|
الخرطوم....الدوحة... تشكرات بقدر الإكرام
|
أحبتي واخواني في الدوحة والخرطوم
نبدأها بلا فرز...
شكرا لكم جميعابقدر الترحيب والإكرام الذي وجدته منكم...بقدر المحبة والإعزاز التي اسعدتموني بها.........
شكري لكم جميعا واخص بالشكر......
|
|
|
|
|
|
|
|
Re: الخرطوم....الدوحة... تشكرات بقدر الإكرام (Re: انعام عبد الحفيظ)
|
Quote: حنين سلامات غايتو ما فهمنا منك أي حاجة نتصل نلقى التلفون جرس ما في رد او مقفول إحترنا زاااااتو!!! على العموم سعدنا باللقاء اليتيم يوم زواج آدم موسى وأتمنى ان نلتقي في وقت تاني وربنا يوصلك بالسلامة |
سلام انعام..انا اسه في واشنطن.... التلفون ماكان برد لانه الاسبوع الاخير كنت في كردفان....ومرات بكون ما مشحون..افتقدناك في اللمة الاخيرة لكن انعام حيمورة قالت انك اعتذرت لإرتباطات مسبقة....عموما يا حبيبة شكرا شديد والحمد لله على الشوفة وربنا يديم الود بين الناس...
تعرفي البوست ده بديته وغلبني اكتب في حرف...غلبني الاقوله ..لانه حسيت فجاة انه التعامل الانا قوبلت بي صعب علي اعكسه في بوست في منبر..... الواقع لا ينقل للأسافير...صعب.
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: حنين للبلد)
|
مافي مشكلة يا عزيزة وسعدنا بلقياك كثيراً
Quote: الواقع لا ينقل للأسافير...صعب. |
والأسافير لا نستطيع أيضاً نقلها للواقع!! مرات بجيني إحساس انو البتكتب هنا دا ما عندو علاقة بواقعنا العايشنو لكثرة عدم الإحترام وفش الغبائن البقن موجودات في المنبر يا حنين أكيد واقعنا العايشنو أحسن منو كتير
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: انعام عبد الحفيظ)
|
Quote: والأسافير لا نستطيع أيضاً نقلها للواقع!! مرات بجيني إحساس انو البتكتب هنا دا ما عندو علاقة بواقعنا العايشنو لكثرة عدم الإحترام وفش الغبائن البقن موجودات في المنبر يا حنين أكيد واقعنا العايشنو أحسن منو كتير |
احسن بي كتير يا انعام....بي كتير شديد
مع تشديدي واحترامي لمن اعرفهم من البورداب لكن ..................
ده الم احسن مانفتحه يا انعام...خلينا ناخد الجانب الحلو..والحسنات يغلبن السيئات.
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: ناهد بشير الطيب)
|
عماد الشبلي....انا من ماجيت المنبر ده بكتب بكل سهولة وتلقائية,,الا البوست ده حيرني ماقادرة اكتب في حرف.... قدر ما اكتب حاكون مقصرة...
شكرا ليك وانت من ضمن الناس الكرام الخجلوني...وخصوصا تأسفت من عدم لقياك..
ناهد...ناس الخرطوم كان بورداب كان مابورداب مش بخجلوا بعقدوا عديل.....بالجد استمتعت بكل لحظة لي في السودان....عقبال ما اسعد بي شوفتك يا حبيبة.
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: نوفل عبد الرحيم حسن)
|
Quote: ألف حمدا لله علي السلامه يا حنين كنا نمني النفس بلقياك علي ارض المليون صديق .. لكن اتت الرياح بما لا تشتهي السفن علمنا بوجودك في كردفان الاسبوع الماضي علي امل ان تعودي يوم الجمعه او السبت
الف حمدا لله علي سلامة وصولك لمقر اقامتك |
الاخ نوفل تحياتي
كنت الاسبوع الاخير في زيارة للاهل بكردفان...ما ضيق علي الزمن ..لكن صدقني لو كنت عارفة انك في الخرطوم او حتى رقم تلفونك كنت حاتصل اقلاه اسلم عليك..اتمنى ان نلتقي قريبا...
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: حنين للبلد)
|
Quote: عماد الشبلي....انا من ماجيت المنبر ده بكتب بكل سهولة وتلقائية,,الا البوست ده حيرني ماقادرة اكتب في حرف.... قدر ما اكتب حاكون مقصرة... |
حنين .. ولا يهمك وماتشيلي هم .. والجميع مقدر لكي هذه الحاله ..
