|
Re: أمطاااااااار غزيييييييييرة منذ فجر اليوم في ولاية الخرطوم (توجد صور حصريييييييية بالكوووووو (Re: أميرة فاروق عبد العال)
|
يا استاذة اميرة صباحاتك نواضر
Quote: ميادة.. صباح الخير
شكلك ماطلعتي من البيت لسه..
كدي عليك الله بعد تطلعي أدينا صور
الشوارع وهي غرقانة.. |
انا طلعت من البيت وخليكم متابعين الصور دي حتوصلوا معاي من بيتنا لحدي السوق العربي ومخصوص الزمت العربية الجيت بيها انو يمشي بالشارع الورا بتاع جبرة جنوب والمستودعات مرورا بي التقاطع بتاع الازهري والبي ودي على السوق المركزي ومنها شارع افريقيا وشارع المطار ودخولا بي شارع المك نمر ولفة شمال على شارع السيد عبد الرحمن لحدي ما جيت منطقة الاستاد واصبري جايبة ليكي صور الشوارع الغرقانة بحر بس واتمنى مسئول واحد ينزل الشوارع دي ويشوف مدي الاهمال اللي في شوارع الزلط دي الموية مغطية الزلط ولا يوجد صرف على جنبات الشارع والله يلطف بس برضو نحن متفائلين بالجو الجميل واليكي التفاصيل بالصور يا حبوبة
| |
|
|
|
|
|
|
Re: أمطاااااااار غزيييييييييرة منذ فجر اليوم في ولاية الخرطوم (توجد صور حصريييييييية بالكوووووو (Re: خضر حسين خليل)
|
Quote: ميادة ازيك ياخ في مطرة تقيلة شديد مبالغه والتصاوير راقده لكن الحاصل ده صعب شديد يا ميادة بويتات لناس انماصت الشوارع بقت عبارة عن انهار
|
صبحاتك نواضر عريسنا خضر كيفك خليك من الكلاكلات اللي لا نرجو انو تكون فيه صرف صحي معتبر ووجيه لمن جينا خاشين بالصينية البتدخل على شارع المك نمر المطرة مغطية الزلط ولستك العربية عديييييييل والله خجلت للمسئولين بتوعيننا ياخي المفروض تتحاسب الجهة العملت شارع الزلط
شارع افريقيا انا بعتبره واجهة للسودان بالله ما خجلة المنظر بتاعها بالمطرة لا صرف صحي ...... ولا الظلط معمول بطريقة علمية اسع بكرة بعد بكرة بعد ما يتحفر ويتشقق يجوا يعملوا من الاول بتكلفة اعلى واكبر من تكلفة عمل صرف مياه من الاول لمن كان عملوا الزلط نفسه اول مرة
| |
|
|
|
|
|
|
Re: أمطاااااااار غزيييييييييرة منذ فجر اليوم في ولاية الخرطوم (توجد صور حصريييييييية بالكوووووو (Re: Mubarak kunna)
|
Quote: عفوا ما فهمت قصدك هي ما مناسبة ولا شنو ياريت توضح لي اكتر
|
مياده
في المنبر دا المقصود بكون واضح شديد ! والبوردابي الحرقف بيلفحو لفحه كدا !
المقصود يا سيدتي : الصور التحت دي بتخرب منظر المطر والجو الجميل الفوق في السماء دا !
والصور التحت دي موية ماشه جمب الخور - والمويه الفي الخور واقفه -
وموية بدت تتجمع في ساحه والا نمره فاضية-
عشان تكون بعدين وحسب ما في مفهومنا وكل الناس الفي ومن
السودان ( قعونجات بالليل وذباب بي النهار وبعوض بعد المغرب مباشره )
وروائح ما نتنه راكنه في جوف الأرض منتظره مويه تبللها ! ( أكرم الله السامعين ) !
فهمتي ؟ قصدي ،،،
هشام
| |
|
|
|
|
|
|
Re: أمطاااااااار غزيييييييييرة منذ فجر اليوم في ولاية الخرطوم (توجد صور حصريييييييية بالكوووووو (Re: Hisham Ibrahim)
|
أحيييييييييييي انا يا استاذ Hisham Ibrahim
كتبت ليك قبيل رد طويل وعريض بس الكهرباء قطعت
Quote: مياده
في المنبر دا المقصود بكون واضح شديد ! والبوردابي الحرقف بيلفحو لفحه كدا |
لالالا اسمح لي الفهم قسم يا اخوي ولا كل الناس فهمهم ومستواه واحد ولا انا بوردابية حريفة ولا بلفحها وهي طايرة فانت تقوم تخاطبني على قدر عقلي ولا شنو !!!!!!!!!!!!!!
Quote: المقصود يا سيدتي : الصور التحت دي بتخرب منظر المطر والجو الجميل الفوق في السماء دا !
