|
القاء القبض على كابتن المريخ فيصل العجب ظهر اليوم
|
تم القاء القبض على نجم المنتخب وكابتن نادى المريخ فيصل العجب سيدو ظهر اليوم بنيابة المصارف بتهمة اصدار شيك بدون رصيد لاحدى البنوك بمبلغ 6 الف جنية سودانى وتم التحرى معه وتم فتح البلاغ فى مواجهته تحت الماده 179 من قانو الاجراءات الجنائية فقامت النيابة باطلاق سراحه بكفالة احد ضباط الجيش حتى يساوى موضوعه مع البنك لمدة 42 ساعه تنتهى غدا فى تمام الساعه ال3 عصرا
|
|
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: محمد عادل)
|
Quote: فقامت النيابة باطلاق سراحه بكفالة احد ضباط الجيش حتى يساوى موضوعه مع البنك لمدة 42 ساعه تنتهى غدا فى تمام الساعه ال3 عصرا |
و شنو يعنى ؟؟؟ ما بتحصل للاف المواطنين كل يوم ... قسط يتأخر ... شيك يرجع .... هل العجب معصوم ؟ ام انه اتى جرما ؟؟؟ يا أخى خلى الناس فى حالها.. انت ما عندك غبر اخبار السجم ... مرة كاتل زول .. و مرة قابض زول ؟؟
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: صلاح أبودية)
|
الاخ صلاح ابوديه اولا نيابة المصارف عندها نظام اسمو الضمانه فى حراسة رجل الشرطه فى حالة القاء القبض عليك من قبل النيابة وبعد توجيه التهمه لك يقوم وكيل النيابه باخبارك بانك يمكن بان يطلق سراحك بضمانه وان يكون الضامن رجل من رجال القوات النظاميه امن شرطه جيش قاضى لمدة 24 ساعه لاجراء تسوية مع البنك الشاكى واحضار خطاب التسويه من البنك ويمكن بان تجرى مفاوضات مع البنك لعطائك اذن للمده التى يقترحها لك البنك وتاتى الى النيابة ويتم استفسار البنك من الخطاب اذن الخروج ويتم اطلاق سراحك بضمانة رجل القوات النظاميه وتكون تحت حراسته وهو مسؤول عنك امام النيابة وفى حال عدم حضوره يتم القاء القبض عليك فهمت ياستاذ صلاح
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: محمد عادل)
|
Quote: الاخ صلاح ابوديه اولا نيابة المصارف عندها نظام اسمو الضمانه فى حراسة رجل الشرطه فى حالة القاء القبض عليك من قبل النيابة وبعد توجيه التهمه لك يقوم وكيل النيابه باخبارك بانك يمكن بان يطلق سراحك بضمانه وان يكون الضامن رجل من رجال القوات النظاميه امن شرطه جيش قاضى لمدة 24 ساعه لاجراء تسوية مع البنك الشاكى واحضار خطاب التسويه من البنك ويمكن بان تجرى مفاوضات مع البنك لعطائك اذن للمده التى يقترحها لك البنك وتاتى الى النيابة ويتم استفسار البنك من الخطاب اذن الخروج ويتم اطلاق سراحك بضمانة رجل القوات النظاميه وتكون تحت حراسته وهو مسؤول عنك امام النيابة وفى حال عدم حضوره يتم القاء القبض عليك فهمت ياستاذ صلاح |
دي المادة كم في قانون الاجراءات الجنائية ؟؟؟؟؟؟؟
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: محمد عادل)
|
Quote: بس ياعمر ماتغالط لانو اخوك خبره فى الحاجات دا |
اغالط ونص وخمسة دي اجراءات لا سند لها من القانون وكونها اصبحت متبعة لايكسبها ذلك اى شرعية واذا كان الامر كذلك ففيصل العجب
لا يحتاج الى ضامن من القوات النظامية او خلافه ويمكن اطلاق سراحه بالتعهد الشخصي فهو علم على رأسه نار.
الاخ عادل فيصل العجب راجل موهوب وخلوق جداً ومحبوب من كل الالوان الطيف السوداني وهذا الخبر ليس فيه مايفرح ولايستاهل العجب
مثل هذا التشهير حتى ولو كنت هلالابي.
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: محمد عادل)
|
Quote: يمكن بان يطلق سراحك بضمانه وان يكون الضامن رجل من رجال القوات النظاميه امن شرطه جيش قاضى
|
الحبيب محمد عادل ..
بطاقة ضابط معاش تنفع ؟؟
عشان كان بتنفع نرجع من هنا نشتغل ( ضامنين / ضمناء ) .. المهم الصاح فيهم ؟؟
يعنى شغلة.. ما بطاله و ياحبذا لو كان فيها نسبة من الشيك يعنى 5% .. مقابل الضمان .. تكون حلوة يا جنا !
فيد عمك يا حمادة .. الله ينور عليك !!
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: وليد شريف)
|
الاعزاء
و عشان اللاعب الخلوق فيصل عجب سيدو و لانو مبدع سوداني خالص و له عندي تقدير خاص و الله كنت أتمني لو كنت حاضر هذه الحادثه لكنت علي الأقل ضمنته أو كفلته علي مسؤليتي و أنا بدون شك أعلم تمام العلم بأن المبلغ ده قد يكون موجود بطبلون عربيه العجب
عزيزي محمد عادل خبر غير جميل علي الإطلاق و كنت أتمني أن لا تورده هنا
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: محمد عادل)
|
Quote: عليك بان تثبت هذا الحديث لو سمحت بانى قاتل لى زول |
يا محمد عادل ضحكت لحدي ما شعر صلعتي وقف علي حيلو !!! الراجل يقول ليك مره كاتل ليك زول - بمعني جايب خبر كتلتو - تقول ليه : عليك بان تثبت هذا الحديث لو سمحت بانى قاتل لى زول !! ربنا يضحكك دنيا و أخره ، قول آمين !!!!
