الاخوة المغتربين الاهل بلغت اللهم فاشهد

Quote: ولو مامتزوج سيتاهفت عليك الجكس من كل جهة وكل واحده تجى وامها معاها ويرسمون على وجوههم ابتسامة عريضه ويغمرونك بوابل من التحايا والتمنيات والاشواق فى محاولة لتقريب المسافات

Quote: انت من زمن الجكس بتهافت علي المغتربين ؟ يا حليلك ... وحليل المغترب ذاتو اسلوبك سلس وجميل لكن كمان ما تطير قلب الجماعه هم عارفين انه السودان دا حلو ب ناسو بس تحياتي

Quote: أهلا بيك يامدثر وبكتابتك الحلوة بس عندى سؤال :- قرجاج معناها شنو؟ تحياتى

Quote: يادينى النبى ياخى هو ده اصلو شنو ان والله حق الموصلات بقى ماعندى ملعون البجيك يابلد ....

Quote: بعد عشرين سنة على حكومة السجم والرماد - لا توجد مياه ولا توجد كهرباء مستقرة - العلاج والتعليم اصبحا دولة بين الأغتياء - التعليم الجامعي أصبح قصراً على من عنده الكاش ويستحسن أن يكون من قوت الشعب -الجبايات وكثرتها والمبالغة فيها قيمتها أرهقت الشعب وافقرتة وأخرجت المنتجين من عجلة الاقتصاد لصالح انتهازية الجبهة وأشياعهم - مقدرات البلاد تضيع ويتمتع بها المتنفذين والانتهازيين والمستوزرين والمستشارين والفساد اصبح فساد مؤسسات وتحت حماية الدولة ورعايتها.. والله أكتر شئ مزعلني الجبايات التي ما أنزل الله بها من سلطان وتذهب علاوات وحوافز وبدلات للمسئولين لتلعيم وعلاج أبنائهم وتنمية شركاتهم وجامعاتهم ومدارسهم الخاصة.. كل وزير أو والي وغيرهم شركاء مستترين في الشركات المليارية والجامعات الدولارية والمدارس المليونية.. يا خي عبد ارحيم حمدي عندو بنك وغذاعوة وعلى ذلك قس.. ياخي فعلاً كلامك صاح..

Quote: بما انى مغترب...ومداوم على السفر لوطنى..وفيه ناس عايشين ..لايضيرنى أن أكون على مستوى عيشتهم أو اقل من معاناتهم.فالحياة جميلة بهم.. أسأل الله ان يصلح حال بلادى..وتغنينا عن مرارة الغربة.... بلادى وإن جارت على عزيزة,,,,,,,,,,,,,.واهلى وإن ضنوا على كرام.. كتابتك كقطعة ادبيه..خيال جميل..ولكن بالغت فى بعض ألأحيان.............خالص تقديرى وأحترامى.............إسماعيل محمد احمد عباس...

Quote: بلادى وإن جارت على عزيزة,,,,,,,,,,,,,.واهلى وإن ضنوا على كرام..

Quote: الأخ مدثر قرجاج...مع احترامي لي كلامك الكتير دا...والقريت منو حثك لاخوتك المغتربين بعدم العودة...بحجة الزهايمر والزهج ولحسن حظك الباقي من مقالك ما قريتو....ولسوء حظ مقالك انا بالخرطوم...ولم استمتع بها من قبل اكثر من الآن... فقد عادت اليها المنتديات الثقافية والجلسات الفنية والمنتزهات الفسيحة...وتوفر كل شي ...حتي كهربة محمد فرح.. انسترت معانا سترة...شديدة... اللهم الا هل بلغت فأشهد...

