|
|
 دكين ألحق المدام إتصلت تلفون
|
الشباب مجتمعين على طربيزة الكوتشينة في أحد النوادي العامة ورن جرس الجوال ( رن رن رررررررررررن رن )
واحد صاحبنا معزور كدا مسك الجوال وشغل الاسبيكر ( مكبر الصوت ) أصلو مافاضي مغلوب مرتين وعايز اتسده غلبتو دي .....
ورد صاحبنا : آلوو
وجاء صوت أمراة : كيفك يا أبو أولادي دي أنا , أنت في النادي ؟
صاحبنا بفرحة كدا : أيوه 
ردت : أنا في السوق وفي بالطو جلد بني خطييييييير عجبني وبـ 500 ألف جنيه بس . أشتريهو ؟
وَلَّع صاحبنا سجارة بمزاااااااااج ورد عليها : إذا عاجبك شديد كدا اشتريهو ..
قالت ليهو : طيب لقيت خاتم سوليتيير يجنن بمليون ونص !! أخدو ؟؟
رد عليها : مايغلى عليكي .. أخديهو ...
وببهجة كدا قالت : مريت على وكاله مرسيدس كدا وشفت موديلات 2007 وشفت لي عربية WOW تهبل وعاجباني ( أصلو المره دي شكلها بتحب سواقت العربات الفخمة ) ....
صاحبنا بفنجرية كدا قال ليها : بكم سعرها ؟
ردت عليهو : بـ 150 مليون ونص
وقال ليها وهو يبتسم : حلو جداً اشتريها
وأضافت : حلو .... طيب آخر حاجة .... تتذكر البيت الكنا عايزين نشتريهو السنة الفاتت ؟؟؟...
لقيتو معروض للبيع للمرة التانية وسعرو خرافي بـ 800 مليون بس رأيك شنو؟
صاحبنا باستمخاخ كدا قال ليها : طيب أحجزيهو وأبدي إجراءاتو لو وافقوا يبعوهو لينا بـ 750 مليون إكون أحسن .
ختم كلامها : أوكى ...يلا أكلمك بعدين
صاحبنا بحنكشة : يلا باي ...
و قفل الجوال لقا كل الفي الغرفه يعاينو ليهو بأندهاش واستغراب للأرقام الفلكية الطلبتها زوجتو
قام و سأل الشباب بكل براءه :
يا شباب صاحب الجوال دا منو مرتو كانت عايزاهو ....!!!!!!
تخيلوا أنه دكين صديقي صاحب الجوال و اللي رد عليه حمد صاحبي ، حيمشي وين ؟؟؟؟
بالمناسبة الولية اشترت كل الحاجات بالضمان البنكي بتاع زوجها ( صاحب الجوال )
طلبات الزوجات كثيرة فمنها ما هو منطقي ومنها ماهو ضروري ومنها ماهو بكش وحنكشة ساااااااي .........
____
منقول بتصرف ..
|
|
 
|
|
|
|
|
|
|
 Re: دكين ألحق المدام إتصلت تلفون (Re: معتز القريش)
|
| Quote: دكين ألحق المدام إتصلت تلفون |
والله ماعرفنا دكين ده نهنيوه بالعرس ولا الموضوع مقلب ولا عنده هسي أولاد عشان مرة واحدة نبارك ليه في البوست ده ...ما في داعي تعمل ليه يا فيصل بوست تاني...أجمع التهاني كلها مرة واااحدة
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
نوبي
وحاتك مافهمتا القصة شنو..
يعني انتا حلمتا انو انا بقيت غنيان؟؟
ولا حلمتا اني عرستا بت ناس ابو العلا وكلاء المرسيدس؟؟
الشي البقدر اقولو ليك انو انا لو عرستا كتشينتي بلعبها مع المدام..
| |
|
|
|
|
|
|
|
|
 Re: دكين ألحق المدام إتصلت تلفون (Re: DKEEN)
|
دكين
يا صاحبي
ليه ما يتلمن عليك كلهن
تعرس بت ابو العلاء و تبقا غنيان و توزع لي ناس حمد سيارات في عيد ميلادهم كمان
______________
| Quote: الشي البقدر اقولو ليك انو انا لو عرستا كتشينتي بلعبها مع المدام.. |
وقعت في الكمين يا صديقي
تاني ما تفكها في اساسي حامضة
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
الحاجة البعرفها لو مراة دكين اتصلت علي جواله تسال من حاجة بيكون السؤال
في اكل ولا مافي يا دكين .