لو بتعرفي الاخت والزميلة نادية مكاوي وزوجها مصطفي بلغيهم سلامي الكثير ..
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: احمد العمار)
|
الحنينة حنين بعد المهاتفة اياها تاني تلفونك ابي يخش معاي كلو كلو وامبارح هاتفت الاخت بخصوص لمة علشانك اذا بي افاجا انك سافرتي والله زعلت من روحي زعل شديييد لانو بالجد قصرت معاكي تب لكن العتب علي تلفونك
ويا ريت نتلاقي في زمان اجمل
وحمدلله علي سلامة وصولك
خالص الود
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: Kostawi)
|
Quote: لواحات عيونك!!!
حنين من جات أمريكا مشت لدكتور العيون عشان ينضف ليها عيونا من عجاج الخرطوم و تراب الخليج....تقول لي خرطوم و بتفتش. |
والله يا كوستاوي وماطالبني حليفة...عيوني اتكحلت بي شوفة الحبان في السودان..
اخباركم انتوا شنو..
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: عمر صديق)
|
Quote: الاخت حنين تحياتي
والتشكرات لك انتي حيث تجعلين كل من قابلكي يحس انه يعرفك من قديم الزمان
وحمدا لله علي سلامة العودة الي مهجرك |
الاخ عمر صديق ... سعدت بلقياك والاخوة بورداب الخرطوم..... شكرا لكل الكلام الطيب في حقي.. انشاء الله وقت اوسع الظروف تسمح باللقيا
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: SHIBKA)
|
Quote: حنين حمد الله على سلامة الوصول وكنت اتمنى ان اقابلك في رحلة العودة لانو عندي كلام كتير
بس ربنا ما اراد
حمد الله على السلامة تاني |
الله يسلمك يا شبكة...وشكرا ليك كتير... حأشيل رقمك من اميرة واتصل عليك..انا زاتي دايراك.
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: Kostawi)
|
Quote: يا حمور بت الناس أديناكم ليها راستا رجعتوها لينا معمعمة
دا كلو من كتاحتكم دي |
كتاحه الحبيب طراوه زي الهمبريب. أو كما قالت حبوبتي : كتاحه بلدنا ولا اسبليت يونت الامريكان. و حنين راستا في اي حته .. في التايمز اسكوير و في حاجه سكينة ..
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: عبدالكريم الامين احمد)
|
يا الله ..
وصلتي !!!
حالتك طالباني بوست ..
قلت لي شول حنين طالباني بوست حا امشي افتحو ليها حتى اتشاكلنا قال لي لا اا حا افتح بوست اعتزر ليها فيه عن عدم لقائي بها ..
ياخ شلتي الحنين معاك ومشيتي ..
أيام جميلة وحنينة بتشبهك وتشبه روحك الحلوة ..
وكان في مشاوير كتيرة عايزين نمشيها مع بعض لكن الجايات ارحب ..
مودة وشوق لا حدود لها ..
الف حمد لله على السلامة وبوسيلي حالك وكريم معاك ..
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: نادية عثمان)
|
فرجينيا ؟ هسه في زمتك يا كوستاوي ده اسم محل يقعدوا فيهو ؟
ثم زول يخلي مزرعة ابوهو يمشي يقعد في مزرعة جورج واشنطون ؟ و يخلي جورنا و يمشي يجاورك ؟ و الله بس الله غالب.
ـــــــ اقترح يا حنين تنفضي يدك من البوست ده و تمشي تعملي منو نسخة تانية و تحظرينا منو انا و كوستاوي
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: حمور زيادة)
|
Quote: اقترح يا حنين تنفضي يدك من البوست ده و تمشي تعملي منو نسخة تانية و تحظرينا منو انا و كوستاوي |
حمور ..تتخيل شفقتني عليك ...مالك يا ابوي الأيام الفاتت دي..
* عارفة فرقتنا حارة لكن ما لي درجة تختفي من الساحة الإجتماعية والسياسية والأدبية.
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: حمور زيادة)
|
Quote: الى القاء ايتها الرائعة الشامخة الاستاذة حنين للبلد. ادام الله عليك الصحة و العقل و حسن الحضور. |
وحاة ربي حمور ده مابراه...
كدة بقت شفقة وقلق مع بعض...
* رائعة وشامخة وأستاذة كمان....حمور انت يا ابوي قاصد ليك زول تاني ولا شنو؟؟
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: وليد الطيب قسم السيد)
|
Quote: نحن بى وشنا ما محظوظين نطلع من هنا يدخلو الخرطوم ناس من هنا
والله غلبنا البنعملو
الف تحيه يا حنين ونقول خيرها فى غيرها |
انا الما محظوظة....