(عدل بواسطة مدثر قرجاج on 08-11-2009, 10:15 PM)
(عدل بواسطة مدثر قرجاج on 08-11-2009, 10:26 PM)

Quote: مدثر انا غايتو بمشي سنويا والحال الموجود دا ياهو حالنا زمان ما اتغير شي غير اغتربنا وبعدنا لكن بعد يومين من بداية الاجازة بتتعود على كل شي وتصبح زي الكانك ما سافرت يوم ولا بعدت وبتعيش مع الناس في امان الله وتكره اخر يوم اجازة لانك بتتمنى انها ما تنتهي في ناس هنااصلا على الهبشة يقروا كلامك دا حيطفشوا عشرة سنة جاية غير العشرة سنة الفاتت

Quote: أخ/مدثر السلام عليكم.... بما انى مغترب...ومداوم على السفر لوطنى..وفيه ناس عايشين ..لايضيرنى أن أكون على مستوى عيشتهم أو اقل من معاناتهم.فالحياة جميلة بهم.. أسأل الله ان يصلح حال بلادى..وتغنينا عن مرارة الغربة.... بلادى وإن جارت على عزيزة,,,,,,,,,,,,,.واهلى وإن ضنوا على كرام.. كتابتك كقطعة ادبيه..خيال جميل..ولكن بالغت فى بعض ألأحيان.............خالص تقديرى وأحترامى.............إسماعيل محمد احمد عباس

(عدل بواسطة مدثر قرجاج on 08-11-2009, 04:43 PM)

Quote: Quote: بما انى مغترب...ومداوم على السفر لوطنى..وفيه ناس عايشين ..لايضيرنى أن أكون على مستوى عيشتهم أو اقل من معاناتهم.فالحياة جميلة بهم.. أسأل الله ان يصلح حال بلادى..وتغنينا عن مرارة الغربة.... بلادى وإن جارت على عزيزة,,,,,,,,,,,,,.واهلى وإن ضنوا على كرام.. كتابتك كقطعة ادبيه..خيال جميل..ولكن بالغت فى بعض ألأحيان.............خالص تقديرى وأحترامى.............إسماعيل محمد احمد عباس... تحية وتقدير الخال العزيز اسماعيل عباس

Quote: الأخ قرجاج ما حكيت عن الغلاء!!!! أنا غايتو في يوليو الماضي خليت كيلو الطماطم ب 14 ألف جنيه وراء جنيه ونزل بقي 10 ألف جنيه .( يعني 20 - 14 ريال تقريبا ). رجعت للدوحة وجيت لقيت كيلو الطماطم بريالين يعني ب 1400 جنيه. حاجة تحير ... ربنا يصلح الحال دمتم،،

Quote: العَقاب يا قرجاج العقاب مهما(إتمرمقنا) في تُراب الإغتراب الناعم، و(مزعنا) الكنتاكي فطور وعشا، فنقطة ضعفنا هي عَقابنا الخليناهو هناك. الوطن شايلنو في حدق العيون باقات ورِد فيها لون من كلِّ لون نحمي برموشنا وحُبنا ونضُمّو في حنايا القلوب إنت وأنا رغم المِحن وشقى الزمن لابد راجعين للوطن يا ود قرجاج العرجا لي مُُراحه لك معزّتي

Quote: اخونا مدثر ...سلامات واهلك بيك بينا ... انت عارف المسالة كلها انك انتقلت من مرحلة زمنية متقدمة الى اخري متأخرة لذلك يصعب عليك التعايش مع قديمك ...اهل الكهف زمان ناموا وصحوا لقوا الزمن اتقدم .. انت صاحي جيت البلد لقيتها نايمة نومة اهلك الكهف ... ونسة واقعية جميلة وقصة خلت ناس العمل عندي يعاينوا لي وانا اضحك براي .. بقولوا الزول جن .. Quote: يادينى النبى ياخى هو ده اصلو شنو ان والله حق الموصلات بقى ماعندى ملعون البجيك يابلد .... صراحة مفروض يدوك بدل مواصلات وبالمره بدل كهربه .. تخريمه : قرجاج ده اسم عندنا في شرق السودان فماعارف علاقتك باسرة قرجاج بكسلا شنو ؟!! ودي ،،،