اخوكم دكين حتي الان مغروض ليهو في اطناشر الف ريال
وقت كلكم جيتو البوست علي حس دكين
خليكم جدعان للنهاية وتعالوا كلنا كدا نختها لي عزيزنا دكين
كل واحد او واحدة فيكم تستنفر ضميرها وتطلع قرشين ينفعوا اخوكم دكين البرسم في شفاهكم البهجة
وانتو ما عارفين الظرف الحرج البيمر بيهو
دا رقم حسابي في البنك يا اريت تحولوا البتقدروا عليهو وانا بجمعها كلها في ظرف وبرسلها ليهو 033100421
من اجل ان يتحقق حلم دكين في بناء اسرة عادية زيه زي البني ادمين فالزمن بقي ما بيرحم
ودكين ما صغير بعد كدا
سبعة الاف تقش دميعات بت شمبات ويقر فؤاد ام دكين التي قارب عشمها ان ينقطع في رؤية احفادها لابنهاء
دكين بحاجة لانسانيتكم
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
| Quote: يا خال دكين ده مليونير بالبسمة التي يزرعها في وجوه الاعداء و الاصدقاء |
يا فيصل كان هو غنيان طيب صاحبو ساسي عامل ليهو "صندوق" ليه مرة 12 الف ومرة 7 الف ..؟ والمشكلة ما معروف هل تزوج ام لسه ؟؟ بس ما عارف ليه رقم الحساب مافيه ما يثبت انو دة حساب دكيين ؟؟ فاتتنا حكاية عرس بالصندوق وقعدنا نكع كام سنة غربة عشان نتاهل ؟(دة كان زمان اوي)
| |
|
|
|
|
|
|
|
|
|
Re: دكين ألحق المدام إتصلت تلفون (Re: abubakr)
|
يا خال ابوبكر
سلامات
الزمن ده البنيات ما محتاجات صندوق
علي قفا من يشيل ..
___
اساسي من هسي مفروض يفتش عريس للبنية
يا حبيب قال ليك أخطب لي بتك و انسي ولدكـ ..
أساسي تدفعو مهر كم و نديكم احمد
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
نوبي واساسي
قصة المرة دي ماتحكوها شديد عشان ماتفك فيكم الكي بورد زي مافكتها فيني امس بالليل
الكي بورد قريب والمرة اقرب..
ماتشوف البسمات الكتيرة دي يا اسئس
والله دي حلبية جدها كان تاجر بارود..
قرض على القتو ليك واعمل نايم..
سلمى صبحي
ياخي باركي ساي..بعدين ياخي نحنا ناقصين شفع
ماكفاية العرسناها دي..
| |
|
|
|
|
|
|
|
|
|
Re: دكين ألحق المدام إتصلت تلفون (Re: Nadia Elsir)
|
نادية ..
إغتيال شنو يا لذيذة
دكين ده يغتالو ليو شنو ؟؟
دكين بيجي يوم القيامة شايل ميزان حسنات ساااااااااااااي * ؛
إذن يا عزيزتي
من هسي حسني علاقاتك مع دكين
و كوني ممن يطولهم حب العبد لله دكين ود نوره ..
هذا الدكين من عباد الله الذين اذا احبهم الله حبب فيهم خلقه ..
لن و لا نستطيع اغتيال شخصيته المغتالة اصلا لاننا نحبه
فهمتي حاجة ؟ ولا انا ..
_
سااااااااااااااااي دي لقيتا كتيرة في المنبر قلت أقشر بيها .
| |
|
|
|
|
|
|
|
|
|
Re: دكين ألحق المدام إتصلت تلفون (Re: waleedi399)
|
Quote: ودهشة اللقاء وعبرات الشوق
تنادي |
وليد تلاتة تسعتين ..
وليد تلاتة تسعتين
وينك يا وليد زايغ .. ألم يفرج عنك بعد .. أساسى أخلى سبيله بعد شهرين!
شنو يانوبى جهجهتونا بعرس الوغد .. تانى الواحد ما بصدقو إلا يجيب لينا صورة الزفاف أو يولع لينا حفرة دخان فى نص المنبر دا
| |
|
|
|
|
|
|
|
|
 Re: دكين ألحق المدام إتصلت تلفون (Re: waleedi399)
|
وليد يا صديقي
ابو إيمان ..
تخذلني الحروف
لم اجد الجراءة الكافية للاتصال ..
لم أتوقع وجودكـ هنا و إن كنت أتمناه ..
مفاجاءة و يا لها من مفاجاءة ..
_________
أتمني ان تجد لي العذر يا صديقي ..
قراءت مدخلك الي المنبر بعد طول غيبة و لكني لم أجد الشجاعة الكافية ايضا للكتابة هناك..
