بورداب دبى المحترمين.....لو سمحتو .....مساعدة.

Quote: ستي سنتر ( عندهم سينما خطيرة بتعرض افلام جديدة ) وهو مول ضخم جدا مول الامارات .. حاجة ما بتتوصف الا تزوروها .. ابن بطوطة .. جميرا بيتش ..

Quote: اذا مرطبين امشوا حياة رجنسي

Quote: في مصيبة اسمها دبي مول تلاتة يوم بس ما اظن تكفيك تكمليه

Quote: استفسار (تحت...تحت) للسيدات....وين محلات الدهب و التياب?

سمارتي سلامات ياخ
أول مامشيت الدوحة لاقيت صديقة بعد فترة غياب طويلة شديدة وكانت كريمة معاي جدا وحلفت الا انزل في بيتها وعربيتها تحت أمري ومن ضمن عروضها الكريمة شديد دي قالت لي يارايوة إستني ولدي يخلص إمتحاناته الاسبوع الجاي وأوديك محلات التياب والدهب ...وإتلفتت علي وقالت لي أها تاني عندك شنو عاوزاهو غير كدا
طبعا إتعقدت شديد وقلت معقولة تختصرني بس في التياب والدهب وحلفت ما أمشي سوق التياب في الدوحة ولي هسة مامشيت
بالنسبة للتياب في الامارات أنا ماشفت أسواق دبي بس سمعت بي سوق الهنود هسة الموضة ...بيجيبوا منه حاجات سهرة خطيرة وفيهو كمان حاجات زي فوطة أهلنا ناس الشرق للصباح والابري ميدي
في كمان ريفولي للتياب التوتال وعندو تياب (راتيRati) خطييييرة طبعا وتتمنيها لي حبانك .

(عدل بواسطة Rawia on 08-13-2009, 09:58 PM)

Quote: استفسار (تحت...تحت) للسيدات....وين محلات الدهب و التياب

Quote: بالنسبة للتياب في الامارات أنا ماشفت أسواق دبي بس سمعت بي سوق الهنود هسة الموضة ...بيجيبوا منه حاجات سهرة خطيرة وفيهو كمان حاجات زي فوطة أهلنا ناس الشرق للصباح والابري ميدي

Quote: في حتة في سوق الدهب اسمها الشقة دي ممكن تشتري منها كميات من الهدايا التياب دون ان تنقطع يدك..

Quote: عندهم خدمات كثيرة غير الجوله بالباص السياحي يعني ممكن تمشي سفاري وهي الصحرا وشي جميل جداا وبصراحه اوفر كثير من ان تاخو التاكسي لان التاكسي مكلف جدا واقل سعر للعداد هو 10 دراهم

Quote: وبالأمارة اسالي لينا جرام الدهب الكويتى حصل كم ؟؟

Quote: الله موضوع الهدايا ده...ما عارفه اعمل فيه شنو...انا عندى حوالى 14 عمة و خالة (لزم) ..ده غير خالات و عمات زوجى (بيكونوا ذاتهم 14)...اها ديل كلهم مفروض اشيل ليهم هدايا؟؟؟ اه و نسيت اقول ليك ان ال 14 عندهم اولاد و احفاد....برناااامج

Quote: دبي تعاني من ازمة مالية خانقة عليك بالدوحة وقطر والفسح والحاجات مطر

Quote: رحلة أختنا سالي اللي وصفتها ليكـ فوق بتتضمن جزء من المناطق الأثرية اللي قالتها أختنا نهال عيبها الوحيد إنه اليومين ديل الرطوبة عالية جداً و البص مكشوف ( أعتقد إنه في جزء منه مكيف دي ما متأكد منها)

Quote: استفسار (تحت...تحت) للسيدات....وين محلات الدهب و التياب?

Quote: انتى ياختى قولى ماشة عشان كدة بس ، مش عشان تتفسحى .!! غايتو بعلك الله يكون فى عونو سااااااكت ح تقطعى قلبو أقصد جيبو .!!

