|
للتصويت لاستمرار عضويتى بهذا المنبر (لا، نعم، لاهذا ولاذاك)
|
أولاً دا منبر ديموقراطى حرّ ... وصدّقنى عزيزى القارئ ... ربما يوجد من يحترم رأيك فى هذا المنبر (وربما لا يوجد)
تانياً رغم انو الفكرة ديموقراطية .... لاكين انا ما بقدر اسوّيها ظاااااهرة زى بتاعة "أنور King" العملا لى صلاح البندر .... فما لقيت "ضحية" اتجدّع فيهو غير شخصى النحيف ...
تالتاً انا عندى غلاتاتاتات مع ناس كتااااااار ... وما عندى زمن للغلات .... اتخيّل لى قصة "التصويت" دى بتختصر موضوع الغلات (سيف النصر مين مين مين ... كيكى أخوان ... كمال عباس ... وبقية العقد المتفرّد فى اليسارية) ... يعنى امسك لى واقطع ليك ....
يفتح المزاد:
|
|
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: نصار)
|
يا تبارك انت انشاء الله تتبارك ...
بعدين من يملك هذا الحـــق ...
صدقنــى انك تظن انها مفردات تسكبها فى هذا البورد ثم تلتحـــف فضاء نفســـك ابدا
عل مفردة تحمل شفرة باب من ابواب رحمــةالله الى شخص مــر على مداخلــة لك ...
عــل مفردة خرجت بصدق منــك حملهـــا من جند الله احدا انارت طريق طهر وعفاف ...
عـــل هذا البورد حيــز فى قــدر الله لحياتــك فخذه الى قدر الله الواســع ...
ترمـــه :
اتعبتنـــى كتابــة وحالــة ما بعد الكتابــة .. اعييت مفرداتــى ...
بالله عليك كــن معنــا فى قدر الله ..
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: تبارك شيخ الدين جبريل)
|
نصّار ...
Quote: لا هذا و لا ذاك دي يعني تقون قاعد و تسلف الباسورد لزول او ناس مثلا؟
يا زول خليك قاعد |
مش قلت ليكم "ربما يوجد من يحترم رأيك"؟ .... ياهو لى جنس الكلام دا ... _______________________
سلّوم ... الخاتية اللوم ..
Quote: هسى دى اكتبا كيف؟ لمن الزول يقول "أى "بالطريقة السودانية " غايتو اعمل ليك طريقة ما زى حقت الوافر شيخ الدين عارف قصته مع ناس الطرق الصوفية مش؟ اها "عسى " نقول ليك "اتو "يااللخو دايرينك نحنا ودايرنك الما من بوردنا ما منك قصرت معاك ياخ امشى كدا ولا كدا مشتاقة ليك بث نعم احب ان اكون على خلق ولا لا للعملاء انا جادة بالجد |
تعرفى البخوّف شنو؟ .... انو الناس دى كلّها جادة ...
ويسقط العفن البتلّب فوقنا من شرف الفنادق ... بدل ما يطير ...
... المهم ... غايتو ...
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: Yassir Tayfour)
|
Quote: المقتبس أعلاه يقع تحت طائِلة المجانيَّة غير المُضِرة، عليك الله يا أمين تبارك الذي حلق الراستة ده عُمقُو شنو؟؟؟ أكتر حاجة عميقة فيهو كانت الراستة، فحلقها؛ |
يا ياسر والله لو قريت البوست بتاع (حبيبتي ) بتدي درجه العماقه !!! تبارك ده - اللا شفتو لا سمعت بيه - شكلو بكب المداخله بصمتها ، يعني بفك الفي راسو حامض زي ما ياهو و زي ما تجي تجي ، عشان كده مرات تحس بيه فيلسوف و فاهم الدنيا دي زي ما ياها ، مرات تحس بيه زول عوير ساي !!!! البوست بتاع (حبيبتي ) ده وقَّع لي إنو المان ده عميق لكنو ممزوج بسحلبه لا تخطئها عينا خبير !!!
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: Rihab Khalifa)
|
سوط ياسر طيفور ما معدود
وصوت أمين ما معروف مع العماغة ولاّ مع السحلبة ... غايتو ما مع العضوية ...
وصوت محجوب على برضو ما معروف .... مكعبات ولاّ دراش ....