كان حيين الناس بتتلاقى..
أكتر حاجة أسرتني الزول الرغم الظروف وايقاع الحياة المتسارع يكلف نفسه ويجي يسلم عليك ويرحب بيك ...انا مدينة للكثيرين ...
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: عبدالله وداعه الامين)
|
حمدالله على السلامة يا حنين,,
عودا حميدا,,,
وإن شاء الله لقيت كل الناس بخير,,,
زى ناس هذا البوست الجميلين,,
تحياتى ,,
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: أيمن الطيب)
|
Quote: حمدالله على السلامة يا حنين,,
عودا حميدا,,,
وإن شاء الله لقيت كل الناس بخير,,,
زى ناس هذا البوست الجميلين,,
تحياتى ,, |
الاخ أيمن
كيف حالك واهل الدوحة الاعزاء...
تحياتي
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: عمر سعد)
|
فى عرس زميلنا وعضو المنبر(ادم موسي)
التقيت بالبورداب واستعمت لى اعذب الالحان
وبصوت الفنان محمد الامين
وحين يغنى العندليب الاسمر
ونحن نشتاق لاغانيها حضرت الينا تلك التحفة
التى سكبت الصالة عطرا وحنانا
وهى تحي بورداب سودانييز اون لاين دوت كوم
وبهمس التعارف قالت لى انعام حيمورة هذه حنين للبلد فصمت برهة فقلت ليها، هى حنيين للوطن فاتبسمت ثم ضحكت
ومن هذه الابتسامة عرفتها بان ها
هى سيد الاسم
زيارتك كانت اروع ما يشهد له التاريخ فى هذا الزمان والمكان
هذا الارث الوطنى والمحبة الخالدة
فانت حضرتى الى الوطن
وخرجتي منها
ولكن ابتساماتك ستظل دوحة فى سوداننا التحفة
وحمدلله على السلامة وانتى فى واشطن دي سي
تهانيننا الشاردة الى سارة على
ونتمني ليها زيارة للوطن
ــــــــــــــــــــــــــــــ مع امنياتى لك بخالص التهانى القلبية المرحفة
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: Kostawi)
|
Quote: أكتر حاجة أسرتني الزول الرغم الظروف وايقاع الحياة المتسارع يكلف نفسه ويجي يسلم عليك ويرحب بيك ...انا مدينة للكثيرين ... |
لكم كرهت نفسى يا حنين ياخ انا طلعت اى كلام والله
______________________ اسالى إنعام حيمورة بتوريك تعاستى قدر شنو
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: شول اشوانق دينق)
|
Quote: لكم كرهت نفسى يا حنين ياخ انا طلعت اى كلام والله |
شول والله ازعل منك، ياخي الناس ظروف وانا بي نفسي شفت الحياة ايقاعها متسارع كيف في السودان، ومتأكدة انه في ناس كتيرة جدا احمل لهم ويحملون لي الود، ربنا ماسهل انه نتلاقى او انهم يتصلوا بي.. كالاخ " تبلدينا" مثلا، ولا احمل في نفسي تجاههم الا الشعور باني ما محظوظة اني الاقيهم وانه اجازتي وزيارتي للسودان ناقصة بعدم شوفتهم..لكم جميعا تحياتي واحترامي..
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: حنين للبلد)
|
Quote: شول والله ازعل منك، |
دابك الكتبتى لى روشتة إنتحار رسمى وشعبى. عدم شوفة وزعلة كمان ياخ صعب شديد عشان كده ما تزعلى منى سمح؟
بت الشيخ كان بتقول شنو فى المواقف الزى ده؟ آآآآآآآآى إتذكرت كانت بتقول: الليلة ووووووووووووووووووووووووووووب الليلة ووووووووووووووووووووووووووووب
الزعل ممنوع ياخ ... بس انا زعلان من روحى شديد والله شديد
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: حنين للبلد)
|
حنين للوطن
انت سافرتى وتركتى
وراك احلى ايام
ويا ما الايام ..شهد
والناس تشهد ليك بكل حواسهم
يا غالية..
