|
Re: البيت السوداني!!... (Re: محمد الجزولي)
|
أقسم أنك عدلت يومي .. تنعدل عليك يا عبدالغني . ....... تعرف ، هذا الوطن الأجمل .. مرق من نفسي يا عبدالغني .. مُسأم هو بكل الضجة الفيهو .. الكواريك البتجيب الطاش يا عبدالغني ياخي .. كواريك و عويل و هياج من يوم الله أدخلنا في تجربة أن نكون مواطنيه .. عك و مجابدة و مكابدة في أي شي و علي كل شي . و كأنك يا هذا البلد بيت بكا كبير .. فراش يجب فيهو إنك تعصر برشو و تسكت - أو تتكلم واطي .. فتأمل هذي الواطي - تقرا جرايد سهتانة و تسمع سياسة مقرفة و مسوسة و فقرانة ، تمارس الطنطنة و العنعنة و المسكنة و المشأمة ، رياضة وحلانة في امراضها .. إعلانات مومسية تنادي علي سلع أكتر عهر و فراغ .. تمارس أحاديث بائسة لا تودي و لا تجيب .. أفكار خردة و صنميات أقوال و أفعال .. ذات الزمن الواقف و غبي و لايووق ياخي ، ذات الكلمات ذاتها بذات الشوف ذاتو و أنماط البصاير ذاتها . في كل يوم يسممني هذا البلد الذي كنت أحب يا عبدالغني ياخي . في كل يوم تزيدني الحكومة كرهاً لها و هي تجلد في حيوات الناس .. و تسومهم سوم نعاج .. هذه السلطة العقاب المسلط علي الخلق . في كل صورة تلقطها العين لازم يدخل معاها قذى و إبر و بلوات و محازن .. لامن تكره تفتح عينك . ثم سمعك .. ثم فؤادك .. لامن تكره تفتح عقلك و روحك خوفاً من أن تتلوث فيك الجذوة اللسه باقية من بقية ما كان في يوم إنسان . كلها هذه الجوارح يا عبد الغني ياخي اتساطت بالأوجاع و الأوجاع و الأوجاع . السمع و البصر في هذه البلاد ليست نعم من الله و آلاء .. جعلوها سياط عذاب يا صاحبي . بقى الحال ما يدعو للتغيير ، تغيير لشنو ؟ منو ح يسوق الناس دي في درب التغيير ؟ منو يا عبدالغني ؟ .. الحال إتعدى حلم التغيير - هذا الحلم العنقاء - صار الان يدعو للنفدان بالجلد .. و بقية الرويحة . أناني أنا ؟ .. ياخي أناني .. ( قال صاحبنا : حلمنا بتغيير حال البلاد فغلبنا ، حلمنا بتجميل حال العباد فغلبنا ، بتجميل حال مدينتنا فغلبنا ، حلمنا بتجميل حال حينا برضو غلبنا ، بتجميل حال بيتنا فغلبنا ، فيا رويحة الجن .. الله يقدرنا على تجميلك و تهذيبك ) . تعال شوف كيف إرادات الناس هنا ملجمة ، و الأفراس الكانت برية و خيل بقت حصين كارو .. الإرادات دُجِنَت يا عبدالغني ، دجنتها الحوجة و دجنها القهر ياخي .. و ( قِل الوالي اليرشد . كما تقول الوالدة ) . و كضابين كل الكلامين البيتكلموا .. هذه السلطة ركبت البلاد سرج و دجّنت و طهمت من كنا نناديهم خيلنا و ركازتنا و الجبال التي نلجأ إليها حين السيل . مسؤول أنا عن كل كلمة اخطها هنا .. كل المجعجعين باسمنا كاذبون .. كل من يعلو صوته يعلو صوته فقط و يصغر في المقابل عمله .. ألا ما أقبح من يبيعنا الأحلام فنتخذها حيطة ننسند عليها .. و هي سرابٌ ببلقع . أقول ليك .. مافي زول راجي شي هنا يا عبدالغني .. الناس راجية الله بس يرسل رحماته طامة أو نصيبة أو غضبة أو قيامة تكنس كل هذا العفن .. غير الله ما راجين شي .. متشائم ؟ إنهزامي ؟ سجمان ؟ .. فليكن .. لكنها الحقيقة الكل يوم مسورة أرواح الناس .. و يغتغت عليها المغتغتون بجعجعات النضال و كواريك الكواريك .. و هم في غيهم يعمهون . أما جلاميد الأحجار الصوان التي نصبت أنفسها صوتاً لنا و قيادة للتغيير فهي فشوش .. من أولها لآخرها فشوش يا صاحبي . دُمي من الطرور .. من أول الحزب الديني المتيمن و متنضر باسم الله .. و لآخر الحزب المتيسر و الديمقراطي التقدمي المكنكش في نص العصاية .. و ياريتها عصاة موسى .