Quote: مدثر قرجاج صباحك رائع ما نحنا يانا نحنا لا غيرتنا الظروف ولا هدتنا محنه ... اكلنا مع البعوض في صحن واحد .. وضربتنا الشمس ضرب السنين وبيقنا نتحدها عديل لحدي ما تعود ادراجه المغربيه حزينه و مكنسرة المويه شربناها طين عديل كدا لو تزكر سنة 88 وجبناها من البحر (( الغابه )) الكهربا الذه حاجه لمن تقطع بنشر ب من اي السبيل في الشارع مويه زي الورد .................................. الخ يا مدثر الفقد في الغربه كبير ..( عمر) يا مدثر يا خوي و اجمل مراحله ضاعت

Quote: وهل فى الارض منفى ؟

Quote: مدثر قرجاج سلام السرد الجميل والواقعي لظروف العمل هذه السنة نزلوا الأولاد وأمهم كسلا لزوم السلام على الأهل والفرفشة وتغيير الجو البعوضة والحر والكهرباء القاطعة ربما تسببت في قطعهم الإجازة عما قريب جدا نتمنى أن ينصلح الحال ليكون الوطن جاذبا فقد هدت الغربة حيل الحيل لكنه واقع جميل بناسه بس ... فأصدق وأجمل ضحكة هي التي تجلجل في الظلام بعد عناء يوم كامل في جهاز شئون المغتربين طالع

Quote: يعني نخلي ليك حليب وباسطة اسيا ؟

Quote: الأخ الفاضل مدثر ذهبنا وأدرنا ظهورنا للوطن حينما إتخذت تلك الباعوضة محفظتي مسكنا ً لها ، تهاجمني ليلا ً ، وتلوذ بالجيوب بيوتا ً بياتا ً نهاريا ً يقيها حر الشمس وأتربة السوق العربي . فهي لاتخاف إن نال نشالون ميدان الشهداء منالهم فسيان عندي أم عندهم كانت ،ولافرق أن تعض من في المعمورة أو من إستاجر في ضواحي الخرطوم ، فالدم السوداني الأسود المحروق بحرارة طقسه .. أتذوق طعمه كشهد السدر الجبلي ، كما تلك الباعوضة . أتضور جوعا ً مثلها تماما ً وأنا بينكم ، فما بالي وأنا هنا في دار ٍ تلسعني فيها أشواقي لسعا ً ، سيوفاً أمضى من إبر تلك الباعوضة التي تهينها . "لله درك" أخي قرقاج ، فتلك الأنوفليس قد خصتنا بخاصية يخافونها هنا حيث نقطن قسرا ً ، يكرتلون مايصاب بها بعيدا ً عن غابات الأسمنت وأصوات السيارات ، بل حتى عن مضامير الجياد والهجن ، أجدهم قد رموا بها بعيدا ً حيث الصورة التي حاكيت بها "طقس الإبل في الصحراء" ،وأحسبك قد أصبت وصفا ً لطقسنا ، وذهبت رميتك بعدا ً عن هدفها في جمل ٍ كثيرة . يقولون في أثر الغرب السوداني الباكي "أمسلبويتي ولاجقراي زول" ، لتلك الدار التي حكيت عنها ، صورا ً حياتية نفتقر لها في بلاد المهجر . إذ نفتقد الذين يأتون ساعات المغيب وقد سكن جفونهم التراب النيلي الأسود ، يعتلون ظهور دوابهم ناثرين الغبار خلفهم ، دليلا ً يهدي من ضل الطريق بعدهم ، يدخلون بين أزقة البيوت الطينية وقد تخللتها خيوط دخان تتجلى صورته وضوحا ً ، عندما تسير أمهاتنا في ساحات البيوت وهي تحمل الفانوس "أبشبك" . تحياتي وكلامك جميل

Quote: سردك جميل يا قرجاج لكن ما خليت لينا حبة امل واحدة الحكاية شنو قرجاج الامين قرجاج هدندوى يسكن بربر يقرب ليك شنو؟؟

