|
Re: مع إنى ماعندى شغلة كتيرة بالكورة ... لكن الماقادرة تخش لى فى رأسى، كيف الزول يكون مريخابى . (Re: مهدى الصادق السيد)
|
Quote: انت ما عارف نفسك منو يالذيذ يار ايق ؟؟؟ اي زول في المنبر دا معروف ومصنف ... |
إنت عارف يامهدى الصادق السيد ، أول حاجة توعدنى تبطل حماقات المريخاب دى وممكن بعد داك نمشى لقدام فى مسألة التصنيفات دى
سمح ؟
وخلينا نكون صريحين ... نحن خايفين من منو ... قول صنفتنى مع منو ... وأنا أوريك وبكل صراحة أنا والله ما صنفتك لايى جهة وده لسبب
إنى أول مرة أعرفك من خلال البوست ده ... يعنى فقط صنفتك مريخابى نسأل ربنا يهديك.....
لكن غير إنك صنفتنى هلالابى .... تانى صنفتنى شنو ..
أها منتظر يا.... مريخاااااااابى
| |
|
|
|
|
|
|
Re: مع إنى ماعندى شغلة كتيرة بالكورة ... لكن الماقادرة تخش لى فى رأسى، كيف الزول يكون مريخابى . (Re: عبد اللطيف السيدح)
|
صنفتك مع منو انت يا محي الدين مش كنت مزيع في تلفزيون السودان ؟؟؟؟؟ لما دخلت المعاينة كانو معاك كم ؟؟؟؟ وكم الاجتاز المعاينة الاولي ؟؟؟ وكم الاتصفوا في النهاية ؟؟؟؟ يا محي الدين يا اخوي الله دا ما شافوه بالعين عرفهو بالعقل ..... بعدين انت الان بتوزع في المناصب بدأت برئاسة الجمهورية ... يعني عندك كل الصكوك .....
كسرة السيدح اخوي خليها خفة دم البوست ... وافق هواك في كل شي 00000
بوست قبيح استنكر علينا نختار ما نحب ..... مبروك عليك انتوالسيدح هلال الشهداء ... رش علي اوصولو ...
| |
|
|
|
|
|
|
Re: مع إنى ماعندى شغلة كتيرة بالكورة ... لكن الماقادرة تخش لى فى رأسى، كيف الزول يكون مريخابى . (Re: مهدى الصادق السيد)
|
Quote: تسلم يالسيدح .... وبعدين الراجل خليهو ما مريخابى وكده يقول ايى حاجة
قال صفوة قال
|
محى الدين
تناقضاتك فى تعليقاتك لا تتماشى مع عنوان البوست وأفقدته تعريف فكرة معينة تكون (موضوع البوست) وإن كان من باب الونسة أو مداعبات الكورة. فما بين أنك ما هلالابى .. وهلالابى بالفطرة .. وما بشجع الهلال .. وما بفهم فى الكورة .. وإنكار الصفوة .. و هاى لوكس .. وهاى كوالتى ... ووريهم تاريخهم ..وقال صفوة قال .. إلخ .. تحمل مداخلاتك تناقضات .. تبدو فيها متناقضاً (بالفطرة) .. و لا تدرى {بالفطرة) .. وغير فطن (بالفطرة) ...
وليس عيباً أن يولد الإنسان و فيه حماقة أو طباع سالبة .. أو .. أن يكون هلالياً .. ولكن العيب أن يشب الإنسان ولا يتعلم من مدرسة الحياة ما يجعله يقوم سلبياته و يستخدم عقله للمعرفة والوصول للنتائج .. لا الإعتماد على إحساس فطير فالله عرفوه بالعقل .. وهو الأمانة التى حملها الله سبحانه وتعالى لبنى آدم .. فالعقل والفطنة هى المحك وليس وهم نظرية خايبة تعمم هلالابى بالفطرة .. كان يمكن مجاراتك فيها من باب المناكفات.. ولكنك لم تحسن التناول .. ولا تدرى! وإن صادفت أهواء البعض .. وأساسى و محمد الأمين أعطوك الخلاصة بتمديد أرجلهم! وأخونا مهدى الصادق أصدقك القول .. الذى يحتاج للفطرة السليمة والفطنة لتفهمه.
| |
|
|
|
|
|
|
Re: مع إنى ماعندى شغلة كتيرة بالكورة ... لكن الماقادرة تخش لى فى رأسى، كيف الزول يكون مريخابى . (Re: مهدى الصادق السيد)
|
مهدى الصادق ... صباحاتك ندية ( بتوقيتنا هنا )
Quote: صنفتك مع منو انت يا محي الدين مش كنت مزيع في تلفزيون السودان ؟؟؟؟؟ لما دخلت المعاينة كانو معاك كم ؟؟؟؟ وكم الاجتاز المعاينة الاولي ؟؟؟ وكم الاتصفوا في النهاية ؟؟؟؟ يا محي الدين يا اخوي الله دا ما شافوه بالعين عرفهو بالعقل ..... |
أها آآآخوى خلينا نجيك على هواك ... وزى ما قلت ليك براحة على أعصابك ...