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: ماضي ابو العزائم)
|
برضو ياهو العجب العجيب اللعاب الرهيب ليه ما جبت خبر صلاح ادريس لمن قبضوا في شيكات طائرة ليه ما جبتا خبروا لمن الصحفيين في النخبة والاضواء وعمال بيطار ومصنع النيل الابيض اشتكوهو في مكتب العمل مطالبين بحقوقم . حقو تهتم بالهلالشوية مادام هلالابي بطل اشاعات وزي ما طالبت باثبات انك كتلتا ليك روح اها انت اثبت الكلام الجبتو. وامسك العجب
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: omer osman)
|
Quote: فى حالة القاء القبض عليك من قبل النيابة وبعد توجيه التهمه لك يقوم وكيل النيابه باخبارك بانك يمكن بان يطلق سراحك بضمانه وان يكون الضامن رجل من رجال القوات النظاميه امن شرطه جيش قاضى لمدة 24 ساعه لاجراء تسوية مع البنك الشاكى واحضار خطاب التسويه من البنك ويمكن بان تجرى مفاوضات مع البنك لعطائك اذن للمده التى يقترحها لك البنك وتاتى الى النيابة ويتم استفسار البنك من الخطاب اذن الخروج ويتم اطلاق سراحك بضمانة رجل القوات النظاميه وتكون تحت حراسته وهو مسؤول عنك امام النيابة وفى حال عدم حضوره يتم القاء القبض عليك فهمت ياستاذ صلاح |
محمد عادل تركيزك عالي الليلة اتهكرتا ولا شنو؟
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: كمال عباس)
|
العجب لاعب موهوب وخلوق ومحبوب من الجميع
لا أؤيد التشهير بمثل هذا القامة الكبيرة
ولا اعتقد ان محمد عادل جلب خبر من رأسه
هكذا وصل عندنا التشجيع بفعل صحافتنا الرياضية
ومحد عادل بم يأتي من كوكب آخر انه من وطن الاصطراع
الرياضي لدرجة دفعت بصحافي هو الاول الان دفعت به السفر
وابتعاث المندوبين من أجل توريط فريق منافس له ومن بلاده
في قضية فساد وتزوير فما الجديد الذي أتي به محمد عادل .
*لا أشك لحظة في حبي للفنان فيصل العجب ...رأي هلالابي غير متعصب وحقاً اعتقدانها غلطة الشاطر .
.......................................................حجر.
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: كمال عباس)
|
Quote: ياخى المريخ خلاص عاوز يستغنى عنو لانو كبر |
من الصباح يامجحمد عادل تلف وتدور وداير تقول الكلام دا..
يعنى شنو لو استغنى عنو ولا اعتزل .. دا ما بنقص من قدر العجب حاجة دى الكورة ودى الرياضة ودى الحياة مافى زول مخلد فى حتة لحدى ما يموت العجب كان لعب لعب متعة متعنا لامن قلنا بس حرافة حريف فن فنان تهذيب مهذب ... فى شنو تانى؟ اى حاجة مقطعة ... لو اعتزل ولو استغنى المريخ عنو يظل العجب افضل من انجبتهم الملاعب السودانية وسجل اسمو فى قلوبنا قبل ما يسجلو فى ساحات الملاعب ...
شوف حاجة غير العجب .. الزوبعة دى كلها ما بتنتقص من العجب(حبيبنا)حاجة ..