والصور التحت دي موية ماشه جمب الخور - والمويه الفي الخور واقفه -
وموية بدت تتجمع في ساحه والا نمره فاضية-
عشان تكون بعدين وحسب ما في مفهومنا وكل الناس الفي ومن
السودان ( قعونجات بالليل وذباب بي النهار وبعوض بعد المغرب مباشره )
وروائح ما نتنه راكنه في جوف الأرض منتظره مويه تبللها ! ( أكرم الله السامعين ) !
|
أقول يا هشام اخوي انا ما كايسة منظر للمطر ولا الجو الجميل فقط بقدر ما ساعية اوصل رسالة محددة لكل شخص يخش البوست يعني للكايس جمال الطبيعة والمنظر .... يتمتع بالصور (ان شاء الله تعجبكم بس) وللداير يشوف واقعنا كيف ... وبالتالي اتمنى اوصل فهم محدد مفادها الحتة الفلانية في خلل وبالتالي مطلوب التحرك وووياريت تقع تحت عين مسئول ما ..... يقدر يغير الوضع للاحسن طبعا(واكون كتر خيري وبارك الله فيني قدرت الفت نظر) فيا عزيزي في كدا وفي كدا يتوقف عليك انت تختار ياته فيهم رسالتي وضحت !!!!!!!!!!!!
| |
|
|
|
|
|
|
Re: أمطاااااااار غزيييييييييرة منذ فجر اليوم في ولاية الخرطوم (توجد صور حصريييييييية بالكوووووو (Re: Hisham Ibrahim)
|
غياتو يا ميادة ليك الله
تاني لو جيتي كتبتي لزول فتح بوست قال ولدو لي ولد
بتربى في عزكم حيجوك الجماعة الطيبين يقولو ليك عز شنو البتربى فيه والانقاذ موجودة
منتظرين زول يجي يقول العربية الراكباها دي عربية امني والسايق دا صلاح قوش ولا ربما ادوها كوز وقالو محمد عطا..
ماي طريقة كلو كلو تتفكي من مناضلين الكيبورد ديل
تاني لما تفتحي بوست تعملي تعويذة الولد حميدة بتاعة كلبا كالب
حتى تكتبي تشكري الجو ولا تدشي امنياتك واحلامك
ولا تخلي ليهم المنبر دا يعملو مظاهرات البنابر البتطعن ستات الشاي ولا ثورة البنطلونات ولا اخبار الجثامين التي سرقت الخ الخ كذبات مناضلين الكيبورد
تبكو بس
| |
|
|
|
|
|
|
Re: أمطاااااااار غزيييييييييرة منذ فجر اليوم في ولاية الخرطوم (توجد صور حصريييييييية بالكوووووو (Re: د.نجاة محمود)
|
Quote: غياتو يا ميادة ليك الله
تاني لو جيتي كتبتي لزول فتح بوست قال ولدو لي ولد
بتربى في عزكم حيجوك الجماعة الطيبين يقولو ليك عز شنو البتربى فيه والانقاذ موجودة
منتظرين زول يجي يقول العربية الراكباها دي عربية امني والسايق دا صلاح قوش ولا ربما ادوها كوز وقالو محمد عطا..
ماي طريقة كلو كلو تتفكي من مناضلين الكيبورد ديل
تاني لما تفتحي بوست تعملي تعويذة الولد حميدة بتاعة كلبا كالب
حتى تكتبي تشكري الجو ولا تدشي امنياتك واحلامك
ولا تخلي ليهم المنبر دا يعملو مظاهرات البنابر البتطعن ستات الشاي ولا ثورة البنطلونات ولا اخبار الجثامين التي سرقت الخ الخ كذبات مناضلين الكيبورد
تبكو بس |
يا دكتورة كيفك يا ستهم انا ما بخوفوني عشرة زيهم وكلمتي العايزة بقولها مافي زول بقدر يحجرها علي ومطمئنة انو طالما في اولاد الحلال الزييك/م ما بتجيني الحبة وكتر خيرك على كل مواقفك مع الحق
| |
|
|
|
|
|
|
Re: أمطاااااااار غزيييييييييرة منذ فجر اليوم في ولاية الخرطوم (توجد صور حصريييييييية بالكوووووو (Re: عبد اللطيف بكري أحمد)
|
سلام يا استاذ عبد اللطيف بكري أحمد
Quote: الظاهر عليها كاميرتك سوني ، ودي عايزة شغل كتير في الضبط والتصوير أثناء الحركة،،
أحسن الكاميرات (كانون) لمثل هذه المناظر،،
|
دي كاميرا موبايل يعني اخذت الصور دي على الماشي يعني لا كت مخططة اني عايزة اصور ولا شئ بعتزر عن الازعاج اللي سببته ليكم بسبب الصور الما ياها ورمضان كريم عليك انا اساسا كميرتي كانون وصورتي اللي في البروفايل بيها هي رايك شنو في اعداداتها ما عاجباك هي الاخرى (ياريت تكتب لي الاعدادت الصحيحة هنا) وعاجزين عن شكرك ومقدرين مروركم الميمون
| |
|
|
|
|
|
|
Re: أمطاااااااار غزيييييييييرة منذ فجر اليوم في ولاية الخرطوم (توجد صور حصريييييييية بالكوووووو (Re: هشام مدنى)
|
ميادة معليش نسينا نسلم مصيبة خضر دي شغلتني شوية كل سنة وانتو طيبين
Quote: غسال الحى لم يسلم دكانة ايضا من الأمطار والأضرار .!! |
مزمل خيري غسالكم دا شوفو ليهو نجمة انجاز وصمود ماشاء الله عليهو رغم الصعاب والظروف القاهرة مواصل في عملو وشاري هدومو
نحنا حسع في الطائف - السعودية المطر صابا ليها ساعتين التقول بتصب بالحبر السري الشوراع قمة في النظافة والتصريف الجيد وكانو مافي مطر ... لا امية خربت ولا بيوت اتماصت ولا شوارع غرقانه من سوء التصريف ... السماء ما بتقصر لكن يقصر اهل الارض وفي الارض ناس الخرتوم .. اها يا دكتورة نجاط رايك شنو ؟
| |
|
|
|
|
|
|
|