Quote: Quote: بما انى مغترب...ومداوم على السفر لوطنى..وفيه ناس عايشين ..لايضيرنى أن أكون على مستوى عيشتهم أو اقل من معاناتهم.فالحياة جميلة بهم.. أسأل الله ان يصلح حال بلادى..وتغنينا عن مرارة الغربة.... بلادى وإن جارت على عزيزة,,,,,,,,,,,,,.واهلى وإن ضنوا على كرام.. كتابتك كقطعة ادبيه..خيال جميل..ولكن بالغت فى بعض ألأحيان.............خالص تقديرى وأحترامى.............إسماعيل محمد احمد عباس... تحية وتقدير الخال العزيز اسماعيل عباس

Quote: الأخ / مدثر قرجاج طبت وطاب مقامك دائما في بلدك ووسط أهلك كتابتك قصصية رائعه ومشوقه ولكن ساعدت في إطالة غربة الذين كانت لهم الرغبة لزيارة السودان ، (وحا يزعل منك وزير السياحة لأن عدد السواح حا يقل وكل من يقرأ هذا البوست لم يفكر في زيارة السودان) ، ( والمستثمرون ستتجه أموالهم وإستثماراتهم لمناطق أخرى غير السودان ). السودانيين العاملين بالخارج كفاءات عالية وأيادي مخلصة فقدها السودان ولم يسعى لإرجاعها للإستفادة منها في إستكمال بناء بلدنا السودان الحبيب التي نحبها رغم ما ذكرت من مآسي تمس حياتنا الضرورية من تعليم وصحة . المؤسف حقا بأننا نسمع كثيرا عن الفساد في بلادي ولم نرى المفسدين الحقيقين أو نسمع بمحاسبتهم وإستبدالهم بغيرهم من أبناء بلادي المخلصين ، أنا لا أتهم أحد وكل متهم بريء حتى تثبت إدانته ولكن هنالك من إتهمهم المجتمع والصحف والمواقع الإلكترونية لم أسمع قط بإثبات تهمة الفساد لأحد شاع إتهامه بين الناس. لا أدري العيب فينا أم في القوانيين التي نحتكم إليها؟ لا أدري . حزنت جدا عندما تم إتهام محلية المناقل بالفساد ، وإني أحسب أن فسادها كان مستوردا حيث أحد معتمديها المستوردين السابقين بنى قصرا لم يهنأ بلإقامة فيه وبلغت ميزانيته مبلغا يكفي لصيانة جميع المرافق الصحية والتعليمية بالمحلية وإجلاس جميع التلاميذ الذين يفترشون الأرض ويلتحفون السماء - يتحدثون عن الفساد ويقدل المتهمون على عينك يا تاجر وإحيانا يتم ترقيتهم !!!!!!!! لست أدري لماذا يتم ترقية المتهمون بالفساد قبل محاسبتهم ؟ لست أدري . راجع هذا الرابط بموقع منتديات المناقل : http://www.almnagil.com/vb/showthread.php?t=1225 أخي مدثر - حسب علمي بأن الضرائب (المساهمة الوطنية) والزكاة تم إالغائها لبعض شرائح المغتربين وتم تخفيضها للشرائح الأخرى . الأهم أن نطالب نحن المغتربين برد الجميل الذي سمعناه كثيرا من الإخوة المسئولين في الجهاز ووعدونا به : ما هو هذا الجميل المنتظر ؟ ومتى سيمنح للمغتربين؟ تخريمه: أخوي فايز ود القاضي : قلت البلد نائمة نومة أهل الكهف ( كيفن نائمه - الكباري والسدود وشوارع الظلط دي منو العملها - لا البلد ما نائمه لكن يبدو أن البعض يعتبرها في حالة نعاس شديد ) ( لا البلد ما نائمه بس محتاجة مننا كلنا لي دفرة قوية عشان تطير لي فوق ونقتلع جذور كل فاسد وعندها سيتساقط كل المنافقين وأصحاب المصالح الشخصية ) . ليتنا نحن العاملين بالخارج كلنا رجعنا الى قواعدنا وبدأنا مشوار التعمير في مناطقنا ، وعندها سيصبح مقر جهاز العاملين بالخارج مدرسة ومنارة علم لا مركز جباية كما يعتقده كثير من العاملين بالخارج . طبتم بني وطني جميعا وطاب مقامكم أين ما كنتم - وربنا يردكم لدياركم سالمين وغانمين أخوكم ود حمد

Quote: شكرآ ليك يا بشير على التضامن..عارفك يا ود أختى سمح وبتريد السمح....مدثر بفط...لحدى مايجى دورنا ونشوف رايو فى كلامى ده........إحترامى وتقديرى للجميع... إسماعيل محمد احمد عباس...