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: حبيب نورة)
|
محمد يا حبيب اعتقد انو الخبر دا نقلوا هنا ما موفق الحصل لى كابتن فيصل مشكله شخصيه ما من حق اى زول مننا بغض النظر عن انتماءه الرياضى مناقشتو هنا ولانو البوست دا بى طريقتوا دى بياخد جانب التشهير اكتر من جانب نقل خبر عن شخصيه عامه وبعتزر مقدما ان شفت فى ملاحظتى ما لا يليق
حاجه تانيه عارف العجب دا اللاعب الوحيد فى المريخ الانا بستمتع بى لعبه ويمكن بحترموا اكتر من لعيبه كتيرين بلعبوا فى سيد البلد يمكن السبب انى بعتبروا كنز قومى اكبر من هلا ريخ وبحتفظ ليه بى كتير من الجميل لى تأهلنا لى غانا السنه الفاتت
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: ABUHUSSEIN)
|
محمد عادل:
Quote: تم القاء القبض على نجم المنتخب وكابتن نادى المريخ فيصل العجب سيدو ظهر اليوم بنيابة المصارف بتهمة اصدار شيك بدون رصيد لاحدى البنوك بمبلغ 6 الف جنية سودانى وتم التحرى معه وتم فتح البلاغ فى مواجهته تحت الماده 179 من قانو الاجراءات الجنائية فقامت النيابة باطلاق سراحه بكفالة احد ضباط الجيش حتى يساوى موضوعه مع البنك لمدة 42 ساعه تنتهى غدا فى تمام الساعه ال3 عصرا |
بس ياميره
Quote: لو ارى اى تواجد لادارة المريخ فى النيابه |
Quote: لاخ صلاح ابوديه اولا نيابة المصارف عندها نظام اسمو الضمانه فى حراسة رجل الشرطه فى حالة القاء القبض عليك من قبل النيابة وبعد توجيه التهمه لك يقوم وكيل النيابه باخبارك بانك يمكن بان يطلق سراحك بضمانه وان يكون الضامن رجل من رجال القوات النظاميه امن شرطه جيش قاضى لمدة 24 ساعه لاجراء تسوية مع البنك الشاكى واحضار خطاب التسويه من البنك ويمكن بان تجرى مفاوضات مع البنك لعطائك اذن للمده التى يقترحها لك البنك وتاتى الى النيابة ويتم استفسار البنك من الخطاب اذن الخروج ويتم اطلاق سراحك بضمانة رجل القوات النظاميه وتكون تحت حراسته وهو مسؤول عنك امام النيابة وفى حال عدم حضوره يتم القاء القبض عليك فهمت ياستاذ صلاح |
Quote: الحبيب عمر اولا دا ما ماده دا حاله استثنائية تقوم بها النيابه للعملاء لتسوية معاملاتهم مع البنوك |
Quote: بس ياعمر ماتغالط لانو اخوك خبره فى الحاجات دا |
Quote: الغريبه ياوليد شريف قبيل مولانا عزالدين وكيل النيابة الاول فى نيابة المصارف قال للعجب انا هلالابى وحدخل تقعد فى الحراسه لحدى مايجى ضامن يضمنك |
دا عربي يا مرسي هسع يا محمد عادل بدل تجري ورا خبر العجب ما كان أحسن ليك تشتري كتاب عربي..العجب مشكلتو ساهلة العربي دا يتصلح كيف؟
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: صلاح أبودية)
|
كتبت من تستحق التحية والتصفيق وكفتني شر الرد علي الكلام الفطير بتاع صاحب البوست
Quote: يعنى شنو لو استغنى عنو ولا اعتزل .. دا ما بنقص من قدر العجب حاجة دى الكورة ودى الرياضة ودى الحياة مافى زول مخلد فى حتة لحدى ما يموت العجب كان لعب لعب متعة متعنا لامن قلنا بس حرافة حريف فن فنان تهذيب مهذب ... فى شنو تانى؟ اى حاجة مقطعة ... لو اعتزل ولو استغنى المريخ عنو يظل العجب افضل من انجبتهم الملاعب السودانية وسجل اسمو فى قلوبنا قبل ما يسجلو فى ساحات الملاعب ...
شوف حاجة غير العجب .. الزوبعة دى كلها ما بتنتقص من العجب(حبيبنا)حاجة .. |
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: haroon diyab)
|
Quote: انت ياهذا المدعو انور Quote: مرة كاتل زول ..
عليك بان تثبت هذا الحديث لو سمحت بانى قاتل لى زول |
اولا يا ( أستاذ ) محمد عادل .. و ليس المدعو .. مخاطبتك زى وشك و لغتك جناح ام جكو كلها مشقلبة و عربيك دراب .. اصلا المنبر بقى زى البحر مرات بجيب فطايس ..
ثانيا : يا ربى انا خرفت و لا صحيح انت الجبت خبر زيدان ابراهيم ؟؟؟
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: haroon diyab)
|
يا جماعة .. المشكلة في اعلامنا الرياضي لأنه السبب الرئيسي في ما نحن فيه .. الاعلام الرياضي خلق نوع من العصبية والتعنصّر الرياضي الذي أضر برياضتنا .. الهلالاب حاقدين على المريخاب .. والمريخاب يبادلونهم نفس الشعور .. إنعدمت الأخلاق الرياضية والذوق في التشجيع .. أصبحنا لا نفرق بين ما هو رياضي أو غيره .. أصبحنا كل يوم نطالع هجوماً على هيثم مصطفى والعجب من جمهور الناديين .. هيثم والعجب لاعبان كبار وقدماالكثير للكرة السودانية وأمثالهم توضع لهم تماثيل أمام أنديتهم .. قد يسأل واحد هنا لماذا أتحدث عن هيثم والمشكلة تخص العجب ؟.. فقط أردت أن أذكر الجميع بأن المسألة كيدية في النهاية ولا تعدو أن تكون تشهير على حساب الآخر ..
يا محمد عادل صحيح نحن هنا نتناكف ونشاغل إخوتنا المريخاب ولكن بعيداً عن التشهير .. تعال أتكلم عن الحمام الميت والوصيفاب والبطيخاب والصفراب ولكن أبعد اللاعبين عن مثل هذا الكلام .. أتمنى أن لا يكون قد حصل ما ذكر هنا تجاه اللاعب العجب ..
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: معتصم دفع الله)
|
الأخ / محمد عادل تحياتي ،
بصراحة لقد أخطأت في إيراد مثل هذا الخبر هنا ، وكما ذكر لك معظم الاخوة المتداخلين فإن موضوع الشيكات ده أصبح أكثر من عادي ولأسباب كثيرة ورغم أنني هلالابي بالميلاد وعلى السكين لكنني في ذات الوقت أحترم كثيراً كل لاعبي الأندية الأخرى المنافسين للهلال ولا أتمنى لهم ما يشينهم أو يعيبهم أو يضرهم أو يسبب الأذى لهم .. لأن الرياضة في الأساس هي أخلاق وأدب وتربية .. الخ .
