|
Re: يا زين عرعر .... (Re: Gafar Bashir)
|
طيب لو جيت الدمام كان قلت شنو يا جعفر بشير ..
اظن بإستطاعتك إجراء كل ذلك وانت بمكتبك ..
ــــــــــــــــــ
مبروك تسجيل المولودة الجديدة ودامت في عزك
أما الرياض فحسبنا الله فيها وفي سنوات اضعناهن بها ..
| |
|
|
|
|
|
|
Re: يا زين عرعر .... (Re: HAIDER ALZAIN)
|
يا جعفر لا تحلموا بعالم سعيد
كل التساهيل دي حتبقى ليك حجر عسرة بعدين لما ترجع السودان في إجازة أو ما شابه ذلك
يعني كل واحدة من الحاجات العملتها دي دايرة ليها يوم كامل (ناس ياخي لاحق شنو الدنيا تطير)
فأحسن ليك لما تلقى فرصة زي دي ما تنتهزه وحاول اتروى واعمل الحاجة في يومين تلاتة تنفعك بعدين
| |
|
|
|
|
|
|
Re: يا زين عرعر .... (Re: HAIDER ALZAIN)
|
حيدر الزين سلامات كيف الكلام ده يا حيدر
ياخي انا قعدت في الخبر سنة كاملة ... اليوم البكون فيهو مشية للبنك بكون باقي اليوم اجازة .. لانو عندهم شباك واحد (لغير أصحاب الحسابات) وطبعا بكون في نهاية الشهر تجي تلقي كم محاسب واقف وكل واحد ومعاهو زي خمسن بنقلاديشي .. لصرف المرتبات ...
المولودة الجديدة بدايتها غرامات الله يعين من الباقي
| |
|
|
|
|
|
|
Re: يا زين عرعر .... (Re: خدر)
|
Quote: ناس ياخي لاحق شنو الدنيا تطي |
والله دي فاتت علي يا حبيب .. طبعا انا كنت مستمتع بانو الحاجت ماشة بسهولة كدة لانو اول مرة اعمل الاجراءات دي خارج الرياض ... واظني ما صدقت الا لمن انتهيت ...
بالمناسبة فيما يخص السودان ... حقيقي الاجراءات الفاتت في السودان كانت من مدني ... ورحمة كبيرة بالمقارنة مع الخرطوم ... يعني قول ساعتين لما تنتهي إجراءات التأشيرة وترجع البيت ... تقدم ملحوظ اضافة لي انهم حتي ناس الخدمة المدنية جابوهم مدنيين اولاد وبنات صغار كدة ونضيفين وخطهم جميل ... زمان ناس الخدمة الالزامية في 61 قصة عجيبة جدا ً ...
| |
|
|
|
|
|
|
Re: يا زين عرعر .... (Re: عبد اللطيف بكري أحمد)
|
Quote: والله إلا تكون سايق موتر ... |
:D :D :D :D
حكمة الله عربية حكومة: ده معناها انو اي شرطي مرور ممكن يوقفك ... ويطلب منك اثبات علاقتك بي العربية ... ويعطلك كم دقيقة كدة ... وازيدك شوية كمان ... في الساعتين ديل برضو سددت رسوم مخالفة سرعة ... واشتريت قلم .. واشتريت علبة كولا ... ودخنت كم سجارة ... وعملت صور فوتوغرافية لتجديد الرخصة ...
| |
|
|
|
|
|
|
Re: يا زين عرعر .... (Re: مؤيد شريف)
|
اهلين بأهل جدة .... كمال إدريس
Quote: السعودي : وايش بربر السوداني : وايش عرعر |
تعرف عرعر دي ما سمعت بيها الا وانا جاييها ... وعشان اصل 16 ساعة سواقة الدمام الرياض عرعر ... وانا متخيلها زي كمبو حليمة ... اها يا زول انشالله بربر تبقي زي عرعر عشان الخرطوم تبقي زي واشنطن ....
| |
|
|
|
|
|
|
Re: يا زين عرعر .... (Re: Gafar Bashir)
|
Quote: ما لقيت ليك واحد موظف كده قافل الشباك عايز يفطر ؟ |
سلامات مؤيد
هنا مافي عايز افطر .... لكن فيها: روح صلي ... لانو هنا وخاصة في المؤسسات الحكومية أول حاجة بنعملها بعد نصل الدوام هو (الفطور) يعني من تمانية صباحاً تكون انتهيت من القصة وشفت اشغالك تاني ما بحلك الا الصلاة ...
| |
|
|
|
|
|
|
Re: يا زين عرعر .... (Re: Gafar Bashir)
|
Quote: ن شاء الله تسجل التيمان بعد البنية |
هسي من بين كل الدعوات الحايمة في الدنيا دي ليها الف واربعمائ وثلاثون عاماً ... ما لقيتي لي غير دي ... غايتو التيمان ما بناباهم لكن الله يديك قدر نيتك مضروب في عشرة ...
| |
|
|
|
|
|
|
Re: يا زين عرعر .... (Re: Gafar Bashir)
|
Quote: Re: يا زين عرعر .... |
ده كلام زول سيقعد مـُـ عرعراً قائلا : عِــدّولييييي!
عزيزي جعفر
سلامات .. ومبروك البنية وتتربّى في عزّكما وعز الأهل وعز الوطن ، كمان.
ويل للرياض من ضُـرةٍ كـَـ عرعر
----
تحياتي للجميع
| |
|
|
|
|
|
|
Re: يا زين عرعر .... (Re: محمد الطيب يوسف)
|
ابوجودة ياخي والله انا بقيت كل يوم منتظرك
مرات اقول الزول ده قريب يا في سكاكا يافي طريف بعدين ابعد شوية حفر الباطن ولا تبوك
تاني اقول احتمال ياربي يكون في عرعر ....
ياخي عذبتنا
| |
|
|
|
|
|
|
Re: يا زين عرعر .... (Re: ريهان الريح الشاذلي)
|
ياخوي انا فارقت الرياض والدمام وجدة ومثيلاتها من حائل تبوك سبت العلايا سكاكا حالة عمار ! عرعر والقريات فُراق الطريفي لي جملو ..
يبدو أن الأمور قد تخاطلتْ بعض الشيء ! في الحقيقة ، زيارتي المعنية كنتُ أقصد بها بوستاتك .. وكنتُ الى آخر مداخلة أعتقد أنك مُلم بمغادرتي ! إذ أنه مايزال يتخيـّل لي بأننا قد تحادثنا هاتفياً في الموضوع ! فإن لم يحدث ، فلك صادق اعتذاري ..
أذكر في تلك الأيام أنني ذهبتُ في أول يناير مع ابني الذي يدرس بالصف الرابع ، لمدرسته ، حتى نأخذ الفايل ، خاطبه المعلم قائلاً : والله يا زياد يا إبني نتمنى لك عودة للوطن مباركة وأن تعود للسعودية قريب ! متى ستأتي للســعودية ؟ فما كان من طالب الصف الرابع الابتدائي إلا بادر معلمه : والله استاذ تاني إلا في الحج !
وكذلك أبيه ..!
يا صديقي ، أنا قد عدتُّ للوطن ، وأعرقتُ في العودة والاستقرار لما يقترب من عامَــيْن ..
أستطيع أن أقول أن الأمور ماشــّـة (ولو كنتَ تتذكـّر الماشـّات) فلكَ أن تقرأها بما تريد من " تورية"
أمنياتي لكَ وللأسرة ، بكل خير
| |
|
|
|
|
|
|
|