تحياتي الي أختي أم إيمان.
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
فيصل ما تخلي صاحبك دا يعيش في احلام يقظة سااااي  ياخي
اسمع الشمار دا
الخميس الفات زولك قام ساق جيهتو و مشي يتقدم لي واحدة جديدة
طلعت البت بتطالع سودانيز و بتقرا بوستات الدخاخين و السراير و البرتكان
اها لما شافت دكين قداما طوالي عرفتو من صورتو الكتو خاتنها انتا و الطاهر ديك
البت حلفت بالتلاتة و قالت انا مالي و مال شيل الحال و الفضايح
الناس كلها حتعرف انا مدخنة متين
انا ما اتحننتا متين
لون مخدتي زي شنو
و برقد في السرير بي ياتو جهة
و ما عارف شنو
بس خجلت ما تقول باقي الحاجات
| |
|
|
|
|
|
|
|
|
|
Re: دكين ألحق المدام إتصلت تلفون (Re: حمد فتح الرحمن)
|
ياحمد
من الواضح انو ثقافتك الزوجية ضحلة ياعريس..
منو القال ليك انو المرة مابتكون عايزة تقشر بي دخانها وحنتها ..والناس تراها في كامل بهائها
عمرك سمعتا بي الدخان السري والحنة السرية..
الدخان والحنة اشياء علنية كوجه النهار ياضحل..
تراها في بيوت الاعراس والمناسبات والزيارات العائلية..
خذها مني وانا اخوك ..
ليس المهم عند المرة انها اتدخنت متين واتحننت متين..
المهم عندها :
اتدخنت لي منو واتحننت لي منو والمخدة زهرية سيدها منو..
| |
|
|
|
|
|
|
|
|
|
Re: دكين ألحق المدام إتصلت تلفون (Re: DKEEN)
|
ما سكت عنه حمد يا دكين انها خافت ان يتهامس جميع المنبريين وزوار ومتصفحين الموقع عن البرتكان الذي يخصها
خافت علي برتقالها ان يلاك علي الالسنة والشفاه العامة , وكلنا يعلم ولعك بالاماكن والمناظر وعبد الحليم
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
و برضو يا اساسي تخيل انو الزولة دي ابوها و اخوانا و ناس حلتم بقروا البورد
و جا يوم صاحبنا دا كان مبسوط منها ليلة امس
و قام نزل ليه واحد من البوستات الياها ديك
البت دي بكون موقفا شنو قدام اخوانا
يعني ما تواجهه ابوها الا بعد البوست يصل الصفحة السابعة ولا كيف يعني
و تخيل يجو ناس من نوعية نوبي و من على شالته و يجككو في البوست زي ما حصل مع النوار
معناه البنية ما تشوف ابوها شهرين كدا
طيب قوم تاني بعد شهرين اخونا انبسط منها امس و كدا
توش عمل بوست تاني اترفع شهر
حتفضل الزولة خجلانة و مضارية من ابوها شهر تاني
طيب يعني زولتنا حتقعد في الحالة دي لمتين
و لو قامت فكرت انها ما تبسطو عشان شيل الحال و الفضايح دي
بكرة زولك بنزل فيها بوست انت يا الما اتحننتي و يا لما اتكبرتي
و تقعد تاني في الخجل من اخواتا و من النسوان و تقعد في المضايرة .
موش بلاهي اخير تاخدا من قصيرا و تبعد من الشر و تغنيلو .
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
Quote: ما سكت عنه حمد يا دكين انها خافت ان يتهامس جميع المنبريين وزوار ومتصفحين الموقع عن البرتكان الذي يخصها
خافت علي برتقالها ان يلاك علي الالسنة والشفاه العامة |
ولاننا كنا الاحرف في سبر اغوار نفسيات البشرية ..
فقد حددنا لهم- بما ظللنا نرسمه في هذا المنبر - مايمكن ان يتخيلوه فقط ..
إن ماتم طرحة عى انظاركم سادتي فقراء الخيال عن احوال النوار والدخان هو فقط الجزء الظاهر من جبل الجليد..
انما طرحنا على العامة مايفعله العامة امثال اساسي وحمد وغيرهم من الإلمنتريين في علم شؤن البرتقال..
وهي اشياء يتخيلها الجميع في جميع النساء اللوائي دخلن سلك الزوجية حديثاً..
غن ماخفي لدينا في علم النوار ومالا نستطيع إظهارة على العوام قد اوردنا ذكره في منشورنا(وليمة السمبر)
ملاحظة سغمبروتة لوجه النهار:
ُيُظن اساسي وحمد ان حالة كون المرء غير دكين يمنع الناس والبورداباب من الهمس عن برتكان الزوجة..