نعم .. يمكننا أن نناكف المريخاب والمورداب وغيرهم .. لكن بطريقة مهذبة وظريفة لا تجرحهم ولا تغضبهم ، بل تدخل البهجة والسرور على نفوس الجميع .. ودونك المناكفات والمساجلات الاخوانية التي دارت زمان عبر صفحات الصحف وفي المجالس بين حاج حسن عثمان وأبو آمنة حامد وكيشو (عليهم جميعاً الرحمة والمغفرة) وغيرم من أساطين الأدب والبلاغة والفكاهة ، لترى كيف كان التشجيع وكيف كانت المداعبات بين الاخوة الاعداء تتم دون ضرر أو ضرار !
ولقد تجنيت على اللاعب الخلوق فيصل بهذا الخبر والذي لا يقدح في مكانته كلاعب أو سمعته كإنسان ، ولكنه يقوض من مكانتك في نظر الكثيرين ممن يقرأون لك في هذا المنبر ، والذي نتعلم منه الكثير المفيد كل يوم ، ولا نحب أن نرى فيه ما يسبب الأذى أو الضرر للآخرين ، مهما اختلفنا معهم .
و باختصار وصراحة .. جبت الهوا لنفسك براك ؟! و .. شوف العجاجة قايمة فوق كيف ؟!!
مودتي ،
( ليمو )
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: محمد مصطفى)
|
Quote: يا جماعة .. المشكلة في اعلامنا الرياضي لأنه السبب الرئيسي في ما نحن فيه .. الاعلام الرياضي خلق نوع من العصبية والتعنصّر الرياضي الذي أضر برياضتنا .. الهلالاب حاقدين على المريخاب .. والمريخاب يبادلونهم نفس الشعور .. إنعدمت الأخلاق الرياضية والذوق في التشجيع .. أصبحنا لا نفرق بين ما هو رياضي أو غيره .. أصبحنا كل يوم نطالع هجوماً على هيثم مصطفى والعجب من جمهور الناديين .. هيثم والعجب لاعبان كبار وقدماالكثير للكرة السودانية وأمثالهم توضع لهم تماثيل أمام أنديتهم .. قد يسأل واحد هنا لماذا أتحدث عن هيثم والمشكلة تخص العجب ؟.. فقط أردت أن أذكر الجميع بأن المسألة كيدية في النهاية ولا تعدو أن تكون تشهير على حساب الآخر ..
يا محمد عادل صحيح نحن هنا نتناكف ونشاغل إخوتنا المريخاب ولكن بعيداً عن التشهير .. تعال أتكلم عن الحمام الميت والوصيفاب والبطيخاب والصفراب ولكن أبعد اللاعبين عن مثل هذا الكلام .. أتمنى أن لا يكون قد حصل ما ذكر هنا تجاه اللاعب العجب .. |
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: omer osman)
|
يا محمد عادل؟ العجب ده مضى الشيكات دي في الميدان ؟ ولا شغل بره ما عندو علاقة بالكورة ؟
أرحمنا وأرحم نفسك؟ دي ما كانت كورة دي ؟
بعدين تعال هنا واحد من أعظم اللاعبين في تاريخ الهلال السنة الفاتت كان مقبوض برضو في شيكات؟ الحصل شنو ؟
بعدين شيكات !! أي زول ممكن يتقبض شيكات والناس ظروف ياخي هسي حيكون عندك قرايب إتقبضو شيكات وكلنا عندنا ناس بتقبضو شيكات ما وقفت عند العجب ولا غيرة
لا سارق لا قاتل لا مغتصب
راجع نفسك ياخ
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: omer osman)
|
بQuote: و لانو مبدع سوداني خالص و له عندي تقدير خاص و الله كنت أتمني لو كنت حاضر هذه الحادثه لكنت علي الأقل ضمنته أو كفلته علي مسؤليتي و أنا بدون شك أعلم تمام العلم بأن المبلغ ده قد يكون موجود بطبلون عربيه العج |
يا محمد حيدر كنت ح تضمنو لانو سوداني خالص وليهو عندك تقدير ولا عشان الكاش في طبلون العربية ؟؟
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: أيمن دياب)
|
Quote: الغريبه ياوليد شريف قبيل مولانا عزالدين وكيل النيابة الاول فى نيابة المصارف قال للعجب انا هلالابى وحدخل تقعد فى الحراسه لحدى مايجى ضامن يضمنك |
** محمد عادل ** ماذكرته أعلاه لايمكن أن يصدر من شخص يُمثل القانون ,, وإن صدر فإن قائله غير جدير بالجلوس على كرسى العداله.. ** بصفتى هلالابى فإننى أحترام فيصل العجب لاعب المريخ والفريق القومى وماقمت به فى هذا البوست لايشبه إى مُشجع هلالابى ,, وأنا والكثيرون نستمتع باداء ود العجب كما نستمتع بادء ود مصطفى .. ** ماحدث للكابتن ود العجب :- مُمكن يحدث لى ولك ولصلاح إدريس ولهيثم مُصطفى او إى شخصيه عامه فى دولة سازونيا الاسلاميه فى ظل ماتعيشه البلاد من أزمات ,, وموضوع رجوع شيك ليس قضيه أخلاقيه أو قضية نهب مُسلح ,, فهى أمر يُمكن أن يُحل فى أقل من ساعه.. ** والله إدارة المريخ مُمكن تحلو بتلفون مع البنك أو المُستفيد من قيمة الشيك ,, وإذا ماقدرت فأولاد بحرى المُنتشرين فى العاصمه بما فيهم هيثم مصطفى ممكن يحلو الموضوع الذى لايستحق أن يُفتح له بوست. ## لو كنت مكان وكيل النيابه والذى أوردت عبارته (ولقد عدلت صياغتها الى العربيه):-