بت بلدى فتونة خجولة *** ادعو لى ربي ليك اعود
بخور الصندل وتوب الفركة *** ورقصة هجوري وسط العود
يا اغلى انسان فى شرف العزة *** احبك دائما بلا محدود
مع تحياتي: ذواليــــــــــــــــــــ سليمان ــــــــــد
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: عزاز شامي)
|
حنين للبلد حمدا لله علي سلامة الوصول ,,,
رغم قصر اجازتك ومشغولياتك وسفرك لخارج الخرطوم ,,,,
اننا استمتعنا بلحظات لقياك ,,,رغم انها قصيرة قصيرة ,,,
والي عوده ,,
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: العوض المسلمي)
|
Quote: حنين للبلد حمدا لله علي سلامة الوصول ,,,
رغم قصر اجازتك ومشغولياتك وسفرك لخارج الخرطوم ,,,,
اننا استمتعنا بلحظات لقياك ,,,رغم انها قصيرة قصيرة ,,,
والي عوده ,, |
شكرا العوض المسلمي ..كل كلمات الشكر لن توفيك حقك..مقدرة وممتنة لكل ماقمت به من استقبال وترحيب لشخصي المتواضع....لي عودة ايضا.
* اليوم داك انشاء الله مافي عوجة
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: العوض المسلمي)
|
Quote: يا ستنا...الله يسلمك اجازة فعلا كانت حلوة..والتقيت بي ناس ما اظن لو ما منبر بكري ابوبكر كان التقي بيهم.... الإجازة الجاية مفكرين نجيكم اها كيف؟؟ |
ياريت يا حنين وياريت لو في الربيع ولا الصيف .. متأكده ههاننبسط كلنا..ربنا باذنه تعالي يديم العشرة الطيبة..
ومن اسه..نزولك معاي أنا بس.. اتفقنا؟؟
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: Muna Khugali)
|
Quote: ياريت يا حنين وياريت لو في الربيع ولا الصيف .. متأكده ههاننبسط كلنا..ربنا باذنه تعالي يديم العشرة الطيبة..
ومن اسه..نزولك معاي أنا بس.. اتفقنا؟؟ |
اتفقنا...كمان لو بقت معانا عزاز الشامي وسارة علي تبقى إجازة ماحصلت..
* بالجد اتمنى انه الفرصة تتيح لي انه اتعرف عليكم بنات خوجلي جميعا...معرفتكم كنز.
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: حنين للبلد)
|
كرمك واجب أين ماحللتي ونزلتي سهلا
وحق على الناس إكرام الكريم قد عَهِدناك أهل للخلق الكريم والظل الخفيف حلوة عشرة وطيبة خاطر وقد نال شخصك من أسمك قبس نور
فلك منا أختي الفاضلة كل التقدير ونصيحتنا لك حافظي على هذا النمط من سير حياتك وأوعي من الدقداق تظفري
لك التحية والتقدير
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: خالد علي محجوب المنسي)
|
Quote: من لا يشكر الناس لا يشكر الله
و الف حمدلله على السلامة يا حنونة و ان شاء الله تكوني لقيتي الاهل طيبين انتي بتستاهلي الخير و اهل الخرطوم كرام و حنينين ان شاء الله تتلاقو تاني في ساعة خير |
عزوزتي...لو في شكر اشكر الله على صداقتك لي ياحبيبة... بشجعك تمشي السودان زيارة بالجد حتسعدي شديد...
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: خالد علي محجوب المنسي)
|
Quote: كرمك واجب أين ماحللتي ونزلتي سهلا
وحق على الناس إكرام الكريم قد عَهِدناك أهل للخلق الكريم والظل الخفيف حلوة عشرة وطيبة خاطر وقد نال شخصك من أسمك قبس نور
فلك منا أختي الفاضلة كل التقدير ونصيحتنا لك حافظي على هذا النمط من سير حياتك وأوعي من الدقداق تظفري
لك التحية والتقدير |
الاخ خالد...ياخي ده كلام حلو شديد ويفرح....اتمنى اكون قدره.
| |
|
|
|
|
|
|
Re: الخرطوم....الدوحة... تشكرات بقدر الإكرام (Re: حنين للبلد)
|
يا حنين ياخ!!!
ما حتقدري تتخيلي زيارتك دي كانت شنو بالنسبة لي ولسة بيناتنا حديث
ياخ مشتاقة ليك شوق!
شكراً على أي زمن جميل قضيناه سوا تعرفي ؟؟ شوفتك كانت مهمة بالنسبة لي
وجات في زمن أنا فعلاً محتاجاك
تسلمي ياخ
كسرررررةةة وراء وراء وراء لحدي فادية اليمني
| |
|
|
|
|
|
|
|