Quote: يبدو لي أنو الحكاية بتختلف من شخص لآخر حسب المكان الذي يذهب إليه في السودان .. صحيح في تغير لكن ليس بذلك القدر المخيف ياخوي خت الرحمن في قبلك وأمشي سلم على الوالدة والوالد لو موجودين في الدنيا الفانية دي وأرجع محل شغلك بالسلامة إن شاء الله

Quote: مهما كان يا صاحب السودان هو أجمل بلاد الدنيا

Quote: الاخ العزيز مدثر قرقاج، الف مبروك الباسويرد ومرحب بيك منور البورد يا ود الامتداد ثلاث يعز الصبر عند حلولهـا *ويذهل عنها عقل كل لبيب خروج اضطرار من بلاد يحبها * وفرقة إخـوان وفقد حبيب وقال آخر: يعيش المؤثرون بأرضهم وترمي بالمقترين المراميا ......................................... تعرف يامدثر المؤثرون ديل منوا في السودان؟؟ ديل البيحلبوا فيها ليهم زمن طويييل.. وقليلي الحيلة من بسطاء الناس ماسكين الشطر الميت ويغنوا حيران باكي فاقد...... صدقت والله فى كل ما سردت فى بوستك الشيق لكن يارجل ما ليك حق ابداً تقول موية مافي معقولة بس ياود الامتداد!! إنت ساكن فى نص الدرب، شرقك النيل الأزرق وغربك النيل الابيض وبعد ده كلوا كمان بتشكي!! يارجل إنت زول جاحد بإنٌعم الله ولا شنوا؟؟؟ أنا مني منك أشيل لي قرعه وأغرف وأغرف لمن أروى، أبسط ياعم كمان جايك رمضان ..حمام البحر ده زيوا مافي فإستمتع بجمال النيل والخرطوم باليل.. وأهم شئ أسكت ساااكت... الشئ التاني الماصاح منك قصة الكهرباء دي إنت داير بيها شنوا؟؟ القراية وكملتها....البلد من شدة ما هي حلوة من غير كهرباء لمن عقد الجلاد غنوا ليها يا جمال النيل والخرطوم باليل..... هسي من ما الله خلقك سمعت ليك زول غنى للكهرباء؟؟؟ إنت ما سمعت باللآي ضي الرتينة !! وغنية القمر بضوي شن بلاني بالنجوم... فيا صاحبي شايفك قايم سداري وشايت ضفاري.. حتى في الفن الكهرباء دي ما بغنوا ليها الإ ناس مصادمين زي ....تصحى الكهارب في الشوارع .... والنضم الكبار من النوع داك.. فدحين يا اخوي أكان إنت في السودان فكهرباء محمد فرح دي متذبذبة وفولتها عاااالي أبعد دمك منها عشان ما تلطشك... كمان أكان إنت برة البلد أنضم فيها براحتك لانوا تيارا برة مستقر وما بتعوقك.. نجى لموضوع البوست وقصة الوطنية والإجازات.... وإنتوا في وادي وإحنا فى وادي والكلام الزي دا ذكرني بقصة مدرب سوداني مشهور بتاع كرة قدم عهد إليه بتدريب الفريق القومي للناشئين، فلمن جات مبارة السودان مع إحدى دول الجوار كانت آخر وصية ليهوا قبل ما الفريق ينزل الملعب قال ليهم (شوفوا يا أولاد... اللعب حسب الخطة وختوا السودان في قلوبكم وعفص للطيش) ووصيتوا دي بالزبط زي بوستك دا في مجمله مع الحالة الاقتصادية الصعبة دي .... القصة وما فيها إنوا الواحد يخلي السودان في قلبوا وعفص للطيش .... دي الروشته الموجودة حالياً في صيدليات المهجر الداير يصرفها أحسن ليهوا والما عايز يستعد للمغصة واكان ربنا رفع القدم لمستودع المغص الكبير "السودان" الحبيب أهو الواحد يعمل إإإيه؟ الحيين عيش معاهم، والميتين الله معاهم.. ويا ريت لو أديتني تلفونك على الاميل دا: [email protected] عميق مودتي