Quote: ** انا هلالابى وحاتدخل تقعد فى الحراسه لمن يجى ضامن يضمنك |
** لحركت الاجراءات القانونيه فى مواجهتك..
## ياعالم أنقلوا لنا شئياً نستفيد منه ,, معلومه نستفيد منها ,, خبر مُفرح وسار فى زمن الإحباط العالمى ,, هل من المُمكن أن نوقف طرح الاشياء المُشخصنه لتحقيق مآرب هى بعيده كل البُعد من أخلاقنا وأعرافنا وقيمنا؟؟؟ أم أنا مُخطئ فلقد إختلط الحابل بالنابل وأحتاج الى من يُقومنى ؟؟ **(ودام الود بين الجميع ,, ومحبتى للخلوق إبن بحرى ولاعب المريخ ود العجب) (ابو محمد فؤاد) - هلالابى بالميلاد..
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: tmbis)
|
محمد عادل صباح الخير ... اتمنى بان تنظر لهذه الكوكبة من فطاحلة المشجعين والمثقفين في آن واحد من كتيبة الهلال : معتصم دفع الله ـ تمبس ـ ود الصائم ـ ليمو ـ أسامة ـ وليد الشريف ـ عمران ـ رغيم عثمان الدقم وأخيراً محمد حيدر ... كل ديل هلالاب وبعرفوا يشجعوا كورة ومعظمهم لعبها وكمان في درجة .. ورغم هلاليتهم التي لا يجاريهم فيها أحد .. أقرأ أرائهم في ما كتبت هنا ... عن لاعب سوداني أسمه العجب .. جيت تشهر بيهو فقط لأنه مريخابي من قبيلة غير التي تشجع .. إقرأ كلام الناس ديل كويس يامحمد عادل عشان تعرف أن الكرة بالسودان لا تزال بخير ولطالما بها مثل هؤلاء الصفوة في التشجيع ولكن وجود أشخاص مثلك يجعلنا نعاود الكره مرتين لنعرف إلى أين سيقودنا التعصب الأعمى !!! عيب يا أخي محمد عادل .. في النهاية الكابتن العجب بشر ولا يجب التشهير به بأي حال من الأحوال بغض النظر عن هلاليته أو مريخيته ... لا تنظر دائماً تحت قدميك فقط ولكن أنظر للامام لن المسير طويل ... شكراً لكل من خط حرف حق هنا في حق اللاعب فيصل العجب وأنكر سرد هذه القصة في منتدى عام يقرؤه الملايين .
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: abdulhalim altilib)
|
Quote: القاء القبض على كابتن المريخ فيصل العجب |
ياخ العجب ده (سونغ) كابتن ومدافع الكاميرون في عز أيامو ما قدر يقبضو ! تقول لي نيابة مصارف !
هي النيابة دي بتقبض والا بتستصدر أمر قبض .. كدي نفهم النيابة دي شغلها كيف لأنو يا عمك عندنا
شيكات كتيييييره مكتوبة .. شئ أقساط عربية وشئ أقساط LCD وشئ أقساط أثاثات !!
العجب ده يسلفك انت وكل العاملين في النيابة وحلتكم كلها ! ياخ بيتو في المهندسين براهو بمليار
تقول لي شيك بستة ألف جنيه ! 6 ألف جنيه دي أخدا حافز كورة مازيمبي وهو قاعد في المستشفي !
أشتل أرح لسه ! كلكم ذي بعض .. معتصم محمود وما شاكل ذلك !
ستة ألف جنيه دي بدفعا ليهو أقل مشجع .. خليك من الوالي والا الدقير والا ود الياس !!
ياخ أقسم بالله لو أنا حاضر الموقف ده كان دفعتها ليهو .. كان أتسلفا بدفعا .. الموضوع ده عاااادي
أنا شخصيا" لي صديق كان عندو شيكات أقساط سيارة مع البنك الأهلي .. الشيك رقم 12 ما قدموهو ناس
البنك وبعد انتهاء الأقساط أكتشفو الكلام ده ورجعو لحسابو عشان يسحبو القيمه لقوهو ما مغطي فقام
قدموهو لنيابة المصارف عشان تعمل (أمر تكليف بالحضور) لأنو البقبض البوليس بعد التحقيقات
يا عمك وليس النيابة فهي جهة تحقيقية وبتحدد المادة التي سوف يتخذ بها الأجراءات في مواجهة المتهم
.. المهم ما علينا .. قام صاحبنا اكتشف انو الشيك ده رقم 12 بينما هو مسدد لغاية الشيك رقم 36 !!
فقام سدد المبلغ العليهو .. وبس .. يعني الغلط كان من البنك يا أستاذنا !!
