداب ديل مقدور عليهم وأبعتذر ليهم وخلاص وأخير ننستر مع ضيوف الرحمن ديل . مع انو ده أول افطار مفروض أحضروا للبورداب لأني جاي منقول جديد لجده وقبلها كنت في أبها البهية .
وان شاء الله ملحوقة ونتقابل في مناسبات أخرى لو ربنا مد في العمر .
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: عبد الدائم سيد أحمد)
|
Quote: جيت تصوم فى جده بالله بووووخ باب شريف داك ما بفطر الزول |
مرحبتين أخوي عبد الدائم النضيف أريتني أكان جاي أصوم بس أنا جيت منقول راسي عديييييييييل
ولما نزلت عفشي من الدفار في السليمانية الجيران ضحكوا علي قالوا لي بيع البطاطين دي وأشتري ليك مكيفات .
Quote: حتتين فى جده لو بعدت منهم صحتك بتتصلح وما بتجيك حساسية باب شريف والحراج ... |
نصيحة سمحة تب لكن البقنع الديك منو ؟
سعدت جدا بمعرفتكم
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: البشير دفع الله)
|
تحياتي يا بشير و يا كل المتداخلين .. و عيد سعيد و كل عام و أنتم بخير ..
و مرحبابك يا بشير في جدة غير و نسأل الله لك طيب الإقامة و الغنم و السلامة ..
لكن أبها البهية ما بتنفات ..
و طالما إنت في ( السليمانية ) معناها قربت تب ..
أنا في ( النسيم ) و بينا ( الظلط ) بس ..
و لو ربنا هون شهر ( 12 ) حأكون في ( أبرق الرغامة ) و بينا ( الكوبري ) ..
شفت كيف نحتا قرايب ..
يلا خلينا نشوفك قبل الإجازة تنتهي حاكم أنا شغلي جم بورسودان ..
تحياتي لك و مراحب ألف
| |
|
|
|
|
|
|
Re: رابطة لمعجبي منار صديق برئاسة عبد الدائم النضيف .. (Re: عصام دهب)
|
Quote: ليه ما يكون فى رابطة لمعجبى شريف ما هو صوت جميل جدا" جدا" |
شريف يا عبد الدائم من أروع الأصوات التي تخرجت من أكاديمية نجوم الغد ..
و شريف مبدع قبل ما يلدوه ..
فهو إبن الموسيقار و العازف المبدع / خالد الفحيل ..
و خوالو ( لزم ) الأعزاء المبدعين الأساتذة / عماد شريف ، و محمد شريف ..
و أي زول من الأبيض أو درس في مصر بيعرف منو عماد ومحمد شريف ..
عرفت الإبداع في الولد دة جاي من وين يا نضيف ..
| |
|
|
|
|
|
|
|