وان الالسنة في حالة كون المرء غير دكين لا تلوك الالسنة سيرة برتقالها النضر ورائحتها العطرة..
ولا املك ان اقول لمن يظن مثل هذه الظنون إلا :
حليلكم..
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
Quote: دكين سؤال:
كلام اساسي و حمد ديل صاح؟
عشان الواحد يقدر يعرف يديك اخته ولا لا . |
نوبي صدقني وانا اخوك..
انا احسن زول ممكن يعرس اختك ..
في الحقيقة انا احسن زول ممكن يعرس اخواتكم انتو التلاتة..
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
| Quote: عشان الواحد يقدر يعرف يديك اخته ولا لا . |
نوبي الله يكرمك زمان كان عندنا واحد في البلد خطر جدا
بعدين زوجتو لما تجي الصباح السوق و هي رابطة راسا الجماعة كلهم يقعدو يضحكو و يتغامزوا
يوم البت دي تجي بالحالة دي اخوانا يومين كدا بكونو مجليين السوق
اها اسة انتا لو ما عايز تاني تخش البورد اديه اختك
او اربط ليك وش حديد و تعال اتفاصح مع الناس
| |
|
|
|
|
|
|
|
|
|
Re: دكين ألحق المدام إتصلت تلفون (Re: حمد فتح الرحمن)
|
حمد
زولتكم دي بتربط راسها ..
عندنا في الحلة واحدة بتكون ما بتتحرك من البيت يومين نسبة لعسر الحركة ..
طبعا نسوان الحلة بيتلمن في كشك الخدار ( الجزر ) من الصباح ..
اها يفقدنها ليكـ و الشمارات تدور 
صاحبكـ عمل ما شايف سؤالي الفوق
بما أنه تجاهل سؤالي .. و ما عندنا بنات للعرس
ياها فد بنية ( أم ريهام ) بالتالي نبداء مسيرة البحث عن زوجة لصديقنا الحميم دكوني
مرة يا حمد كنت بتناقش مع واحدة من بنات البورد في ما آل اليه حال دكين بعد بوست الزواج المضروب و تذكرت أحوال النوار و بعض مما كتبه صديقنا ..
قالت و هي مهمومة و عيناها تدوران في محجريهما ..
قالتها في خجل و .. " دكين ده الا يعرس واحدة من البلد "
قلت ليها بخبث شديد ليه ؟
قالت لي ببراءة
تتذكر البنية حقت البنطون اللي حكي عنها ؟
قلت ليها ايوه ..
قالت لي بس .. دي الوحيدة اللي بتنفع مع دكين
عشان ما بتكون شافت بورد و لا سنعت بي بورد بكري ده ..
-----
بيني و بينكـ كده
دكين ده ( عزيزاتي القاراات ) معظمن باكيات فوقو لكن خايفات من الفضيحة
اها باكيات ليه يا حمد ؟
دكين
ما تردعشان ما تخرمجها
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
نوبي
انتا الظاهر عليك واحد من اتنين
يابقيت ماتشوف
ياكمان ماداير الخير لي اختك..
السؤال رديت عليهو فوق
بس انتا غلبك تشوفو ساااااي او شفتو وعملتا نايم..
Quote: Quote: دكين سؤال:
كلام اساسي و حمد ديل صاح؟
عشان الواحد يقدر يعرف يديك اخته ولا لا . |
نوبي صدقني وانا اخوك..
انا احسن زول ممكن يعرس اختك ..
في الحقيقة انا احسن زول ممكن يعرس اخواتكم انتو التلاتة
| |
|
|
|
|
|
|
|
|
|
Re: دكين ألحق المدام إتصلت تلفون (Re: DKEEN)
|
عشان كل شهر تتسلف من واحد فينا موش
و لا تعمل لينا زي قصة الزول الكان بسكر مع نسايبو ملح و قررو يجلوهو
تجي تختها لينا هنا في البورد
يا هوي تسلفوني و لا الواحد يقوم يخش على جوة
و نقعد نحنا في الشهر دا عليك يا نوبي
و لا يا اساسي انتا الشهر الفات ما سلفتو
و يا حمد و الله انا الشهر دا مخصوم من راتبي عليك الله سلف لي العفين دا بدلي
و في النهاية نربط ليك سلفية كل واحد شهريا الف ريال
موش ؟
معليش و الله يا دكين انا اخواتي كلهن اتزوجن
و بناتن كمان محجوزات من زمان خلاص
| |
|
|
|
|
|
|
|
|
|
Re: دكين ألحق المدام إتصلت تلفون (Re: فيصل نوبي)
|
غاينو يا فيصل نوبى بتريد الشمارات زى عيونك
الواحد ما يفتح الاسبيكر قدامكم والا شنو؟
ما قلنا ليك استرنا
هسه بنات البورد حا يعذيونى بالاتصالات
وانا ما بقدر اجكس الكم الهائل ده
اقول ليك شنو بالغت غايتو!!!!
