|
|
 كومر بوليس يطوف على قناة النيل الازرق والسودانية
|
امس والجو بديع ورزاز المطر يداعب حوافى الاجساد المترعة بترطيبة الابرى ولسعات الليمون الشافيه بينما داخل البطون توسدت المصارين قطع الذرة الدائرية المعروفه بمسمى (اللقمة)وكانت ساعة الدغدغة انهمار الامطار كل هذا الجو الجميل وحينها وقفت الامطار وفتح الستار ليبدأ الرشاش تحوات بالرموت كنترول الى الفضائية السودانية والسهرة مع كبار ناس البوليس وبخفة احسد عليها دخلت على قناة النيل الازرق فوجدت ايضا كومر البوليس مر وانزل الفوج الاول من العسكر قبل وصوله الى تلفزيون السودان اصبحت دايم التنقل بين معسكرى الشرطة والحال ياه نفس الحال جوز تقديم السهره بالنيل الازرق كعادته يشيل طرف الكلام من صاحبه ويبدا فى التكرار والمد والجزر نهاية السهرة المحصلة كانت
فرض الهيمنة البوليسية عبر سهرات رمضان
اعلان صريح لاسعراض عضلات البوليس
كشف هيجيج اللواءات رغم مرور سنين الشباب
المهم ده كانت سهرة وسهرة بوليسية شفنا فيها العيون الحمراء والعضلات التبش وووو
اعمل حسابك من الفضائيات السودانية فى حالة اقتحامها عبر الرموت اتصل بالرقم 999
|
|
 
|
|
|
|
|
|
|
|
Re: كومر بوليس يطوف على قناة النيل الازرق والسودانية (Re: بلدى يا حبوب)
|
يابلدي ياحبوب رمضان كريم ...
أقسم بالله أفكر جادا في فتح بوست بهذا الخصوص من أمس ... مليون شكر .. لا أدري سبب إعجاب هذه القناة ومذيعها بهذه الشريحة بالتحديد وهناك شرائح بالمجتمع السوداني في سلة النسيان والإهمال ... علماء ومؤهلين وظرفاء وأصحاب مهن خالدة وتجار ونساء ورجال واسماء في حياتنا تركوا بصماتهم في العمل السياسي والاقتصادي والدرامي والطبي والقضائي ألخ لا يجدون مكانا وفرصا مع هذه الشريحة ... فعلا أننا نعيش في دولة بوليسية وعسكرية والبقاء والحياة لهم والفناء والنسيان لغيرهم ... ياقناة النيل الأزرق لحد هنا كفاية رفقا بالمشاهدين والمتابعين وشوفوا غريهم
تحياتي
الشفيع ابراهيم
| |
|
|
|
|
|
|
|
|
|
Re: كومر بوليس يطوف على قناة النيل الازرق والسودانية (Re: Alshafea Ibrahim)
|
الاخ الشفيع
| Quote: أقسم بالله أفكر جادا في فتح بوست بهذا الخصوص من أمس |
يا زول الهدف واحد بس تعرف الشىء المجننى تلفزيون السودان كان هوالاخر سهرته مع رجال الشرطة تعرف الواحد اتذكر ايام السودان كان بخير والناس ما بدور الحقارة والمظاهرات خير دليل على ذلك
والمشكلة كبار الشرطة حديثهم ينحصر فى االنظام والربط والطرائف التى تخيلتها ماسى لولا صبغ مقدم البرنامج عليها الاسم
وذى ماقلته وين المشاهير فى كل الدروب وين الناس الخلدوا اسمائهم فى لوحة شرف الوطن
حتى الان مازال كومر البوليس يطوف بقناة النيل الازرق حتى فى سهرة عن حنتوب الجميلة لم تخلو المقاعد من وجود اتنين عسكر خريجى حنتوب
نواصل
| |
|
|
|
|
|
|
|
|
|
Re: كومر بوليس يطوف على قناة النيل الازرق والسودانية (Re: بلدى يا حبوب)
|
بلدي ياحبوب سلامات
الشرطة السودانية على مر تاريخها قدمت قامات كنا لا نمل طلتهم في التلفزيون او حديثهم في الاذاعة
كنت تجد الواحد منهم لايقل في ثقافته عن اي مثقف اخر
ليس لي ادنى علم بنوعية الذين "طمموا بطنكم ديل"
لكني اري ان لهم حق مثل غيرهم في استضافتهم اذا كانت هناك فائدة ترجي
تصدق كان عندنا في تلفزيون عطبرة التعبان برنامج اسمه "العين الساهرة"
كانوا يقدمون فيه دروس عن الحركة وكيفية استخراج الجواز والجنسية ويعرضون جرائم معينة ويعملون على تحليلها وابدأ الرأي القانوني حولها
والاكثر من كده كانوا يردون على الاسئلة الموجهة لهم من المشاهدين
مرة حصل اختلاف في وجهة النظر بين ضابط كان يقدم البرنامج وضيف حلقة
الموضوع كان يتعلق باجراءات فتح البلاغ في اي جريمة استخدم فيها سلاح "ابيض او ناري" قبل الذهاب بالمصاب الى المستشفى ..
وده كان رأي الضابط
الغالبية كانوا يرون الافضل الذهاب بالمصاب الى المستشفى لانقاذ حياته
وده حصل بعد وفاة زول مضروب بسكين في ردهات مركز الشرطة
_
جماعتنا ديل موضوعهم كان شنو
| |
|
|
|
|
|
|
|
|
|
Re: كومر بوليس يطوف على قناة النيل الازرق والسودانية (Re: حيدر حسن ميرغني)
|
لاخ حيدر
رمضان كريم
| Quote: جماعتنا ديل موضوعهم كان شنو |
عن الكلية والانضباط ووحلق الرأس بالرغم حملهم لمراكز عليا فى ادارة الشرطة لم نجد منهم التنوير على الاقل بل اكتفى مقدماالبرنامج بسعادة اللواء وجنابوا ووووووو
لماذا لا تفكر قناة النيل الازرق فى رسم سهرات رمضانية تتنوع فيها الوجوه والنشاطات لنستمع بوجود كوكبة من اهل الفن والوتر والبوليس ووووووووو
كل ما حضر هذه السهره اصبح ضمن طاقم ركوب كومر البوليس ده المجننى
نحياتى
| |
|
|
|
|
|
|
| |
بلدى يا حبوب
حيدر حسن ميرغني
فيس بوك
تويتر
انستقرام
يوتيوب
بنتيريست