ده كوم وافشائك أسرار عمل احدي الجهات العدلية وانت موظف فيها كوم تاني ! انت يا حبيبنا محضر والا
وكيل نيابة والا كاتب عرائض والا محاسب والا مسئول اعلامي والا كان عندك أمر تكليف بالحضور وجيت
النيابة والا شاكي والا شنو بالضبط ؟ وبعدين الشيك كاتبو العجب للبنك نظام مرابحة والا مشتري عربية
بالأقساط والا بيت بالأقساط ؟ دي الحاجات الوحيدة البتكتب فيها شيكات للبنوك .. خلاف كده كلها شيكات
تكتب للأفراد أو الشركات وفي حالة ارتدادها تصبح الحالة جنائية ولا دخل لنيابة المصارف بها !
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: Talal Halfa)
|
Quote:
ياخ العجب ده (سونغ) كابتن ومدافع الكاميرون في عز أيامو ما قدر يقبضو ! تقول لي نيابة مصارف !
هي النيابة دي بتقبض والا بتستصدر أمر قبض .. كدي نفهم النيابة دي شغلها كيف لأنو يا عمك عندنا
شيكات كتيييييره مكتوبة .. شئ أقساط عربية وشئ أقساط LCD وشئ أقساط أثاثات !!
العجب ده يسلفك انت وكل العاملين في النيابة وحلتكم كلها ! ياخ بيتو في المهندسين براهو بمليار
تقول لي شيك بستة ألف جنيه ! 6 ألف جنيه دي أخدا حافز كورة مازيمبي وهو قاعد في المستشفي !
أشتل أرح لسه ! كلكم ذي بعض .. معتصم محمود وما شاكل ذلك !
ستة ألف جنيه دي بدفعا ليهو أقل مشجع .. خليك من الوالي والا الدقير والا ود الياس !!
ياخ أقسم بالله لو أنا حاضر الموقف ده كان دفعتها ليهو .. كان أتسلفا بدفعا .. الموضوع ده عاااادي
أنا شخصيا" لي صديق كان عندو شيكات أقساط سيارة مع البنك الأهلي .. الشيك رقم 12 ما قدموهو ناس
البنك وبعد انتهاء الأقساط أكتشفو الكلام ده ورجعو لحسابو عشان يسحبو القيمه لقوهو ما مغطي فقام
قدموهو لنيابة المصارف عشان تعمل (أمر تكليف بالحضور) لأنو البقبض البوليس بعد التحقيقات
يا عمك وليس النيابة فهي جهة تحقيقية وبتحدد المادة التي سوف يتخذ بها الأجراءات في مواجهة المتهم
.. المهم ما علينا .. قام صاحبنا اكتشف انو الشيك ده رقم 12 بينما هو مسدد لغاية الشيك رقم 36 !!
فقام سدد المبلغ العليهو .. وبس .. يعني الغلط كان من البنك يا أستاذنا !!
ده كوم وافشائك أسرار عمل احدي الجهات العدلية وانت موظف فيها كوم تاني ! انت يا حبيبنا محضر والا
وكيل نيابة والا كاتب عرائض والا محاسب والا مسئول اعلامي والا كان عندك أمر تكليف بالحضور وجيت
النيابة والا شاكي والا شنو بالضبط ؟ وبعدين الشيك كاتبو العجب للبنك نظام مرابحة والا مشتري عربية
بالأقساط والا بيت بالأقساط ؟ دي الحاجات الوحيدة البتكتب فيها شيكات للبنوك .. خلاف كده كلها شيكات
تكتب للأفراد أو الشركات وفي حالة ارتدادها تصبح الحالة جنائية ولا دخل لنيابة المصارف بها ! |
طلال يا فنان ... سلاااام..
محمد عادل لو كا بقراء قدر تساؤلاتك دى ما كان كتب الكتبو دا وبعدين نحن من امبارح مريخاب وهلالاب(فريق البورد القومى) حارسنو يجى يرد ولا يقول كلام يدخل العقل ماجا ولا عبرنا ومشى فتح ليهو بوست تانى باسم ابراهومة ...
غايتو بكرة فى جيتك
Quote: تاريخ التسجيل: 02-08-2007 مجموع المشاركات: 95 |
جبت طلال حلفا يا محمد عادل كتر خيرك ودى حسنة فى البوست دا
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: نادر)
|
والله يانادر تسلم ويسلم قلمكـ.... اختصرت هذا المختصر .
Quote: كل يوم تضرب أنت وأمثالك أمثلة حية لأسباب تدهور الحياة العامةً في السودان ثقافة/فكر/فن/رياضة ...الخ) أنت بالفعل تحتاج أن تنضج فكراً وسلوكاً قبل أن تشارك في مثل هذه المنتديات. |
يديك الف عافية
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: Amira Elsheikh)
|
فنانا البنحبه / طلال شكرا علي هذا الكلام الطيب والذي ينم عن كريم اخلاق لكن اخي الحبيب
لقد اسمعت اذ ناديت حيا ولكن لاحياة لمحمد عادل....!!!!!
Quote: ياخ العجب ده (سونغ) كابتن ومدافع الكاميرون في عز أيامو ما قدر يقبضو ! تقول لي نيابة مصارف !
هي النيابة دي بتقبض والا بتستصدر أمر قبض .. كدي نفهم النيابة دي شغلها كيف لأنو يا عمك عندنا
شيكات كتيييييره مكتوبة .. شئ أقساط عربية وشئ أقساط LCD وشئ أقساط أثاثات !!
العجب ده يسلفك انت وكل العاملين في النيابة وحلتكم كلها ! ياخ بيتو في المهندسين براهو بمليار
تقول لي شيك بستة ألف جنيه ! 6 ألف جنيه دي أخدا حافز كورة مازيمبي وهو قاعد في المستشفي !
