|
|
 عمرنا كمل في رجاك..أول مشروعات صحن
|
الرسالة دي موجهة الى كل غائب عن البلاد بالسنين من اجل اللجوء او النضال او جمع المال...
نحن الامهات المسكينات رافعين شعار قلبي على جناي وقلب جناي على حجر..
في اكيد ناس غايبة من البلاد من سنين طويلة..
البوست دا حيحكي عن ناس رجعوا في الزمن الضائع ليقفوا على شواهد قبور
من في داخلها ام او اب
الى ان انحسر بصره من هذه الفانية هو لا يفكر الا في الغائب الحبيب..
ويسأل عنه.. ويوصي قولو ابوك او امك ما نسوك.
عسى ولعل عدد منكم يلحق في هذا العيد لزيارة الاهل..
شبكة ربات البيوت لحقوق الانسان_ صحن
تهنءكم بحلول الشهر الكريم...
|
|
 
|
|
|
|
|
|
|
|
Re: عمرنا كمل في رجاك..أول مشروعات صحن (Re: د.نجاة محمود)
|
ولد وحيد
قطع البحر الاحمر باسرته وانقطع لمدة 10 سنوات
الا من دريهنات يرسلها ظانا انه يعوض عن الغياب
مرضت امه ارسل اليها مصاريف للعلاج
تدهورت حالتها الصحية الى درجة مريعة آخر ايامها كانت تدعو
يا الله تمد لي في ايامي فيشان اشوف وليدي وولاده
ماني دايرة شي في الدنيا دي بس شوفة تبل الشوق..
تسربت روحها الطاهرة حولها اهلها والغائب الوحيد فلذة كبدها
ادخرته ليوم مثل هذا ولم يوفي بالدين حيث حمل سريرها و دفنها غيره
حينها عاد ليحضر الفراش
بصوت يقطع نياط القلب صرخت خالته
امرقوها من قبرها عشان تشوفو
يا ولدي غيابك طال يا ولدي ولا شوفتها لا رعيتها لا بليت شوقها..
وواخر نفس كان اسمه..
احذر هذا المشهد ارجع لترى اهلك..اعمل العيد عيدين الله يخليك
مع تحيات شبكة صحن..
| |
|
|
|
|
|
|
|
|
|
Re: عمرنا كمل في رجاك..أول مشروعات صحن (Re: د.نجاة محمود)
|
ترك والده امينا شديدا
ربط رجوعه بنهاية ثورة الانقاذ ودي كمان ابت تنتهي
ظل هناك ايضا يرسل المصاريف..
يتصل اسبوعيا..
كبر الاب وكانت هوايته المفضلة عد اسماء بناته وابنائه
مع مرور الزمن وتآكل الذاكرة والزهايمر ضرب
صار يعد فقط من يراهم.. الا من هذا الواحد لم يعد يذكره
وحين يذكر به يسال هل هو في الحين ولا الميتين
بعد ان تبرق عينيه لوهلة تذكر ثم يختفي البريق
ومات وهو لا يعده ولا يذكره من ابنائه حوله
وفشلت كل محاولة اخباره انه له ابنا بهذا الاسم..
ذات صباح اسلم الاب روحه وهو لا يذكر اسم ابنه هذا..
وعاد الابن ليقف على شاهد قبر يشيل الفاتحة على اب لم يعد يذكره.
ابن سقط من ثقوب ذاكرته بعد غياب سنوات طويلة
احذر يا اخي ان تسقط من ذاكرة من منحوك الحياة
لان هذا الامر مميت جدا نفسيا.ز
عد في العيد الى اهلك ليصبح العيد عيدين
مع تحيات صحن..
| |
|
|
|
|
|
|
|
|
|
Re: عمرنا كمل في رجاك..أول مشروعات صحن (Re: د.نجاة محمود)
|
عافية منك
عافيـة منـك وراضيـة عنـك سـو رضـايـا
مـا بيخيـب الرضـى والدتـو يــا جنـايـا
أنت من يا دوب صغير مـن زمـان دائمـا معايـا
أنت ديمة أمامـي سايـر مـا بخليـك بـي قفايـا
ما بتغيب من عيني لحظة ولا حصل سبتـك ورايـا
لامن الله يشيل أمانتو أنا ببقـى خصـاك بالرعايـا
يرعـاك البيرعـى وليـا بيـل يبـرد حشـايـا
أصلك انت هديـة منـو بيـك اجـزل عطايـا
انت واحد مالو تانـي رحمـة فـي آخـر صبايـا
أنت لما خلاص كبرت داير تسيبني أعيـش برايـا
داير تفارقنـي تهاجـر والحـزن يصبـح جزايـا
كيف تهون لك تحزن أمك عشان تحقق ليك غايـة
كان مهاجر عشان علاجي بلقى في شوفتك دوايـا
لو كان عشان تسقينا مالك نحن بي حنـك روايـا
لو عشان كرعينا راحل نحـن بـي بعـدك حفايـا
لو كان مهاجر عشان تعرس خير أبوك مالي التكايـا
خيرو وافر أبوك يحمدو مراحـو مليـان بالسعايـا
وبالقروش الجيب مجكن و لسه برضو الجايـه جايـا
أصلي منـك مـا بقصـر بحفـر أديـك المعايـا
إن كان دا كلو كمان شوية بتلقى في دهبي الكفايـة
أصلي من سويتها نادرها تبقـى لـي أيـام قسايـا
داخرها لزمن البعاكـس لسعادتـك يـا حشايـا
انت من شبيت صغير راسي مـا بتحتـاج وصايـا
ما حصل خيبت ظنـي ومـا فشـل بيـن غنايـا
لا تسيـب أمـك تهاجـر يمـه محتاجـة الحمايـة
لا تسيبني وراك ترحل انت ياهـو ضلـي ضرايـا
انت فوق الحوبة مقنع أنـت للمكشـوف قطايـا
دايـرك تبقـى جنبـي فـي فـرحـي وبـلايـا
إن كان كحيـت اتبنـك وأقسـم لـك قطايـا
داير أقضي عميري جنبك أصلـو قـارب للنهايـة
خايفه كان تسافر ترجع تلقى فاضي البيـت بلايـا
حينها ما تنفع قروشك وما تجيب لـك أم سوايـا
ماني عارفه سبب رحيل يا وليدي شنـو الحكايـا
إلا تبقى براك شايف فـي فـراق الوالـدة غايـة
ما بعاتبك ما بلومك ولو رحلت بلقى في قساك عزايا
على حجر دايماً قليبك وقلبي كلو عليـك جنايـا
عافـي منـك راضـي عنـك ســو رضـايـا
| |
|
|
|
|
|
|
| |
omer osman
عمر صديق
فيس بوك
تويتر
انستقرام
يوتيوب
بنتيريست