Quote: عاوزه كمان اعرف الدرهم الايام دى بكم دولار؟؟ و دبى بتقفل الساعة كم بالليل؟ يعنى ذى القاهرة الناس حايمة الليل كلو؟ ام ذى المدن الامريكيه..بعد الساعه 9 بالليل ما فى اى شى فاتح؟ كمان العطور العربيه ؟؟القاها وين؟ مول دبى؟

Quote: شكرا على المعلومات المفيده...انا بحب تشكيلات دماس جدا...اها..عندهم محل فى اى سوق دهب فى دبى ام سوق معين؟ ياتو سوق دهب فيه محلات تياب ؟ او حتى قريبه منه؟ حتى الان و على حسب كلام سالى انا ح امشى سوق الدهب اللى جنب محطه السبخة ..لانه قريب من سوق الشقة.. المشكلة التانيه انو ما اظن يكون عندى طريقه امشى الشارقه...عشان كده شوفوا لى احسن محل للتياب فى دبى و يكون قريب من سوق دهب فيه دماس! ريفولي ده وين بالضبط فى دبى؟ و عمر للمنسوجات برضو محلو وين

Quote: عاوزه كمان اعرف الدرهم الايام دى بكم دولار؟؟ و دبى بتقفل الساعة كم بالليل؟ يعنى ذى القاهرة الناس حايمة الليل كلو؟ ام ذى المدن الامريكيه..بعد الساعه 9 بالليل ما فى اى شى فاتح؟ كمان العطور العربيه ؟؟القاها وين؟ مول دبى؟

(عدل بواسطة نجوان on 08-17-2009, 08:24 AM)

Quote: الأكل ممتاز .. وما ح تتعبي في الوصول اليه المطبخ الهندي مهم جدا وكذلك الشامي او اللبناني على وجه الخصوص.. (المطبخ الخليجي قريب جدا من الهندي وموجود بالمطاعم الشعبية) ولا تنسي التاي فوود!

Quote: بالنسبة للتياب ... اياك ثم اياك تشتري من الشقة .. تياب الشقة في السودان بتتباع في سوق الجمعة .. وبارخص الاسعار .. خامتا كعبة شديد .. برغم اشكالا الجميلة المغرية .. وهي اقرب للبولستر منها للتوتال .. وطبعا عارفة يعني شنو بولستر في حر السودان .. قريب من سوق الدهب في محلات كنانة اذا جيتي من شارع الخليج ورا فندق اسمو الفردوس .. ممكن تلقي فيها حاجات الهدايا وباسعار معقولة .. بس خليك نجيضة وفاصلي شديد .. سعر التوب الربط الياباني ما بين 80 لــ 100 درهم .. ممكن لو محظوظة تلقي الماني .. وفي نوع هندي محسن ( درجة اولى ) ما بطال ... وعمر للمنسوجات ( فرع دبي ) في سوق مرشد قريب لسوق عكاظ وسوق الدهب ..عندو سويسري اصلي .. تياب الشيفون الفرنسي .. او الحرير .. وناس الهمر .. والمشغول بخرز وحاجات تانية غريبة .. امشي مركز المنال في سوق نايف .. او امشي شارع الفهيدي في بر دبي .. ( ورا محطة الغبيبة الرئيسية للبصات ) هناك في تلاتة محلات ريفولي ) ..( راتي ) و ( ريجال ) وهي محلات هندية وفي منطقة واحدة وقريبة لبعض .. او لو عاوزة غالي شوية امشي مركز الغرير في ديرة ( شارع الرقة ) وهناك التياب من 1200 درهم وانتي طالعة ...

Quote: لكن لو محتاجة تفاصيل اكتر ، ممكن نساعد برضو ، بس يا ريت تحددى عدد الايام بالضبط ، و ساعة الوصول و المغادرة ، و عدد افراد الاسرة ، و الايام هل هى ويك اند ولا فى نص الاسبوع ؟ و ان شاء الله نديك مخطط برنامج ظريف و لو عايزة تعرفى لمحة عن الاسعار التقريبية برضو ممكن

(عدل بواسطة smart_ana2001 on 08-19-2009, 04:37 AM)

Quote: سوق مدينة جميرا تحفة تراثية جنب برج العرب اجمل مكان لصور دبي و المطاعم و السوق التراثي و المنظر بديع جدا

Quote: يوم غير كافية يا بنية.. خصوصا وانه قد يكون فيها jetlag كارب (وما بتمناه ليكم) وكمان لو جايين من الساحل الغربي عادة بيكون اشّد.. البلد جميلة ومرحابة .. وتحتاج وقت..

Quote: أوصيكـ يا سمارتي بأكل وجبة في مطعم إسمه (سلة الأسماكـ) Fish Basket_ و من الآخر كده لو كنتي من عشاق الـ ( Sea Food ) العزومة دي علي أخوكـ من هسي .

