|
شموووس يا تمبس...شمووووس
|
اخونا العزيز تمبس مرجع بالنسبة لي في تقنية المعلومات والفنون (كل زولا بعجبو الصارو) ، يجمع بيننا اهتمام (غير متفق عليه) بالمواهب الشابة ، يشجعهم كما ويتنبأ لمن يأنس فيه الكفاءة بمستقبل فني رائع.. (كتيرة؟) لا ماهابكثيرة عليهو! وانا كثير الغياب عن المنبر ، وفي مرات كثيرة بتفوت علي حاجات بيكونوا الناس ناقشوها زمااان وانتهى فيها النقاش. كذلك انا متابع سئ لبرامج التلفزيون عموما ، والقنوات السودانية على وجه الخصوص. الصدفة وحدها من اجلسني تلك الليلة (الخميس الماضي) امام شاشة التلفزيون وبالمرور العشوائي على القنوات توقفت عند تلفزيون النيل الازرق الذي كان يعرض حلقة من حلقات نجوم الغد. ولأنني متابع غير جيد ، ما عارف الحلقة دي من الدورة الحالية ام من الدورة السابقة. الشاهد في الأمر انو الحلقة دي بالذات شهدت بزوغ نجم جديد في سماوات الغناء السوداني (هكذا ازعم) غنت فيها بنية صغيرونة حجما قليلوني لكن ثقتها بنفسها لا تحدها الحدود ، اسمها نور الشام ابراهيم واسمها الفني كما ذكرت هو " شموس". وشموس بنية من منطقة عد الفرسان بدارفور فنانة بكل معنى تحتمله الكلمة. صراحة يا اخوانا البنية غناية جدا وصوتها يعشرق بالمستمع من حلاوته وطلاوته. غايتو لا اذكر انني استمتعت بكلياتي لمغنيِ في السنوات العشرة الماضية كما استمعت لشموس وانتظرت حتى اسمع رأي الحكام وفيهم محمد سليمان وهو لا يجامل في الفن ولا يخشي فيه لومة لائم . رأي الحكام كما رأي الجمهور بالاستديو كان مطابقا لرؤيتي ورؤية من شاركوني حضور الحلقة من أهل البيت. تاني المهم: شموس غنت اغنيتين اي واحدة فيهم كانت احلى من الثانية. والاغنية الأخيرة كانت لعثمان الشفيع "تعال يا سيد الفن وسيدي ...فيك نظمت الدر قصيدي" وهي اصلا من الماستربيسيس بتاعت الراحل الشفيع لكن بصراحة شموس اضافت لها بعدا آخر واطلقتها نحو افق جديد. من لهفي على الاستماع الي صوتها مشيت قوقلت شموس (على زعم انو فلته زي دي ما بتمر بي ساهلة من فطاحلة الانترنت) لكن نتائج البحث الطلعت ما اشفت غليلي (يبدو انو ماف اي شفت قدمها لعمنا قوقل) عشان كده قلت احرض حبيبنا تمبس يتابع لينا الموضوع واكيد اكيد دي ما بتفوت عليه.. يللا يا تمبس اول حاجة: نزل لينا التسجيل السجلتو يوم الخميس ثانيا : تعال ومعك آخرون ، ورونا رايكم فيها بكل صراحة ثالثا: كل حاجة تنزلها "اوديو" نزل لي عمك معاها الرابط
وفقنا الله واياكم لخدمة الفن السوداني
|
|
|
|
|
|
|
العنوان |
الكاتب |
Date |
شموووس يا تمبس...شمووووس | Ahmed Yousif Abu Harira | 08-19-09, 01:56 PM |
Re: شموووس يا تمبس...شمووووس | معتز القريش | 08-19-09, 02:02 PM |
Re: شموووس يا تمبس...شمووووس | Ahmed Yousif Abu Harira | 08-19-09, 02:11 PM |
Re: شموووس يا تمبس...شمووووس | معتز القريش | 08-19-09, 02:16 PM |
Re: شموووس يا تمبس...شمووووس | أبو عبيدة البصاص | 08-19-09, 02:07 PM |
Re: شموووس يا تمبس...شمووووس | Ahmed Yousif Abu Harira | 08-19-09, 02:15 PM |
Re: شموووس يا تمبس...شمووووس | Ahmed Yousif Abu Harira | 08-20-09, 05:59 AM |
Re: شموووس يا تمبس...شمووووس | Ahmed Yousif Abu Harira | 08-20-09, 06:11 AM |
Re: شموووس يا تمبس...شمووووس | عثمان دغيس | 08-20-09, 07:59 AM |
Re: شموووس يا تمبس...شمووووس | Ahmed Yousif Abu Harira | 08-20-09, 10:46 AM |
Re: شموووس يا تمبس...شمووووس | Ahmed Yousif Abu Harira | 08-20-09, 10:52 AM |
Re: شموووس يا تمبس...شمووووس | عثمان دغيس | 08-20-09, 11:15 AM |
Re: شموووس يا تمبس...شمووووس | Ahmed Yousif Abu Harira | 08-24-09, 08:14 AM |
Re: شموووس يا تمبس...شمووووس | Ahmed Yousif Abu Harira | 08-30-09, 08:51 AM |
|
|
|