|
سرقونى اللابتوب و الكاميرا و حاجات تانية ...جرأة عجيبة ... جنس وجع
|
نمت قرير العين مطمئنا بأن الحى الذى اسكنه حى آمن .. برى اللاماب مربع ستة على بعد شارعين من المنشية و الكوبرى ... كنت اشاهد احدى الدوريات الاوربية فى الجزيرة الرياضية .. بطبعى اعود من الصحيفة التى اعمل بها عند الحادية عشر مساء ، لذا اكسل من اخراج التلفزيون من الغرفة و اكتفى بسحب التربيزة لتكون فى مواجهة الباب و اضع سريرى فى مواجهته ...
|
|
|
|
|
|
|
|
Re: سرقونى اللابتوب و الكاميرا و حاجات تانية ...جرأة عجيبة ... جنس وجع (Re: abdalla osman)
|
أستاذنا التكينة,, رمضان كريم,,, والله يعوض عليك,,,
يا زول قول الحمد لله إنك ما صحيت,, القصة بقى فيها موت!!!
معوضين إن شاء الله,,
| |
|
|
|
|
|
|
Re: سرقونى اللابتوب و الكاميرا و حاجات تانية ...جرأة عجيبة ... جنس وجع (Re: أيمن الطيب)
|
شكرا احبابى للمواساة ... كنت قد قطعت الرواية لانتقل من المكتب الى المنزل ..و الان نواصل :
اتخيلوا التلفزيون شغال لانى نمت فجآة و نور الحوش مولع بس نهار ... قريبا منى على بعد خطوات تقف سيارتى و التى اتخذها خزنة لى معظم الوقت .. صحوت عند الخامسة الا ربع صباحا .. بحركة متثاقلة ادرت وجهى ناحية السيارة ..لاحظت ان نور السيارة الداخلى مضاء و الشنطة الخلفية مرفوعة قليلا ...نهضت بسرعة ... فتحت الضهرية .. شنطة اللابتوب غير موجودة .. الطابعة 3in one موجودة .. اذن احمد ابنى الاكبر و الذى ينام مع شقيقه طارق فى الجانب الاخر لابد انه اخذ اللابتوب .. ايقظته و سآلته .. اخبرنى انه لم يلمسه .. عدت للسيارة .. وجدتها بحالة يرثى لها من البعثرة .. الكاميرا الديجتال .. موبايلى E90 .. موبايل طارق ولدى .. الفرو الفاخر الذى يرقد مع الزجاج الخلفى ..ساعة قيمة فى الدرج و اخرى كانت جوارى ..مبلغ من المال كان بالدرج .. نزلت من السيارة .. بجوارها كل حاجياتى الموضوعة فى الضهرية بعناية مبعثرة على الارض .. اللص المتخلف لم يعرف الاكستيرنال هاردسك فتركه و معه الام بى فور الخاص بالسيارة ..
( اجر نفسى و اواصل )
| |
|
|
|
|
|
|
Re: سرقونى اللابتوب و الكاميرا و حاجات تانية ...جرأة عجيبة ... جنس وجع (Re: مزمل خيرى)
|
Quote: الجماعة ديل قاصدنك عدييييك كدا ، أها ناس الشرطة قالوا ليك شنو.؟ |
جاييك يا مزمل ....
شلت المفتاح الاسبير و جرى على قسم شرطة البرارى .. اجراءات روتينية ... فتح بلاغ ضد مجهول ... تحرى طويل و ممل ... قيمة المسروقات 4000 جنيه ( يعنى اربعة مليون ) .. المتحرى يستدعى احد افراد المباحث ليحضرا معى لمعاينة الاثار ... اتخيل احد اللصوص وضع كرسيا قرب رأسى و جلس لمدة طويلة ( دى عرفوها من اثار حركة الارجل الحفيانة ) يعنى جارسنى بينما الاخر يشوف شغلو .. و لو صحيت عليه القيام بالواجب .. منتهى الاطمئنان و يبدو انهم خدرونى بدليل ان التلفزيون ما زال يعمل بصوت عال و الانوار فى الحوش مضاءة تماما ..حتى دلاية المفاتيح طلعوا منها المفاتيح ووضعوها على التربيزة و اخدوا الدلاية ..بتاع المباحث قال : و الله لو مشينا سوق ستة الحاج يوسف بنلقى الحاجات دى معروضة .. لم اجبه لاننى لم اعلم مقصده ...ارجعتهم للقسم و ذهبت لارتدى ملابس العمل .. رجعت لاقابل رئيس القسم و لم اجده ...فى اليوم التالى وجدت المقدم رئيس القسم فأعتذر لى لانشغالهم بقضية مقتل المرحوم عثمان عابدين ..و لما عرف ان من بين المسروقات مودم انترنت سودانى one و معه الشريحة بدا متأكدا من الوصول للصوص عن طريق الاتصالات ..حين عاودته بعد ايام نادى المتحرى و سأله عن الرد من شركة الاتصالات و هل وصل .. فأجاب بأن الرد لم يصل ..فأوصانى بالصبر ..و صبرت لدرجة اليأس فشرعت فى اقتناء البدائل و قد اكتملت بحمد الله .
| |
|
|
|
|
|
|
Re: سرقونى اللابتوب و الكاميرا و حاجات تانية ...جرأة عجيبة ... جنس وجع (Re: ابو جهينة)
|
Quote: استاذنا التكينة ..
