صورة الموسم

Quote: احتمال تامبا نظر ضعف فى منفاه الاجباري

جربت كل الاحتمالات الممكنة ..
ختيت مساحة لي حاجات الآخــر حسب مفاهيم الجبهة الديمقراطية .. برضك غلبني ..
ختيت احتمالات انو تراجي ساحرة .. مع انها من ناحية ساحرة دي ساحرة ونص وخمسة .. والله ما تشوف فصاحتي دي مرات بتجيني تجليات كدا بقوم بتصل علي تراجي في محاولات لي رفع ضغطها .. تصدق يا تنقا بعد تنتهي المكالمة بحس انو الزولة دي سحرتني .. لكن حسع الكلام دا لو ما انت زاتو ما بقولو لي زول ..
شمس الدين السنوسني قلبو ابيض وزولا طيب وعادي جدا ممكن تراجي تجازفو .. لكن كمان الشترا دي ختته ليهو بي وضوح في حتة بريمة دي وضغطت عليهو هههههه
عمر منصور دا زول فنان من يومو والفنانين طبعا عندهم نظرة ميتافيزيقية للاشياء احتمال عمر دا يكون نظر للجانب الفني في تراجي .. واتعامل معاهو .. من الناحية دي .. وهي ضربت ليهو في نفس السلم .. مع اني اشك انو تراجي بي صوته السمح دا بتعرف تغني ..

غايتو يا تنقا انا لحدت الآن واضع بعض المبررات لي ياسر اب تفه .. الزول دا ما تضغطو عليهو .. احتمال كبير الصورة دي اتخذت تحت ظروف محددة او كمان تراجي تكون دردقتو ..

يا ياسر ياخ عليك الله تعال طلعني من الدوامة دي

ياخ إنت لو سمعت الزول اللاقاني في الطريق قال لي شنو عنك بخصوص الصورة دي ، كان فتحت ليك بوست اعتذار لي الناس دي كلها ..
برسل تحياتي لي تراجي .. ولي عمر منصور ولي شمس الدين ..
ما بقدر اعمل اي كومينت في الوقت الحالي لي ياسر طيفور ما لم يجي يوريني الصورة دي اخده تحت اي ظرف .. انا المسالة دي ما واقعة لي والله حاسس انو دا ما ياسر طيفور ما عارف لييه قلبي بقول لي كدا
الزول دا مظلوم يا جماعة

ياسر عليك دينك دا انته ؟؟