وصوت "كيكى أخوان" (واحد بس لحدى هسع) ما معدود ... غلات وغتاتة وحقارة كدة ... ما معدود (إحتمال اختلاف فى وجهات النظر)
وصوت بهاء الهادى ... ترانزيستر وفاطى مرحلتين وقارة ... انا بتم بوسة حبيبتى (ولاّ هى بوست بالتا المفتوحة) لاكين الفيك انعرفت ...
و لـأ بتاعة "عمر Proper" غلت .... الصاح لأ (ودا حقد دفين من ايام كلية الفنون)
وصوت رحاب خليفة ... كيدى ... ومستبطن احقاد دفينة من بوست سابق ... وحافظة جزو عمّ متأخر (يعنى ما مستوفية الشروط)
... وانا دا .... قااااااعد صوّتوا للصباح .... وكان قمت على جنّى ,,, صوت واااحد بس ... اقفل ليكم المنبر دا بى الرزة والطبلة ... احيّر ليكم بكرى ظاطو ....
أمّة حاقدة ...
... المهم ...
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: عمر عبد الخالق سعيد)
|
والله ياتبارك نجدَتك (الــــلام) و (الــباء) الفي النص دي .. غايتو الزول ده لوكان {بِرَدِف} في زمن المدرسة اظنك كان شِربنَا مارويت .. هههههههها..
السؤال ياصاحي ماهو استمراريتك ولا لا ! .. السؤال ! هل المنبر سيستمر (هكذا) ؟!! ..
إذا وجدَنا الجواب!! .. حتماً سيستمر ال يستمر {طبعاً لا يفوت على عُمقك ان ال ليس لها علاقة بال البندر}! ويغور ال بيغور !{ودي برضو} ..
قلت لي حبيبتك مالاَ ؟! ..
اسمع .. الجو كيف في فرجينيا ؟ نجي ؟
استمر يازول استمر.. بس خلي بالك من الإقونات بكري الفي الشمال دي !! ..
الشوق ياظول وسلامي للشبل ..
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: أميرة فاروق عبد العال)
|
محمد الجزولى ... فيرجينيا بأى حال احسن من استراليا .. و"أمجاد" بأى حال ما أحسن من "سونى" .. وصوتك مع صوتى ضد استمرار ال يستمر ومع "غَوْر" ال يغور (فمن يأتيكم بماءٍ معين؟)
تيسير عووضة ... قد لا يسمع ... الله اعلم! صوتك كدة يروح ساى ...
محمد السنى ... إذا كان الكلام من فضة ... والسكوت من ذهب ... فعضوية المنبر - المتأرجحة بين الكلمات والسكتة - من عمق الخزانة الأمريكية (دولار قوقلى يحسم كل المعادن فى مناجما) ... أها ... لقيت العمغ كيف؟
أميرة فاروق .. نديك فرصة تقرى بوسة (بوست) حبيبتى وبعد داك تجى تصوتى بى مزاج ...
... المهم ...
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: وليد محمد المبارك)
|
شبكا ... عندنا الحسين الحسن (ذلك الهرم) ومن هسة ... صوتك ما معدود ... لأنو مرّة سألت عزام .. قال لى صوتك ما معدود.
د.نبراس ... "أزن" دى يعدوها ليك كيف فى ميزان حسناتك؟ ... انا غايتو بعدّها "نعم" يخلّوا البورد ...
د. شول ... يعنى ما شايف انو التصويت هنا أولاد عرب بس؟ ... آى .. انا عنصرى ... لاكين صوتك دا ... لو جبت معاو ولى أمرك .. انا ما بعدّو
كمال عباس ... حاضطر اقبل بى الصوتين ... لأنك دايماً جااااادّى ... ومتجهم ...
عمر صديق .... "توبارا هاكّار" ... صحيّت فى ذهنى ذكريات انا بتحاشاها ... لاكين عموماً ياهو نوع التصويت المسموح بيهو فى البوست دا ...
حمد عبدالغفار عمر ... "المهم" دى ما بتنزل فى تصويت ... بتنزل فى eBay طوالى ... المهم ... (شفت بجربوها كيف؟)
سيف النصر محى الدين .... ياخى ما تتعقد ... اسمك مين .. مين .. مين ... سطرين ... اعمل ليك شنو؟ هسة انت مصوّت للحق ولاّ للباطل؟
الرجل المقلوب .... انت المهم ... صوتت ضد صلاح البندر ولاّ لسة؟
.. المهم .... غايتو ...