Quote: الأخ مدثر قرجاج تحياتي يا زول مساهمتك دي سلاح ذو حدين . في ناس لو بقروها كان كبروها وطبعوها في أمام أبواب شققهم حيث طالت غربتهم وأصحبوا يبحثون عن أي سبب لتبرير الإستيطان في بلاد الغربة. وفي ناس بخوفهم لدرجة الواحد يتحسس وقت الإجازة ويلقي لها تفويته وفي ناس عشان كلامك دا بتشيلهم الهامشية وبطلبوا إجازة مستعجلة وفي ناس منتظرين دورهم في ركوب التونسية دي بكل حلاوتها ومرارتها . بحيراوي

Quote: أخونا العزيز مدثر قرجاج يا أبن مربعي لك التحايا أرتال من بعوض الغربه تملئ جوف مشتاق لمساحة 300م مربع كانوا في يوم من الأيام تسكن 4 عوائل وكل عائلة مكونه من 6 أفراد فمافوق تخيل ديل بالحسبه دي 25 فردبي أناثلاث مطارح وبرنده ومطبخ في الركن الهناك ومنقده فيهو قدر بركة يملح بكسر رهيفة تكفي وتسد الرمق كمان والصحة والقرايه وملحقات عديدة ، ورغم الطويله من البلد إلا وأن النااااس تحتاج الناااس بكل الأنشغال والجري والطيران وراء لقمة العيس الذي أصبح كد وجهد يأخذ كل وقتك ،ونعلم تماما بأن من يوالي للنظام وله سند يعيش برغد إلي حين والله يكون في عون الكادح البسيط وحتي المغترب الذي يعول أهله قد قصقصت أجنحته بما يحمل من حمل هو أحد أسباب الأنقطاع الطويل وتأتي الي التعليم وخلافه يجعلك تدور في فلك كروي بهوي الشوق الي الأهل والأصدقاء وأن كانت الجوء ساخن هي لسعة شوق لازمة لجسد هده الترحال والأغتراب وقد بينت لي درب لم أسير فيه عشرة أعوام شكر لخارطتك للوطن وتضاريسه من وديان وتلال ومخارج

Quote: ود قرجاج المبدع ابن خالتي وصديقك مهندس علاء الدين بطرفكم في نهاية رمضان وصلت له تحياتك فضحك وقال ما قال فاضحكني بالله ياود قرجاجي قريبي ده اديتو زي وصاياك الجميلة دي وقلت اول ما تمشي السودان اذا اتكلمت كتير بقولوا عليك سحلبت (جنيت ) واذا سكت كمان بقولوا فيوزاتك ضربت برضو يعني (جنيت ) قريبي ياقرجاج في منطقة لو ربطوا فيها الحمار بقوم جاري حتى البعوضه البتحكي عنها دي ما بشوفها اليوم كله بشوف عمال خرسانة طوب سيخ وكلها مُذكرة يعني الانثي والنصف الاخر إلا في الطيف عند النوم بالله خليك امين معاه الراجل مطول وليهو 3 سنة تخيل انسان كان بنوم بكتاب وبصحى بكتاب وباسطة ولبن بقالة اسياء الدسم داك واتحرم من كل شلة استير ومن ناس هنايا وهنايا ولكن نرجع نقول يا قرجاج الوطن غالي وبلمة الناس كل شي يهون والله جيت وشفت ماشفت تخيل تشوف ناس ماشى وسرحانة في نفس الوقت ولو ضربتهم ترلا ولا قندراني يقولوا الحمد لله ياخي الاطفال اصبحت تمشي في الطريق وترجف الصحة معدومة ثقافة الحياة معدومة يعني نقول الله يصلح الحال الوطن غالي . غالي تسلم ياود قرجاج وما تبكينا بالله غالي غالي غالي سلام سلام