وحيات البينى وبينك من أخوة قد تراها هينة ولكنى أرها عظيمة حتى ولو كانت إسفيرية ...
إنى الكلام البقولوا ليك ده من جووووه قلبى ومافيهو جاى ولا جاى زى ما إتعودنا فى أوقات وبوستات الهظار
المشكلة شنو أنا لو كنت كوز ولا شيوعى ولا حزب أمة ولا إتحادى ...
هل يعنى عندك من يخالفك الراى معيبا ...
وبعدين إذا إشتغلت فى تلفزيون السودان ، دي بالنسبة لى حاجة أفتخر بيها لغاية ما أموت ، ويكفينى فخرا وشرفا إنى من ما دخلت المعاينة
لغاية ما تركت العمل فيه إنو مافى زول ساعدنى بواسطة ولاغيرا فقط مقدراتى الإمكن إنت ماتعترف بيها وده راى لو حصل منك أنا بحترمه
وبمالمناسبة الكلام ده أمش أسأل عنه غيرى وكتار عارفنو فى المنبر ... زى ماهم عارفين توجهاتى السياسية التى تهمنى فقط ... لا ألبسها
جلبابا أرقص بها فى المنابر ... ولا أتاجر بها ... وأعزلها تماما عن مهنة الصحافة التى أمارسها ....
أنا ما بدافع عن الكيزان لانى ماكوز ... ولو كنت كده مافى شئ ح يخلينى أدسها أو أنكرا ....
وبعدين تانى .... خليك زول حنين ياصاحبى ... عندك أيى مشكلة سياسية أمشى محل السياسة بوستاتا ما تديك الدرب ...
وبالمناسبة ... لو إنت فى السودان تعال شرفنى فى المكتب أو البيت ... أو ممكن أجيك أنا فى أى مكان وفى الحالة دى طبعا العزومة
عليك....
وبرضو محبتى الأكيدة
| |
|
|
|
|
|
|
Re: مع إنى ماعندى شغلة كتيرة بالكورة ... لكن الماقادرة تخش لى فى رأسى، كيف الزول يكون مريخابى . (Re: عبد اللطيف السيدح)
|
والله بعد قريت الكلام الخارم بارم ونويت ارد وختيت في راسي إني حا أخاطب زول بيفهم لكن بعد مداخلة أساسي عرفت إنك مذيع ربنا سخته بقاه مراسل ههههههه ..يشهد الله ما كان عندي علم إنك مذيع!
قلت ما دام إنت متدهور بالطريقة دي إحتمال مسافة أرد عليك تكون بقيت في وظيفة أقل من كدا وما تقدر ترد علي اللهم إلا بالحمام الزاجل..
على العموم الكلام دا لو لحقت قريتو كان بها لو ما لحقتو ...يعوضنا الله.
بما إنك (تدعي) إنك ما زول كورة (زي ما كل مذيعين السودان مدعين ومفتكرين أنهم زي باقى مذيعين الدنيا والعالمين) وهم اللهم إلا من رحم ربي عبارة عن حقن كنا بناخدا في العضل (مجبرين) زمان و(مخيرين) الأن والحمد لله الذي عافانا منكم!!
وبيني وبينك زملانك الممسكنهم برامج الرياضة ما ناس كورة..
يبقى من الواجب نشرح ليك حاجات بسيطة..
أولاً نحمد الله الذي أخرج عنا الأذى وعافانا..وبقاك هلالابي وحتى دي إنت يا المسكين ناكرا!
ثانياً سؤالك دا زي الزول البيسأل ويقول أنا المحيرني الصاروخ والطيارة ديل بيسوقوهم كيف وياربي فيهم بوري!
والحكاية دي ما عيب حا يجي اليوم الربنا يخلي حياتك تمشي بصورة طبيعية يعني مهنياً تمشي لي قدام وبعد داك إدراكك يتصلح وتفهم بقية الاشياء وإنت بالتاكيد بتكون في راسك في أسئلة كتيرة زي كيف الزول يكون مريخابي وكيف البقرة تخش تطلع سجك وكدا يعني. ههههههههههه
لكن السؤال الأهم أنا الليلة لقيت ليه أجابة..لاني كنت بسأل ليه مذيعين السودان دمهم تقيل وليه الناس نافرة من التلفزيون!