..... يا عبدالغني لا تعشمني مرة أخري في حب هذا البلد .. ما قريتك في مرة إلا و استنفذت ما عندي من طاقة على قفل باب هذا الحب لهذا البلد .. ما قريتك في مرة يا عبد الغني إلا و برد حيلي الذي أعده للجدع بطوبة هذا البلد . ياخي لا تفتح بوابات الحنين ليهو و العشق الماشي يندلق مويه علي الرهاب . أمسك عليك هذا يا عبد الغني .
( رَبَّنَا ظَلَمْنَا أَنفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنْ الْخَاسِرِينَ ) .
|
|
|
|
|
|
|
العنوان |
الكاتب |
Date |
البيت السوداني!!... | عبدالغني كرم الله | 08-10-09, 07:44 AM |
Re: البيت السوداني!!... | عبدالغني كرم الله | 08-10-09, 07:52 AM |
Re: البيت السوداني!!... | عبدالغني كرم الله | 08-10-09, 08:01 AM |
Re: البيت السوداني!!... | عبدالغني كرم الله | 08-10-09, 08:22 AM |
Re: البيت السوداني!!... | محمد الجزولي | 08-10-09, 10:05 AM |
Re: البيت السوداني!!... | فيصل محمد خليل | 08-10-09, 10:47 AM |
Re: البيت السوداني!!... | صلاح أبودية | 08-10-09, 11:03 AM |
Re: البيت السوداني!!... | عبدالغني كرم الله | 08-12-09, 07:40 AM |
Re: البيت السوداني!!... | عبدالغني كرم الله | 08-12-09, 06:42 AM |
Re: البيت السوداني!!... | Emad Abdulla | 08-10-09, 11:35 AM |
Re: البيت السوداني!!... | صلاح أبودية | 08-10-09, 11:55 AM |
Re: البيت السوداني!!... | عمر عبد الله فضل المولى | 08-10-09, 02:11 PM |
Re: البيت السوداني!!... | عبدالغني كرم الله | 08-10-09, 05:36 PM |
Re: البيت السوداني!!... | عبدالغني كرم الله | 08-10-09, 07:37 PM |
Re: البيت السوداني!!... | محمد الطيب يوسف | 08-10-09, 08:18 PM |
Re: البيت السوداني!!... | عبدالغني كرم الله | 08-11-09, 05:39 AM |
Re: البيت السوداني!!... | mohmmed said ahmed | 08-11-09, 06:23 AM |
Re: البيت السوداني!!... | lana mahdi | 08-11-09, 06:46 AM |
Re: البيت السوداني!!... | Mohamed Abdelgaleel | 08-11-09, 07:04 AM |
Re: البيت السوداني!!... | عبدالغني كرم الله | 08-11-09, 08:09 AM |
Re: البيت السوداني!!... | عبدالغني كرم الله | 08-11-09, 08:10 AM |
Re: البيت السوداني!!... | عبدالغني كرم الله | 08-11-09, 08:52 AM |
Re: البيت السوداني!!... | عبدالغني كرم الله | 08-11-09, 09:34 PM |
Re: البيت السوداني!!... | Elkalakla_sanga3at | 08-11-09, 10:34 PM |
Re: البيت السوداني!!... | عبدالغني كرم الله | 08-13-09, 11:18 AM |
Re: البيت السوداني!!... | مامون أحمد إبراهيم | 08-11-09, 10:44 PM |
Re: البيت السوداني!!... | عبدالغني كرم الله | 08-12-09, 06:32 AM |
Re: البيت السوداني!!... | عبدالغني كرم الله | 08-13-09, 10:41 PM |
Re: البيت السوداني!!... | عبدالغني كرم الله | 08-13-09, 09:45 AM |
Re: البيت السوداني!!... | عبدالغني كرم الله | 08-13-09, 07:00 AM |
Re: البيت السوداني!!... | عبدالغني كرم الله | 08-12-09, 04:24 PM |
Re: البيت السوداني!!... | عبدالغني كرم الله | 08-12-09, 09:09 AM |
Re: البيت السوداني!!... | عبدالغني كرم الله | 08-13-09, 07:44 AM |
|
|
|