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: baha eassa)
|
نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: عزام حسن فرح)
|
((د. شول ... يعنى ما شايف انو التصويت هنا أولاد عرب بس؟ ... آى .. انا عنصرى ... لاكين صوتك دا ... لو جبت معاو ولى أمرك .. انا ما بعدّو))
الدال الكرهتنا بيهو ده افضل نسيب ليك المنبر نحن (وش زول شكال) يا زول قشة ما تعتر لأولاد العرب المصوتين والبجو يصوتو لكن إنت عنصرى ما ظنيت. إنت جامعتكم الشغال فيها يا بروف/ تبارك ممكن اجى اعمل فيهو ماجستير؟
برضو صوتى حتى ولو فى الخور: نعملا
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: شول اشوانق دينق)
|
بكتب فى المداخلة ساعة ... راحت فى الويرلس انعل ابوهو ...
المهم .. مافى ولا صوت واحد معدود ...
خالد العطا ... تعمل لى 104 نعم؟ انا قستها بى 404 لا (بتاعة صلاح مصطفى) وبالتالى نعماتك ما معدودة ...
عزام حسن فرح ... انت قبل كدة فى التصويت بتاع أمر قبض البشير ... ابيت تعد صوتى ... وانا صارّيها ليك .... هسة كيف؟
حيدر حسن ميرغنى ... انا بحب الراجل .... الما عندو كلمة وبغيّر رايو ... لاكين غتاتة كدة ... صوتك - الجديد - برضو ما معدود ... أها ...
د. شول ... ماجستير شنو؟ ... انا فى البوست بتاع اولاد العرب دا .... مكوجى ما بقبل بيك!
... المهم ...
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: حامد محمد حامد)
|
يا تبارك انت انشاء الله تتبارك ...
بعدين من يملك هذا الحـــق ...
صدقنــى انك تظن انها مفردات تسكبها فى هذا البورد ثم تلتحـــف فضاء نفســـك ابدا
عل مفردة تحمل شفرة باب من ابواب رحمــةالله الى شخص مــر على مداخلــة لك ...
عــل مفردة خرجت بصدق منــك حملهـــا من جند الله احدا انارت طريق طهر وعفاف ...
عـــل هذا البورد حيــز فى قــدر الله لحياتــك فخذه الى قدر الله الواســع ...
ترمـــه :
اتعبتنـــى كتابــة وحالــة ما بعد الكتابــة .. اعييت مفرداتــى ...
بالله عليك كــن معنــا فى قدر الله ..
| |
|
|
|
|
|
|
Re: للتصويت لاستمرار عضويتى بهذا المنبر (لا، نعم، لاهذا ولاذاك) (Re: خدر)
|
حامد محمد حامد ... ما جبت جديد ..
بدرالدين اسحق احمد ... يعنى نكتب ولاّ لأ؟ ... فى الحالتين احتمال الصوت ما يتعدّ!
مجدى القرشى ... التصويت للرئاسة بعد الدورة الرئاسية الأولى دى تعدّى على خير ...
القرضابى ... اللهم آمين .... الإعجاب متبادل ...
ياسر بيناوى ... مسؤول من الخير؛ القايد انقسام البورداب فى الخرطوم فى الحقيقة منو؟
هنوف56 ... شكراً على التنوير ... لاكين انا دا .... قااااعد ...
صديق الموج .... رشا وابوعبيدة لو بدفعوا لى خلو رجل .... القشة ما تعتر ليهم ...
عبدالوهاب على الحاج .... النصيحة مرّة ... والسكات امرّ ...
السيد المسلمى .... انا زاتى بقول لى روحى: سودانيزاونلاين دى عجّزت ... بعد دا ندّيها المعاش ...
صلاح الفكى ... شكلك النوع البتكسّر تلج بى ثنائى العاصمة ... الله يكون فى عون الجكس ...
خدر ... بتاع العماغة قال: لاتأخذوه إلى الوظيفة ...
... المهم ...
| |
|
|
|
|
|
|
|