Quote: تاني حاجة انتي شكلك كدة حتجي في رمضان!! وباعتبار انك بتحبي الأكل ... ألغي فكرة الفسحة بالنهار من برنامجكم لأنو فسحة من غير عضة ما بتنفع... حتجي حتنومي بالنهار وحتى لو صحيتي حتلقي نفسك صاحية براك ما في زول حيشتغل بيك ... معناها عندك الفترة من الإفطار لحدي السحور ده لو فرضا انتي جيتي في رمضان... تمشي تشوفي ليك بوفيهات مفتوحة وبعد كدة تقولي للمولات جاك بلى..

Quote: اولا سخانة ورطوبة الف .. ولا اقوليك الفين والله ..

لكن جوها في الشتاء مبالغة وهي اقرب ماتكون الى بورتسودان في المناخ ، شخصياً ما حبيت دبي أبداً يمكن لاني كنت شغال في ابوظبي

وابوظبي هادئة ومنظمة ، لمن امشي دبي في الغالب لازم ارجع ابوظبي حتى لو الساعة 2 ص الا في مرات نادرة. على العموم الامارات بشكل

عام بلد جميلة ونظيفة ورخيصة (على ايامنا) عكس ما نسمع عنها الان ، اجمل مافي الامارات الشعب الاماراتي ناس طيبين وكريمين للحد البعيد

Quote: .نشوفكم و نشوف دبى ان شاء الله شهر 11

وإحداثياتها هي:
25° 4'5.65"N
55°18'20.33"E

وهنا موقعها اللإلكتروني:
http://www.globalvillage.ae/Home.aspx

تتضمن القرية أجنحة لعدد من الدول، بحيث تتضمن الأجنحة بضائع متنوعة من تلك الدولة، كما تقدم أغلب الدول فقرات فنية من تراثها وثقافتها. يوجد أيضاً قسم للمطاعم فيه مختلف أنواع المطاعم من الوجبات السريعة وحتى المندي، كما يوجد قسم الألعاب بمختلف مستوياتها للكبار والصغار، وكذلك المساجد ودورات المياه إلخ. كذلك هناك الألعاب النارية والسيرك والعروض في المسرح.... وبالتالي يمكن للعائلة قضاء يوم كامل في هذه القرية، بل يفضل زيارتها لعدة مرات في السنة.

وفيما يلي صور من زيارتي لها الأسبوع الماضي:

تتوفر مواقف سيارات مجانية ومنظمة بشكل جيد: هذه صورة من المواقف:


وهنا شراء التذاكر:


الجديد هذه السنة هو القناة المائية


الجناح المصري


الجناح السوري


الجناح اللبناني


الجناح الهندي


الألعاب:












جناح فريج:


عروض فنية:


البوظة والحلويات السورية:


أرجو أن أكون قدمت الفائدة لمن يود زيارة هذا المكان المميز.

_

(عدل بواسطة فيصل نوبي on 08-19-2009, 08:04 AM)
(عدل بواسطة فيصل نوبي on 08-19-2009, 08:06 AM)
(عدل بواسطة فيصل نوبي on 08-19-2009, 08:11 AM)

Quote: اها سلة السمك ده وين؟ عشان لو نطيت من العزومه ما كما يبقى على مقلب!

Quote: انا بحب الاكل جدا...و بحب اجرب اى حاجه....اظن انها ح تكون فرصتى اجرب الاكل الخليجى....و فى زول قال لى الاكل اللبنانى فى دبى جميل جدا... و شكلى لو لقيت اكل تاى..ح اقفل عليه و ما اكل اى حاجه غيره ...اعمل شنو Big fan

Quote: سوق مدينة جميرا تحفة تراثية جنب برج العرب

Quote: ح نمشى باذن الله فى التور اللى بالبص ..موضوع السخانه ان شاء الله ما ح يكون مشكله لننا ماشين فى شهر 11 ان شاء الله ..و الجو بيكون كويس الوقت داك

Quote: ومترو دبي سوف يتم افتتاحه يوم 9-9-2009 يعني ممكن يسهل ليكم التحرك

Quote: امشي مطعم ( دانيال ) موجود في الابراج التوأم ( توين تاور ) في شارع الخور ( ديرة ) المطعم في الاصل ايراني .. لكن بوفيه مفتوح غدا وعشا .. ببدا من الساعة 12:00 ظهر ولغاية نص الليل ... الاكل فيهو رووووعة ... كمية من الخيارات تبدا من الشوربات والسلطات والمقبلات ولغاية ( المين دش ) وانتهاء بالحلويات .. بس اعمل حسابك لو ماشة تتغدي ما تفطري خالص .. ولو ماشة عشا ما تتغدي ..