| |
|
|
|
|
|
|
Re: مع إنى ماعندى شغلة كتيرة بالكورة ... لكن الماقادرة تخش لى فى رأسى، كيف الزول يكون مريخابى . (Re: محي الدين جبريل)
|
والله يامريخاب ...ياكبار ,,
ودى انا قاصد بها ثلاثة انفار فقط
اساسى
مهدى
سامى
الرجل اثبت انتو مشعلقين فى كلمة صفوة الصفوة لا تشبهكم,,لان ردودكم,,صارت شخصية
بالله قومو لفو,,انت مثلكم مثل,,الناس البتجلس فى ركن الامم المتحدة وبجيب ليه جزيدة من زمن عبد الله خليل..والمريخ اسمه المسالمة وفى صفحة الرياضة فريق اثيوبى يهزم فريق سودانى 9/صفر
الراجل قال ليكم نا ما بفهم فى الكورة,,,لكن بشجع الهلال بالفطرة تقولو ليه انت ما بتعرف تذيع,,او انت فاشل فى المهنة شنو يعنى ما ممكن بكرة يجى ياقامة هنا,,ويبقى مهندس وين المشكلة اصلا ؟؟؟؟
والله لكن عالم غريبة
| |
|
|
|
|
|
|
Re: مع إنى ماعندى شغلة كتيرة بالكورة ... لكن الماقادرة تخش لى فى رأسى، كيف الزول يكون مريخابى . (Re: مهدى الصادق السيد)
|
Quote: سلام ياد/ التليق ليس بغريب عن موضوع البوست يا د ود محجوب لو متابع الردود من الاول .... ما عايزين نرجع مربع واحد .... |
مهدى الصادق ... أبو البنية تحية
كويس قلت براك ... لومتابع الردود .... يعنى الكلام جاء فى الردود مافى طرحى أنا ... وطرحى وااااضح من الأول ضحك وفضفضة..
مع إنى واثق إنو ردودى فى إطار الضحك وكلام الكورة ... إنتو بتمشوا بررراكم لحاجاتى الشخصية والمهنية ... وده زاتو ما بمثل عندى
مشكلة تجاه أيى زول ... لأنى مقتنع بمهنتى والحاجات اللى ممكن تجرنى إليها ...
وبعدين حتة ماعايزين نرجع لمربع واحد دى يعنى تهديد ؟ ياخى الدنيا دى مافيها الحبة والله غير حب الناس ... لو داير ترجع للمربع
رقم صفر زاتو أرجع مش رقم واحد ... لكن تأكد ح ترجع براك ....
وبرضو آآآخرا كوم تراب ....
ليتنا نتعلم كيف نتعامل مع بوستات الزملاء فى إطار موضوعاتها
| |
|
|
|
|
|
|
Re: مع إنى ماعندى شغلة كتيرة بالكورة ... لكن الماقادرة تخش لى فى رأسى، كيف الزول يكون مريخابى . (Re: محي الدين جبريل)
|
Quote: ممكن الزول يشجع الهلال ، ساردية ، كتور جوبا ، أيى حاجة
لكن الواحد يشجع المريخ !
دى ما عارف بتكون كيف ؟
حاجة تحير |
والله يا حبيب كلامك صااااح وفي محلو ... الزول ممكن يشجع الحاجات والأشياء الذكرتها دي .. لأنها عبارة عن فرق بتاعة كورة ليس إلا وفي كتار زيها .. أما الزعيم سودان المريخ فهو قيم ومثل ومبادئ .. لذا نعتنقه اعتناقا ونؤمن به ولا نشجعه فحسب ... المريخ نادي متفرد في انجازاته واعجازاته فصار لنا وطنا نعشقه ونفديه .. المريخ متفرد عن غيره فلا نتنافس في تشجيعه ، بل نتنافس في حبه وتقديسه ... أنظر معي يا صديقي وقل لي هل هذه انجازات فريق عادي زي الحاجات والأشياء الذكرتها دي عشان نشجعو زي ما بنشجع أي حاجة وأي منظر يعجبنا لحظيا فيزول التشجيع بزوال المؤثر :
1/ الزعيم يفوز بالبطولة دون هزيمة أو تعادل :
2/ الزعيم يتفوق على سلتيك والأهلي في الاعجاز والانجاز :
3/ رقم قياسي لم يحطم مسجل بعشقنا الذي نعشقه وليس نشجعه :
4/ إنجازات سودان المريخ عالميا :
5/ وكاد الانجاز والاعجاز أن يتكرر ثانية :
6/ انجاز المحافظة على الشباك عزراء :
7/ إنجاز التتويج أمام رئيس الفيفا .. كأول وآخر نادي سوداني يتوج أمام رئيس الفيفا :
Quote: كل سودانى يولد بالفطرة هلالابى ... فأبواه والمجتمع إما أن يموردانه ، أو يمرخانه |
هاك دي يا حبيب :
| |
|
|
|
|
|
|
|