Quote: العزيز قرجـاج من اكتوى بالغربة مثلنا .. يعرف انها تُـنقص ما جئنا لنأخذه منها .. إذ انها كلما منحتك .. أعـادتك الى حرمانك الاول .. كل الود

Quote: السودان حلومر وشعار الدولة زاتو كدا : ( بلوه واشربوا مويتو ) ياهو دا السودان لا بتصلح ولا بتملح حلومررررر الداير داير الماداير ماداير

Quote: يعني يا مدثر نمشي وين كدي بالله قول لينا المغترب يشكي الجاي عمرة وحج يشكي الضرب تلفون يشكي الرسل جواب يشكي الطلب مصاريف يشكي الفي مدرسة يشكي الفي جامعة يشكي الشغال يشكي الما شغال يشكي السافر للبلد يشكي والما سافر يشكي الكبير يشكي والصغير يشكي الراجل يشكي والمرة تشكي ست الشاي تشكي سيد اللبن يشكي بتاع الخضار يشكي بتاع الدكان يشكي الصحيح يشكي والمريض يشكي الوصيف يشكي يا اخوانا نمشي وين نحن ورووووونا فها نحن نشكي ليكم يا مجاريح الوطن

Quote: ود قرجاح سلامات... لكن بلدنا نخليهاولا شنو؟؟؟ ولا البصارة كيف؟ خليك من بيت الشعر داك الأبيتو.. والعريبي قال: بلدن مو بلدك - لا هيلك ولا هي ولدك... نحن معشر المغتربين نعد الساعات عدا.. عشان نجي نشوف البلد بكبوبا ورمادا,.. والأهم نشوف الأهل.. وأكان الواحد لقى ليهو هبرة لي شندي ولا أم علي... ولا حتى الجزيرة أم جيركي ما بناباها... البلد حالها مائل... صحي.. لكن ما بنخليها ياود قرجاج تحياتي

Quote: مدثر سلامات السودان دا ما بيعرف قيمته الا البطلع منو امشى المطار صالة الوصول وشوف فرحة الجايين وامشى صالة المغادره تشوف بكاهم لفراق الوطن والاهل والاحباب لانو عارفين الراجيهم فى الغربه شنو الله يعيد غربة الجميع لارض الوطن مودتى

Quote: ما قلناخليها ياحبيب بس اديها صنه شويه

Quote: Quote: ما قلناخليها ياحبيب بس اديها صنه شويه قريبي مدثر سلام ثاني وألف مرة... تعرف يا مدثر العوجة حسب تجربتي في الصنة دي... عشان كده زمان بما أنني أغتربت ولما أزل زغبا أنتبهت للمسألة دي.. ومع إحترامي وتقديري وإعترافي بكل ما ذهبت إليه إلا الصنة دي بتودر الزول.!!! وحسب إعتقادي تكون الموالاة هي المطلوبة.. وإلا تحدث الخلعة التي نوهت عنها... عشان كده قريبك يمكن في الأوانة الأخيرة بقي يجي أكثر من مرة في السنة,,, بس اللعبة وين؟.. إنو جيتك ما تزيد عن 10 أيام...بما فيها يوم مشية جهاز المغتربين.. وطبعا دي أول نشاط في أول يوم من الوصول لأنو الواحد بيني وبينك.. بنتذكره أكثر من الفواتح الراجيانا وبنشيل همه كثير... طبعا كل ما ذكرته في تحذيرك صحيح.. خاصة حكاية الموية.. وعشان ما نتحرج مع ناس "خديجة".. أي خديجة تكون حنفيتم بتسرسر على قدرهم ... تحسبنا لتلك الإحتمالية... عموما المرة الجاية لما أنزل إن شاء الله ألقى مساحة للقياكم.. والسلام على الأهل.. عشان بوصل الأرحام... توصلنا رحمة الله تحياتي ليك ولكل العقاب..