حمدا لله على سلامتك وربنا كتب ليك
عمر جديد .. المسروقات فديتك ... |
ود الباوقة .. مشكور يا زول يا زوق
Quote: بفضل هذا الشهر الكريم
نسال الله ان يجمع اليوم قبل بكرة
دعوة لكل البورداب برفع اكفكم لله يرد
المسروقات وان يرمي السارق فى يد القانون |
ذو اليد ... يا اخى بارك الله فيك تكفينى مشاعركم الصادقة فهى العوض و السلوى
| |
|
|
|
|
|
|
Re: سرقونى اللابتوب و الكاميرا و حاجات تانية ...جرأة عجيبة ... جنس وجع (Re: ناذر محمد الخليفة)
|
يا التكينة فيما يبدو والعهدة على الراوى أيضا وإحتمال يعنى كدا والله أعلم إنك يا أستاذنا وقيل أيضا أنك قد غضضت الطرف وعملت ميتا,,
النكتة يا صاحب قالوا واحد صحتو المدام قالت ليه يا راجل قوم فى زول جوه الأوضة ودهبى وقروشنا وملاياتى كلها هنا,,,
صاحبنا قال ليها يا ولية هوى نومى نومك وبطلى كركبة راجلك ضراعو أخدر وبكرة بجيب ليك البشيلو الحرامية أولاد الكلب ديل لكن تقعدى تكركبى فيهم يضبحوناو من بكرة ناس جريدة الدار يسوونا شغلة ومشغلة,,يا حاجة ألله يهديك نومى نومك ,,
حمدالله على السلامة,,
| |
|
|
|
|
|
|
Re: سرقونى اللابتوب و الكاميرا و حاجات تانية ...جرأة عجيبة ... جنس وجع (Re: أيمن الطيب)
|
نمت قرير العين مطمئنا بأن الحى الذى اسكنه حى آمن .. برى اللاماب مربع ستة
الآمان في السودان طبعا لا علاقة له بالحي الذي تسكنه
سرقنا اكتر من مرة بيت جدي عمي خالي حبوبتى خالتي راجل خالتى مارجع اى شي من ذهب وملايين وملابس وجوالات فقط رجع جنريتروجابو لينا الحرامي لغاية الباب واعترف الغريبة الجنريتر دا الحاجة الوحيدة الما إستدعينا فيو البوليس والأغرب إنو الحرامي ساكن في منطقة بقطع ليها بحر من المنطقة السرقنا فيها اما الباقي البوليس يجي بكلابو البوليسية ورفع بصمات واللذي منو وتقول بكرة بجو مكنكشنو ولا حياة لمن تنادي سمعنا الكثير من القصص ولكن لا عبرة ولا عظة والآمن والآمان في بلادي يحتاج لصلابة من الدولة أكثر والاخذ بيد الجاني وتطبيق أحكام الشريعة حتى يمنع كل من تسول له نفسه العبث بممتلكات وأرواح الناس ولكن أن يسجن ويضرب ويعذب من قبل البعض ثم يطلق للشارع أسوا من ذي قبل فتلك والله طامة كبرى
أخ أنور ربنا يعوضك ويستحب أن يُقال عن وقوع المصيبة اللهم آجرني في مصيبتي وأخلف لي خير منها وبإذن الله ربنا يعوضك وكويس انك بديت تقتني غيرها لكن خليك عارف مال الحلال ما بضيع وادعو الله عزوجل أن ينزل الآمان على كل رقعة من ربوع بلادي
| |
|
|
|
|
|
|
Re: سرقونى اللابتوب و الكاميرا و حاجات تانية ...جرأة عجيبة ... جنس وجع (Re: بكري الخير)
|
يا ود التكينه
عاد النكلمك :
الجاتك في مالك سامحتك واحد
خلاص أنسى وعيش وفتش ليك عن بديل للمسروقات ! ما تقعد تباري لي ناس المباحث دسل كل يوم يطلعوك الصباح وفطور وشاي ورصيد في الموبايل ومصاريف وتحرك بي سيارتك لمن يلقوا ليهم فاره تانية يمشوا بيها كم يوم !!
الفلم دا يا حبيب أصلوا كدا وهو كدا وما يغرك الإتصالات البيعملوها دي كلها هواء في الهواء !
أمش جيب ليك حداد وسوي لكل باب عندك 4 أقفال ولو عملتهم عشرة يكون كويس !
عشان تاني تقفل كويس شديد ، وتنسى قصة أفتح بلاغ و النتحري عاوز وفي معروضات في القسم الفلاني والأوهام دي !
أسمع كلامي دا وسويهــو وأنصــح كل معارفك والأقربــيـن ســـمــح !
هشام
| |
|
|
|
|
|
|
Re: سرقونى اللابتوب و الكاميرا و حاجات تانية ...جرأة عجيبة ... جنس وجع (Re: انور التكينة)
|
الأخ أنور التكينة سلام كفارة.... وألف حمدالله على سلامة روحك وربنا يعوضك ....... زمان كنا بنعمل دوريات وبنشرك للحرامية ذي الطير والبنقبض الله قال بي قولوا .... خدم البيوت هم المشكلة الكبري بيوروا الحرامية مداخل ومخارج البيوت وأماكن الأشياء الثمينة .... وأيضا غسالين اليومية ..... المهم أعمل سلك شائك وأمن تقفيل الغرف كويس ومابتجيك عوجة باذن الله .
خالص تحياتي ورمضان كريم
| |
|
|
|
|
|
|
|