قال دكين... والله دكين لو قالت ليه جيب بامبرز كان قفل الخط
مش يا حمد فتح الرحمن،،،،
| |
|
|
|
|
|
|
|
|
|
Re: دكين ألحق المدام إتصلت تلفون (Re: خالدة البدوي)
|
يا خالدة سلامات
دكين صديقنا بطبعه ملول
و يحب التغيير
استايل شنو اللي بينفع معاو
ذكرتيني نكتة حكتها صديقة هنا في المنبر منذ أمد
___________
يحكي انه في الحلة كان في تور
يجيبو ليو البقرة عشان يعشرها و بعد ما تطلع منه يقوم يجيبو ليو ياكل
يخلص الاكل يجيبيو ليو بقرة تانية ... و هكذا دواليك
واحدة من نساء الحلة قامت مشت البيت و جهزت صينية كاربة لبعلها المصون
و بعد الاكل ذهبا الي حيث تم الجماع .. ومن ثم تنحي جانبا
نهضت و أتت اليه بصينية تانية مكربة .. قام بالصينية التانية ..
و حرمه المصون في انتظار الجماع الثاني .. و لكنه لم يفعل
قامت الشكلة .. و صرخت في وجهه ما شفت تور ناس فلان
صاحبنا اتمغ في السرير و قال ليها بكل برود التور بيبدلو ليو البقرة ...
| |
|
|
|
|
|
|
|
|
|
Re: دكين ألحق المدام إتصلت تلفون (Re: DKEEN)
|
يا وغد قلنا ليك بنية واحدة ما عندنا غيرها
انت بتفهم بي وين
بعدين ..
ما دمت انت صابر و محتسب الي الان
ذد في صبركـ و قدم الخير لابو إيمان عسي و لعل ان تحظي بها ..
من هنا الي ان يرضي عنكـ الوليد 399 .. عليك بجمع المال قناطير مقنطرة
حتي اذا اتصلت ايمان تلفونيا .. يستطيع حمد الرد عليها و تبذير بعض مما عندكـ" باعتبار ما سيكون "
| |
|
|
|
|
|
|
| |
فيصل نوبي
salma subhi
حيدر حسن ميرغني
abubakr
معتز القريش
اساسي
waleedi399
حمد فتح الرحمن
صديق الموج
خالدة البدوي
... هسه عليك الله يا دكين نوبي وحمد واساسي ديل راجيهم يعرسوا ليك ، يا فردة كان عايز تعرس ماتباري ليك جنس خشن باري الجنس اللطيف بجيب ليك النسيم البارد مش حرارة الشمس ، هسه شوف أنا عرفت ليك واحدة كده اسمها منى خوجلي بتكتب معانا هنا في المنبر ده ، غايتو ما بعرف ساكنه وين في السودان ولا بت منو ولا جنسها شنو بس إتلبطه ليك فيها ساكت ورسلت ليها إيميل وصاحبتها ليك أها أمس مشيت ليها البيت وقلت ليها يامنى يا اختي انا عايز أعرس ، اها كده شوفي لي واحدة سميحة كده تشبهك ويا ريت تكون بنتك والله يا دكين عندها بنت شرط ، أها قالت لي والله آية دي ما بتغلى عيلك بس خلاص عرسوها وهسه كمات قربت تلد . بعد شوية كده قالت لي والله ياعماد يا اخوي أنا عندي بنات أخواتي كتاااار ( ماشاء الله ) في بنات ماجدة وبنات مديحة وبنات منال أها أديك من ياتو واحده فيهم قلت ليها يامنو البجي منك كل حلو بس إنت إختاري لي وطالما هم بنات اخواتك أكيد بكونوا شرط ذي بتك دي بس كده أبدي لي بي بنات منال دي النشوفن .. أها جابت لي اثنين كده حاجة ما تخلص . واحده اسمها ريهام والثانية ميريهان .. غايتو يا دكين التقول تومات شبه فظيع وحاجة كده . أها يازول من ما شفت ليك البنية ريهام 
فيس بوك
تويتر
انستقرام
يوتيوب
بنتيريست