أشتل أرح لسه ! كلكم ذي بعض .. معتصم محمود وما شاكل ذلك !
ستة ألف جنيه دي بدفعا ليهو أقل مشجع .. خليك من الوالي والا الدقير والا ود الياس !!
ياخ أقسم بالله لو أنا حاضر الموقف ده كان دفعتها ليهو .. كان أتسلفا بدفعا .. الموضوع ده عاااادي
أنا شخصيا" لي صديق كان عندو شيكات أقساط سيارة مع البنك الأهلي .. الشيك رقم 12 ما قدموهو ناس
البنك وبعد انتهاء الأقساط أكتشفو الكلام ده ورجعو لحسابو عشان يسحبو القيمه لقوهو ما مغطي فقام
قدموهو لنيابة المصارف عشان تعمل (أمر تكليف بالحضور) لأنو البقبض البوليس بعد التحقيقات
يا عمك وليس النيابة فهي جهة تحقيقية وبتحدد المادة التي سوف يتخذ بها الأجراءات في مواجهة المتهم
.. المهم ما علينا .. قام صاحبنا اكتشف انو الشيك ده رقم 12 بينما هو مسدد لغاية الشيك رقم 36 !!
فقام سدد المبلغ العليهو .. وبس .. يعني الغلط كان من البنك يا أستاذنا !!
ده كوم وافشائك أسرار عمل احدي الجهات العدلية وانت موظف فيها كوم تاني ! انت يا حبيبنا محضر والا
وكيل نيابة والا كاتب عرائض والا محاسب والا مسئول اعلامي والا كان عندك أمر تكليف بالحضور وجيت
النيابة والا شاكي والا شنو بالضبط ؟ وبعدين الشيك كاتبو العجب للبنك نظام مرابحة والا مشتري عربية
بالأقساط والا بيت بالأقساط ؟ دي الحاجات الوحيدة البتكتب فيها شيكات للبنوك .. خلاف كده كلها شيكات
تكتب للأفراد أو الشركات وفي حالة ارتدادها تصبح الحالة جنائية ولا دخل لنيابة المصارف بها ! |
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: محمد عبد الماجد الصايم)
|
والله يا محمد عادل اتلومت تب ..
يعني صبرنا على اخبار الحبايب
الحبيب جاء .....
الحبيب قام......
الحبيب وين
قالوا لي سافر .......
مالك ومال العجب حتى لو افترضنا صحة الخبر
انت دخلك شنو تنشرو
يا اخي ناس الحبيب ديل ما وروك كيف تتعامل
مع خلق الله
والله حاجة تقرف ..
رغم انني هلالي على السكين
الا ان للعجب مكانة خاصة في نفسي
رجل يستحق كل الاحترام والتقدير .
محمد عادل ان لم تلتحق باحد مراكز محو الامية
سريعا ( بلغت فيك النيابة )
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: سامى عبد الوهاب مكى)
|
كوووبح ... اووول شي ما حا اختلف معاكم في انو محمد عادل ده بيكتب كما الاطفال وبيدرعا سااااي ما فاهم اي شي في اي شي ..والبوست ده وردوده فيهو بتأكد كده ..وانا الزول ده لو جاب لي خبر الهلال شال كاس افريقيا برضو ما بقراهو .. يلا خلونا من محمد عادل ده .. اوكي؟ نجي للنجيضة .. الخبر انا ما قريت كل التعليقات فيهو بس شايف في دق جرس كتير قانونياً وده ما بيهمني في شي.. انا عايز اتكلم عن قصة العجب لاعب مهذب والعجب لاعب خلوق والعجب وهيثم والهلال والمريخ وووو.. اسة انتو مشكلتكم شنو بالضبط مع الخبر؟ انو فضيحة ؟ ولا انو العجب ما عمل كده ؟ ولا انو دي اسرار دولة ؟ ولا انو في غلط في طريقة الخبر وحبكته بافرتاض انو الكاتبو زول ما بيعرف اي شي في اي شي؟ اها انا لاحظت انو معظم الناس لافة في قصة انو ده العجب والخبر ما ممكن يتقال كده وانو العجب مهذب والعجب فنان ونحن كهلالاب قبل المريخاب وانتم كمورداب قبل الشقيلاب ووووو عاينو انتو قايلين الناس المقبوضة بي شيكات دي كلها قليلة ادب؟؟ ما ناس كتااااااااااااار كل يوم في الجريدة كنا بنقرا عنهم شيكات .. رجال حلتنا ديل كل يوم قابضين فيهم واحد بي شيك وهو تاجر في السجانة بيصلي ويصوم ويزكي ويكفل يتيم وووو بس كاتب شيكات .. العجب زيييو زي اي زول ممكن يتقبض الحركة دي ما عندها علاقة بي انو فنان ومهذب ولا يصح لك ذلك ولا تكتب مثل ذلك ووو القصة ما انتقامية لكن نص الناس الهنا دي شالت حس لاعبي الهلال مش في شيكات لالالالا في دعارة عدييييييييل كده .. اها اسة الواجب سترو اكتر منو بتاع الشيكات ولا بتاع الدعارة ؟؟ نفففففففس الناس والارشيف قااااعد ..دي بس عشان نثبت بيها فهم الناس العاملة فيها بتاعت مبادئ وكده .. انور الشعلة الجرايد شالت حالو ومرقوهو بي ملايتو زي ما قال المريخاب.. المهم في الموضوع ده اسة حاجة وااااحدة بس : العجب اتقبض ولا ما اتقبض؟؟ شيكو كان ما مغطى ولا مغطى ؟؟ بس الحاجات دي هي المهمة ..اييييييي شي تاني من نوع كلام طلال حلفا ده ما بيقسم معانا.. عندو بيت عندو عربية عندو الوالي عندو همد دي ما مشكلتنا حاليا .. لو حصل وانو فعلا ما غط ال6 الف جنيه يكون غلطان .. ويتكتب عنو الخبر ده .. مش هو لاعب مشهور ؟ انتو قايلين الشهرة دي سااااااااااااي كده تصفيق وتسهيلات ؟؟؟ امانة ما عندها ضريبة ياها جنس دي الناس تساكك فيك تحسب كللل تصرفاتك لانك بالنسبة ليهم ما عادي مش؟ يعني اسة الشيك ده لو كتبو طلال حلفا زااتو وجا راجع بيكون عااادي جدا وما اظن يتعمل ليهو ضجة اعلامية ولااا في زول حا يجي يكتب عن الموضوع لانو طلال ما من المشاهير وكذلك عمر الفاروق وكذلك ملاسي (والله ملاسي لو عملا بتكتب النصيييحة ) هيثم مصطفى مع العجب في قضية التلاسن الشهيرة طلعوهو لينا سفيه وقليل ادب والعجب ملاك من كلائكة السماء مرسلة من الارض.. لمو في هيثم ده نجموهو نجااام هنا ده .. الخبر عاااااااادي وما فيهو ايييييييو شي..
تخريمة : محمد عادل ياخ انت اشششششتر وما استفدت اييييي شي في ايييي شي انا ما عارف مباررك الفاضل ده مستحملك كيف؟
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: عمر الفاروق)
|
Quote: انتو قايلين الشهرة دي سااااااااااااي كده تصفيق وتسهيلات ؟؟؟ امانة ما عندها ضريبة ياها جنس دي الناس تساكك فيك تحسب كللل تصرفاتك لانك بالنسبة ليهم ما عادي مش؟ يعني اسة الشيك ده لو كتبو طلال حلفا زااتو وجا راجع بيكون عااادي جدا وما اظن يتعمل ليهو ضجة اعلامية ولااا في زول حا يجي يكتب عن الموضوع لانو طلال ما من المشاهير وكذلك عمر الفاروق وكذلك ملاسي (والله ملاسي لو عملا بتكتب النصيييحة )هيثم مصطفى مع العجب في قضية التلاسن الشهيرة طلعوهو لينا سفيه وقليل ادب والعجب ملاك من كلائكة السماء مرسلة من الارض.. لمو في هيثم ده نجموهو نجااام هنا ده ..الخبر عاااااااادي وما فيهو ايييييييو شي.. |
..
دي النجيضة مش كدا ؟؟ والله انا البعجبني فيك انك ناقد فني .. ورياضي .. واي حاجة
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: مزمل خيرى)
|
يا محمد عادل إنت خليت أخبار حزبكم ليه واتفرغت للأخبار التافهة؟ فيصل العجب مواطن سوداني لا يحق لك بأن تشهر باسمه في منبر يقصده الملايين.. لو ما عندك حاجة تكتبها، أدخل على بوستات المناسبات الاجتماعية حتنال ثواب من الله وتقدير من من تشاركهم الأفراح أو الأتراح.. قبل كم يوم جبت لينا خبر ملفوح أعلنت فيه وفاة الفنان المبدع زيدان إبراهيم والرجل كان حي يرزق وكان المفروض تتعظ من الحادثة والموقف الذي وضعت فيه نفسك أمام الجميع.... فيصل العجب ده لاعب فنان ومهذب ومحترم ولو رجع ليهو كل يوم شيك فسيظل محبوباً في نفوسنا نحن الهلالاب قبل المريخاب... يعني جيت شايل الخبر وجاري بيهو فرحان فاكرنا حانشمت على فيصل العجب؟
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: Nasruddin Al Basheer)
|
Quote: الغريبه ياوليد شريف قبيل مولانا عزالدين وكيل النيابة الاول فى نيابة المصارف قال للعجب انا هلالابى وحدخل تقعد فى الحراسه لحدى مايجى ضامن يضمنك |
يعني يا محمد وكيل النيابة دة طبلو في الحراسة عشان هو هلالابي بينما العجب مريخابي و للا عشان نفذ القانون؟!!!!! يعني لو كان المكان العجب لاعب هلالابي كان موقف وكيل النيابة و أوامره بشأن اللاعب حتتغير؟؟!!! مؤسف!!!!!!!
| |
|
|
|
|
|
|
Re: القاء القبض على كابتن المريخ فيصل العجب ظهر اليوم (Re: tmbis)
|
Quote: هوي يا بتاعين الهلال الهنـا ديل .. الزول دا كان استمر بي طريقتو دي والله انا بمشي المريخ .. اصلها بايظه بايظه.. |
محمد عادل بنداوى .. كعب الإندراوة .. _____________________________________________ قال بمشي المريخ قال .. كيفنك يا علاء ؟ .. راجع الإيميل . النصيحة لله البنضم في العجب ما عندو موضوع .. ولد لعاااب وبشبهنا ..
| |
|
|
|
|
|
|
|